ƐZƖRA 7:10 - WƖA TENIŊ

¹⁰ Ɛzɩra fa joŋ ʋ tɩtɩa hɛ La TƖƖNA wombie-la lɛ nɛ, a gʋgʋnnɛba, a tuto ba, a dɩdagɛ Iziral tɩŋŋaa niiri-la arɩ wombie-la kala.

ƐZƖRA 7:10 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 29:18

La TƖƖNA sɩ ŋaa la naabalɩma Abɩraham, Aɩzɩk, arɩ Jekɔb ba Wɩa, leŋ dɩ ŋ nɩaa kɛŋ tʋɔŋ deeŋ doho, a kɛŋ wʋtɩtɩɩ arɩŋ a kaa mʋ wuu.

2 IZIRAL TƖŊŊAA NAABARƖŊ 12:14

Rihobuam fa ŋaa wʋbɔŋŋɔɔ nɛ, bɛɛ wɩaa ʋ fa bɩ La TƖƖNA to arɩ ʋ tʋɔŋ kala.

2 IZIRAL TƖŊŊAA NAABARƖŊ 19:3

Ama arɩ ŋɩɩ kala, ŋ ha ŋaa wʋzɔŋŋɔɔ mʋa nɛ. Ŋ sɩ chei vene-la ba sɩɩ yɩrɛ Asɩra daasɩŋ Juda tinteeŋ lɛ, aŋ kɛŋ ŋ tʋɔŋ a to Wɩa.”

2 IZIRAL TƖŊŊAA NAABARƖŊ 30:22

Ŋɩɩ nɛ Hezikaaya bʋl wɩaa a nyaasɛ Levi doho nɩalɩŋ nyuŋ arɩ ba sɩ wuo kɛŋ jɩma a laa ba sɩpaaŋ ba dɛnnɛ La TƖƖNA. Tapʋlɩa-la balɩpɛ ba sɩ gbieli gbiele-la a sʋl nii-magɛ dɔŋɔ Wɩɩsʋlʋŋ, ba dii kʋdiilee nɛ aŋ dɛnnɛ La TƖƖNA, ba naabalɩmaba Wɩa.

ƐZƖRA 7:11

Teŋ-la kuoro Atazɛzɛs sɩ ŋmʋnsa joŋ dɔŋɔ pɩ Ɛzɩra nɛ ŋ-la. Ɛzɩra fa ŋaa Wɩɩsʋllɩ sɩpaalaarʋ nɛ, a dɩdagɛ nɩaa, a jɩŋ La TƖƖNA, Iziral tɩŋŋaa Wɩa wʋdagaa arɩ ʋ niiriŋ woruŋ:

ƐZƖRA 7:25

Ŋ-na Ɛzɩra, kɛŋ wʋjɩmɩɩ-la Wɩa sɩ joŋo pɩŋ, a lɩɩsɛ tɩntɩnnɩ-hɩasɩŋ arɩ sarɩya diiree dɩ ba bibeŋ Yufireti wɩɩjʋʋlʋŋ dɩɩrɩŋ tinteeŋ nɩalɩŋ sɩɩ to ŋ Wɩa wombiee. Ʋ maga ŋ dagɛ nɩalɩŋ kala sɩ bɩ Wɩa wombie-la jɩŋ.

ƐZƖRA 7:6

Ɛzɩra deeŋ lɩɩ Babɩlɔŋ nɛ a kɔ Jerusalɛm. Ʋ faa dagɛ nɩaa nɛ, a jɩŋ wombie-la La TƖƖNA, Iziral tɩŋŋaa Wɩa sɩ joŋo dagɛ Mosis ʋ ŋmʋnsa bil dɩ la tuto woruŋ. Kuoro fa pʋ kʋŋkala ʋ sɩ pɩɛsaa chɛ nɛ, bɛɛ wɩaa, ʋ Tɩɩna Wɩa fa chɩŋ ʋ harɩŋ nɛ.

JOB 11:13

Ama dɩ ŋ nɛ joŋ ŋ tʋɔŋ kala pɩ Wɩa, a kɛŋ ŋ nɩsaa je a chʋɔlʋ,

WƖA YƖƖLAA 1:2

Ba-na tʋɔtɔrʋŋ nɛ dɩ ba to La Tɩɩna wombiiŋ, a kɛŋ wombii-la wɩaa chʋchɔgɩsɛ ba tʋɔŋ lɛ wɩɩhɛyɛ arɩ tɩtaŋɩŋ kala.

WƖA YƖƖLAA 10:17

Ŋ nɩɩ nɩalɩŋ sɩɩ na hɛɛŋ nii-ŋmobo nɛ, a ŋaa wɩɩ-la ba sɩɩ chɛ a leŋ ba nyuŋ nyaasɛ.

WƖA YƖƖLAA 119:112

Mɩ kɛŋ mɩ tʋɔŋ dɩ mɩ to wɩalɩŋ ŋ sɩ daga nɛ, a kaa mʋ mɩ mɩɩsɩŋ dɩdɛrɩŋ.

WƖA YƖƖLAA 119:45

Mɩ jaŋ gɔllɔ ta jɩa, a tɩŋ mɩ sɩɩ to ŋ wʋdagaa wɩaa.

WƖA YƖƖLAA 19:7

La Tɩɩna wombiee ʋ sɩ bile dɩ la tuto chaasa zɔŋ nɛ, a pɩpɩla dol-falɩŋ. Wɩalɩŋ La Tɩɩna sɩ daga ŋaa wɩa ŋ sɩ jaŋ wuo joŋ ŋ yɩɛlaa hɛ nɛ. Ba nɩɩ pɩ nɩalɩŋ sɩ bɩ wɩaa jɩŋ woruŋ wʋjɩmɩŋ.

WƖA YƖƖLAA 57:7

Mɩ tʋɔbɩɩnaa chaasa chɩŋ nɛ, Wɩa, mɩ tʋɔbɩɩnaa chaasa chɩŋ nɛ. Mɩ jaŋ du kɩaa a yɩɩ yɩɩlaa a dɛnnɩŋ.

MALAKAƖ 2:7

Ma Wɩɩsʋllɩ sɩpaalaaraa nɛ maga dɩ ma dagɛ nɩaa dɩ ba jɩŋ mɩ wɩaa. Nɩaa maga dɩ ba kɔ ma teeŋ nɛ a gʋnnɛ wɩalɩŋ mɩ sɩɩ chɛ dɩ ba jɩŋ, bɛɛ wɩaa ma nɛ ŋaa mɩ-na ma TƖƖNA doluŋ kala Tɩɩna tɩndaaraa.

Matiu 5:19

Ŋɩɩ wɩaa nɩɩ-la kala sɩ keri wɩalɩŋ mʋa ma ta aŋ dagɛ ʋ dɔnsʋŋ tɩŋŋaa dɩ ba to ŋɩɩ, ʋ tɩɩna nɛ jaŋ ŋaa nɩ-bie Wɩa kuorii-la tʋɔŋ. Nɩɩ-la ma kala sɩɩ to wɩalɩŋ a dagɛ ʋ dɔnsʋŋ tɩŋŋaa dɩ ba ma to ŋɩɩ tɩtɩa, ʋ tɩɩna jaŋ yʋgɛ Wɩa kuorii-la tʋɔŋ.

Matiu 7:24

Yesu bɩra sɩ, “Nɩɩ-la kala sɩ kɔ mɩ teeŋ a jegile nɩɩ mɩ niiŋ wɩaa deemba mɩ sɩ bʋla pɩma a tutoba, mɩ jaŋ dagɛma ŋɩɩ ʋ sɩ naga. Ʋ nagɛ wʋjɩnna sɩ saa ʋ dɩa nɛ. Ʋ saaʋ kpagɩnyɩlɩŋ nyuŋ nɛ.

Jɔɔŋ 13:17

Ma lɛɛlɛ sɩ jɩŋ wɩaa deemba ŋɩɩ, dɩ ma nɩɩ ŋaaba, ma jaŋ kɛŋ tʋɔtɔrʋŋ.

Tɩntɩŋŋaa 1:1

Mɩ nandɔŋɔ Tɩafɩlos, mɩ-na Luuk laa sɩpaaŋ ŋmʋnsɛ teniŋ a pɩŋ nɛ. Teŋ-la lɛ mɩ dagɛ wɩalɩŋ kala Yesu sɩ ŋaa arɩ wɩalɩŋ kala ʋ sɩ daga, bʋa-la lɛ ʋ sɩ suomo tɩtɩŋ ʋ tɩntɩŋŋaa

MOSIS BƖRA WULLI WƖA WOMBIIŊ 16:12

Má jɩŋ arɩ ma fa ŋaa yosi nɛ Ijipiti tinteeŋ lɛ, ŋɩɩ wɩaa má fɩɛlɛ ma sɩaa a to wɩaa deemba mɩ sɩɩ dagɛma.

MOSIS BƖRA WULLI WƖA WOMBIIŊ 33:10

Levi doho nɩaa nɛ yie dagɛ wɩalɩŋ kala ŋ sɩɩ chɛ arɩ ŋ wombiee a pɩ Iziral tɩŋŋaa. Ba nɛ yie nyɩgɛ kʋsʋɔrʋsʋŋ sʋara sɩ sɩma ŋ sɩpaaŋ, aŋ nyɩgɛ kʋnyɩgaa Wɩɩsʋlʋŋ ma ŋ koru-la nyuŋ.

1 Timoti 3:2

Ŋɩɩ wɩaa dɩ nʋʋ nɛ ŋaa Wɩa nɩaa nɩhɩaŋ, ʋ tɩɩna maga dɩ ʋ wʋŋaalaa kala zɔŋ nɛ. Ʋ maga dɩ ʋ kɛŋ ha-bala dʋndʋŋ nɛ. Ʋ maga dɩ ʋ sɩaa fɩɛlɛ, a wuo kɛŋ ʋ tɩtɩa woruŋ dɩ nɩaa zizilu. Ʋ maga dɩ ʋ wuo laa nʋhʋɔraa ma bibil ʋ dɩa lɛ a wuo dɩdagɛ Wɩa nɩaa woruŋ.

2 Timoti 4:2

bʋl Wɩa wɩaa pɩpɩ nɩaa bʋa na-kala lɛ, dɩ wɩaa zɔmɔ koo dɩ ba lɔrɔ. Kɛmba tʋra kɩɩ, bʋl ba teeŋ, aŋ ŋaa dɩ ba nyuŋ nyaasɛ. Kɛŋ kenyiri a jɩma dɩdagɛba woruŋ.

Taatɩs 2:1

Ama ŋ-na Taatɩs, dɩdagɛ Wɩa wʋtɩtɩɩ-la.

Taatɩs 2:15

Ŋɩɩ wɩaa, joŋ wɩaa deemba a dagɛba, a kɛŋ dol-la Wɩa sɩ joŋo pɩŋ, a bʋl wɩaa nyaasɛ ba nyuŋ, dɩ ba nɛ ŋaa wɩɩ ma chei dɩ ŋ bʋl ba teeŋ. Sɩ́ leŋe dɩ nʋʋkala bee gʋʋnʋŋ.

Jɔɔŋ Wʋnaalaa 22:14

Nɩalɩŋ sɩɩ to Wɩa wɩaa, Wɩa jaŋ pɛ ba lɛ dɩ ba wuo na wombiiŋ a to tabal-la boi-baalaa jʋʋ, a wuo dii tɩa-la sɩɩ pɩ nɩaa mɩɩsɩŋ nɛnɛɛ.

1 SAMƲƐL 7:3

Ŋɩɩ nɛ Samʋɛl fa bʋla pɩ Iziral tɩŋŋaa kala, “Dɩ ma nɩɩ chɛ dɩ ma joŋ ma tʋɔŋ kala a pɩ La TƖƖNA, ŋɩɩ-na má vɩa nɩwogusuŋ vesiŋ arɩ vene-la ba sɩɩ yɩrɛ Asɩtɔrɛf, aŋ joŋ ma tɩtɩa kala a pɩ La TƖƖNA a tuto ʋ dʋndʋŋa. Dɩ ma nɛ ŋaa ŋɩɩ, ʋ jaŋ laama ta Fɩlɩsɩtɩa tɩŋŋaa nɩsɩŋ lɛ.”