ƐZƖRA 6:4 - WƖA TENIŊ

⁴ Má kɛŋ tabɩɩ-jalaa saa jebii-naasɩŋ batori, a joŋ doloo daŋ bala a pɛ. Chɩŋ-la kala ma sɩ ŋmobo maga ma lɩɩsɛ kuori dɩa dʋa tʋɔŋ nɛ a tiŋ.

ƐZƖRA 6:4 ပူးပေါင်းရင်းမြစ်များ

1 KUOROO 6:36

Ŋɩɩ nɛ ba kɛŋ tabɩaa ba sɩ wasa ta a saa kaalɩ-bie Wɩa dɩɩ-bal-la sɩpaaŋ. Dɩ ba nɛ saa tie-biee batori na-kala, ba yie joŋ kuolu doloo ma a daŋ bala a golli.

ƐZƖRA 3:7

Ŋɩɩ nɛ ba joŋ moribiee pɩ dɩɩ-saaraa arɩ kapɩntaba, a joŋ kʋdiilee, kʋnyʋalaa arɩ nʋʋŋ pɩ Sɩdɔŋ arɩ Taaya tɩŋŋaa dɩ ba kɛŋ kuolu doloo duori mʋgʋ-balɩŋ a lɩɩ Lɛbanɔŋ a kɔ Jopa, arɩ Pɛsɩa tinteeŋ kuoro Siirus sɩ dagɛ ŋɩɩ.

ƐZƖRA 5:8

Kuoro, laa chɛ dɩ ŋ jɩŋ arɩ la mʋ Juda tinteeŋ sɛmɛ dɔŋɔ nɛ, lee-la ba sɩɩ saa Wɩɩ-balɩŋ dɩɩ-bal-la. Nɩalɩŋ kɛŋ tabɩaa sɩ jalɩa nɛ a sɩsaa a joŋ doloo hɩhɛ jebiee lɛ. Ba fɩɛsɛ sɩɩŋ nɛ a tɩtɩŋ tɩntɩmɩɩ-la ʋ mʋmʋ sɩpaaŋ arɩ ba sɩ dagɛ ŋɩɩ.

ƐZƖRA 6:8

Mɩ bɩraa pɩ ma wombiiŋ daha dɩ ma pɛ Juu tɩŋŋaa nɩhɩasɩ-la lɛ dɩ ba wasa saa Wɩa dɩɩ-bal-la. Chɩŋ-la kala ba sɩ jaŋ ŋmoo, ʋ maga ma lɩɩsɛ lampooba-la ba sɩ laa Yufireti wɩɩjʋʋlʋŋ dɩɩrɩŋ tinteeŋ nɩaa teeŋ a hɛ kuori dɩa dʋa tʋɔŋ a tiŋ ʋ kala, dɩ tɩntɩmɩɩ-la sɩ́ birigu.

WƖA YƖƖLAA 68:29

Ŋaa dɩ kuoroo kɛŋ zile kɩaa kʋ pɩŋ, ŋ dɩɩ-bal-la sɩ hɛ Jerusalɛm lɛ.

WƖA YƖƖLAA 72:10

Leŋ dɩ Taasɩs tinteeŋ kuoroo arɩ tinteye-la nɩaa lɩɩŋ sɩ gollo chu to ʋ niiŋ a tiŋ lampoo a pʋpʋ. Leŋ dɩ tasɩ-la ma ba sɩɩ yɩrɛ Sɛba arɩ Sɩɩba kɛŋ kɩaa kʋ dii zile kuoro lɛ.

AZAAYA 49:23

Kuoroo jaŋ ŋaa nyɩmmaba ŋ teeŋ, dɩ kuori-haalaa ma nagɛ ŋ naamba a bibeniŋ. Ba jaŋ kpirimi ŋ sɩpaaŋ a ziliŋ. Ŋɩɩ lɛ nɛ ŋ jaŋ jɩŋ arɩ mɩ nɛ ŋ Tɩɩna. Nɩalɩŋ sɩ joŋ ba yɩɛlaa hɛ mɩ lɛ bɩ jaŋ dii hɩɩsɩŋ.”

Jɔɔŋ Wʋnaalaa 12:16

Ama tintee-hɩlɩŋ kʋ pɛ haal-la lɛ a joŋ lɩɩ-la sɩ lɩɩ dɩŋ-la niiŋ lɛ kala a nyʋa.