ƐZƖRA 6:16 - WƖA TENIŊ

¹⁶ Ŋɩɩ nɛ Iziral tɩŋŋaa, Wɩɩsʋllɩ sɩpaalaaraa, Levi doho nɩaa arɩ nɩkaana-la kala sɩ lɩɩ yoŋ-baga kɔ, kala gbieli arɩ tʋɔtɔrʋŋ a joŋ Wɩa dɩa-la hɛ Wɩa nɩsɩŋ lɛ.

ƐZƖRA 6:16 ပူးပေါင်းရင်းမြစ်များ

1 KUOROO 8:62

Ŋɩɩ nɛ kuoro Solomoŋ arɩ Iziral tɩŋŋaa kala kpʋ pʋsʋŋ a ŋaa Wɩɩsʋlʋŋ pɩ La TƖƖNA.

1 KUOROO 8:63

Solomoŋ kpʋ nɛ-belliŋ bʋɩ mara arɩ balɩa nɛ, piesee arɩ bʋʋnaa ma bʋɩ zɔlɔ arɩ mara a ŋaa nii-magɛ dɔŋɔ Wɩɩsʋlʋŋ. Ŋɩɩ nɛ Solomoŋ arɩ Iziral tɩŋŋaa kala joŋ La TƖƖNA dɩɩ-bal-la a hɛ ʋ nɩsɩŋ lɛ.

1 IZIRAL TƖŊŊAA NAABARƖŊ 15:28

Ŋɩɩ nɛ Iziral tɩŋŋaa kala kɛŋ La TƖƖNA niiriŋ daga-la kʋʋ jʋʋ Jerusalɛm a ŋɩŋaa goŋ arɩ tʋɔtɔrʋŋ aŋ ŋmʋŋmʋʋ nyilliŋ, a chɩchɩgɩsɛ buguloo, a dudu kɔnɛba arɩ chenniŋ.

1 IZIRAL TƖŊŊAA NAABARƖŊ 9:2

Iziral tɩmma-la sɩ laa sɩpaaŋ mɩɩra kɔ ba tasɩŋ, a hɔŋ ba dɩ-tɩɩlaa nɛ ŋ-la: Wɩɩsʋllɩ sɩpaalaaraa, Levi doho nɩaa, Wɩa dɩa tɩntɩnnaa arɩ Iziral tɩŋŋaa dɔnsʋŋ.

2 IZIRAL TƖŊŊAA NAABARƖŊ 29:30

Kuoro Hezikaaya arɩ ʋ tɩntɩnnɩ-hɩasɩŋ bʋla pɩ Levi doho nɩalɩŋ dɩ ba yɩɩ yɩɩl-la Devit arɩ Asaf Wɩa wʋlaabʋllʋ-la fa sɩ ŋmʋnsa bil a dɛnnɛ La TƖƖNA. Ŋɩɩ nɛ ba yɩɩ yɩɩlaa arɩ tʋɔtɔrʋŋ a tuu kpirime chʋɔlɛ Wɩa.

2 IZIRAL TƖŊŊAA NAABARƖŊ 30:23

Nɩalɩŋ kala sɩ hilime sɛɩ arɩ ba bɩra jaŋ gbieli gbiele-la tapʋlaa balɩpɛ a pɛ. Ŋɩɩ nɛ ba gbieli arɩ tʋɔtɔrʋŋ.

2 IZIRAL TƖŊŊAA NAABARƖŊ 30:26

Jerusalɛm kala fa ŋaa tʋɔtɔrʋ nɛ, bɛɛ wɩaa a chɩŋ Devit nanʋala Solomoŋ kuoruŋ bʋa lɛ a kaa kɔ, gbiele deeŋ nɛ ŋaa gbieli balɩŋ.

2 IZIRAL TƖŊŊAA NAABARƖŊ 7:5

Kuoro Solomoŋ fa kpʋ nɛ-belliŋ bʋɩ mara arɩ balɩa nɛ, piesee arɩ bʋʋnaa ma bʋɩ zɔlɔ arɩ mara. Ŋɩɩ nɛ Solomoŋ arɩ nɩalɩŋ kala joŋ Wɩa dɩɩ-bal-la a hɛ ʋ nɩsɩŋ lɛ.

ƐZƖRA 4:1

Juda arɩ Bɛnjamɩŋ dʋndɔŋŋɔɔ sɩ nɩa dɩ nɩalɩŋ sɩ lɩɩ yoŋ-baga kɔ wasaa saa La TƖƖNA, Iziral tɩŋŋaa Wɩa dɩɩ-bal-la,

ƐZƖRA 6:22

Ba gbieli gbiele-la ba sɩ yie gbieli a dii boroboro sɩ bɩ sɩbʋrʋŋ kɛnɛ tapʋlaa balɩpɛ nɛ arɩ tʋɔtɔrʋŋ, bɛɛ wɩaa La TƖƖNA leŋe tʋɔtɔrʋŋ vɔgɛba nɛ, ʋ sɩ kɛŋ Asiiria kuoro tʋɔŋ bɩrɩmɛ ʋ pɛ ba lɛ ba saa Iziral tɩŋŋaa Wɩa dɩɩ-balɩŋ.

NƐHƖMAAYA 12:27

Bʋa-la ba sɩɩ chɛ dɩ ba joŋ Jerusalɛm jebii-la a hɛ La TƖƖNA nɩsɩŋ lɛ, ba yɩrɛ Levi doho nɩaa ba lɩɩ Juda sɛmɛ na-kala nɛ dɩ ba kʋ gbieli arɩ tʋɔtɔrʋŋ a yɩɩ yɩɩlaa a chɩgɩsɛ buguloo, a du chenniŋ arɩ kɔnɛba a dɛnnɛ La TƖƖNA.

NƐHƖMAAYA 12:43

Tapʋlɩɩ-la ba kpʋ kɩaa yʋgɛ nɛ woruŋ a ŋaa Wɩɩsʋlʋŋ, aŋ jʋjʋɔsɛ, bɛɛ wɩaa Wɩa leŋe ba tʋɔŋ faasa tɔrɛ nɛ. Haalaa arɩ hambiisiŋ kala nɛ faa jʋɔsʋ. Dɩ ŋ nɛ paala hɛ dɩ-bolii ma, ŋ jaŋ wuo nɩɩ nɩaa sɩ jʋɔsa a ŋɩŋaa goŋ Jerusalɛm lɛ.

NƐHƖMAAYA 7:73

Wɩɩsʋllɩ sɩpaalaaraa, Levi doho nɩaa, nɩalɩŋ sɩɩ pɔ Wɩa dɩɩ-bal-la boi-baalaa, yɩɩlɩ yɩɩraa arɩ nɩalɩŋ sɩɩ tɩŋ Wɩa dɩɩ-bal-la lɛ arɩ Iziral tɩmma-la dɔnsʋŋ kala fa kʋ hɔŋ ba tɩtɩa tasɩŋ lɛ nɛ. Jɩ-pɛɩ kʋʋ yi dɩ Iziral tɩŋŋaa hɔŋ ba tasɩŋ lɛ.

NƐHƖMAAYA 8:10

Nɛhɩmaaya bɩra bʋla pɩba, “Má mʋ dii kʋdii-sɩŋŋaa, a nyʋa sɩ-zɔmʋŋ aŋ ŋaa dɔnsʋŋ mʋ pɩ nɩalɩŋ sɩ bɩ kʋŋ kɛnɛ. Jɩnɩŋ ŋaa tapʋl-zɔŋ nɛ a pɩ La TƖƖNA. Má sɩ́ leŋe dɩ ma tʋɔŋ chei, bɛɛ wɩaa tʋɔtɔrʋ-la ma sɩ kɛnɛ La TƖƖNA lɛ ʋ nɛ ŋaa ma doluŋ.”

WƖA YƖƖLAA 122:1

Mɩ tʋɔŋ fa tɔrɔ nɛ ba sɩ bʋla pɩmɛ, “Leŋ dɩ la mʋ La Tɩɩna dɩa.”

DANƖƐL 5:13

Ŋɩɩ nɛ ba kɛŋ Danɩɛl kɔ kuoro sɩpaaŋ. Ʋ pɩɛsʋ, “Ŋ nɛ Danɩɛl, Juda nɩalɩŋ dɔŋɔ mɩ nyɩmma kuoro sɩ yuo kɛsɛ a kaa kɔɔ?

Jɔɔŋ 10:22

Ŋɩɩ nɛ Juu tɩŋŋaa gbiele kʋbala yi dɩ ba gbieli Jerusalɛm lɛ. Bʋa deeŋ lɛ nɛ ba liliisi ba sɩ saa ba Wɩa dɩa dɛrɛ a joŋo pɩ Wɩa. Bʋa-la lɛ fa ŋaa waarɩŋ bʋa lɛ nɛ.

MOSIS BƖRA WULLI WƖA WOMBIIŊ 12:7

Nɩmɛ nɛ ma dɩ ma dɩa nɩaa jaŋ dii kɩalɩŋ ma TƖƖNA Wɩa sɩpaaŋ, aŋ jʋɔsɛ kɩalɩŋ kala ma sɩ kɛnɛ lɛ, bɛɛ wɩaa ma TƖƖNA Wɩa nɛ pɛ ma lɛ ma naba.

Fɩlɩpa Nɩaa 4:4

Má jʋjʋɔsɛ Wɩa sɩpaaŋ bʋa na-kala. Mɩ jaŋ bɩra bʋla pɩma dɩ ma jʋjʋɔsɛ.