ƐZƖRA 6:14 - WƖA TENIŊ

¹⁴ Ŋɩɩ nɛ Juu tɩŋŋaa nɩhɩasɩ-la bɩra sɩsaa dɩa-la. Bʋa-la lɛ Wɩa wʋlaabʋllaa Hagaɩ arɩ Zɛkarɩya sɩ ŋaa Ido doho nʋʋ fa bʋl wɩaa nyaasɛ ba nyuŋ nɛ woruŋ. Ŋɩɩ nɛ ba saa Wɩa dɩɩ-bal-la dɛrɛ arɩ Iziral tɩŋŋaa Wɩa sɩ bʋl ŋɩɩ, arɩ Pɛsɩa tinteeŋ kuoroo deemba Siirus, Daarus arɩ Atazɛzɛs ma sɩ pa wombiiŋ ŋɩɩ.

ƐZƖRA 6:14 ပူးပေါင်းရင်းမြစ်များ

ƐZƖRA 3:8

Ba sɩ mʋ Wɩa dɩa leriŋ Jerusalɛm lɛ, jɩ-lɩa tʋɔŋ chɛŋ-lɩa lɛ, Sɩalɩtɩɛl nanʋala Zerubabɛl, Jozadak nanʋala Jesua, arɩ ba naambiiriŋ kala (Wɩɩsʋllɩ sɩpaalaaraa, Levi doho nɩaa arɩ nɩalɩŋ kala sɩ lɩɩ yoŋ-baga kɔ Jerusalɛm) suomi tɩntɩmɩɩ-la. Ŋɩɩ nɛ ba lɩɩsɛ Levi doho nɩaa sɩ yi jɩsɩŋ mara a kaa mʋ, dɩ ba beŋ dɩ ba saa La TƖƖNA dɩa-la.

ƐZƖRA 4:24

Bʋa deeŋ lɛ nɛ ba leŋ Wɩa dɩɩ-bal-la saanɩŋ a mʋ yi Daarus sɩ dii Pɛsɩa tinteeŋ kuoruŋ ʋ jɩ-lɩa lɛ.

ƐZƖRA 4:3

Ama Zerubabɛl, Jesua arɩ Iziral tɩŋŋaa dɩa dɩa nɩhɩasɩ-la nɩkaanaa bʋl, “Ma bɩ jaŋ wuo pɛ la lɛ dɩ la saa La TƖƖNA dɩɩ-bal-la. La dʋndʋŋa jaŋ saa dɩa-la a pɩ La TƖƖNA, Iziral tɩŋŋaa Wɩa, arɩ Pɛsɩa kuoro Siirus sɩ dagɛ la ŋɩɩ.”

ƐZƖRA 5:1

Bʋa-la dɩ Wɩa wʋlaabʋllaa balɩa Hagaɩ arɩ Zɛkarɩya sɩ ŋaa Ido doho nʋʋ bʋl wɩaa Iziral tɩŋŋaa Wɩa doluŋ lɛ a pɩ Juu tɩmma-la sɩ hɛ Juda arɩ Jerusalɛm lɛ.

ƐZƖRA 5:13

Ama Siirus sɩ dii Babɩlɔŋ kuoruŋ ʋ jɩ-bumbuŋ lɛ nɛ, ʋ pa wombiiŋ dɩ ba wasa saa Wɩa dɩa deeŋ.

ƐZƖRA 5:2

Ŋɩɩ nɛ Sɩalɩtɩɛl nanʋala Jerubabɛl arɩ Jozadak nanʋala Jesua sii dɩ ba wasa saa Wɩa dɩɩ-bal-la sɩ hɛ Jerusalɛm lɛ. Wɩa wʋlaabʋlla-la ma fa hɛ nɩmɛ a pɩpɛ ba lɛ.

ƐZƖRA 6:3

Kuoro Siirus sɩ dii kuoruŋ ʋ jɩ-bumbuŋ lɛ nɛ ʋ pa wombiiŋ dɩ ba wasa saa Wɩa dɩɩ-bal-la Jerusalɛm lɛ, dɩ ʋ ŋaa lee ba sɩ jaŋ ŋɩŋaa Wɩɩsʋlʋŋ. Má bil ʋ gentine, dɩa-la leŋiŋ jaŋ ŋaa naakieliŋ mahɩŋ banɛsɛ arɩ fii, dɩ ʋ jalɩŋ ma ŋaa naakieliŋ mahɩŋ banɛsɛ arɩ fii.

ƐZƖRA 6:8

Mɩ bɩraa pɩ ma wombiiŋ daha dɩ ma pɛ Juu tɩŋŋaa nɩhɩasɩ-la lɛ dɩ ba wasa saa Wɩa dɩɩ-bal-la. Chɩŋ-la kala ba sɩ jaŋ ŋmoo, ʋ maga ma lɩɩsɛ lampooba-la ba sɩ laa Yufireti wɩɩjʋʋlʋŋ dɩɩrɩŋ tinteeŋ nɩaa teeŋ a hɛ kuori dɩa dʋa tʋɔŋ a tiŋ ʋ kala, dɩ tɩntɩmɩɩ-la sɩ́ birigu.

ƐZƖRA 7:1

Wɩaa deemba kala harɩŋ, Pɛsɩa tinteeŋ kuoro Atazɛzɛs kuoruŋ bʋa lɛ, baal kʋbala nɛ fa hɛ nɩmɛ baa yɩrɛ Ɛzɩra. Ɛzɩra nyɩmma nɛ fa Sɛraaya, a ŋaa Azarɩa ma nihiŋ. Ʋ doho nɩaa dɔnsʋŋ ma nɛ: Hɩlɩkaaya,

ƐZƖRA 9:9

La fa ŋaa yosi ma nɛ, ama ŋ-na la Wɩa bɩ la vɩa ta la yoŋ-baga-la lɛ. Ŋ dagɛ ŋ zile pɩla nɛ a leŋ Pɛsɩa tinteeŋ kuoro cho la wɩaa, a leŋ la kɛŋ mɩɩsɩŋ dɩ la wasa saa ŋ dɩa-la a bɩrɩmɛ lere-la kala sɩ cheye, ŋ leŋe la Juda arɩ Jerusalɛm nɩaa hɔŋ nɛ wɩɩ bɩ la walɩmɛ.

NƐHƖMAAYA 6:15

Jee-la saanɩŋ dɛrɛ chɛnɛ-la ba sɩɩ yɩrɛ Ɛlʋl tʋɔŋ nɛ, ʋ tapʋlaa mara arɩ banɔŋ chɛɛŋ. Tapʋlaa mahɩŋ balɩa arɩ fii arɩ balɩa nɛ ba joŋo saa jee-la.

AZAAYA 44:28

Mɩ nɛ bʋla pɩ Siirus, ‘Ŋ nɛ jaŋ beŋ mɩ nɩaa nyuŋ,’ a ŋaa wɩalɩŋ kala mɩ sɩɩ chɛ. Ŋ jaŋ leŋ dɩ ba wasa saa Jerusalɛm arɩ mɩ-na Wɩa dɩɩ-bal-la.”

HAGAƖ 1:1

Daarus sɩ dii Pɛsɩa tinteeŋ kuoru-balɩŋ, ʋ jɩ-lɩa, chɛŋ-dʋ tapʋl-bumbuŋ lɛ nɛ, La TƖƖNA to ʋ wʋlaabʋlla Hagaɩ lɛ a bʋl wɩaa pɩ Zerubabɛl arɩ Josua. Zerubabɛl nɛ fa ŋaa nɩɩ-la sɩɩ beŋ Juda tinteeŋ, ʋ nyɩmma nɛ Sɩalɩtɩɛl. Josua ma nɛ fa ŋaa Wɩɩsʋllɩ sɩpaalaaraa nɩhɩaŋ, ʋ ma nyɩmma nɛ Jehozadak.

HAGAƖ 1:8

Má jɩl peelee a keri doloo kaa tuu a paa mɩ dɩɩ-bal-la saa, dɩ mɩ tʋɔŋ tɔrɛ ʋ nyuŋ, dɩ nɩaa chʋchʋɔlɛmɛ nɩmɛ. Mɩ-na ma TƖƖNA nɛ bʋla.

ZƐKARƖYA 1:1

Daarus sɩ dii kuoruŋ ʋ jɩ-lɩa chɛŋ-chori tʋɔŋ, La TƖƖNA bʋl wɩaa pɩ ʋ wʋlaabʋlla Zɛkarɩya sɩ ŋaa Bɛrɛkɩa nanʋala, aŋ ŋaa Ido ma nihiŋ.

ZƐKARƖYA 1:16

Ŋɩɩ wɩaa, wɩɩ-la La TƖƖNA sɩ bʋla nɛ ŋ-la: ‘Mɩ jaŋ mɩɩra kɔ a fá Jerusalɛm nɩaa nenige, dɩ ba paa mɩ dɩɩ-bal-la wasa saa nɩmɛ. Mɩ jaŋ kɛŋ ŋmɛŋ-la ba sɩ kaa mɩmagɩsɛ kɩaa a magɩsa lɩɩsɛ Jerusalɛm,’ La TƖƖNA doluŋ kala Tɩɩna nɛ bʋla.

ZƐKARƖYA 4:9

Ʋ sɩ, “Zerubabɛl nɛ bil mɩ dɩɩ-balɩŋ deeŋ gentine. Ʋ nɛ saa jaŋ saaʋ dɛrɛ ma, dɩ ŋɩɩ nɛ ŋaa, mɩ nɩaa jaŋ jɩŋ arɩ ba TƖƖNA doluŋ kala Tɩɩna nɛ tɩmmɛ ba teeŋ.

ZƐKARƖYA 8:9

Wɩɩ-la La TƖƖNA doluŋ kala sɩ bʋla nɛ ŋ-la: “Ma-na nɩalɩŋ lɛɛlɛ sɩɩ nɩɩ wɩalɩŋ mɩ wʋlaabʋlla-la fa sɩ bʋla bʋa-la lɛ ba sɩɩ bil mɩ-na ma TƖƖNA doluŋ kala Tɩɩna dɩɩ-bal-la gentine, má nyɩrɛ bɔyɛ a wasa saa mɩ dɩɩ-bal-la.