ƐZƖRA 5:2 - WƖA TENIŊ

² Ŋɩɩ nɛ Sɩalɩtɩɛl nanʋala Jerubabɛl arɩ Jozadak nanʋala Jesua sii dɩ ba wasa saa Wɩa dɩɩ-bal-la sɩ hɛ Jerusalɛm lɛ. Wɩa wʋlaabʋlla-la ma fa hɛ nɩmɛ a pɩpɛ ba lɛ.

ƐZƖRA 5:2 ပူးပေါင်းရင်းမြစ်များ

ƐZƖRA 1:8

Ʋ joŋ kɩaa deemba hɛ Mɩfɩrɛdaf nɩsɩŋ lɛ nɛ, nɩɩ-la sɩɩ bil ʋ moribiee, ʋ dɩɩsɛba a joŋo pɩ Sɛsɩbaza sɩ ŋaa Juda tinteeŋ nɩaa sɩpaalaara.

ƐZƖRA 10:18

Wɩɩsʋllɩ sɩpaalaaraa doho nɩaa tʋɔŋ, nɩaa deemba nɛ jaa tintee-wogusuŋ toloo: Jozadak nanʋala Jesua arɩ ʋ naambiiriŋ doho nɩaa tʋɔŋ, Maasɛya, Elieza, Jarɩb arɩ Gedalia.

ƐZƖRA 3:2

Ŋɩɩ nɛ Jozadak nanʋala Jesua arɩ ʋ tɩntɩnnɩ dɔnsʋŋ sɩ ŋaa Wɩɩsʋllɩ sɩpaalaara arɩ Zerubabɛl sɩ ŋaa Sɩalɩtɩɛl nanʋala arɩ ʋ naambiiriŋ suomo sɩsaa Iziral tɩŋŋaa Wɩɩsʋllɩ koruŋ dɩ ba kaa ŋaa kʋnyɩgaa Wɩɩsʋlʋŋ, arɩ wombie-la Wɩa tɩntɩnna Mosis sɩ ŋmʋnsa bil dɩ la tuto sɩ dagɛ ŋɩɩ.

ƐZƖRA 3:8

Ba sɩ mʋ Wɩa dɩa leriŋ Jerusalɛm lɛ, jɩ-lɩa tʋɔŋ chɛŋ-lɩa lɛ, Sɩalɩtɩɛl nanʋala Zerubabɛl, Jozadak nanʋala Jesua, arɩ ba naambiiriŋ kala (Wɩɩsʋllɩ sɩpaalaaraa, Levi doho nɩaa arɩ nɩalɩŋ kala sɩ lɩɩ yoŋ-baga kɔ Jerusalɛm) suomi tɩntɩmɩɩ-la. Ŋɩɩ nɛ ba lɩɩsɛ Levi doho nɩaa sɩ yi jɩsɩŋ mara a kaa mʋ, dɩ ba beŋ dɩ ba saa La TƖƖNA dɩa-la.

ƐZƖRA 6:14

Ŋɩɩ nɛ Juu tɩŋŋaa nɩhɩasɩ-la bɩra sɩsaa dɩa-la. Bʋa-la lɛ Wɩa wʋlaabʋllaa Hagaɩ arɩ Zɛkarɩya sɩ ŋaa Ido doho nʋʋ fa bʋl wɩaa nyaasɛ ba nyuŋ nɛ woruŋ. Ŋɩɩ nɛ ba saa Wɩa dɩɩ-bal-la dɛrɛ arɩ Iziral tɩŋŋaa Wɩa sɩ bʋl ŋɩɩ, arɩ Pɛsɩa tinteeŋ kuoroo deemba Siirus, Daarus arɩ Atazɛzɛs ma sɩ pa wombiiŋ ŋɩɩ.

HAGAƖ 2:18

Má chɩŋ tapʋlʋŋ deeŋ sɩ ŋaa chɛŋ-nibi tapʋlaa mara arɩ banɛsɛ jɩnɩŋ, a fɩɛlɛ ma sɩaa a bɩɩnɛ woruŋ na tapʋlɩɩ-la ma sɩ bil mɩ-na ma TƖƖNA dɩɩ-bal-la gentine. Má fɩɛlɛ ma sɩaa a bɩɩnɛ woruŋ na:

ZƐKARƖYA 4:14

Ŋɩɩ nɛ ʋ bʋl, “Kɩaa deemba balɩa ŋaa nɩa nɛ Wɩa lɩɩsɛ dɩ ba tɩma pɩpɩ ʋ-na La TƖƖNA sɩ tɩɩ dʋnɩa kala.”

ZƐKARƖYA 4:4

Ŋɩɩ nɛ mɩ pɩɛsɛ Wɩa tɩndaarʋ-la sɩɩ bʋl wɩaa mɩ teeŋ, “Mɩ nɩhɩaŋ, bɛɛ kɩaa nɛ ŋ-la?”

ZƐKARƖYA 6:11

Kɛŋ hɔpʋla-la arɩ sɛlɩmɛ-la a ŋaa kuoru nyunchuulo a joŋo chu Jehozadak nanʋala Josua sɩ ŋaa Wɩɩsʋllɩ sɩpaalaaraa nɩhɩaŋ.

ZƐKARƖYA 8:9

Wɩɩ-la La TƖƖNA doluŋ kala sɩ bʋla nɛ ŋ-la: “Ma-na nɩalɩŋ lɛɛlɛ sɩɩ nɩɩ wɩalɩŋ mɩ wʋlaabʋlla-la fa sɩ bʋla bʋa-la lɛ ba sɩɩ bil mɩ-na ma TƖƖNA doluŋ kala Tɩɩna dɩɩ-bal-la gentine, má nyɩrɛ bɔyɛ a wasa saa mɩ dɩɩ-bal-la.

2 Kɔrɩntɩ Nɩaa 1:24

La bɩ chɛ dɩ la fʋgɛma dɩ ma laa wɩalɩŋ la sɩ bʋla dii, ama laa chɛ dɩ la dɩ ma tɩŋ nɛ dɩ ma kɛŋ tʋɔtɔrʋŋ, bɛɛ wɩaa ma laa Yesu wɩaa dii nɛ a chɩmba lɛ kpaŋ kpaŋ.