ƐZƖRA 5:11 - WƖA TENIŊ

¹¹ Wɩɩ-la ba sɩ bʋla pɩla nɛ ŋ-la: ‘La ŋaa Wɩa sɩ ŋaa wɩa-nyuŋ arɩ tinteeŋ tɩntɩnnaa nɛ, la wasaa saa Wɩa dɩɩ-bal-la ba sɩ saa faafaa kala nɛ, dɩa-la Iziral tɩŋŋaa kuoru-bal kʋbala fa sɩ saa dɛrɛ.

ƐZƖRA 5:11 ပူးပေါင်းရင်းမြစ်များ

WƖAA DƖ-SUOMUŊ 24:3

Mɩɩ chɛ dɩ ŋ ŋmɩɛsɛ La TƖƖNA Wɩa sɩ ŋaa wɩa-nyuŋ arɩ tinteeŋ kala arɩ ŋ bɩ jaŋ jaa tolo sɩ lɩɩ Kɛnaŋ tinteeŋ pɩ mɩ bie Aɩzɩk, nɩalɩŋ tʋɔŋ mɩ sɩ hɛ.

1 KUOROO 6:38

Jɩŋ fii arɩ kʋbala tʋɔŋ, chɛŋ chori-la ba sɩɩ yɩrɛ Bʋl, ʋ tʋɔŋ nɛ ba saa Wɩa dɩɩ-bal-la a ŋaa wɩɩkala ba sɩ daga dɛrɛ. Jɩsɩŋ balɩpɛ nɛ Solomoŋ joŋo saa dɩa-la.

1 KUOROO 9:10

Jɩsɩŋ mara nɛ Solomoŋ fa joŋ a saa La TƖƖNA dɩɩ-bal-la arɩ ʋ kuoru dɩa.

ƐZƖRA 5:10

La bɩra pɩɛsɛba ba yɩraa, dɩ la wuo ŋmʋnsɛ ba nɩhɩasɩŋ yɩraa bil dɩ ŋ jɩmba.

WƖA YƖƖLAA 119:46

Mɩ jaŋ bʋl wɩalɩŋ ŋ sɩ daga a pɩ kuoroo, ka hɩɩsɩŋ bɩ jaŋ kɛmmɛ.

WƖA YƖƖLAA 136:26

Má lɔllɛ Wɩa sɩ hɛ ʋ jaŋ lɛ. Ʋ chonuŋ bɩ dɛrɛ.

DANƖƐL 3:26

Ŋɩɩ nɛ Nebukadineza mʋ kpagɛ nyiŋ-bal-la niiŋ aŋ kpɩa yɩrɛ, “Sadɩrak, Mɛsak arɩ Abedinego, Wɩa sɩ kɩɩ kʋŋkala tɩntɩnnaa, má kʋ lɩɩ a kɔ daha.” Ŋɩɩ nɛ Sadɩrak, Mɛsak arɩ Abedinego kʋ lɩɩ nyiŋ-la tʋɔŋ.

JONA 1:9

Ŋɩɩ nɛ Jona bʋla pɩba, “Mɩ ŋaa Hiburu tɩɩna nɛ, mɩɩ chʋɔlɛ mɩ Tɩɩna Wɩa nɛ, ʋ nɛ ŋaa wɩa-nyuŋ, mʋgʋ-balɩŋ arɩ tinteeŋ.”

Matiu 10:32

Nɩɩ-la kala sɩ jaŋ wuo bʋl nɩaa tʋɔŋ arɩ ʋ ŋaa mɩ nʋʋ nɛ, mɩ ma jaŋ bʋl ŋɩɩ a tɩgɛ ʋ lɛ mɩ Nyɩmma Wɩa sɩ hɛ Wɩa-jaŋ lɛ sɩpaaŋ.

Luuk 12:8

Mɩ bʋlaa pɩma, nɩɩ-la kala sɩ jaŋ wuo bʋl nɩaa tʋɔŋ arɩ ʋ ŋaa mɩ nʋʋ nɛ, mɩ-na Nuhuobiine Bie ma jaŋ bʋl ŋɩɩ a tɩgɛ ʋ lɛ Wɩa tɩndaaraa sɩpaaŋ.

Tɩntɩŋŋaa 27:23

Wɩa-la sɩ tɩɩmɛ, mɩ tɩma pʋpʋ, ʋ tɩndaara dɩa kɔ mɩ teeŋ nɛ tɩtaŋɩŋ

Rom Tɩŋŋaa 1:16

Mɩ bɩ hɩɩsɩŋ ka fá dɩ mɩ bʋl Wɩa wʋzɔmɔ-la, bɛɛ wɩaa ʋ nɛ ŋaa Wɩa doluŋ. Nɩalɩŋ sɩ laaba dii, Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kala, Wɩa jaŋ laaba ta.

Rom Tɩŋŋaa 6:16

Ma jɩma dɩ ma nɛ joŋ ma tɩtɩa a pɩ nʋʋ a tuto ʋ niiŋ lɛ, ma ŋaa nɩɩ-la ma sɩɩ to yosuŋ nɛ. Dɩ ma nɛ joŋ ma tɩtɩa a hɛ wʋbɔŋŋɔɔ nɩsɩŋ lɛ a nagɛ yosi, ma dɩdɛrɩŋ nɛ sʋʋŋ. Ama dɩ ma nɛ joŋ ma tɩtɩa pɩ Wɩa a tuto ʋ niiŋ a nagɛ yosi, ʋ jaŋ leŋ dɩ ma kɛŋ tʋɔpʋla ʋ sɩpaaŋ.

Galiisia Nɩaa 6:14

Ama mɩ-na, mɩ jaŋ bigisi mɩ tɩtɩa lɛ arɩ La Tɩɩna Yesu Kirisito sɩ sʋʋ daagɛsɛ-la nyuŋ dʋndʋŋa wɩaa. A tɩŋ ʋ sɩ sʋʋ ŋɩɩ, dʋnɩa wɩaa nagɛ wʋsʋʋnɩ nɛ mɩ teeŋ, mɩ ma nagɛ nɩsʋʋ dʋnɩa wɩaa teeŋ.

JOSUA 24:15

Dɩ ma tʋɔŋ nɛ bɩ tɔrɔ ma sɩ́ jaŋ to La TƖƖNA, ŋɩɩ-na jɩnɩŋ má bagɩsa lɩɩsɛ kʋ-la ma sɩ jaŋ to: Dɩ ma naabalɩmaba fa sɩɩ kpaarɛ vesi-la Yufireti fuo-la cholo nɛɛ, koo dɩ vesi-la Amɔrɩ tɩmma-la tinteeŋ lɛ ma sɩ hɔnɔ sɩɩ kpaarʋ nɛ. Ama mɩ-na arɩ mɩ dɩa nɩaa kala jaŋ to La TƖƖNA.”