ƐZƖRA 4:4 - WƖA TENIŊ

⁴ Ŋɩɩ nɛ nɩalɩŋ sɩ hɔnɔ golliba ŋɩŋaa wɩaa dɩ Juda nɩaa nandaasɩŋ yʋɔrɛ, dɩ fawʋllʋŋ kɛmba dɩ ba sɩ wuo saa dɩa-la.

ƐZƖRA 4:4 ပူးပေါင်းရင်းမြစ်များ

2 SAMƲƐL 4:1

Sɔɔl nanʋala Ɩsɩ-Bɔsɛf sɩ nɩa dɩ Abɩna sʋʋ Hɛbʋrɔŋ lɛ, ʋ nandaasɩŋ yʋɔrɛ, Iziral tɩŋŋaa kala ŋaa holumoŋ.

ƐZƖRA 3:3

Arɩ ba fa sɩɩ fá nɩalɩŋ sɩ golliba ma kala, ba saa Wɩɩsʋlʋŋ koru-la nɛ ʋ gentine tɩtɩa lɛ, a ŋaa kʋnyɩgaa Wɩɩsʋlʋŋ ʋ lɛ a pɩ La TƖƖNA, chʋchʋɔŋ arɩ dɩdaanɩŋ kala.

ƐZƖRA 4:5

Ŋɩɩ nɛ ba joŋ moribiee pɩ nɩaa ka dɩ ba kʋ bʋl wɩaa a birigi wɩalɩŋ kala ba sɩ bɩɩna dɩ ba ŋaa, bʋa-la kala lɛ Siirus sɩ ŋaa Pɛsɩa tinteeŋ kuoro a kaa mʋ bʋa-la lɛ Daarus ma sɩ dii Pɛsɩa tinteeŋ kuoruŋ.

NƐHƖMAAYA 4:11

La dʋndɔŋŋɔɔ ma bʋl, “Juu tɩmma-la jaŋ kʋ jɩjɩŋ koo a nɩnala dɩ la hɛ ba tʋɔŋ a kpʋba, ka dɩ tɩntɩmɩɩ-la birigi.”

NƐHƖMAAYA 4:2

a bʋl ʋ dɩ nɩalɩŋ sɩɩ tɩŋ arɩ Samarɩa laalɩyuori hɩasɩŋ sɩpaaŋ, “Bɛɛ kɩaa wɩaa nɛ Juu tɩŋŋaa nɩpʋgʋnʋŋ deemba ŋɩŋaa ŋɩɩ? Ba jaŋ wuo wasa saa ba jebii-la a kpʋ pʋsʋŋ a ŋaa Wɩɩ-sʋlaa? Ba bɩɩna ba jaŋ wuo saaʋ dɛrɛ tapʋl bala koo? Ba bɩɩna ba jaŋ wuo kuusi tabɩa-la arɩ nyiniŋ sɩ diiba ma kala koo?”

NƐHƖMAAYA 6:9

Ba kala faa nɛrɩgɛ dɩ ba fugisila nɛ, dɩ la nandaasɩŋ yʋɔrɛ tɩntɩmɩɩ-la lɛ, dɩ la sɩ́ wuo dɛrɛ. Ama mɩ sʋl Wɩa a bʋl, “Wɩa, pɩmɛ doluŋ.”

JƐRƖMAAYA 38:4

Ŋɩɩ nɛ tɩntɩnnɩ-hɩasɩ-la bʋla pɩ kuoro, “Baala deeŋ maga la kpʋʋ nɛ. Ʋ leŋe laalɩyuoro-la sɩ ka tabalɩŋ deeŋ lɛ nandaasɩŋ yʋyʋɔrɛ nɛ a pɛ nɩalɩŋ kala lɛ a tɩŋ wɩalɩŋ ʋ sɩ bʋla pɩpɩba. Baala deeŋ bɩ nɩaa deemba woruŋ ka chɛ, ʋʋ chɛ ʋ cheiba nɛ.”

DANƖƐL 10:13

Ama Sɩtaanɩ tɩndaarʋ-la sɩɩ beŋ Pɛsɩa tinteeŋ tɔ mɩ wombiiŋ tapʋlaa mara arɩ kʋbala nɛ. Ŋɩɩ nɛ Maakɩl sɩ ŋaa Wɩa tɩndaaraa nɩhɩaŋ dɔŋɔ kʋ pɛ mɩ lɛ, a tɩŋ Sɩtaanɩ tɩndaarʋ-la sɩɩ beŋ Pɛsɩa tinteeŋ fa sɩ tɔ mɩ wombiiŋ wɩaa.

DANƖƐL 10:20

Ŋɩɩ nɛ ʋ pɩɛsɛmɛ, “Ŋ jɩŋ wɩɩ-la sɩ tɩɩ mɩ kɔ ŋ teeŋ nɛɛ? Ʋ bɩ jaŋ dieni ka dɩ mɩ mɩɩra mʋ yuo Sɩtaanɩ tɩndaarʋ-la sɩɩ beŋ Pɛsɩa tinteeŋ. Dɩ mɩ nɛ mʋa, Sɩtaanɩ tɩndaarʋ-la sɩɩ beŋ Giriisi tinteeŋ ma jaŋ kʋ pɛ dɩ ba yuomi.