ƐZƖRA 4:3 - WƖA TENIŊ

³ Ama Zerubabɛl, Jesua arɩ Iziral tɩŋŋaa dɩa dɩa nɩhɩasɩ-la nɩkaanaa bʋl, “Ma bɩ jaŋ wuo pɛ la lɛ dɩ la saa La TƖƖNA dɩɩ-bal-la. La dʋndʋŋa jaŋ saa dɩa-la a pɩ La TƖƖNA, Iziral tɩŋŋaa Wɩa, arɩ Pɛsɩa kuoro Siirus sɩ dagɛ la ŋɩɩ.”

ƐZƖRA 4:3 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 36:22

Siirus sɩ dii Pɛsɩa tinteeŋ kuoruŋ ʋ jɩ-bumbuŋ lɛ, La TƖƖNA sɩɩ chɛ dɩ ʋ leŋ dɩ wɩɩ-la ʋ sɩ to Jɛrɩmaaya lɛ bʋl kʋ ŋaa wʋtɩtɩɩ, ʋ digi Pɛsɩa kuoro Siirus tʋɔŋ nɛ, ʋ ŋaa ba ŋmʋnsɛ heele deeŋ a pɩ ʋ tinteeŋ nɩaa kala:

ƐZƖRA 1:1

Siirus fa sɩ dii Pɛsɩa tinteeŋ kuoruŋ ʋ jɩ-bumbuŋ lɛ, La TƖƖNA sɩɩ chɛ dɩ ʋ leŋ dɩ wɩɩ-la ʋ sɩ to Jɛrɩmaaya lɛ bʋl kʋ ŋaa wʋtɩtɩɩ, ʋ digi Pɛsɩa tinteeŋ kuoro Siirus tʋɔŋ nɛ, ʋ ŋaa ba ŋmʋnsɛ heele deeŋ a pɩ ʋ tinteeŋ nɩaa kala:

ƐZƖRA 1:2

Ʋ sɩ, “Wɩɩ-la mɩ-na Pɛsɩa tinteeŋ kuoro Siirus sɩɩ bʋl nɛ ŋ-la: La TƖƖNA Wɩa sɩ hɛ ʋ jaŋ lɛ joŋ dʋnɩa tinteyee kala pɩmɛ nɛ. Ʋ lɩɩsɛmɛ nɛ dɩ mɩ saa ʋ dɩɩ-balɩŋ pʋ Jerusalɛm sɩ hɛ Juda tinteeŋ lɛ.

ƐZƖRA 1:3

Dɩ ʋ nɩaa kʋŋ nɛ hɛ ma tʋɔŋ, a leŋ dɩ ʋ Wɩa hɛ ʋ teeŋ, dɩ ʋ mʋ Jerusalɛm sɩ hɛ Juda tinteeŋ lɛ a saa La TƖƖNA, Iziral tɩŋŋaa Wɩa, Wɩa-la sɩ hɛ Jerusalɛm lɛ, dɩɩ-balɩŋ.

ƐZƖRA 3:8

Ba sɩ mʋ Wɩa dɩa leriŋ Jerusalɛm lɛ, jɩ-lɩa tʋɔŋ chɛŋ-lɩa lɛ, Sɩalɩtɩɛl nanʋala Zerubabɛl, Jozadak nanʋala Jesua, arɩ ba naambiiriŋ kala (Wɩɩsʋllɩ sɩpaalaaraa, Levi doho nɩaa arɩ nɩalɩŋ kala sɩ lɩɩ yoŋ-baga kɔ Jerusalɛm) suomi tɩntɩmɩɩ-la. Ŋɩɩ nɛ ba lɩɩsɛ Levi doho nɩaa sɩ yi jɩsɩŋ mara a kaa mʋ, dɩ ba beŋ dɩ ba saa La TƖƖNA dɩa-la.

NƐHƖMAAYA 2:20

Mɩ bʋla pɩba, “Wɩa sɩ hɛ ʋ jaŋ lɛ jaŋ pɛ la lɛ dɩ la tɩŋ tɩntɩmɩɩ-la dɛrɛ. La ŋaa ʋ tɩntɩnnaa nɛ, la jaŋ suomo sɩsaa jebii-la. Ama ma-na bɩ kpaal kala kɛnɛ Jerusalɛm lɛ, a bɩ ʋ naaba wɩaa tʋɔŋ ma lɛ pɛ.”

AZAAYA 44:28

Mɩ nɛ bʋla pɩ Siirus, ‘Ŋ nɛ jaŋ beŋ mɩ nɩaa nyuŋ,’ a ŋaa wɩalɩŋ kala mɩ sɩɩ chɛ. Ŋ jaŋ leŋ dɩ ba wasa saa Jerusalɛm arɩ mɩ-na Wɩa dɩɩ-bal-la.”

AZAAYA 45:4

Siirus, arɩ ŋ sɩ bɩ mɩ jɩŋ ma kala, ama a tɩŋ mɩ tɩntɩnnaa Iziral tɩŋŋaa sɩ ŋaa nɩalɩŋ mɩ sɩ lɩɩsa wɩaa, ŋɩɩ nɛ tɩɩ mɩ lɩɩsɩŋ a pɩŋ yuŋuŋ ŋɩɩ.

Matiu 10:16

Ŋɩɩ nɛ Yesu bɩra bʋl, “Má jegile nɩɩ, ma nagɛ piesee nɛ, mɩɩ tɩmma dɩ ma mʋ guoli guŋgurusuŋ tʋɔŋ. Má saa kɛŋ wʋjɩmɩŋ a nagɛ dɩŋŋaa sɩ kɛŋ wʋjɩmɩŋ ŋɩɩ, aŋ leŋ dɩ ma sɩaa fɩɛlɛ a nagɛ kokosuŋ sɩaa sɩ fɩɛla ŋɩɩ.

Jɔɔŋ 4:9

Ŋɩɩ nɛ Samarɩa tɩŋŋaa haal-la pɩɛsɛ Yesu, “Bɛɛ nɛ tɩɩ ŋ-na Juu tɩɩna chɩchɛ dɩ mɩ-na Samarɩa tɩɩna ŋaa lɩɩŋ pɩŋ dɩ ŋ nyʋa?” Juu tɩŋŋaa arɩ Samarɩa tɩŋŋaa bɩ wɩɩ pɛ. Ŋɩɩ nɛ tɩɩ haal-la bʋl ŋɩɩ.

Tɩntɩŋŋaa 8:21

Ŋ bɩ toru kala kɛnɛ tɩntɩmɩŋ deeŋ lɛ. Ŋ bɩ ŋ tʋɔŋ pʋlla Wɩa teeŋ.