ƐZƖRA 4:12 - WƖA TENIŊ

¹² Kuoro, laa chɛ ŋ jɩŋ arɩ Juu tɩmma-la sɩ lɩɩ ŋ teeŋ a kɔ Jerusalɛm wasaa saa tabal-la nɩaa sɩ ŋaa nɩbɔmɔ aa vɩa kuoroo niiŋ nɛ. Ba wasaa saa jebie-la nɛ arɩ ba gentisiŋ.

ƐZƖRA 4:12 ပူးပေါင်းရင်းမြစ်များ

2 KUOROO 18:20

Ma sɩ sɩ ma kɛŋ laalɩŋ-yuonuŋ jɩma arɩ doluŋ nɛ, ama ma wʋbʋlɩɩ-la kala ŋaa pɛɩ nɛ. Kʋbɛɛ lɛ nɛ ma joŋ ma yɩɛlaa a daŋ aŋ vɩamɛ?

2 KUOROO 24:1

Jehoyakim kuoruŋ bʋa lɛ nɛ Babɩlɔŋ kuoro Nebukadineza kʋ yuo dii Juda tinteeŋ a kɛŋ Jehoyakim a fʋgʋ hɛ ʋ tou jɩsɩŋ batori. Ŋɩɩ harɩŋ lɛ nɛ ʋ vɩa Nebukadineza harɩŋ tonuŋ.

2 IZIRAL TƖŊŊAA NAABARƖŊ 36:13

Zedikaaya fa vɩa kuoro Nebukadineza ma niiŋ nɛ, nɩɩ-la sɩ leŋe ʋ ŋmɩɛsɛ Wɩa yɩrɩŋ lɛ arɩ ʋ jaŋ tou arɩ wʋtɩtɩɩ. Ʋ fa kɛŋ nyuduoŋ nɛ a vɩa dɩ ʋ bɩrɩmɛ ʋ tʋɔŋ a to La TƖƖNA, Iziral tɩŋŋaa Wɩa.

ƐZƖRA 4:11

Teŋ-la ba sɩ ŋmʋnsa tʋɔŋ wɩaa nɛ ŋ-la, “Kuoro Atazɛzɛs, la-na ŋ tɩntɩnnaa sɩ lɩɩ Yufireti wɩɩjʋʋlʋŋ dɩɩrɩŋ nɛ ŋmʋnsɛ teniŋ deeŋ a pɩpɩŋ:

ƐZƖRA 4:15

dɩ ŋ leŋ dɩ ba beŋ ŋ naabalɩmaba tenniŋ tʋɔŋ. Dɩ ba nɛ bene, ŋ jaŋ na arɩ tabalɩŋ deeŋ nɩaa ŋaa nɩa sɩɩ vɩa kuoroo niiŋ nɛ, a wʋwalɩmɛ kuoroo arɩ tinteyee sɩpaalaaraa faafaa kala. Ŋɩɩ nɛ tɩɩ ba chei tabal-la ŋɩɩ.

ƐZƖRA 4:19

Mɩ pa wombiiŋ nɛ ba beŋ a na dɩ tabalɩŋ deeŋ nɩaa kɛŋ kuoroo yuyuo yuosuŋ nɛ faafaa kala, ba ŋaa nɩa sɩ bɩ kuoroo niiŋ ka sɛɩ nɛ a ŋaa yuo-hɛɛrɛɛ.

ƐZƖRA 5:3

Bʋa-la lɛ, Tatenai sɩ ŋaa Yufireti wɩɩjʋʋlʋŋ dɩɩrɩŋ tinteeŋ nɩhɩaŋ arɩ Sɛta-Bozenai arɩ nɩalɩŋ sɩɩ tɩgɛ ba lɛ mʋ ba teeŋ a pɩɛsɛba, “Kʋbɛɛ nɛ pɩma wombiiŋ dɩ ma kʋ wasa saa Wɩa dɩɩ-balɩŋ deeŋ, dɩ ʋ jebiiŋ chɩŋ?”

ƐZƖRA 5:9

La pɩɛsɛ ba nɩhɩasɩŋ nɛ, ‘Kʋbɛɛ nɛ pɩma wombiiŋ dɩ ma wasa saa Wɩa dɩɩ-bal-la dɩ ʋ jebiee chɩŋ?’

NƐHƖMAAYA 1:3

Ŋɩɩ nɛ ba bʋla pɩmɛ, “Nɩalɩŋ sɩ bɩ sʋba yoŋ-baga lɛ mɩɩra kɔ tintee-la nɛ a chaasa hɛ wʋwalɩmaa arɩ hɩɩsɩŋ tʋɔŋ. Jebii-la sɩ golli Jerusalɛm kala nɛ ba ŋmoo lo a nyɩgɛ ʋ boi-baalaa kala.”

NƐHƖMAAYA 6:6

Teŋ-la tʋɔŋ ŋ-la nɛ ba ŋmʋnsa hɛ: “Tinteyee tʋɔŋ nɩaa ka bʋl, arɩ ŋ dɩ Juu tɩŋŋaa ka vʋʋrɛ nɛ dɩ ma hɛ yuosuŋ, ŋɩɩ nɛ tɩɩ ma wasaa saa jee-la ŋɩɩ. Ba bɩra bʋla arɩ ŋŋ chɛ ŋ ŋaa ba kuoro nɛ, Gesem ma bʋl arɩ wʋtɩtɩɩ nɛ.

ƐSƖTA 3:8

Ŋɩɩ nɛ Hamaŋ sii mʋ kuoro Zɛzɛs teeŋ a bʋla pʋ, “Nɩa kʋbala ba nɛ gɔllɔ hɔŋ ŋ tinteeŋ kala lɛ, ŋ nɩaa tʋɔŋ. Ba naabarɩŋ arɩ ŋ nɩaa naabarɩŋ bɩ dɔŋɔ naga. Ba-na bɩ ŋ niiŋ wɩaa kaa tɩtɩŋ. Kuoro, ŋ bɩ maga dɩ ŋ leŋ dɩ ba hɔŋ ŋ nɩaa tʋɔŋ.

JƐRƖMAAYA 52:3

La TƖƖNA baanɩŋ fa chaasa sii Jerusalɛm arɩ Juda tinteeŋ nɩaa nyuŋ nɛ kɩŋkɛŋ, ʋ vɩaba ta. Bʋa deeŋ lɛ dɩ Zedikaaya vɩa Babɩlɔŋ kuoro niiŋ.

DANƖƐL 3:8

Bʋa deeŋ lɛ nɛ Babɩlɔŋ nɩaa dɔnsʋŋ kʋ lɩɩ a bʋl wɩaa lɩɩ Juu tɩŋŋaa harɩŋ.

DANƖƐL 9:25

Jɩŋ wɩɩŋ deeŋ sɩaa woruŋ: A chɩŋ bʋa-la lɛ ba sɩ pa wombiiŋ dɩ ba paa Jerusalɛm wasa saa, a kaa kɔ bʋa-la lɛ Wɩa sɩ jaŋ lɩɩsɛ sɩpaalaarʋ-la dɩ ʋ kɔ, jaŋ ŋaa yɔɔsʋŋ balɩpɛ sɩ bala lɛ. Ba sɩ jaŋ bɩra bil wombiee ma a lu bʋɔsʋŋ ma a kaa pɔ ba tɩtɩa Jerusalɛm lɛ jaŋ ŋaa jɩsɩŋ zɔɔ-banɛsɛ arɩ mahɩŋ banɛsɛ arɩ batori lɛ. Ama bʋa deeŋ lɛ wʋjʋʋlaa jaŋ hɛ nɩmɛ.

Luuk 13:34

Ma Jerusalɛm nɩaa, ma yie kpʋ Wɩa wʋlaabʋllaa, a joŋ tabɩaa a yagɛ tɩndaara-la Wɩa sɩ tɩma dɩ ba kɔ ma teeŋ. Naansɩɩŋ yʋga nɛ mɩ fa cho dɩ mɩ chu tɔ ma nɩaa kala, arɩ jimiŋ sɩ yie chu tɔ ʋ biiriŋ ŋɩɩ, ka ma bɩ sɛyɛ.

Tɩntɩŋŋaa 24:5

La na dɩ baala deeŋ ŋaa wʋhɛɛrʋ nɛ. Juu tɩŋŋaa sɩ hɛ dʋnɩa sɛmɛ-na kala lɛ, ʋ yie mʋ lee-la a ŋaa taawɛɩ. Ʋ nɛ ŋaa Nazarɛt nɩaa Wɩɩ-chʋɔlaa kʋhɩaŋ ma.

1 Tɛsalonaaka Nɩaa 5:22

Má lɩɩsɛ ma tɩtɩa wʋbɔŋ kala lɛ.