ƐZƖRA 3:8 - WƖA TENIŊ

⁸ Ba sɩ mʋ Wɩa dɩa leriŋ Jerusalɛm lɛ, jɩ-lɩa tʋɔŋ chɛŋ-lɩa lɛ, Sɩalɩtɩɛl nanʋala Zerubabɛl, Jozadak nanʋala Jesua, arɩ ba naambiiriŋ kala (Wɩɩsʋllɩ sɩpaalaaraa, Levi doho nɩaa arɩ nɩalɩŋ kala sɩ lɩɩ yoŋ-baga kɔ Jerusalɛm) suomi tɩntɩmɩɩ-la. Ŋɩɩ nɛ ba lɩɩsɛ Levi doho nɩaa sɩ yi jɩsɩŋ mara a kaa mʋ, dɩ ba beŋ dɩ ba saa La TƖƖNA dɩa-la.

ƐZƖRA 3:8 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 23:4

Ŋɩɩ nɛ Devit bʋl, “Nɩaa deemba tʋɔŋ, nɩaa bʋɩ mara arɩ banɛsɛ nɛ maga dɩ ba bibeŋ La TƖƖNA dɩa-la tɩntɩŋŋaa, ka dɩ nɩaa bʋɩ balɩdʋ ma ŋaa tɩntɩnnɩ-hɩasɩŋ arɩ sarɩya diiree.

1 IZIRAL TƖŊŊAA NAABARƖŊ 3:17

Jehoyachiŋ, kuoru-la ba fa sɩ yuo kaa mʋ Babɩlɔŋ kɛŋ hambolibiisiŋ balɩpɛ nɛ. Ba yɩraa nɛ: Sɩalɩtɩɛl,

ƐZƖRA 10:18

Wɩɩsʋllɩ sɩpaalaaraa doho nɩaa tʋɔŋ, nɩaa deemba nɛ jaa tintee-wogusuŋ toloo: Jozadak nanʋala Jesua arɩ ʋ naambiiriŋ doho nɩaa tʋɔŋ, Maasɛya, Elieza, Jarɩb arɩ Gedalia.

ƐZƖRA 2:2

Ba sɩpaalaaraa nɛ fa ŋaa: Zerubabɛl, Jesua, Nɛhɩmaaya, Sɛraaya, Relaaya, Modikaaya, Bɩlɩsaŋ, Mɩsɩpaa, Bɩgɩvaɩ, Rehum arɩ Baana. Iziral tɩmma-la sɩ lɩɩ yoŋ-baga a kɔ arɩ ba doho nɩaa niiŋ nɛ ŋ-la:

ƐZƖRA 3:2

Ŋɩɩ nɛ Jozadak nanʋala Jesua arɩ ʋ tɩntɩnnɩ dɔnsʋŋ sɩ ŋaa Wɩɩsʋllɩ sɩpaalaara arɩ Zerubabɛl sɩ ŋaa Sɩalɩtɩɛl nanʋala arɩ ʋ naambiiriŋ suomo sɩsaa Iziral tɩŋŋaa Wɩɩsʋllɩ koruŋ dɩ ba kaa ŋaa kʋnyɩgaa Wɩɩsʋlʋŋ, arɩ wombie-la Wɩa tɩntɩnna Mosis sɩ ŋmʋnsa bil dɩ la tuto sɩ dagɛ ŋɩɩ.

ƐZƖRA 4:24

Bʋa deeŋ lɛ nɛ ba leŋ Wɩa dɩɩ-bal-la saanɩŋ a mʋ yi Daarus sɩ dii Pɛsɩa tinteeŋ kuoruŋ ʋ jɩ-lɩa lɛ.

ƐZƖRA 4:3

Ama Zerubabɛl, Jesua arɩ Iziral tɩŋŋaa dɩa dɩa nɩhɩasɩ-la nɩkaanaa bʋl, “Ma bɩ jaŋ wuo pɛ la lɛ dɩ la saa La TƖƖNA dɩɩ-bal-la. La dʋndʋŋa jaŋ saa dɩa-la a pɩ La TƖƖNA, Iziral tɩŋŋaa Wɩa, arɩ Pɛsɩa kuoro Siirus sɩ dagɛ la ŋɩɩ.”

ƐZƖRA 5:16

Ŋɩɩ nɛ Sɛsɩbaza kɔ a bil Wɩa dɩɩ-bal-la gentine Jerusalɛm lɛ. A lɩɩ tapʋlɩɩ-la a kaa kɔ, ba haa saa dɩa-la nɛ, ba ha bɩ dɛrɛ.

ƐZƖRA 5:2

Ŋɩɩ nɛ Sɩalɩtɩɛl nanʋala Jerubabɛl arɩ Jozadak nanʋala Jesua sii dɩ ba wasa saa Wɩa dɩɩ-bal-la sɩ hɛ Jerusalɛm lɛ. Wɩa wʋlaabʋlla-la ma fa hɛ nɩmɛ a pɩpɛ ba lɛ.

HAGAƖ 1:1

Daarus sɩ dii Pɛsɩa tinteeŋ kuoru-balɩŋ, ʋ jɩ-lɩa, chɛŋ-dʋ tapʋl-bumbuŋ lɛ nɛ, La TƖƖNA to ʋ wʋlaabʋlla Hagaɩ lɛ a bʋl wɩaa pɩ Zerubabɛl arɩ Josua. Zerubabɛl nɛ fa ŋaa nɩɩ-la sɩɩ beŋ Juda tinteeŋ, ʋ nyɩmma nɛ Sɩalɩtɩɛl. Josua ma nɛ fa ŋaa Wɩɩsʋllɩ sɩpaalaaraa nɩhɩaŋ, ʋ ma nyɩmma nɛ Jehozadak.

ZƐKARƖYA 4:9

Ʋ sɩ, “Zerubabɛl nɛ bil mɩ dɩɩ-balɩŋ deeŋ gentine. Ʋ nɛ saa jaŋ saaʋ dɛrɛ ma, dɩ ŋɩɩ nɛ ŋaa, mɩ nɩaa jaŋ jɩŋ arɩ ba TƖƖNA doluŋ kala Tɩɩna nɛ tɩmmɛ ba teeŋ.

ZƐKARƖYA 6:12

Bʋla pʋ wɩɩ-la mɩ-na ma TƖƖNA doluŋ kala Tɩɩna sɩ bʋla nɛ ŋ-la: “Baal-la ba sɩɩ yɩrɛ Naakeliŋ nɛ ŋ-la. Ʋ jaŋ kele lɩɩ ʋ lee-la ʋ sɩ hɛ, a saa mɩ-na ma TƖƖNA dɩɩ-bal-la.

NAMBABA 4:3

Má dɩɩsɛ baala-la kala sɩ yi jɩsɩŋ mara arɩ fii a kaa mʋ mahɩŋ balɩa arɩ fii, nɩalɩŋ kala sɩ maga dɩ ba kʋʋ tɩŋ lɛbɩ-la lɛ mɩ sɩ yie kɔ Iziral tɩŋŋaa teeŋ.