ƐZƖRA 3:7 - WƖA TENIŊ

⁷ Ŋɩɩ nɛ ba joŋ moribiee pɩ dɩɩ-saaraa arɩ kapɩntaba, a joŋ kʋdiilee, kʋnyʋalaa arɩ nʋʋŋ pɩ Sɩdɔŋ arɩ Taaya tɩŋŋaa dɩ ba kɛŋ kuolu doloo duori mʋgʋ-balɩŋ a lɩɩ Lɛbanɔŋ a kɔ Jopa, arɩ Pɛsɩa tinteeŋ kuoro Siirus sɩ dagɛ ŋɩɩ.

ƐZƖRA 3:7 ပူးပေါင်းရင်းမြစ်များ

2 SAMƲƐL 5:11

Bʋa-la lɛ nɛ Taaya tinteeŋ kuoro ba sɩɩ yɩrɛ Hiram tɩŋ tɩndaaraa ba kɔ Devit teeŋ, a kɛŋ kuolu daasɩŋ arɩ kapɩntaba arɩ nɩalɩŋ sɩ jɩŋ tabɩaa tɩntɩŋŋaa, ba kʋ saa kuoru dɩa a pɩ Devit.

1 KUOROO 5:6

Ŋɩɩ wɩaa leŋ dɩ ŋ nɩaa keri kuolu daasɩŋ Lɛbanɔŋ lɛ a pɩmɛ. Mɩ jaŋ leŋ dɩ mɩ nɩaa kʋ pɛ ŋ nɩaa lɛ dɩ ba keri daasɩ-la. Magɛ ŋɩɩ kala ŋ sɩɩ chɛ dɩ mɩ tiŋ ŋ nɩaa, mɩ jaŋ time pɩŋ. Ŋ jɩma, la bɩ nɩaa kɛnɛ ba jɩŋ daasɩŋ keriŋ a magɛ ŋ nɩaa.”

2 KUOROO 12:10

Bʋa na-kala lɛ dɩ ba nɛ na dɩ moribie-la yʋga daga-la tʋɔŋ, nɩɩ-la sɩɩ ŋmʋnsɛ kuoro teniŋ arɩ Wɩɩsʋllɩ sɩpaalaaraa nɩhɩaŋ nɛ yie kʋ chaarɛ moribie-la a dɩɩsɛ, aŋ paa hɛ lʋagaba lɛ.

2 KUOROO 12:13

Moribie-la nɩaa sɩ kaa kʋ pa Wɩa dɩa lɛ, ba bɩ ba tʋɔŋ lɩɩsa yɔɔ hɔpʋla taasɩ-gbansɩŋ, kɩalɩŋ ba sɩ kaa wasɛ chaaŋ ŋmɛnɩŋ tɩta, kʋmɩsɩrɩ gbansɩŋ, banyilliŋ koo kʋŋ na-kala ba sɩ kɛŋ sɛlɩmɛ koo hɔpʋla ŋaa sɩ hɛ La TƖƖNA dɩɩ-bal-la lɛ.

2 IZIRAL TƖŊŊAA NAABARƖŊ 34:10

Ŋɩɩ nɛ ba joŋ moribie-la pɩ nɩalɩŋ sɩɩ beŋ La TƖƖNA dɩɩ-bal-la tɩntɩŋŋaa. Ba laa tiŋ nɩalɩŋ sɩɩ wasɛ Wɩa dɩɩ-bal-la.

ƐZƖRA 3:6

Chɛŋ-pɛɩ tʋɔŋ tapʋl-bumbuŋ lɛ nɛ ba suomo ŋaa kʋnyɩgaa Wɩɩsʋlʋŋ a pɩ La TƖƖNA, arɩ ba fa ha bɩ La TƖƖNA dɩɩ-bal-la gentine bile ma kala.

ƐZƖKƖƐL 27:17

Ŋ dɩ Juda nɩaa arɩ Iziral tɩŋŋaa ma dii yɔbɔ nɛ. Ba kɛŋ mɛmpɛ a kaa lɩɩ taŋ-la ba sɩɩ yɩrɛ Mɩnɩf a pɛ kʋlɛnlɛmba lɛ: Tʋʋŋ, nʋʋŋ arɩ daalusuŋ ba sɩɩ tɩsʋ a lenni ŋ bayal kɩaa.

JONA 1:3

Jona vɩa Wɩa niiŋ aŋ mɩɩra fá mʋmʋ lee-la ba sɩɩ yɩrɛ Taasɩs. Ʋ sɩ mʋ yi Jopa, ʋ na lɩɩŋ daboro sɩɩ mʋ nɩmɛ. Ʋ tiŋ moribiiŋ aŋ jʋʋ, dɩ ʋ duoro mʋ Taasɩs a fá lɛl La TƖƖNA teeŋ.

Tɩntɩŋŋaa 12:20

Bʋa deeŋ lɛ Hɛrɔd fa na baanɩŋ woruŋ Taaya arɩ Sɩdɔŋ nɩaa nyuŋ. Ba sii hɛ dɔŋɔ lɛ a mʋ dɩ ba sʋlʋ, a laa sɩpaaŋ a na Bilasitas, nɩɩ-la sɩɩ beŋ kuoro dɩa nɛ, dɩ ʋ pɛ ba lɛ. Ʋ pɛ ba lɛ. Ŋɩɩ nɛ ba mʋ Hɛrɔd teeŋ a sʋlʋ dɩ ʋ leŋ dɩ ba sɩŋ, bɛɛ wɩaa ba nɩaa kʋdiilee ka lɩɩ kuoro tinteeŋ nɛ.

Tɩntɩŋŋaa 9:36

Haal kʋbala nɛ fa hɛ Jɔpa lɛ. Ʋ faa to Yesu nɛ. Ʋ yɩrɩŋ nɛ Tabɩta. (Giriik tɩŋŋaa ka yɩrʋ Dɔkas nɛ. Ʋ bʋbʋɔŋ nɛ ‘bagɩl’.) Ʋ kɛŋ zile kɩŋkɛŋ a pɩpɛ summoo lɛ.

Tɩntɩŋŋaa 9:38

Jɔpa arɩ Lida fa bɩ bol. Nɩalɩŋ sɩ laa Yesu wɩaa dii a hɛ Jɔpa lɛ nɩɩ arɩ Pɩɩta hɛ Lida lɛ. Ba tɩŋ nɩaa balɩa ʋ teeŋ dɩ ba sʋlʋ a bʋl, “Hɛ doluŋ aŋ kɔ la teeŋ lɩma lɩma.” Ba mʋ a bʋla pʋ.

Tɩntɩŋŋaa 9:43

Pɩɩta hɛ puri-tɩsɩrʋ kʋbala dɩa lɛ nɛ Jɔpa lɛ a dieni. Ʋ yɩrɩŋ nɛ fa Saamɔŋ.