ƐZƖRA 2:70 - WƖA TENIŊ

⁷⁰ Wɩɩsʋllɩ sɩpaalaaraa, Levi doho nɩaa, yɩɩlɩ yɩɩraa, nɩalɩŋ sɩɩ pɔ Wɩa dɩɩ-bal-la boi-baalaa, arɩ nɩalɩŋ sɩɩ tɩŋ Wɩa dɩɩ-bal-la lɛ a pɛ nɩaa dɔnsʋŋ lɛ mɩɩra mʋ hɔŋ tasɩ-la lɛ ba naabalɩmaba sɩ lɩa lɛ, ka Iziral tɩŋŋaa nɩkaana-la hɔŋ ba tasɩŋ lɛ.

ƐZƖRA 2:70 ပူးပေါင်းရင်းမြစ်များ

2 KUOROO 7:10

Ba mɩɩra kɔ Samarɩa a yɩrɛ nɩalɩŋ sɩɩ pɔ jaŋ-la boi-baalɩŋ a bʋla pɩba, “La mʋ Siiria tɩŋŋaa laalɩyuoroo buguŋ, la bɩ nʋʋkala na, la bɩ nʋʋ dɔmɔ ma nɩa nɩmɛ. Ba janɩŋ arɩ ba kakusuŋ dʋndʋŋa nɛ vɔɔ nɩmɛ, ka ba lɛŋŋɛɛ kala ha chɩŋ ba chɩnɩŋ.”

1 IZIRAL TƖŊŊAA NAABARƖŊ 11:2

Faafaa-la, Sɔɔl fa sɩ paala ŋaa la kuoro ma, ŋ nɛ ŋaa nɩɩ-la sɩ laa Iziral tɩŋŋaa sɩpaaŋ laalɩŋ lɛ. Ŋɩɩ nɛ La TƖƖNA Wɩa bʋla pɩŋ, ‘Ŋ nɛ jaŋ ŋaa mɩ nɩaa Iziral tɩŋŋaa sɩpaalaara a bibemba, a nagɛ pie-daara sɩɩ beŋ ʋ piesee ŋɩɩ.’ ”

1 IZIRAL TƖŊŊAA NAABARƖŊ 9:2

Iziral tɩmma-la sɩ laa sɩpaaŋ mɩɩra kɔ ba tasɩŋ, a hɔŋ ba dɩ-tɩɩlaa nɛ ŋ-la: Wɩɩsʋllɩ sɩpaalaaraa, Levi doho nɩaa, Wɩa dɩa tɩntɩnnaa arɩ Iziral tɩŋŋaa dɔnsʋŋ.

ƐZƖRA 2:1

Juu tɩmma-la fa sɩ hɛ yoŋ-baga lɛ, a lɩɩ Babɩlɔŋ tinteeŋ a mɩɩra kɔ Jerusalɛm arɩ Juda, ba kʋŋkala mʋ hɔŋ ba tasɩŋ lɛ. Babɩlɔŋ kuoro Nebukadineza nɛ fa yuo kɛsɛba kaa mʋ nɩmɛ.

NƐHƖMAAYA 7:73

Wɩɩsʋllɩ sɩpaalaaraa, Levi doho nɩaa, nɩalɩŋ sɩɩ pɔ Wɩa dɩɩ-bal-la boi-baalaa, yɩɩlɩ yɩɩraa arɩ nɩalɩŋ sɩɩ tɩŋ Wɩa dɩɩ-bal-la lɛ arɩ Iziral tɩmma-la dɔnsʋŋ kala fa kʋ hɔŋ ba tɩtɩa tasɩŋ lɛ nɛ. Jɩ-pɛɩ kʋʋ yi dɩ Iziral tɩŋŋaa hɔŋ ba tasɩŋ lɛ.