ƐZƖRA 2:68 - WƖA TENIŊ

⁶⁸ Ba sɩ mɩɩra kɔ La TƖƖNA dɩɩ-bal-la sɩ hɛ Jerusalɛm lɛ, ŋɩɩ nɛ dɩa dɩa nɩhɩasɩŋ dɔnsʋŋ joŋ ba tʋɔtɔrɛ kɩaa pa dɩ ba kaa wasa saa Wɩa dɩɩ-bal-la, dɩ ʋ chɩŋ ʋ dɩchɩnɩŋ.

ƐZƖRA 2:68 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 21:18

Ŋɩɩ nɛ Wɩa tɩndaarʋ-la hɛ Gad dɩ ʋ mʋ bʋla pɩ Devit arɩ ʋ sii mʋ Araʋna, Jebus tɩɩna-la taha a saa Wɩɩsʋllɩ koruŋ pɩ La TƖƖNA nɩmɛ.

1 IZIRAL TƖŊŊAA NAABARƖŊ 22:1

Ŋɩɩ nɛ Devit bʋl, “Daha nɛ maga dɩ La TƖƖNA Wɩa dɩɩ-balɩŋ arɩ Iziral tɩŋŋaa kʋnyɩgaa Wɩɩsʋllɩ koruŋ hɛ.”

2 IZIRAL TƖŊŊAA NAABARƖŊ 3:1

Ŋɩɩ nɛ Solomoŋ suomo sɩsaa La TƖƖNA dɩɩ-bal-la Jerusalɛm lɛ Moria peel-la nyuŋ. Lee-la nɛ La TƖƖNA fa kɛŋ ʋ tɩtɩa kʋ dagɛ Solomoŋ nyɩmma Devit. Jebus tɩŋŋaa Araʋna taha nɛ fa ŋɩɩ. Devit nɛ fa chɛ lee-la bil.

ƐZƖRA 2:67

Bʋntaŋŋaba ma ŋaa zɔɔ-banɛsɛ arɩ mara arɩ fii arɩ banɔŋ, a pɛ kakusuŋ bʋɩ balɩdʋ arɩ zɔɔ-balɩpɛ arɩ mara.

ƐZƖRA 2:69

Ba kʋŋkala doluŋ sɩ magɛ ŋɩɩ nɛ ba kɩɛsɛ kɩaa dɩ ba kaa tɩŋ tɩntɩmɩŋ deeŋ. Kɩalɩŋ ba sɩ kɩɛsa nɛ, sɛlɩmɛ yuŋuŋ sɩ ŋaa kilo zɔɔ-banɔŋ, hɔpʋla yuŋuŋ sɩ ŋaa kiloba bʋɩ balɩa arɩ zɔlɔ chori arɩ Wɩɩsʋllɩ sɩpaalaaraa gɛnnɩŋ zɔlɔ.

ƐZƖRA 3:3

Arɩ ba fa sɩɩ fá nɩalɩŋ sɩ golliba ma kala, ba saa Wɩɩsʋlʋŋ koru-la nɛ ʋ gentine tɩtɩa lɛ, a ŋaa kʋnyɩgaa Wɩɩsʋlʋŋ ʋ lɛ a pɩ La TƖƖNA, chʋchʋɔŋ arɩ dɩdaanɩŋ kala.

ƐZƖRA 9:9

La fa ŋaa yosi ma nɛ, ama ŋ-na la Wɩa bɩ la vɩa ta la yoŋ-baga-la lɛ. Ŋ dagɛ ŋ zile pɩla nɛ a leŋ Pɛsɩa tinteeŋ kuoro cho la wɩaa, a leŋ la kɛŋ mɩɩsɩŋ dɩ la wasa saa ŋ dɩa-la a bɩrɩmɛ lere-la kala sɩ cheye, ŋ leŋe la Juda arɩ Jerusalɛm nɩaa hɔŋ nɛ wɩɩ bɩ la walɩmɛ.

WƖA YƖƖLAA 110:3

Tapʋlɩɩ-la ŋ sɩ jaŋ yuo ŋ dʋndɔŋŋɔɔ, ŋ nɩaa jaŋ kɛŋ ba tɩtɩa kʋ lɩɩ ŋ harɩŋ a kpɩɛrɛ ba tɩtɩa. Ŋ bapʋɔsɛ biisi-la jaŋ kɔ ŋ teeŋ peel-la ŋ sɩ lɩɩsa pɩ ŋ tɩtɩa nyuŋ.

MOSIS KƐŊ IZIRAL TƖŊŊAA LƖƖ 25:2

“Bʋla pɩ Iziral tɩŋŋaa dɩ ba kɛŋ kɩaa kʋ ŋaa Wɩɩsʋlʋŋ pɩmɛ, laa kʋ-la kala nʋʋkala sɩ cho dɩ ʋ joŋo pɩmɛ.

MOSIS KƐŊ IZIRAL TƖŊŊAA LƖƖ 35:21

Ba sɩ mɩɩra kɔ, nɩalɩŋ tʋɔbɩɩnaa sɩ suo, arɩ nɩɩ-la na kala sɩ kɛŋ tʋɔpʋla suomo kɛŋ Wɩɩsʋllɩ kɩaa kʋʋ pɩ La TƖƖNA, dɩ ba laa kaa ŋaa lɛbɩ-la lɛ La TƖƖNA sɩ yie kɔ Iziral tɩŋŋaa teeŋ, aŋ pɛ kaa tɩŋ ʋ tɩntɩŋŋaa aŋ pɛ kaa yɛrɛ Wɩa tɩntɩŋŋaa gɛnnɩ-la sɩ kɛŋ yɩrɩŋ ma.

MOSIS KƐŊ IZIRAL TƖŊŊAA LƖƖ 35:29

Iziral tɩŋŋaa baalaa arɩ haala-la kala tʋɔbɩɩnaa sɩ suo kɛŋ tʋɔtɔrɛ Wɩɩsʋlʋŋ kɩaa kʋ pɩ La TƖƖNA, dɩ Mosis laa a kaa tɩŋ tɩntɩmɩɩ-la La TƖƖNA sɩ dagʋ.

MOSIS KƐŊ IZIRAL TƖŊŊAA LƖƖ 36:3

Ba kɔ a laa kɩalɩŋ kala Iziral tɩŋŋaa sɩ kaa kʋ pɩ Mosis dɩ ba kaa tɩŋ Wɩa dɩ-zɔŋ-la tɩntɩŋŋaa. Ka ba ha kɛŋ ba tʋɔtɔrɛ Wɩɩsʋlʋŋ kɩaa kʋkɔ chʋchʋɔ na-kala.

2 Kɔrɩntɩ Nɩaa 8:12

Dɩ ŋ nɛ kɛŋ ŋ tɩtɩa hɛ dɔŋɔ dɩ ŋ joŋ kʋŋ pɩ nʋʋ, tɩɩna jaŋ laa kʋ-la ŋ sɩ joŋo pʋ nɛ, ama ʋ bɩ jaŋ laa kʋ-la ŋ sɩ bɩ kɛnɛ.

2 Kɔrɩntɩ Nɩaa 8:3

Wʋtɩtɩɩ nɛ mɩ bʋlaa pɩma arɩ nɩaa deemba pɩla kɩaa a magɛ ba doluŋ maŋŋaa nɛ, ba paala pa kɩɩ ba doluŋ nɛ. Ba tɩtɩa tʋɔtɔrʋŋ lɛ,

2 Kɔrɩntɩ Nɩaa 9:7

Nʋʋkala magɛ dɩ ʋ tɩa magɛ ŋɩɩ ʋ tʋɔbɩɩnaa sɩ daga nɛ. Ʋ bɩ maga dɩ ʋ ŋaa saka saka. Ʋ bɩ maga dɩ ʋ bɩɩnɛ arɩ baa fʋgʋ nɛ dɩ ʋ pɩ kɩalɩŋ. Nʋʋkala maga dɩ ʋ tɩa kɩaa ʋ tʋɔtɔrʋŋ lɛ nɛ, bɛɛ wɩaa Wɩa cho nɩɩ-la sɩɩ pa arɩ tʋɔtɔrʋŋ nɛ.