7 Ŋɩɩ nɛ ba heele bʋl Juda arɩ Jerusalɛm kala lɛ dɩ nɩalɩŋ sɩ lɩɩ yoŋ-baga kɔ kala kʋ hilimi Jerusalɛm lɛ.
Ŋɩɩ nɛ ba tɩma yɩrɛ Iziral tɩŋŋaa kala, a chɩŋ Bɛɛsɩba sɩ hɛ wɩɩpɔsʋŋ nadiiŋ dɩɩrɩŋ a kaa mʋ yi Daŋ sɩ hɛ wɩɩpɔsʋŋ nagʋa dɩɩrɩŋ dɩ ba kɔ Jerusalɛm a gbieli La TƖƖNA Iziral tɩŋŋaa Wɩa dɩɩsɩŋ kiele bal gbiele. Bʋa deeŋ lɛ nɩalɩŋ sɩ kɔ nɛ yʋga a kɩɩ ba sɩ vɛnɛɛ gbieli gbiele-la kala ba sɩ ŋmʋnsa bil.
Siirus fa sɩ dii Pɛsɩa tinteeŋ kuoruŋ ʋ jɩ-bumbuŋ lɛ, La TƖƖNA sɩɩ chɛ dɩ ʋ leŋ dɩ wɩɩ-la ʋ sɩ to Jɛrɩmaaya lɛ bʋl kʋ ŋaa wʋtɩtɩɩ, ʋ digi Pɛsɩa tinteeŋ kuoro Siirus tʋɔŋ nɛ, ʋ ŋaa ba ŋmʋnsɛ heele deeŋ a pɩ ʋ tinteeŋ nɩaa kala:
Ŋɩɩ nɛ Ɛzɩra sii Wɩa dɩa-la sɩpaaŋ, a mʋ Ɛlɩasɩb nanʋala Jehohanaŋ dɩa, a chʋa nɩmɛ. Ama ʋ bɩ kʋŋkala die, ʋ bɩ lɩɩŋ ma nyʋa nɩmɛ, bɛɛ wɩaa ʋ fa haa yel nɛ a tɩŋ nɩalɩŋ sɩ lɩɩ yoŋ-baga kɔ sɩ bɩ Wɩa niiŋ to.
Dɩ nʋʋkala nɛ bɩ kɔ a kaa mʋ yi tapʋlaa batori pɛgɛ, ba jaŋ laa ʋ dʋa kala, arɩ tɩntɩnnɩ-hɩasɩŋ arɩ nɩhɩasɩŋ sɩ dagɛ ŋɩɩ, aŋ kiru ta nɩalɩŋ sɩ lɩɩ yoŋ-baga kɔ tʋɔŋ.