ƐZƖRA 10:6 - WƖA TENIŊ

⁶ Ŋɩɩ nɛ Ɛzɩra sii Wɩa dɩa-la sɩpaaŋ, a mʋ Ɛlɩasɩb nanʋala Jehohanaŋ dɩa, a chʋa nɩmɛ. Ama ʋ bɩ kʋŋkala die, ʋ bɩ lɩɩŋ ma nyʋa nɩmɛ, bɛɛ wɩaa ʋ fa haa yel nɛ a tɩŋ nɩalɩŋ sɩ lɩɩ yoŋ-baga kɔ sɩ bɩ Wɩa niiŋ to.

ƐZƖRA 10:6 ပူးပေါင်းရင်းမြစ်များ

ƐZƖRA 10:1

Ɛzɩra fa sɩ chʋɔlɛ Wɩa aŋ pɛ dɩdagɛ wɩalɩŋ ba sɩ ŋaa chei, a yiyel a foro titel Wɩa dɩa sɩpaaŋ, ŋɩɩ nɛ Iziral tɩŋŋaa nɩ-daŋ, baalaa, haalaa arɩ hambiisiŋ kʋ chɩna gollu, a ma faasa yiyel.

ƐZƖRA 10:7

Ŋɩɩ nɛ ba heele bʋl Juda arɩ Jerusalɛm kala lɛ dɩ nɩalɩŋ sɩ lɩɩ yoŋ-baga kɔ kala kʋ hilimi Jerusalɛm lɛ.

ƐZƖRA 9:4

Ŋɩɩ nɛ nɩalɩŋ kala sɩɩ fá Wɩa kɔ mɩ teeŋ, a tɩŋ wʋbɔŋ-la nɩalɩŋ sɩ lɩɩ yoŋ-baga kɔ sɩ ŋaa wɩaa. Ka mɩ hɔŋ a kala vɔgɛ arɩ tʋɔ-cheeŋ a mʋ yi bʋa-la lɛ ba sɩɩ ŋaa dɩdaanɩŋ Wɩɩsʋlʋŋ.

NƐHƖMAAYA 12:10

Joyakim nyɩmma nɛ fa Jesua, Ɛlɩasɩb ma nyɩmma nɛ Joyakim, Joyada ma nyɩmma nɛ Ɛlɩasɩb,

NƐHƖMAAYA 12:22

Daarus sɩ dii Pɛsɩa tinteeŋ kuoruŋ, bʋa-la lɛ nɛ ba ŋmʋnsɛ Levi doho nɩaa dɩa dɩa nɩhɩasɩŋ yɩraa a bil. Nɩaa deemba nɛ fa ŋaa ba nɩhɩasɩŋ: Ɛlɩasɩb, Joyada, Johanaŋ arɩ Jadʋa, a saa pɛ Wɩɩsʋllɩ sɩpaalaaraa dɩa dɩa yɩraa lɛ.

NƐHƖMAAYA 13:28

Ɛlɩasɩb sɩ ŋaa Wɩɩsʋllɩ sɩpaalaaraa nɩhɩaŋ nanʋala dɔŋɔ nɛ fa Joyada. Ama Joyada hɩɩlɩ-baala nɛ fa Sambalat, Horo tɩɩna-la. Ŋɩɩ nɛ mɩ kiri Joyada ta mɩ teeŋ.

NƐHƖMAAYA 13:5

Ʋ joŋ dɩɩ-bal kʋbala a pɩ Tobia lee-la ba sɩɩ bil kɩaa deemba: mɩaa Wɩɩsʋlʋŋ kɩaa, kʋsʋɔrʋsʋŋ arɩ Wɩa dɩɩ-bal-la tɩntɩnnɩ kɩaa, a pɛ mɩaa kpaalɩŋ fii tʋɔŋ kʋbala ba sɩ yie joŋo pɩ Wɩa lɛ, arɩ girep nɛnɛɛ sɩ-falɩŋ, nʋʋ-la ba sɩ yie joŋo pɩ Levi doho nɩaa, yɩɩlɩ yɩɩraa arɩ boi-pɔɔrɔɔ, a saa pɛ kɩalɩŋ ba sɩ yie kɩɛsa pɩ Wɩɩsʋllɩ sɩpaalaaraa lɛ.

NƐHƖMAAYA 3:1

Ŋɩɩ nɛ Ɛlɩasɩb sɩ ŋaa Wɩɩsʋllɩ sɩpaalaaraa nɩhɩaŋ arɩ ʋ tɩntɩnnɩ dɔnsʋ-la ma sɩ ŋaa Wɩɩsʋllɩ sɩpaalaara suomi ba tɩntɩŋŋaa, a wasa paa boi-baal-la ba sɩɩ yɩrɛ Piesee boi-baalɩŋ saa. Ba joŋo pɩ Wɩa, aŋ hɛ ʋ borusuŋ a saaʋ ŋɩɩ a mʋ yi dɩɩ-leŋii-la ba sɩɩ yɩrɛ Zɔlɔ arɩ Hananɛl Dɩɩ-duduoŋ-la a joŋ ba ma pɩ Wɩa.

NƐHƖMAAYA 3:20

Nɩɩ-la ma bɩra sɩ wasa saa tɩgɛ ʋ lɛ nɛ ŋaa Zabaɩ nanʋala Baruk. Ʋ wasa saa lee-la nɛ arɩ sɩɩfɩɛsɩŋ a chɩŋ lee-la jee-la sɩ gʋra a kɛŋ ŋɩɩ mʋ yi Wɩɩsʋllɩ sɩpaalaaraa nɩhɩaŋ Ɛlɩasɩb dɩa boiŋ niiŋ.

JOB 23:12

Mɩ bɩ ʋ niiŋ wʋdagaa vɩa. Mɩ cho ʋ niiŋ wɩalɩŋ a kɩɩ mɩ kʋdiilee.

WƖA YƖƖLAA 102:4

Mɩ yaraa kala ŋmaama nɛ a nagɛ yaŋ sɩ hɩla. Mɩ niiŋ kpʋa nɛ, mɩ bɩ kʋdiilee cho.

MOSIS KƐŊ IZIRAL TƖŊŊAA LƖƖ 34:28

Mosis fa hɛ La TƖƖNA teeŋ wɩɩhɛyɛ arɩ tɩtaŋɩŋ tapʋlaa mahɩŋ balɩa nɛ. Ʋ bɩ kʋŋ die ʋ bɩ lɩɩ ma nyʋa. Ŋɩɩ nɛ ʋ tuuri wɩalɩŋ Wɩa sɩ kaa bil nii-la ʋ dɩ ba pɛgɛ a hɛ tabɩɩ-taalɩa-la lɛ, Wɩa sɩ bil niiri-la fii.

AZAAYA 22:12

La TƖƖNA doluŋ kala Tɩɩna yɩrɛma nɛ tapʋlɩɩ-la dɩ ma ŋmoo niiŋ a yiyel a fʋŋ ma nyusuŋ aŋ laalɛ tʋɔ-chei gɛnnɩŋ.

DANƖƐL 9:3

Ŋɩɩ nɛ mɩ chʋɔlɛ La TƖƖNA Wɩa a sʋlʋ, a vɔɔ niiŋ a laalɛ tʋɔ-chei gɛnnɩŋ a ŋaa tʋɔrʋŋ bʋgɛ.

MOSIS BƖRA WULLI WƖA WOMBIIŊ 9:18

Ŋɩɩ nɛ mɩ bɩra gbieni La TƖƖNA sɩpaaŋ wɩɩhɛyɛ arɩ tɩtaŋɩŋ kala tapʋlaa mahɩŋ balɩa, mɩ bɩ kʋŋkala die mɩ bɩ lɩɩ ma nyʋa. Mɩ ŋaa wɩaa deemba kala a tɩŋ ma sɩ ŋaa wʋbɔmɔ-la wɩaa nɛ, a leŋ La TƖƖNA chaasa na baanɩŋ ma nyuŋ.