ƐZƖRA 10:3 - WƖA TENIŊ

³ Lɛɛlɛ, má leŋ dɩ la bil niiŋ la dɩ la Wɩa pɛgɛ, aŋ kiri haala-la arɩ ba biiriŋ dɩ ba viiri. La jaŋ ŋaa wɩɩ-la ŋ-na mɩ kʋhɩaŋ arɩ nɩalɩŋ sɩɩ zil la Wɩa sɩ daga. Má leŋ dɩ la ŋaa ŋɩɩ Wɩa wombiiŋ sɩ daga.

ƐZƖRA 10:3 ပူးပေါင်းရင်းမြစ်များ

2 KUOROO 11:17

Jehoyada sɩ ŋaa Wɩɩsʋllɩ sɩpaalaara, leŋ kuoro Jʋas arɩ nɩalɩŋ hɛ niiŋ arɩ ba jaŋ ŋaa La TƖƖNA nɩaa. Ʋ bɩra leŋ nɩalɩŋ arɩ kuoro ma hɛ niiŋ pɩ dɔŋɔ arɩ ba jaŋ bʋla nɩnɩɩ dɔŋɔ lɛ.

2 IZIRAL TƖŊŊAA NAABARƖŊ 29:10

Lɛɛlɛ mɩɩ chɛ mɩ hɛ niiŋ nɛ mɩ dɩ La TƖƖNA, Iziral tɩŋŋaa Wɩa pɛgɛ, dɩ ʋ baaŋ-la ʋ sɩ faasa na la nyuŋ fɩɛlɛ.

2 IZIRAL TƖŊŊAA NAABARƖŊ 30:12

Wɩa fa joŋ ʋ nɩsɩŋ daŋ Juda nɩaa ma lɛ nɛ a leŋ ba niiŋ magɛ dɔŋɔ dɩ ba ŋaa wɩɩ-la kuoro arɩ ʋ tɩntɩnnɩ-hɩasɩŋ sɩ bʋla. Ba fa to La TƖƖNA niiŋ nɛ a ŋaa wɩalɩŋ.

2 IZIRAL TƖŊŊAA NAABARƖŊ 34:21

“Má mʋ chɛ na La TƖƖNA teeŋ a mʋ tɩgɛ wɩalɩŋ sɩ hɛ teŋ-la tʋɔŋ a pɩ mɩ dɩ Iziral nɩkaanaa arɩ Juda nɩaa. La TƖƖNA chaasa na baanɩŋ nɛ la nyuŋ, a tɩŋ la naabalɩmaba sɩ bɩ ʋ niiŋ wɩaa to. Ba bɩ wɩalɩŋ kala ba sɩ ŋmʋnsa hɛ teŋ-la tʋɔŋ to.”

2 IZIRAL TƖŊŊAA NAABARƖŊ 34:27

A tɩŋ ŋ tʋɔŋ sɩ cheye ŋ kɛŋ ŋ tɩtɩa muuri mɩ sɩpaaŋ, ŋ sɩ nɩɩ wɩalɩŋ mɩ sɩ bʋla arɩ mɩ jaŋ chei Jerusalɛm arɩ ʋ nɩaa, ŋ tɩŋ ŋɩɩ wɩaa a kɛŋ ŋ gɛnnɩŋ kɩɛsɛ a yel mɩ sɩpaaŋ, mɩ jegile nɩɩ ŋ sʋla nɛ. Mɩ-na ma TƖƖNA nɛ bʋla.

ƐZƖRA 10:11

Lɛɛlɛ, má dagɛ wɩalɩŋ ma sɩ ŋaa chei a pɩ La TƖƖNA ma naabalɩmaba Wɩa aŋ ŋɩŋaa wɩalɩŋ ʋ sɩɩ chɛ. Má pɔrɛ ma tɩtɩa a lɩɩ nɩalɩŋ sɩ gollima tʋɔŋ arɩ tintee-wogusuŋ toloo-la ma sɩ jaa lɛ.”

ƐZƖRA 10:44

Nɩaa deemba kala fa jaa tintee-wogusuŋ toloo nɛ, ba dɔnsʋŋ kɛŋ haala-la a lʋl biiriŋ.

ƐZƖRA 10:9

Tapʋlaa batori-la pɛgɛ, chɛŋ-nibi tapʋl mara chɛɛŋ nɛ ŋɩɩ, baala-la kala sɩ hɛ Juda arɩ Bɛnjamɩŋ lɛ kɔ Jerusalɛm, a hɔŋ ba dɩ-hilimiŋ, Wɩa dɩa-la sɩpaaŋ. Ba tʋɔŋ kala fa chaasa chei nɛ a tɩŋ hilime-la arɩ duonuŋ fa sɩɩ nɩɩ wɩaa.

ƐZƖRA 9:4

Ŋɩɩ nɛ nɩalɩŋ kala sɩɩ fá Wɩa kɔ mɩ teeŋ, a tɩŋ wʋbɔŋ-la nɩalɩŋ sɩ lɩɩ yoŋ-baga kɔ sɩ ŋaa wɩaa. Ka mɩ hɔŋ a kala vɔgɛ arɩ tʋɔ-cheeŋ a mʋ yi bʋa-la lɛ ba sɩɩ ŋaa dɩdaanɩŋ Wɩɩsʋlʋŋ.

NƐHƖMAAYA 10:1

Nɩalɩŋ sɩ joŋ ba neniee daŋ teŋ-la lɛ nɛ ŋ-la: Hakalɩa nanʋala Nɛhɩmaaya sɩ ŋaa ba tinteeŋ nɩhɩaŋ, Zedikaaya,

NƐHƖMAAYA 8:14

Ba na Wɩa wombii-la La TƖƖNA sɩ to Mosis lɛ a joŋo pɩba tʋɔŋ, dɩ Wɩa daga arɩ Iziral tɩŋŋaa maga dɩ ba jʋʋ lɛŋŋɛɛ nɛ, gbiele-la ba sɩ jaŋ gbieli chɛŋ-pɛɩ-la tʋɔŋ.

NƐHƖMAAYA 9:38

A tɩŋ wɩaa deemba kala wɩaa, la Iziral tɩŋŋaa kala ŋaa nii-bala nɛ, dɩ la tɔ boŋ a ŋmʋnsa bil, dɩ la sɩpaalaaraa, la Levi doho nɩaa arɩ la Wɩɩsʋllɩ sɩpaalaaraa sɩ jaŋ joŋ ba magɩlɩŋ hɛ.”

WƖA YƖƖLAA 119:120

Fawʋllʋŋ kɛmmɛ nɛ mɩ chichel, a tɩŋ ŋɩɩ ŋ sɩɩ dii sarɩya lɛ.

WƖA YƖƖLAA 119:59

Mɩ beŋ ŋɩɩ mɩ mɛlɛ sɩ naga nɛ, aŋ bɩrɩmɛ aa to wɩalɩŋ ŋ sɩ daga.

AZAAYA 66:2

Kɩaa deemba kala sɩ hɛ nɩmɛ, mɩ dee bɩ ŋaa?” La TƖƖNA sɩ, “Nɩɩ-la nyuŋ mɩ tʋɔŋ sɩ tɔrɔ nɛ ŋ-la: Nɩɩ-la sɩ kɛŋ ʋ tɩtɩa muuri, a leŋ ʋ tʋɔŋ faasa chei ʋ wʋbɔŋŋɔɔ lɛ, a kɛŋ mɩ niiŋ wɩaa tɩtɩŋ.

AZAAYA 8:20

Dɩ wɩalɩŋ ba sɩ bʋla nɛ bɩ wombii-la La TƖƖNA sɩ daga lɛ to, ŋɩɩ-na ba bɩ wʋtɩtɩɩ kɛnɛ.

ƐZƖKƖƐL 9:4

a bʋla pʋ, “Gɔllɛ Jerusalɛm tabal-la lɛ a tuuri magɩlɩŋ hɛ nɩaa tilliŋ lɛ, nɩalɩŋ tʋɔŋ sɩ cheye ba yiyel a tɩŋ wʋkɩsɩa-la kala nɩaa sɩɩ ŋaa taŋ-la lɛ wɩaa.”

MOSIS BƖRA WULLI WƖA WOMBIIŊ 29:12

Ma chɩŋ daha jɩnɩŋ dɩ ma sɛɩ nii-la ma TƖƖNA Wɩa sɩ bile ʋ dɩ ma pɛgɛ, nii-la ʋ sɩ bile aŋ ŋmɩɛsa dɩdaŋ,

JOSUA 9:6

Ŋɩɩ nɛ ba mʋ Josua teeŋ Gɩlɩgal lɛ ba dɩhɔnʋŋ, a bʋla pɩ ʋ dɩ Iziral tɩŋŋaa, “La lɩɩ dɩ-bolii nɛ a kɔ, aa chɛla dɩ ma hɛ niiŋ pɩ dɔŋɔ.”