ƐZƖRA 10:18 - WƖA TENIŊ

¹⁸ Wɩɩsʋllɩ sɩpaalaaraa doho nɩaa tʋɔŋ, nɩaa deemba nɛ jaa tintee-wogusuŋ toloo: Jozadak nanʋala Jesua arɩ ʋ naambiiriŋ doho nɩaa tʋɔŋ, Maasɛya, Elieza, Jarɩb arɩ Gedalia.

ƐZƖRA 10:18 ပူးပေါင်းရင်းမြစ်များ

ƐZƖRA 10:17

Ʋ mʋʋ yi chɛŋ-bumbuŋ tapʋl-bumbuŋ chɛɛŋ, dɩ ba bʋl wɩaa a mʋ tɩgɛ nɩalɩŋ kala sɩ jaa tintee-wogusuŋ toloo wɩaa a dɛrɛ.

ƐZƖRA 2:2

Ba sɩpaalaaraa nɛ fa ŋaa: Zerubabɛl, Jesua, Nɛhɩmaaya, Sɛraaya, Relaaya, Modikaaya, Bɩlɩsaŋ, Mɩsɩpaa, Bɩgɩvaɩ, Rehum arɩ Baana. Iziral tɩmma-la sɩ lɩɩ yoŋ-baga a kɔ arɩ ba doho nɩaa niiŋ nɛ ŋ-la:

ƐZƖRA 2:36

Wɩɩsʋllɩ sɩpaalaaraa sɩ lɩɩ yoŋ-baga kɔ arɩ ba doho nɩaa niiŋ nɛ ŋ-la: Jedaaya doho nɩaa (Jesua dɩa nɩaa) ma ŋaa nɩaa zɔlɔ nibi arɩ mahɩŋ batori arɩ fii arɩ batori nɛ.

ƐZƖRA 3:2

Ŋɩɩ nɛ Jozadak nanʋala Jesua arɩ ʋ tɩntɩnnɩ dɔnsʋŋ sɩ ŋaa Wɩɩsʋllɩ sɩpaalaara arɩ Zerubabɛl sɩ ŋaa Sɩalɩtɩɛl nanʋala arɩ ʋ naambiiriŋ suomo sɩsaa Iziral tɩŋŋaa Wɩɩsʋllɩ koruŋ dɩ ba kaa ŋaa kʋnyɩgaa Wɩɩsʋlʋŋ, arɩ wombie-la Wɩa tɩntɩnna Mosis sɩ ŋmʋnsa bil dɩ la tuto sɩ dagɛ ŋɩɩ.

ƐZƖRA 3:8

Ba sɩ mʋ Wɩa dɩa leriŋ Jerusalɛm lɛ, jɩ-lɩa tʋɔŋ chɛŋ-lɩa lɛ, Sɩalɩtɩɛl nanʋala Zerubabɛl, Jozadak nanʋala Jesua, arɩ ba naambiiriŋ kala (Wɩɩsʋllɩ sɩpaalaaraa, Levi doho nɩaa arɩ nɩalɩŋ kala sɩ lɩɩ yoŋ-baga kɔ Jerusalɛm) suomi tɩntɩmɩɩ-la. Ŋɩɩ nɛ ba lɩɩsɛ Levi doho nɩaa sɩ yi jɩsɩŋ mara a kaa mʋ, dɩ ba beŋ dɩ ba saa La TƖƖNA dɩa-la.

ƐZƖRA 5:2

Ŋɩɩ nɛ Sɩalɩtɩɛl nanʋala Jerubabɛl arɩ Jozadak nanʋala Jesua sii dɩ ba wasa saa Wɩa dɩɩ-bal-la sɩ hɛ Jerusalɛm lɛ. Wɩa wʋlaabʋlla-la ma fa hɛ nɩmɛ a pɩpɛ ba lɛ.

ƐZƖRA 9:1

La sɩ ŋaa wɩaa deemba kala harɩŋ, Iziral tɩŋŋaa sɩpaalaaraa kɔ mɩ teeŋ a bʋl, “Iziral tɩŋŋaa, a pɛ Wɩɩsʋllɩ sɩpaalaaraa arɩ Levi doho nɩaa lɛ bɩ ba tɩtɩa lɩɩsa wʋkɩsɩa-la nɩwogusu-la sɩ golliba sɩɩ ŋaa lɛ: Kɛnaŋ tɩŋŋaa, Hiti tɩŋŋaa, Pɛrɛs tɩŋŋaa, Jebus tɩŋŋaa, Amɔŋ tɩŋŋaa, Mʋab tɩŋŋaa, Ijipiti tɩŋŋaa arɩ Amɔrɩ tɩŋŋaa.

ƐZƖRA 9:2

Ba jaa nɩaa deemba toloo nɛ, aŋ jaa pɩ ba hambolibiisiŋ ma, a leŋ Wɩa nɩaa sɩ bɩ disiniŋ kɛnɛ guoli nɩwogusuŋ tʋɔŋ. Sɩpaalaaraa arɩ tɩntɩnnɩ-hɩasɩŋ nɛ paala laa sɩpaaŋ ŋaa wɩɩŋ deeŋ a chei.”

NƐHƖMAAYA 12:10

Joyakim nyɩmma nɛ fa Jesua, Ɛlɩasɩb ma nyɩmma nɛ Joyakim, Joyada ma nyɩmma nɛ Ɛlɩasɩb,

NƐHƖMAAYA 13:28

Ɛlɩasɩb sɩ ŋaa Wɩɩsʋllɩ sɩpaalaaraa nɩhɩaŋ nanʋala dɔŋɔ nɛ fa Joyada. Ama Joyada hɩɩlɩ-baala nɛ fa Sambalat, Horo tɩɩna-la. Ŋɩɩ nɛ mɩ kiri Joyada ta mɩ teeŋ.

NƐHƖMAAYA 8:4

Ba fa kɛŋ daasɩŋ nɛ a ŋaa kʋŋ ʋ sii je wɩɩ-la wɩaa, Ɛzɩra Wɩa teniŋ kerichi-la jɩla chɩŋ ʋ nyuŋ. Matɩtɩa, Sɛma, Anaaya, Yuria, Hɩlɩkaaya arɩ Maasɛya nɛ fa chɩŋ ʋ nadiiŋ sɛmɛ, ka Pedaaya, Mɩsɩɛl, Malɩkɩja, Hasum, Hasɩbadana, Zɛkarɩya arɩ Mesulam ma chɩŋ ʋ nagʋa sɛmɛ.

NƐHƖMAAYA 8:7

Ŋɩɩ nɛ aŋ sii chɩŋ Levi doho nɩaa deemba dagɛ Wɩa wombie-la bʋbʋɔŋ a pɩba: Jesua, Banɩ, Sɛrɛbɩa, Jamɩŋ, Akub, Sabɛtaɩ, Hodia, Maasɛya, Kɛlɩta, Azarɩa, Jozabad, Hanaŋ arɩ Pɛlaaya.

JƐRƖMAAYA 23:10

Tintee-la kala nɛ suo arɩ hachɔrʋmɔɔ, bɛɛ wɩaa ŋmɩaŋ dii nɩalɩŋ nɛ, tintee-la kala hɩl. Yaŋ-la sɩ hɛ tintee-hɩlɩŋ lɛ kala nɛ hɩla. Wɩa wʋlaabʋlla-la ka to nɩbɔŋ wombiee nɛ, a dɩdagɛ ba doluŋ ŋɩɩ sɩ bɩ maga.

JƐRƖMAAYA 23:11

La TƖƖNA bɩra sɩ, “Mɩ wʋlaabʋllaa arɩ Wɩɩsʋllɩ sɩpaalaaraa bɩ mɩ ka fá. Mɩ dɩɩ-bal-la ma tɩtɩa lɛ, baa ŋaa wʋbɔŋŋɔɔ nɛ.

JƐRƖMAAYA 23:14

Jerusalɛm tɩmma-la sɩ ŋaa mɩ wʋlaabʋllaa ma tʋɔŋ, mɩ na wɩɩ sɩ bɩ ba na kɛnɛ nɛ: Baa ŋaa wʋchɔrʋmɔɔ nɛ aŋ pɛ nyɩnyɩɛ wɩaa ma. Ba pɛ wʋbɔŋ ŋaaraa lɛ nɛ ba ŋɩŋaa wʋbɔŋŋɔɔ, ŋɩɩ leŋ nʋʋkala bɩ chɛ ʋ leŋ wʋbɔŋŋɔɔ ŋaanɩŋ. Ba kala nagɛ Sodom nɩaa nɛ mɩ teeŋ, Jerusalɛm nɩaa ma nagɛ Gomora nɩaa.”

ƐZƖKƖƐL 44:22

Ba bɩ maga dɩ ba jaa yo-haal koo haal sɩ vɩa ʋ bala. Ba jaŋ wuo jaa Iziral tɩŋŋaa tolo sɩ bɩ baal jɩŋ koo ba Wɩɩsʋllɩ sɩpaalaaraa dɔŋɔ yo-haala.

LEVI DOHO NƖAA 21:7

Ba bɩ maga dɩ ba jaa haala-la sɩ ŋaa hachɔrʋŋ wɩaa aa hɩɩsɛ ba tɩtɩa, koo haala-la sɩ vɩa ba balaba, bɛɛ wɩaa Wɩɩsʋllɩ sɩpaalaaraa bɩ maga ba kɛŋ disiniŋ mɩ-na ba Wɩa teeŋ.

HAGAƖ 1:1

Daarus sɩ dii Pɛsɩa tinteeŋ kuoru-balɩŋ, ʋ jɩ-lɩa, chɛŋ-dʋ tapʋl-bumbuŋ lɛ nɛ, La TƖƖNA to ʋ wʋlaabʋlla Hagaɩ lɛ a bʋl wɩaa pɩ Zerubabɛl arɩ Josua. Zerubabɛl nɛ fa ŋaa nɩɩ-la sɩɩ beŋ Juda tinteeŋ, ʋ nyɩmma nɛ Sɩalɩtɩɛl. Josua ma nɛ fa ŋaa Wɩɩsʋllɩ sɩpaalaaraa nɩhɩaŋ, ʋ ma nyɩmma nɛ Jehozadak.

HAGAƖ 1:12

Ŋɩɩ nɛ Sɩalɩtɩɛl nanʋala Zerubabɛl arɩ Jehozadak nanʋala Josua sɩ ŋaa Wɩɩsʋllɩ sɩpaalaaraa nɩhɩaŋ arɩ nɩkaana-la kala sɛɩ ba TƖƖNA Wɩa niiŋ arɩ wɩalɩŋ Wɩa wʋlaabʋlla Hagaɩ sɩ bʋla, bɛɛ wɩaa ba TƖƖNA Wɩa nɛ tɩmʋ. Ŋɩɩ nɛ nɩalɩŋ fa fɩfá La TƖƖNA.

HAGAƖ 2:4

La TƖƖNA bɩra sɩ, “Zerubabɛl, kɛŋ bɔɩ-duoŋ a tɩŋ, Jehozadak nanʋala Josua ma sɩ ŋaa Wɩɩsʋllɩ sɩpaalaaraa nɩhɩaŋ, ŋ ma kɛŋ bɔɩ-duoŋ a tɩŋ. Ma nɩkaana-la kala sɩ hɛ tintee-la lɛ, má ma kɛŋ bɔɩ-duoŋ a tɩŋ. Mɩ hɛ ma teeŋ nɛ, mɩ-na ma TƖƖNA doluŋ kala Tɩɩna nɛ bʋla.

ZƐKARƖYA 3:1

Ŋɩɩ nɛ Wɩa tɩndaarʋ-la dagɛmɛ Josua sɩ ŋaa Wɩɩsʋllɩ sɩpaalaaraa nɩhɩaŋ dɩ ʋ chɩŋ La TƖƖNA tɩndaarʋ-la sɩpaaŋ, ka Sɩtaanɩ chɩŋ ʋ nadiiŋ dɩ ʋ joŋ cheeriŋ pɩ Josua.

ZƐKARƖYA 6:11

Kɛŋ hɔpʋla-la arɩ sɛlɩmɛ-la a ŋaa kuoru nyunchuulo a joŋo chu Jehozadak nanʋala Josua sɩ ŋaa Wɩɩsʋllɩ sɩpaalaaraa nɩhɩaŋ.

1 Timoti 3:11

Haalaa ma sɩɩ pɛ Wɩa nɩaa kʋhɩasɩŋ lɛ, ʋ maga dɩ ba kɛŋ mɛl-zɔŋ nɛ a sɩ́ nɩaa harɩŋ ma gɩgaa. Ʋ maga dɩ ba fɩɛlɛ ba sɩaa a pɛ kɛŋ wʋtɩtɩɩ wɩɩ na-kala ba sɩɩ ŋaa lɛ.