ƐZƖRA 10:11 - WƖA TENIŊ

¹¹ Lɛɛlɛ, má dagɛ wɩalɩŋ ma sɩ ŋaa chei a pɩ La TƖƖNA ma naabalɩmaba Wɩa aŋ ŋɩŋaa wɩalɩŋ ʋ sɩɩ chɛ. Má pɔrɛ ma tɩtɩa a lɩɩ nɩalɩŋ sɩ gollima tʋɔŋ arɩ tintee-wogusuŋ toloo-la ma sɩ jaa lɛ.”

ƐZƖRA 10:11 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 30:22

Ŋɩɩ nɛ Hezikaaya bʋl wɩaa a nyaasɛ Levi doho nɩalɩŋ nyuŋ arɩ ba sɩ wuo kɛŋ jɩma a laa ba sɩpaaŋ ba dɛnnɛ La TƖƖNA. Tapʋlɩa-la balɩpɛ ba sɩ gbieli gbiele-la a sʋl nii-magɛ dɔŋɔ Wɩɩsʋlʋŋ, ba dii kʋdiilee nɛ aŋ dɛnnɛ La TƖƖNA, ba naabalɩmaba Wɩa.

ƐZƖRA 10:10

Ŋɩɩ nɛ Wɩɩsʋllɩ sɩpaalaara Ɛzɩra sii chɩŋ a bʋla pɩba, “Ma bɩ Wɩa niiŋ to, aŋ jaa tintee-wogusuŋ toloo a leŋ Iziral tɩŋŋaa cheeriŋ wasɛ yʋgɛ.

ƐZƖRA 10:12

Ŋɩɩ nɛ nɩalɩŋ kala sɩ hilime faasa suri ba yikorusuŋ a laa bʋl, “Ŋ bʋl woruŋ nɛ, la maga la ŋaa ŋɩɩ ŋ sɩ bʋla nɛ.

ƐZƖRA 10:3

Lɛɛlɛ, má leŋ dɩ la bil niiŋ la dɩ la Wɩa pɛgɛ, aŋ kiri haala-la arɩ ba biiriŋ dɩ ba viiri. La jaŋ ŋaa wɩɩ-la ŋ-na mɩ kʋhɩaŋ arɩ nɩalɩŋ sɩɩ zil la Wɩa sɩ daga. Má leŋ dɩ la ŋaa ŋɩɩ Wɩa wombiiŋ sɩ daga.

ƐZƖRA 9:1

La sɩ ŋaa wɩaa deemba kala harɩŋ, Iziral tɩŋŋaa sɩpaalaaraa kɔ mɩ teeŋ a bʋl, “Iziral tɩŋŋaa, a pɛ Wɩɩsʋllɩ sɩpaalaaraa arɩ Levi doho nɩaa lɛ bɩ ba tɩtɩa lɩɩsa wʋkɩsɩa-la nɩwogusu-la sɩ golliba sɩɩ ŋaa lɛ: Kɛnaŋ tɩŋŋaa, Hiti tɩŋŋaa, Pɛrɛs tɩŋŋaa, Jebus tɩŋŋaa, Amɔŋ tɩŋŋaa, Mʋab tɩŋŋaa, Ijipiti tɩŋŋaa arɩ Amɔrɩ tɩŋŋaa.

NƐHƖMAAYA 13:3

Iziral tɩmma-la sɩ nɩɩ Wɩa wombii-la ʋ sɩ bile dɩ ba tuto, ba chaarɛ nɩwogusu-la kala sɩ guoli ba tʋɔŋ.

NƐHƖMAAYA 9:2

Ba fa kɛŋ ba tɩtɩa pɔrɛ lɩɩ nɩwogusu-la kala sɩ hɛ ba tʋɔŋ lɛ nɛ. Ba fa sii chɩŋ nɛ a dagɛ ba wʋcheelee arɩ wʋbɔmɔ-la ba naabalɩmaba sɩ ŋaa.

WƖA YƖƖLAA 32:5

Mɩ sɩ, “Mɩ jaŋ dagɛ mɩ wʋbɔŋŋɔɔ pɩ La Tɩɩna.” Ŋɩɩ nɛ mɩ dagɛ ba kala pɩŋ a bɩ kaa faaŋ. Ŋ joŋ ba kala chɛmɛ.

NAMAGABA 28:13

Nɩɩ-la kala sɩ joŋ ʋ wʋbɔŋŋɔɔ faa, ʋ wɩaa bɩ sɩpaaŋ ka mʋ, ama nɩɩ-la kala sɩ suri ʋ niiŋ a dagɛ ʋ kɩaa aŋ vɩaba, Wɩa jaŋ fá ʋ nisusuŋ.

AZAAYA 56:4

Wɩɩ-la La TƖƖNA sɩ bʋla nɛ ŋ-la: “Ma nɩalɩŋ sɩ ŋaa baferisiŋ, dɩ ma nɛ to mɩ chɛ-wiesi-la wɩaa woruŋ, a ŋɩŋaa wɩalɩŋ sɩɩ tɔrɛ mɩ tʋɔŋ, a tuto mɩ nii-la sɩ hɛ mɩ dɩ mɩ nɩaa pɛgɛ woruŋ,

JƐRƖMAAYA 3:13

Má-na sɛɩ arɩ ma cheye nɛ. Ma fa vɩa mɩ-na ma Tɩɩna Wɩa niiŋ nɛ. Ma joŋ ŋɩɩ ma sɩ chomi a pɩ vesiŋ nɛ tɩɩ-lugunuŋ bʋbʋɔŋ, aŋ vɩa dɩ ma to mɩ niiŋ. Mɩ-na ma TƖƖNA nɛ bʋla.’ ”

JƐRƖMAAYA 7:3

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa bɩra sɩ bʋla nɛ ŋ-la: Má bɩrɩma lɩɩ ŋɩɩ ma sɩ naga lɛ a joŋ wɩalɩŋ ma sɩɩ ŋaa ta, ka dɩ mɩ leŋ dɩ ma hɔŋ daha.

ƐZƖKƖƐL 18:30

Ŋɩɩ wɩaa ma Iziral tɩmma, mɩ jaŋ dii ma kʋŋkala sarɩya a magɛ ŋɩɩ ma sɩ ŋaa wɩaa. Mɩ-na ma TƖƖNA Wɩɩjarɩbakɔ nɛ bʋla. Má bɩrɩma lɩɩ wʋbɔmɔ-la kala ma sɩɩ ŋaa lɛ, a sɩ́ leŋe dɩ wʋbɔŋŋɔɔ cheima.

Jɔɔŋ 9:24

Ŋɩɩ nɛ Farisii tɩmma-la bɩra yɩrɛ baal-la ba sɩ lʋla dɩ ʋ nyʋlɩma a bʋl, “La jɩma arɩ baala deeŋ ŋaa wʋbɔŋ ŋaarʋ nɛ. Wɩa sɩpaaŋ bʋl wʋtɩtɩɩ pɩla.”

Rom Tɩŋŋaa 12:2

Má sɩ́ ma nyuŋ joŋo hɛ dʋnɩa wʋŋaalaa lɛ. Ama má leŋ dɩ Wɩa kɛŋ ma tʋɔbɩɩnaa bɩrɩmɛ dɩ ba zɔŋ. Ŋɩɩ lɛ nɛ ma jaŋ wuo jɩŋ wɩɩ-la Wɩa sɩɩ chɛ. Ma jaŋ wuo jɩŋ wɩɩ-la sɩ zɔmɔ aa tɔrɛ Wɩa tʋɔŋ aŋ pɛ zɔŋ ma woruŋ.

2 Kɔrɩntɩ Nɩaa 6:17

Ŋɩɩ wɩaa má lɩɩsɛ ma tɩtɩa nɩalɩŋ sɩ bɩ Yesu wɩaa laa dii tʋɔŋ, a hɔŋ ma dʋndʋŋ. Má sɩ́ kɩalɩŋ sɩ kɛŋ disiniŋ digu. Dɩ ma nɛ lɩɩsɛ ma tɩtɩa wɩaa deemba lɛ, mɩ jaŋ laa ma.

Koloosi Nɩaa 1:10

Ʋ jaŋ leŋ dɩ ma wʋŋaalaa kala chɩŋ Wɩa wombiiŋ lɛ, dɩ ʋ tʋɔŋ tɔrɛ ma nyuŋ a leŋ dɩ ma tɩŋ tɩntɩŋ-zɔŋŋɔɔ, tɩntɩŋ-dosunuŋ kala lɛ, dɩ ʋ kɛŋ doho, dɩ ma kʋ jɩŋ Wɩa woruŋ a waa pɛ.

Hiburu TƖŊŊAA 13:21

Mɩɩ sʋlʋ dɩ ʋ to Yesu Kirisito lɛ a pɩma kʋzɔŋ-na kala dɩ ma wuo kaa ŋɩŋaa wɩalɩŋ kala sɩɩ tɔrɛ ʋ tʋɔŋ. Má leŋ dɩ Kirisito yɩrɩŋ yɩrɛ a kaa mʋ wuu. Amɩɩ.

JOSUA 7:19

Ŋɩɩ nɛ Josua bʋla pɩ Ekaŋ, “Mɩ bii, mɩɩ sʋlʋŋ, bʋl wʋtɩtɩɩ La TƖƖNA Iziral tɩŋŋaa Wɩa sɩpaaŋ. Dagɛ wɩɩ-la ŋ sɩ cheye pɩmɛ, sɩ́ joŋo faamɛ.”