ƐZƖRA 10:1 - WƖA TENIŊ

¹ Ɛzɩra fa sɩ chʋɔlɛ Wɩa aŋ pɛ dɩdagɛ wɩalɩŋ ba sɩ ŋaa chei, a yiyel a foro titel Wɩa dɩa sɩpaaŋ, ŋɩɩ nɛ Iziral tɩŋŋaa nɩ-daŋ, baalaa, haalaa arɩ hambiisiŋ kʋ chɩna gollu, a ma faasa yiyel.

ƐZƖRA 10:1 ပူးပေါင်းရင်းမြစ်များ

1 KUOROO 8:30

Mɩ ŋaa ŋ tɩntɩnnʋ nɛ, Iziral tɩŋŋaa ma ŋaa ŋ nɩaa. Ŋɩɩ wɩaa, bʋa na-kala dɩ la kʋŋ nɛ joŋ sɩaa a chaasɛ ŋ dɩɩ-balɩŋ deeŋ a sʋlʋŋ, ŋ hɛ ŋ jaŋ lɛ nɛ, jegile nɩɩ a laa la sʋla a joŋ la wʋbɔŋŋɔɔ chɛla.

1 KUOROO 9:3

La TƖƖNA bʋla pʋ, “Mɩ nɩɩ ŋ Wɩɩsʋlʋŋ nɛ. Mɩ dɩɩ-balɩŋ deeŋ ŋ sɩ saa dɩ ba dɩdɛnnɛmɛ nɩmɛ, ŋaa mɩ kʋa nɛ, mɩ sɩaa arɩ mɩ tʋɔŋ kala jaŋ hɛ ʋ lɛ bʋa na-kala.

2 IZIRAL TƖŊŊAA NAABARƖŊ 20:13

Juda tɩŋŋaa baalaa arɩ ba haalaa arɩ ba biiriŋ kala fa chɩŋ La TƖƖNA sɩpaaŋ nɛ.

2 IZIRAL TƖŊŊAA NAABARƖŊ 20:9

‘Dɩ wʋbɔŋ kala nɛ kʋ jʋʋla, dɩ laalɩŋ nɛ koo dɩ nyanyal-bɔŋ nɛ koo dɩ losuŋ nɛ, la jaŋ kɔ ŋ dɩɩ-balɩŋ deeŋ lɛ ba sɩɩ ziliŋ a chɩŋ ŋ sɩpaaŋ a yel la hɛɛŋ pɩŋ dɩ ŋ nɩɩ a laala ta.’

ƐZƖRA 10:6

Ŋɩɩ nɛ Ɛzɩra sii Wɩa dɩa-la sɩpaaŋ, a mʋ Ɛlɩasɩb nanʋala Jehohanaŋ dɩa, a chʋa nɩmɛ. Ama ʋ bɩ kʋŋkala die, ʋ bɩ lɩɩŋ ma nyʋa nɩmɛ, bɛɛ wɩaa ʋ fa haa yel nɛ a tɩŋ nɩalɩŋ sɩ lɩɩ yoŋ-baga kɔ sɩ bɩ Wɩa niiŋ to.

NƐHƖMAAYA 1:4

Mɩ sɩ nɩɩ wɩaa deemba, ŋɩɩ nɛ mɩ hɔŋ a yel. Mɩ yel tapʋl daŋ, a vɔɔ niiŋ a chʋɔlɛ Wɩa sɩ hɛ ʋ jaŋ lɛ.

NƐHƖMAAYA 1:6

La TƖƖNA, suri sɩaa pɩmɛ, aŋ jegile nɩɩ mɩ-na ŋ tɩntɩnna teeŋ, ŋɩɩ mɩ sɩɩ sʋlʋŋ wɩɩhɛyɛ arɩ tɩtaŋɩŋ a pɩpɩ ŋ tɩntɩnnaa, Iziral tɩŋŋaa. Mɩ dagɛ wʋbɔmɔ-la la Iziral tɩŋŋaa sɩ ŋaa ŋ lɛ aa pɩŋ nɛ. Mɩ dɩ mɩ naabalɩmaba kala ŋaa wʋbɔŋŋɔɔ nɛ ŋ lɛ.

NƐHƖMAAYA 10:28

Nɩkaana-la kala, Wɩɩsʋllɩ sɩpaalaaraa, Levi doho nɩaa, boi-pɔɔrɔɔ, yɩɩlɩ yɩɩraa, Wɩa dɩɩ-bal-la tɩntɩnnaa arɩ nɩalɩŋ kala sɩ pɔrɛ ba tɩtɩa a lɩɩ tintee wogusu-la nɩaa sɩ guoli la tʋɔŋ tintee-la lɛ, a tɩŋ ba sɩɩ chɛ dɩ ba to Wɩa wombiiŋ ʋ sɩ bile dɩ la tuto wɩaa, ba dɩ ba haalaa arɩ ba biiriŋ kala sɩ waa a jaŋ wuo jɩŋ wɩaa sɩaa.

NƐHƖMAAYA 8:9

Nɩalɩŋ sɩ nɩɩ Wɩa wombii-la, ba yaraa vɛŋ ba suomo yiyel. Ŋɩɩ nɛ Nɛhɩmaaya sɩ ŋaa ba tinteeŋ nɩhɩaŋ, Ɛzɩra, Wɩɩsʋllɩ sɩpaalaara, aŋ pɛ ŋaa Wɩa teniŋ kerichi arɩ Levi doho nɩalɩŋ sɩ dagɛ wɩalɩŋ bʋbʋɔŋ pɩpɩ nɩalɩŋ bʋla pɩba, “Jɩnɩŋ ŋaa tapʋl-zɔŋ nɛ a pɩ ma TƖƖNA Wɩa, ŋɩɩ wɩaa ma bɩ maga dɩ ma yel koo dɩ ma tʋɔŋ chei.”

WƖA YƖƖLAA 119:136

Dɩ nɩaa nɛ vɩa dɩ ba to wombii-la ŋ sɩ bile dɩ la tuto, ŋɩɩ yie leŋ mɩ yel nɛ, mɩ sɩaa kala fo sɩlɩɩrɩŋ.

WƖA YƖƖLAA 32:5

Mɩ sɩ, “Mɩ jaŋ dagɛ mɩ wʋbɔŋŋɔɔ pɩ La Tɩɩna.” Ŋɩɩ nɛ mɩ dagɛ ba kala pɩŋ a bɩ kaa faaŋ. Ŋ joŋ ba kala chɛmɛ.

JƐRƖMAAYA 13:17

Ama dɩ ma nɛ bɩ jegile nɩɩ, mɩ jaŋ lʋara yel a tɩŋ ma babii-ballɩŋ wɩaa. Mɩ jaŋ chaasa yel woruŋ, dɩ mɩ sɩaa pɩpɛllɛ sɩlɩɩrɩŋ, bɛɛ wɩaa ba jaŋ yuo kɛsɛ La TƖƖNA nɩaa kaa viiri.

JƐRƖMAAYA 9:1

Mɩ fa cho dɩ mɩ nyuŋ nagɛ lɩɩ-bul-sɩɩŋ nɛ dɩ mɩ sɩaa ma fa bubul sɩlɩɩrɩŋ. Mɩ fa jaŋ yel tɩtaŋɩŋ arɩ wɩɩhɛyɛ kala a tɩŋ ba sɩ kpʋ mɩ nɩaa wɩaa.

DANƖƐL 9:20

Mɩ fa sɩɩ chʋɔlɛ Wɩa a dɩdagɛ mɩ dɩ mɩ nɩaa Iziral tɩŋŋaa wʋbɔŋŋɔɔ, a sʋsʋl mɩ TƖƖNA Wɩa a mʋ tɩgɛ ʋ dundolo-la sɩ bɩ disiniŋ kɛnɛ lɛ ŋɩɩ,

HOSIA 14:2

Má kɛŋ ma tɩtɩa hɛ dɔŋɔ aŋ mɩɩra mʋ La TƖƖNA teeŋ, a bʋla pʋ, “Fá la nenige aŋ joŋ la wʋbɔŋŋɔɔ kala chɛla, aŋ chaga laala dɩ la wuo suri la niiŋ a dɛnnɩŋ.

ZƐKARƖYA 12:10

Mɩ jaŋ joŋ mɩ Dɩma hɛ Devit doho nɩaa arɩ Jerusalɛm nɩaa lɛ, dɩ ba fɩfá nɩaa nenige aŋ chʋchʋɔlɛmɛ. Ba jaŋ bibeŋ mɩ-na nɩɩ-la ba sɩ tɔbɔ, a yel mɩ lɛ a nagɛ nɩa sɩɩ yel ʋ bii-bala lɛ. Ba tʋɔŋ jaŋ faasa chei a nagɛ nɩa tʋɔŋ sɩ cheye ʋ bii-bumbuŋ sʋʋŋ lɛ.

Matiu 3:6

a dagɛ ba wʋbɔŋŋɔɔ aŋ tuu Jɔdaŋ fuo-la, ʋ foba Wɩɩchʋɔlɛ lɩɩŋ.

Luuk 19:41

Yesu sɩɩ mʋ ŋɩɩ, ʋ kʋ kpagɛ Jerusalɛm a na taŋ-la. Ʋ yel a tɩŋ taŋ-la nɩaa wɩaa aŋ bʋl,

Tɩntɩŋŋaa 10:30

Ŋɩɩ nɛ Kɔnɩɩlɩas bʋla pʋ, “Tapʋlaa batori nɛ ŋ-la arɩ bʋa deeŋ tɩtɩa lɛ, mɩɩ chʋɔlɛ Wɩa wɩɩhɛyɛ mɩ dɩa lɛ. Dɩ baal kʋbala nɛ ŋɩɩ a chɩŋ mɩ sɩpaaŋ. Ʋ gɛnnɩŋ faasa tʋtʋl.

Tɩntɩŋŋaa 21:5

La sɩ hɔŋ nɩmɛ tapʋlaa balɩpɛ ŋɩɩ, la bɩra lɩɩ nɩmɛ a joŋ la wombiiŋ. Baalaa arɩ ba haalaa arɩ ba biiriŋ kɛnla kaa lɩɩ taŋ-la tʋɔŋ. La kala tuu kpirimi lɩɩŋ niiŋ a chʋɔlɛ Wɩa.

Rom Tɩŋŋaa 9:2

Mɩ tʋɔŋ faasa chei nɛ a tɩŋ mɩ tɩtɩa nɩaa wɩaa. Ʋʋ walɩmɛmɛ kɩŋkɛŋ kɩŋkɛŋ.

MOSIS BƖRA WULLI WƖA WOMBIIŊ 31:12

Má yɩrɛ baalaa arɩ haalaa, hambiisiŋ arɩ nɩwogusu-la kala sɩ hɛ ma tasɩŋ lɛ kʋ hilimi, dɩ ba nɩɩ wɩalɩŋ, a jɩŋ ŋɩɩ ba sɩ jaŋ zizil ma TƖƖNA Wɩa, a fɩɛlɛ ba sɩaa a to wɩalɩŋ kala ʋ wombiiŋ sɩ daga.

JOSUA 7:6

Ŋɩɩ nɛ Josua arɩ Iziral tɩŋŋaa nɩhɩasɩŋ kɛŋ ba gɛnnɩŋ kɩɛsɛ a ŋaa hagɩla bʋgɛ ba nyusuŋ ba tʋɔŋ sɩ cheye, aŋ tuu tele chu La TƖƖNA niiriŋ daga-la sɩpaaŋ a pɩŋ nɩmɛ ŋɩɩ halɩɩ Wɩa tuu jʋʋ.

JOSUA 8:35

Wɩalɩŋ kala Mosis fa sɩ daga, Josua bɩ ba kʋŋkala kere ta. Ba kala nɛ ʋ karɩmɛ a pɩ Iziral tɩŋŋaa, ba haalaa arɩ ba biiriŋ arɩ nɩwogusu-la kala fa sɩ hɛ ba tʋɔŋ.