ƐZƖRA 1:7 - WƖA TENIŊ

⁷ Ŋɩɩ nɛ kuoro Siirus leŋ ba paa La TƖƖNA dɩɩ-bal-la kɩalɩŋ kuoro Nebukadineza fa sɩ paa Jerusalɛm lɛ a kaa mʋ bil ʋ vesiŋ dɩa lɛ a kaa kʋ lɩɩ.

ƐZƖRA 1:7 ပူးပေါင်းရင်းမြစ်များ

2 KUOROO 24:13

Nebukadineza sii paa kɩalɩŋ kala sɩ hɛ La TƖƖNA dɩɩ-bal-la lɛ arɩ kɩalɩŋ kala sɩ hɛ kuoru dɩa lɛ, a pɛ sɛlɩmɛ kɩalɩŋ kala Solomoŋ fa sɩ ŋaa bil Wɩa dɩɩ-bal-la lɛ a kaa mʋ Babɩlɔŋ arɩ La TƖƖNA fa sɩ bʋl ŋɩɩ.

2 IZIRAL TƖŊŊAA NAABARƖŊ 36:10

Duoŋ puso bʋa lɛ, kuoro Nebukadineza tɩŋ ba kʋ kɛŋ Jehoyachiŋ a kaa mʋ Babɩlɔŋ, a paa La TƖƖNA dɩɩ-bal-la tʋɔŋ kɩaa dɔnsʋŋ sɩ kɛŋ yuŋuŋ pɛ, aŋ leŋ Jehoyachiŋ nɩɛra Zedikaaya mɩɩra dii Juda tinteeŋ kuoruŋ.

2 IZIRAL TƖŊŊAA NAABARƖŊ 36:18

Ʋ paa Wɩa dɩɩ-bal-la tʋɔŋ tɩntɩnnɩ kɩaa kala, kʋbalaa arɩ kʋbiisiŋ, a paa dʋa-la kala sɩ hɛ La TƖƖNA dɩɩ-bal-la tʋɔŋ, a paa kuoro arɩ ʋ tɩntɩnnɩ-hɩasɩŋ ma dʋa kala a kaa mʋ Babɩlɔŋ tinteeŋ.

2 IZIRAL TƖŊŊAA NAABARƖŊ 36:7

Nebukadineza fa pɛ paa La TƖƖNA dɩɩ-bal-la tʋɔŋ kɩaa dɔnsʋŋ nɛ a kaa mʋ Babɩlɔŋ a joŋo bil ʋ kuoru dɩa lɛ.

ƐZƖRA 5:14

Ʋ paa Wɩa dɩɩ-bal-la tʋɔŋ sɛlɩmɛ arɩ hɔpʋla kɩalɩŋ Nebukadineza sɩ paa Jerusalɛm lɛ a kaa mʋ Babɩlɔŋ a joŋo bil ʋ vene dɩa lɛ. Ŋɩɩ nɛ kuoro Siirus joŋ kɩalɩŋ pɩ baal kʋbala ba sɩɩ yɩrɛ Sɛsɩbaza ʋ sɩ lɩɩsa ʋ ŋaa Juda nɩaa nɩhɩaŋ.’

ƐZƖRA 6:5

Wɩa dɩa sɛlɩmɛ arɩ hɔpʋla tɩntɩnnɩ kɩalɩŋ Nebukadineza fa sɩ paa Wɩa dɩɩ-bal-la tʋɔŋ Jerusalɛm lɛ, a kaa kɔ Babɩlɔŋ, ʋ maga ma mɩɩra paaba a kaa mʋ bil ba dɩpɩnɩŋ Wɩa dɩɩ-bal-la tʋɔŋ Jerusalɛm lɛ. Ba maga ba mʋ pɩŋ ba dɩpɩnɩŋ nɛ Wɩa dɩa lɛ.

JƐRƖMAAYA 51:44

Mɩ jaŋ dɔgɩsɛ vene-la ba sɩɩ yɩrɛ Bɛl sɩ hɛ Babɩlɔŋ lɛ, a leŋ dɩ ʋ lusi kɩalɩŋ kala ʋ sɩ liŋe. Tinteyee nɩaa bɩra bɩ jaŋ kpaarʋ, Babɩlɔŋ kɛrɛ jaŋ tel.

DANƖƐL 1:2

La Tɩɩna joŋ Juda kuoro Jehoyakim hɛ ʋ nɩsɩŋ lɛ, ʋ pɛ paa tɩntɩnnɩ kɩalɩŋ dɔnsʋŋ sɩ hɛ Wɩa dɩɩ-balɩŋ lɛ. Ʋ paa kɩaa deemba a kaa mʋ Babɩlɔŋ nɛ a bil ʋ vene dɩa lɛ, lee-la ʋ sɩɩ bil ʋ sɩɩfɩaŋ kɩaa.

DANƖƐL 5:23

Ŋ mɩɩra kɛŋ ŋ tɩtɩa yʋgɛ arɩ ŋ nɛ kɩɩ La TƖƖNA sɩ hɛ Wɩa jaŋ lɛ. Ŋ ŋaa ba paa ʋ dɩɩ-balɩŋ nyʋnyʋalʋ-la kaa kʋ pɩŋ nɛ, ŋ dɩ ŋ nɩhɩasɩŋ, ŋ haalaa arɩ haala-la ŋ sɩ bile aŋ bɩ jaa kaa nyʋa sɩnɩŋ. Ŋ dɛnnɛ vesi-la ba sɩ kɛŋ sɛlɩmɛ arɩ hɔpʋla, kɔlɩɩŋ, hɔɔŋ, daaŋ arɩ tabɩaa a ŋaa nɛ, kɩalɩŋ sɩ bɩ na, a bɩ wɩaa ka nɩɩ, a bɩ wɩaa ma jɩŋ, aŋ vɩa dɩ ŋ zil Wɩa, nɩɩ-la nɩsɩŋ lɛ ŋ mɩɩsɩŋ arɩ ŋ wɩɩ wɩɩkala sɩ hɛ.