ƐZƖRA 1:2 - WƖA TENIŊ

² Ʋ sɩ, “Wɩɩ-la mɩ-na Pɛsɩa tinteeŋ kuoro Siirus sɩɩ bʋl nɛ ŋ-la: La TƖƖNA Wɩa sɩ hɛ ʋ jaŋ lɛ joŋ dʋnɩa tinteyee kala pɩmɛ nɛ. Ʋ lɩɩsɛmɛ nɛ dɩ mɩ saa ʋ dɩɩ-balɩŋ pʋ Jerusalɛm sɩ hɛ Juda tinteeŋ lɛ.

ƐZƖRA 1:2 ပူးပေါင်းရင်းမြစ်များ

1 KUOROO 8:27

Ama Wɩa, ŋ sɛnɛ jaŋ hɛ dʋnɩa deeŋ lɛɛ? Wɩa-nyuŋ arɩ wɩa-nyuŋ balegi balegi ma paala bɩ jalɩa magɛ ŋ jʋʋnʋŋ. Ɛɛ nɛ saa ŋ jaŋ wuo jʋʋ dɩɩ-balɩŋ deeŋ mɩ sɩ saa tinteeŋ lɛ?

2 IZIRAL TƖŊŊAA NAABARƖŊ 2:12

Ʋ bɩra bʋl: “Má dɛnnɛ La TƖƖNA Iziral tɩŋŋaa Wɩa sɩ ŋaa wɩa-nyuŋ arɩ tinteeŋ. Ʋ joŋ hambolibie sɩ kɛŋ wʋjɩmɩŋ, a jɩŋ wɩaa sɩaa woruŋ a pɩ Devit dɩ ʋ nɛ saa dɩa a pɩ La TƖƖNA arɩ ʋ tɩtɩa kuoru dɩa.

ƐZƖRA 1:5

Ŋɩɩ nɛ Juda arɩ Bɛnjamɩŋ dɩa dɩa nɩhɩasɩŋ, Wɩɩsʋllɩ sɩpaalaaraa arɩ Levi doho nɩaa, nɩalɩŋ tʋɔŋ Wɩa sɩ dige kɛŋ ba tɩtɩa dɔŋɔ dɩ ba mʋ saa La TƖƖNA dɩɩ-bal-la Jerusalɛm lɛ.

ƐZƖRA 3:7

Ŋɩɩ nɛ ba joŋ moribiee pɩ dɩɩ-saaraa arɩ kapɩntaba, a joŋ kʋdiilee, kʋnyʋalaa arɩ nʋʋŋ pɩ Sɩdɔŋ arɩ Taaya tɩŋŋaa dɩ ba kɛŋ kuolu doloo duori mʋgʋ-balɩŋ a lɩɩ Lɛbanɔŋ a kɔ Jopa, arɩ Pɛsɩa tinteeŋ kuoro Siirus sɩ dagɛ ŋɩɩ.

ƐZƖRA 4:3

Ama Zerubabɛl, Jesua arɩ Iziral tɩŋŋaa dɩa dɩa nɩhɩasɩ-la nɩkaanaa bʋl, “Ma bɩ jaŋ wuo pɛ la lɛ dɩ la saa La TƖƖNA dɩɩ-bal-la. La dʋndʋŋa jaŋ saa dɩa-la a pɩ La TƖƖNA, Iziral tɩŋŋaa Wɩa, arɩ Pɛsɩa kuoro Siirus sɩ dagɛ la ŋɩɩ.”

ƐZƖRA 5:15

Ŋɩɩ nɛ aŋ bʋla pʋ, ‘Laa kɩaa deemba kaa mʋ bil Wɩa dɩɩ-bal-la sɩ hɛ Jerusalɛm lɛ, aŋ wasa saa Wɩa dɩa-la dɩ ʋ chɩŋ ʋ dɩchɩnɩŋ.’

ƐZƖRA 6:10

Dɩ ŋɩɩ leŋ dɩ ba wuo ŋaa Wɩɩsʋlʋŋ sɩɩ tɔrɛ Wɩa sɩ hɛ ʋ jaŋ lɛ tʋɔŋ, aŋ sʋl Wɩa pɩ mɩ-na kuoro arɩ mɩ hambolibiisiŋ dɩ wɩaa vɛŋ woruŋ pɩla.

ƐZƖRA 6:3

Kuoro Siirus sɩ dii kuoruŋ ʋ jɩ-bumbuŋ lɛ nɛ ʋ pa wombiiŋ dɩ ba wasa saa Wɩa dɩɩ-bal-la Jerusalɛm lɛ, dɩ ʋ ŋaa lee ba sɩ jaŋ ŋɩŋaa Wɩɩsʋlʋŋ. Má bil ʋ gentine, dɩa-la leŋiŋ jaŋ ŋaa naakieliŋ mahɩŋ banɛsɛ arɩ fii, dɩ ʋ jalɩŋ ma ŋaa naakieliŋ mahɩŋ banɛsɛ arɩ fii.

ƐZƖRA 7:12

Mɩ-na Atazɛzɛs sɩ ŋaa kuoroo kala kuoro nɛ ŋmʋnsɛ teniŋ deeŋ aa pɩ ŋ-na Ɛzɩra sɩ ŋaa Wɩɩsʋllɩ sɩpaalaara, aŋ pɛ bɩra ŋaa nʋʋ sɩɩ dagɛ nɩaa Wɩa sɩ hɛ ʋ jaŋ lɛ wombiee. Mɩɩ chʋɔlʋŋ.

NƐHƖMAAYA 1:4

Mɩ sɩ nɩɩ wɩaa deemba, ŋɩɩ nɛ mɩ hɔŋ a yel. Mɩ yel tapʋl daŋ, a vɔɔ niiŋ a chʋɔlɛ Wɩa sɩ hɛ ʋ jaŋ lɛ.

NƐHƖMAAYA 1:5

Ŋɩɩ nɛ mɩ bʋl, “Ou, La TƖƖNA Wɩa, ŋ sɩ hɛ ŋ jaŋ lɛ, ŋ kɛŋ doluŋ nɛ woruŋ, la chaasa fɩfáŋ. Ŋ kɛŋ nii-la sɩ hɛ ŋ dɩ ŋ nɩaa pɛgɛ kaa tɩtɩŋ nɛ arɩ wʋtɩtɩɩ, nɩalɩŋ sɩ choŋ a tuto ŋ wʋdagaa.

WƖA YƖƖLAA 136:26

Má lɔllɛ Wɩa sɩ hɛ ʋ jaŋ lɛ. Ʋ chonuŋ bɩ dɛrɛ.

WƖA YƖƖLAA 85:2

Ŋ joŋ ŋ nɩaa wʋbɔŋŋɔɔ chɛba nɛ a gbaa tɔ ba wʋbɔŋŋɔɔ kala.

NAMAGABA 21:1

Kuoro tʋɔbɩɩnaa kala hɛ La Tɩɩna nɩsɩŋ lɛ nɛ. Ʋ yie kɛnʋ dagɛ wombii-la kala ʋ sɩ cho dɩ ʋ to, a nagɛ lɩɩŋ sɩɩ to lɩɩ-libe ŋɩɩ.

AZAAYA 41:2

Kʋbɛɛ nɛ lɩɩsɛ kuoru-la sɩ hɛ wɩɩpɔsʋŋ dɩɩrɩŋ a leŋ ʋ kɛŋ doluŋ a yuo didii tinteyee arɩ ba kuoroo ŋɩɩ? Ʋ tokobiiŋ yie leŋ ba bɩrɩmɛ kʋŋkɔlʋŋ, ka ʋ toŋ ma ŋmooba pɩsɛ a nagɛ peliŋ sɩ paa mɩɩ-jɔrʋŋ.

AZAAYA 44:26

Mɩ nɛ leŋe wɩalɩŋ mɩ tɩntɩnna arɩ mɩ tɩndaaraa sɩ bʋla kʋ ŋaa wʋtɩtɩɩba. Mɩ bʋla arɩ nɩaa jaŋ bɩra hɔŋ Jerusalɛm lɛ, ka ba wasa saa Juda tasɩ-la ma sɩ pɩŋ jikpeeŋ.

AZAAYA 44:28

Mɩ nɛ bʋla pɩ Siirus, ‘Ŋ nɛ jaŋ beŋ mɩ nɩaa nyuŋ,’ a ŋaa wɩalɩŋ kala mɩ sɩɩ chɛ. Ŋ jaŋ leŋ dɩ ba wasa saa Jerusalɛm arɩ mɩ-na Wɩa dɩɩ-bal-la.”

AZAAYA 45:1

Wɩɩ-la La TƖƖNA sɩ bʋla pɩ Siirus, nɩɩ-la ʋ sɩ lɩɩsa a pʋ doluŋ dɩ ʋ yuo dii tinteyee aŋ dʋɔrɛ kuoroo ba doluŋ lɛ nɛ ŋ-la: “Mɩ jaŋ suri tabalaa boi-baalaa pʋ, boi-baala-la bɩ jaŋ tɔ.

AZAAYA 66:1

Wɩɩ-la La TƖƖNA sɩ bʋla nɛ ŋ-la: “Wɩa-jaŋ nɛ mɩ kuoru kpasa, ka tinteeŋ ma ŋaa mɩ naasɩŋ dɩ-daŋɩŋ. Nɩɩ nɛ dɩa ma sɩ jaŋ saa pɩmɛ hɛ? Mɩ dɩ-wiesiŋ hɛ nɩɩ?

JƐRƖMAAYA 10:11

Má bʋl ŋ-la pɩ nɩalɩŋ: “Vʋɩyaa deemba ba sɩ to dee bɩ wɩa-nyuŋ arɩ tinteeŋ ŋaa, ba jaŋ nyɩɩgɛ tinteeŋ lɛ a lɛl dʋnɩa kala lɛ.”

JƐRƖMAAYA 27:5

mɩ kɛŋ mɩ dol-balɩŋ arɩ mɩ naduoŋ nɛ a ŋaa dʋnɩa arɩ nuhuobiine arɩ pʋsʋ-la kala sɩ hɛ ʋ lɛ. Mɩ yie jomba pɩ nʋʋ na-kala mɩ tʋɔŋ sɩ tɔrɛ ʋ nyuŋ nɛ.

JƐRƖMAAYA 29:10

Wɩɩ-la La TƖƖNA bɩra sɩ bʋla nɛ ŋ-la: “Dɩ jɩsɩŋ mahɩŋ batori arɩ fii-la mɩ sɩ joŋo pɩ Babɩlɔŋ nɛ suo, mɩ jaŋ ŋaa wʋzɔŋŋɔɔ pɩma, a leŋ dɩ tʋɔtɔrɛ nii-la mɩ sɩ hɛ arɩ mɩ jaŋ kɛmma mɩɩra kɔ leriŋ deeŋ kʋ ŋaa wʋtɩtɩɩ.

DANƖƐL 1:21

Ŋɩɩ nɛ Danɩɛl ha tɩma pɩpɩ kuoro ŋɩɩ halɩɩ a kʋ yi Siirus sɩ dii Pɛsɩa tinteeŋ kuoruŋ ʋ jɩ-bumbuŋ lɛ.

DANƖƐL 2:21

Ʋ nɛ kɛŋ bʋa bʋa kala kaa bɩrɩmɛ, ʋ nɩɩ bil kuoroo, ʋ nɩɩ kiri kuoroo. Ʋ nɩɩ pɩ wʋjɩnnaa wʋjɩmɩŋ a leŋ nɩalɩŋ ma sɩ kɛŋ dɩgɩlɩŋ jegilee jɩŋ wɩaa sɩaa.

DANƖƐL 2:28

ama Wɩa sɩ hɛ ʋ jaŋ lɛ nɩɩ dagɛ wʋkpuŋkperisiŋ bʋbʋɔŋ. Ʋ nɛ joŋ wɩalɩŋ maachie sɩ jaŋ ŋaa a dagɛ ŋ-na kuoro Nebukadineza. Ŋ duoso-la arɩ wɩalɩŋ kala ŋ sɩ pɩna na ŋ bɔsɔ lɛ nɛ ŋ-la:

DANƖƐL 4:25

Ba jaŋ kiriŋ dɩ ŋ lɩɩ nɩaa tʋɔŋ a mʋ guoli baga kɩaa tʋɔŋ. Ŋ jaŋ dii yaŋ a nagɛ nɛŋ, dɩ nyalɩŋ nyala hɛ ŋ lɛ jɩsɩŋ balɩpɛ. Ŋɩɩ nɛ ŋ jaŋ jɩŋ arɩ Wɩa sɩ kɩɩ kʋŋkala nɛ kɛŋ doluŋ a bibeŋ nuhuobiinee kuoruŋ, ʋ jaŋ wuo joŋo pɩ nɩɩ-la kala ʋ sɩ cho.

DANƖƐL 4:32

Mɩ jaŋ kiriŋ dɩ ŋ lɩɩ nɩaa tʋɔŋ a mʋ guoli baga kɩaa tʋɔŋ. Ŋ jaŋ dii yaŋ a nagɛ nɛŋ jɩsɩŋ balɩpɛ. Ŋɩɩ nɛ ŋ jaŋ jɩŋ arɩ Wɩa sɩ kɩɩ kʋŋkala nɛ kɛŋ doluŋ a bibeŋ nuhuobiinee kuoruŋ. Ʋ jaŋ wuo joŋo pɩ nɩɩ-la kala ʋ sɩ cho.”

DANƖƐL 5:23

Ŋ mɩɩra kɛŋ ŋ tɩtɩa yʋgɛ arɩ ŋ nɛ kɩɩ La TƖƖNA sɩ hɛ Wɩa jaŋ lɛ. Ŋ ŋaa ba paa ʋ dɩɩ-balɩŋ nyʋnyʋalʋ-la kaa kʋ pɩŋ nɛ, ŋ dɩ ŋ nɩhɩasɩŋ, ŋ haalaa arɩ haala-la ŋ sɩ bile aŋ bɩ jaa kaa nyʋa sɩnɩŋ. Ŋ dɛnnɛ vesi-la ba sɩ kɛŋ sɛlɩmɛ arɩ hɔpʋla, kɔlɩɩŋ, hɔɔŋ, daaŋ arɩ tabɩaa a ŋaa nɛ, kɩalɩŋ sɩ bɩ na, a bɩ wɩaa ka nɩɩ, a bɩ wɩaa ma jɩŋ, aŋ vɩa dɩ ŋ zil Wɩa, nɩɩ-la nɩsɩŋ lɛ ŋ mɩɩsɩŋ arɩ ŋ wɩɩ wɩɩkala sɩ hɛ.

DANƖƐL 6:25

Ŋɩɩ nɛ kuoro Daarus ŋmʋnsɛ teniŋ a pɩ nɩaa kala, tinteyee nɩaa arɩ yikoro na-kala nɩaa sɩ hɛ dʋnɩa lɛ a bʋl ŋ-la: Wɩa jaŋ leŋ dɩ ma na ma wʋchɛɛlɛɛ kala.

JONA 1:9

Ŋɩɩ nɛ Jona bʋla pɩba, “Mɩ ŋaa Hiburu tɩɩna nɛ, mɩɩ chʋɔlɛ mɩ Tɩɩna Wɩa nɛ, ʋ nɛ ŋaa wɩa-nyuŋ, mʋgʋ-balɩŋ arɩ tinteeŋ.”