ƐZƖRA 1:1 - WƖA TENIŊ

¹ Siirus fa sɩ dii Pɛsɩa tinteeŋ kuoruŋ ʋ jɩ-bumbuŋ lɛ, La TƖƖNA sɩɩ chɛ dɩ ʋ leŋ dɩ wɩɩ-la ʋ sɩ to Jɛrɩmaaya lɛ bʋl kʋ ŋaa wʋtɩtɩɩ, ʋ digi Pɛsɩa tinteeŋ kuoro Siirus tʋɔŋ nɛ, ʋ ŋaa ba ŋmʋnsɛ heele deeŋ a pɩ ʋ tinteeŋ nɩaa kala:

ƐZƖRA 1:1 ပူးပေါင်းရင်းမြစ်များ

ƐZƖRA 1:5

Ŋɩɩ nɛ Juda arɩ Bɛnjamɩŋ dɩa dɩa nɩhɩasɩŋ, Wɩɩsʋllɩ sɩpaalaaraa arɩ Levi doho nɩaa, nɩalɩŋ tʋɔŋ Wɩa sɩ dige kɛŋ ba tɩtɩa dɔŋɔ dɩ ba mʋ saa La TƖƖNA dɩɩ-bal-la Jerusalɛm lɛ.

ƐZƖRA 4:3

Ama Zerubabɛl, Jesua arɩ Iziral tɩŋŋaa dɩa dɩa nɩhɩasɩ-la nɩkaanaa bʋl, “Ma bɩ jaŋ wuo pɛ la lɛ dɩ la saa La TƖƖNA dɩɩ-bal-la. La dʋndʋŋa jaŋ saa dɩa-la a pɩ La TƖƖNA, Iziral tɩŋŋaa Wɩa, arɩ Pɛsɩa kuoro Siirus sɩ dagɛ la ŋɩɩ.”

ƐZƖRA 6:14

Ŋɩɩ nɛ Juu tɩŋŋaa nɩhɩasɩ-la bɩra sɩsaa dɩa-la. Bʋa-la lɛ Wɩa wʋlaabʋllaa Hagaɩ arɩ Zɛkarɩya sɩ ŋaa Ido doho nʋʋ fa bʋl wɩaa nyaasɛ ba nyuŋ nɛ woruŋ. Ŋɩɩ nɛ ba saa Wɩa dɩɩ-bal-la dɛrɛ arɩ Iziral tɩŋŋaa Wɩa sɩ bʋl ŋɩɩ, arɩ Pɛsɩa tinteeŋ kuoroo deemba Siirus, Daarus arɩ Atazɛzɛs ma sɩ pa wombiiŋ ŋɩɩ.

ƐZƖRA 6:22

Ba gbieli gbiele-la ba sɩ yie gbieli a dii boroboro sɩ bɩ sɩbʋrʋŋ kɛnɛ tapʋlaa balɩpɛ nɛ arɩ tʋɔtɔrʋŋ, bɛɛ wɩaa La TƖƖNA leŋe tʋɔtɔrʋŋ vɔgɛba nɛ, ʋ sɩ kɛŋ Asiiria kuoro tʋɔŋ bɩrɩmɛ ʋ pɛ ba lɛ ba saa Iziral tɩŋŋaa Wɩa dɩɩ-balɩŋ.

ƐZƖRA 6:3

Kuoro Siirus sɩ dii kuoruŋ ʋ jɩ-bumbuŋ lɛ nɛ ʋ pa wombiiŋ dɩ ba wasa saa Wɩa dɩɩ-bal-la Jerusalɛm lɛ, dɩ ʋ ŋaa lee ba sɩ jaŋ ŋɩŋaa Wɩɩsʋlʋŋ. Má bil ʋ gentine, dɩa-la leŋiŋ jaŋ ŋaa naakieliŋ mahɩŋ banɛsɛ arɩ fii, dɩ ʋ jalɩŋ ma ŋaa naakieliŋ mahɩŋ banɛsɛ arɩ fii.

ƐZƖRA 7:27

Ɛzɩra sɩ, “Má dɛnnɛ La TƖƖNA, la naabalɩmaba Wɩa. Ʋ leŋe kuoro zil ʋ dɩɩ-bal-la nɛ Jerusalɛm lɛ.

WƖA YƖƖLAA 106:46

Ʋ leŋe nɩalɩŋ kala sɩ yuo kɛsɛba fá ba nisusuŋ nɛ.

NAMAGABA 21:1

Kuoro tʋɔbɩɩnaa kala hɛ La Tɩɩna nɩsɩŋ lɛ nɛ. Ʋ yie kɛnʋ dagɛ wombii-la kala ʋ sɩ cho dɩ ʋ to, a nagɛ lɩɩŋ sɩɩ to lɩɩ-libe ŋɩɩ.

AZAAYA 44:28

Mɩ nɛ bʋla pɩ Siirus, ‘Ŋ nɛ jaŋ beŋ mɩ nɩaa nyuŋ,’ a ŋaa wɩalɩŋ kala mɩ sɩɩ chɛ. Ŋ jaŋ leŋ dɩ ba wasa saa Jerusalɛm arɩ mɩ-na Wɩa dɩɩ-bal-la.”

AZAAYA 45:1

Wɩɩ-la La TƖƖNA sɩ bʋla pɩ Siirus, nɩɩ-la ʋ sɩ lɩɩsa a pʋ doluŋ dɩ ʋ yuo dii tinteyee aŋ dʋɔrɛ kuoroo ba doluŋ lɛ nɛ ŋ-la: “Mɩ jaŋ suri tabalaa boi-baalaa pʋ, boi-baala-la bɩ jaŋ tɔ.

JƐRƖMAAYA 1:1

Wɩalɩŋ Hɩlɩkaaya nanʋala Jɛrɩmaaya sɩ bʋla nɛ ŋ-la. Ʋ fa ŋaa Wɩɩsʋllɩ sɩpaalaaraa dɔŋɔ nɛ, a lɩɩ taŋ-la ba sɩɩ yɩrɛ Anatɔf sɩ hɛ Bɛnjamɩŋ tinteeŋ lɛ.

JƐRƖMAAYA 29:10

Wɩɩ-la La TƖƖNA bɩra sɩ bʋla nɛ ŋ-la: “Dɩ jɩsɩŋ mahɩŋ batori arɩ fii-la mɩ sɩ joŋo pɩ Babɩlɔŋ nɛ suo, mɩ jaŋ ŋaa wʋzɔŋŋɔɔ pɩma, a leŋ dɩ tʋɔtɔrɛ nii-la mɩ sɩ hɛ arɩ mɩ jaŋ kɛmma mɩɩra kɔ leriŋ deeŋ kʋ ŋaa wʋtɩtɩɩ.

ƐZƖKƖƐL 38:5

Pɛsɩa arɩ Kus arɩ Libiya laalɩyuoroo ma pɛ ŋ lɛ nɛ a kori hɔɔtaalɩ-la laalɩyuoroo sɩ kaa kɛrɛɛ laa bayuori hɛŋŋɛɛ, a chu nyunchu-gbaŋkogunuŋ.

DANƖƐL 1:21

Ŋɩɩ nɛ Danɩɛl ha tɩma pɩpɩ kuoro ŋɩɩ halɩɩ a kʋ yi Siirus sɩ dii Pɛsɩa tinteeŋ kuoruŋ ʋ jɩ-bumbuŋ lɛ.

DANƖƐL 2:1

Nebukadineza sɩ dii kuoruŋ ʋ jɩ-lɩa lɛ, ʋ duosi duosoo, ba chaasa walɩmʋ woruŋ, ʋ bɩ doŋ wuo pɩŋ.

DANƖƐL 6:25

Ŋɩɩ nɛ kuoro Daarus ŋmʋnsɛ teniŋ a pɩ nɩaa kala, tinteyee nɩaa arɩ yikoro na-kala nɩaa sɩ hɛ dʋnɩa lɛ a bʋl ŋ-la: Wɩa jaŋ leŋ dɩ ma na ma wʋchɛɛlɛɛ kala.

DANƖƐL 9:2

Ʋ sɩ dii kuoruŋ ʋ jɩ-bumbuŋ lɛ nɛ, mɩ-na Danɩɛl karɩmɛ Wɩa teniŋ a jɩŋ wɩɩ-la La TƖƖNA sɩ to ʋ wʋlaabʋlla Jɛrɩmaaya lɛ a bʋl, arɩ Jerusalɛm jaŋ pɩŋ jikpeeŋ jɩsɩŋ mahɩŋ batori arɩ fii.

Jɔɔŋ 1:23

Ŋɩɩ nɛ Jɔɔŋ bʋl, “Mɩ nɛ ŋaa yikoro-la sɩ hɛ tintee-hɩlɩŋ lɛ a heelee bʋl, ‘Má wasɛ wombiiŋ dɩ ʋ tʋʋlɛ a pɩ La Tɩɩna.’ Ŋ-la nɛ Wɩa wʋlaabʋlla Azaaya fa bʋl dɩ ma ŋaa.”