ƐZƖKƖƐL 7:3 - WƖA TENIŊ

³ Lɛɛlɛ, ma cheyiŋ kɔ nɛ, mɩ jaŋ joŋ mɩ baanɩŋ a fɩɩsɛ ma lɛ. Mɩ jaŋ dii ma sarɩya a mʋ tɩgɛ ma wʋŋaalaa lɛ, a joŋ wʋkɩsɩa-la kala ma sɩ ŋaa chɩmɩŋ a tiŋ ma lɛ.

ƐZƖKƖƐL 7:3 ပူးပေါင်းရင်းမြစ်များ

WƖAA DƖ-SUOMUŊ 6:13

Ŋɩɩ nɛ Wɩa bʋla pɩ Nowa, “Mɩ jaŋ kpʋ dʋnɩa nʋʋkala, bɛɛ wɩaa dʋnɩa suo nɛ arɩ ba wʋbɔŋŋɔɔ ŋaanɩŋ. Mɩ sɛnɛ jaŋ cheiba arɩ dʋnɩa kʋŋkala.

AZAAYA 47:7

Ŋ fa bɩɩna arɩ ŋ jaŋ ŋaa kuoru deeŋ deeŋ nɛ, aŋ vɩa dɩ ŋ kɛŋ wɩalɩŋ chɔgɩsɛ a na ŋɩɩ ba dɩ-dɛrɩŋ sɩ jaŋ nagɛ.

JƐRƖMAAYA 13:14

Mɩ jaŋ paaba yagɛ a daŋ dɔŋɔ lɛ, nyɩmmaba arɩ biiriŋ kala. Mɩ-na ma TƖƖNA nɛ bʋla. Mɩ bɩ jaŋ lemba, mɩ bɩ jaŋ fá ba nenige koo ba nisusuŋ, mɩ jaŋ kpʋba.’ ”

ƐZƖKƖƐL 11:21

Ama nɩalɩŋ sɩɩ to tɔŋŋɔɔ sɩ ŋaa disiŋ kɩa arɩ vesiŋ mɩ sɩɩ kɩsʋ, mɩ jaŋ dɔgɩsɛba a tɩŋ wɩalɩŋ ba sɩ ŋaa wɩaa. Mɩ-na ma TƖƖNA Wɩɩjarɩbakɔ nɛ bʋla.”

ƐZƖKƖƐL 16:38

Mɩ jaŋ joŋ cheeriŋ pɩŋ a dɔgʋsʋŋ a tɩŋ ŋ sɩ ŋaa hachɔrʋŋ arɩ nɩkpʋʋrʋ wɩaa. Mɩ jaŋ na baanɩŋ kɩŋkɛŋ ŋ nyuŋ, a leŋ dɩ ba kpʋŋ.

ƐZƖKƖƐL 16:43

Ŋ sɩ bɩ liise yi wɩalɩŋ mɩ fa sɩ ŋaa pɩŋ ŋ hambiiriŋ lɛ wɩaa, aŋ ŋaa wɩaa deemba kala a leŋ mɩ baanɩŋ sii, ŋɩɩ nɛ tɩɩ mɩ leŋ wɩalɩŋ kala ŋ sɩ ŋaa nyʋa ŋ nyuŋ lɛ ŋɩɩ. Mɩ-na ŋ TƖƖNA Wɩɩjarɩbakɔ pɩɛsɩŋ nɛ: Bɛɛ nɛ tɩɩ ŋ ŋaa hachɔrʋŋ wɩaa a pɛ disiŋ wɩalɩŋ kala mɩ sɩɩ kɩsʋ lɛ?

ƐZƖKƖƐL 16:59

Wɩɩ-la mɩ-na ŋ TƖƖNA Wɩɩjarɩbakɔ bɩra sɩ bʋla nɛ ŋ-la: Jerusalɛm, mɩ jaŋ joŋ wɩalɩŋ ŋ sɩ ŋaa chɩmɩŋ a tiŋ ŋ lɛ, bɛɛ wɩaa ŋ bɩ nii-la mɩ sɩ hɛ kaa tɩŋ aŋ chei nii-la sɩ hɛ mɩ dɩŋ pɛgɛ.

ƐZƖKƖƐL 18:30

Ŋɩɩ wɩaa ma Iziral tɩmma, mɩ jaŋ dii ma kʋŋkala sarɩya a magɛ ŋɩɩ ma sɩ ŋaa wɩaa. Mɩ-na ma TƖƖNA Wɩɩjarɩbakɔ nɛ bʋla. Má bɩrɩma lɩɩ wʋbɔmɔ-la kala ma sɩɩ ŋaa lɛ, a sɩ́ leŋe dɩ wʋbɔŋŋɔɔ cheima.

ƐZƖKƖƐL 21:25

Iziral kuoro, ŋ ŋaa nɩbɔŋ nɛ a kɛŋ disiniŋ. Tapʋlɩɩ-la ba sɩ jaŋ dɔgʋsʋŋ yie nɛ.

ƐZƖKƖƐL 22:31

Ŋɩɩ wɩaa mɩ baanɩŋ jaŋ sii ba nyuŋ, mɩ baanɩŋ jaŋ nagɛ nyiniŋ a jomba dii. Wɩalɩŋ kala ba sɩ ŋaa jaŋ gʋra nyʋa ba nyuŋ lɛ. Mɩ-na ma TƖƖNA Wɩɩjarɩbakɔ nɛ bʋla.”

ƐZƖKƖƐL 24:14

Mɩ-na ma TƖƖNA nɛ bʋla. Bʋa-la yie nɛ dɩ mɩ ŋaa wɩaa. Mɩ bɩ jaŋ leŋ, mɩ bɩ jaŋ fá nʋʋ nenige, koo a kɛŋ mɩ tʋɔbɩɩnaa bɩrɩmɛ. Mɩ jaŋ dɔgʋsʋŋ a tɩŋ ŋɩɩ ŋ mɛlɛ arɩ ŋ wʋŋaalaa sɩ naga. Mɩ-na ma TƖƖNA Wɩɩjarɩbakɔ nɛ bʋla.”

ƐZƖKƖƐL 33:20

Ama Iziral tɩmma, ma sɩ, ‘La TƖƖNA wombiiŋ bɩ wʋtɩtɩɩ kɛnɛ.’ Ama mɩ jaŋ dii ma kʋŋkala sarɩya a mʋʋ tɩgɛ ʋ wʋŋaalaa lɛ.”

ƐZƖKƖƐL 36:19

Mɩ kɛmba pɩsa hɛ tinteyee lɛ nɛ, ba jaasɛ tintee-wogusuŋ lɛ, a tɩŋ ba mɛlɛ arɩ ba wʋŋaalaa wɩaa mɩ dɔgɩsɛba.

ƐZƖKƖƐL 5:12

Nyanyalaa arɩ losuŋ jaŋ kpʋ nɩalɩŋ dɔnsʋŋ sɩ hɛ ŋ lɛ, ba jaŋ kpʋ dɔnsʋŋ ma laalɩŋ lɛ taŋ-la harɩŋ, ka mɩ kɛŋ ba dɔnsʋŋ ma pɩsɛ lee-kala, aŋ kire to ba harɩŋ arɩ laalɩŋ.

ƐZƖKƖƐL 5:13

Ŋɩɩ nɛ mɩ baanɩŋ jaŋ fɩɛlɛ, baaŋ-la mɩ sɩ faasa na ŋ nyuŋ ka dɩ mɩ yaraa pɛ dɔŋɔ lɛ. Dɩ mɩ nɛ ŋaa wɩaa deemba kala ŋ lɛ, ŋɩɩ nɛ ŋ jaŋ jɩŋ arɩ mɩ-na ŋ TƖƖNA yaraa nɛ biere, mɩ bʋl wɩaa deemba.

ƐZƖKƖƐL 7:2

“Nuhuobiiŋ, wɩɩ-la mɩ-na ma TƖƖNA Wɩɩjarɩbakɔ sɩ bʋlaa tɩgɛ Iziral tɩŋŋaa tinteeŋ lɛ nɛ ŋ-la: Ma tinteeŋ kala cheyiŋ dɩdɛrɩŋ kɔ nɛ.

ƐZƖKƖƐL 7:27

Kuoro jaŋ yel, dɩ ʋ sɩpaalaaraa ma tʋɔbɩɩnaa kala vʋgʋmɛ, dɩ fawʋllʋŋ kɛŋ nɩalɩŋ dɩ ba chichel. Mɩ jaŋ dɔgɩsɛba a tɩŋ wɩalɩŋ kala ba sɩ ŋaa wɩaa, a nagɛ ŋɩɩ ba sɩ dɔgɩsɛ nɩaa dɔnsʋŋ. Ŋɩɩ nɛ ba jaŋ jɩŋ arɩ mɩ nɛ ba TƖƖNA.”

ƐZƖKƖƐL 7:4

Mɩ bɩ jaŋ fá ma nenige koo a lemma. Mɩ jaŋ dɔgɩsɛma a tiŋ ma wʋŋaalaa arɩ wʋkɩsɩa-la ma sɩ ŋaa chɩmɩŋ. Ŋɩɩ nɛ ma jaŋ jɩŋ arɩ mɩ nɛ ma TƖƖNA.”

ƐZƖKƖƐL 9:10

Ŋɩɩ wɩaa, mɩ bɩ jaŋ kɔ dɩ mɩ fá ba nisusuŋ koo a lemba, ama mɩ jaŋ joŋ wɩalɩŋ ba sɩ ŋaa a tiŋ ba lɛ.”

HOSIA 12:3

Ʋ naaŋ luoruŋ tʋɔŋ, ʋ kɛŋ ʋ naambie naatilimiŋ lɛ nɛ, ʋ sɩ waa baal, ʋ kɛŋ Wɩa loo.

AMƆS 8:2

La Tɩɩna pɩɛsɛmɛ, “Amɔs, bɛɛ kʋŋ nɛ ŋ na?” Mɩ bʋl, “Mɩ na tɩɩnɛnɛɛ sɩ bɩa nɛ a hɛ sime tʋɔŋ.” Ŋɩɩ nɛ La Tɩɩna bʋla pɩmɛ, “Mɩ nɩaa Iziral tɩŋŋaa bʋa-la yie nɛ, mɩ bɩra bɩ jaŋ joŋo chɛba.