ƐZƖKƖƐL 7:2 - WƖA TENIŊ

² “Nuhuobiiŋ, wɩɩ-la mɩ-na ma TƖƖNA Wɩɩjarɩbakɔ sɩ bʋlaa tɩgɛ Iziral tɩŋŋaa tinteeŋ lɛ nɛ ŋ-la: Ma tinteeŋ kala cheyiŋ dɩdɛrɩŋ kɔ nɛ.

ƐZƖKƖƐL 7:2 ပူးပေါင်းရင်းမြစ်များ

WƖAA DƖ-SUOMUŊ 6:13

Ŋɩɩ nɛ Wɩa bʋla pɩ Nowa, “Mɩ jaŋ kpʋ dʋnɩa nʋʋkala, bɛɛ wɩaa dʋnɩa suo nɛ arɩ ba wʋbɔŋŋɔɔ ŋaanɩŋ. Mɩ sɛnɛ jaŋ cheiba arɩ dʋnɩa kʋŋkala.

2 IZIRAL TƖŊŊAA NAABARƖŊ 34:7

Iziral tɩmma-la sɩ hɛ wɩɩpɔsʋŋ nagʋa dɩɩrɩŋ tinteeŋ kala lɛ, ʋ ŋmoo ba veŋ-kpaarɛ korunuŋ kala a giri, a bori Asɩra vene-la daasɩŋ, a ŋmoo tɔmɔ-la yɛrɛ nʋgʋgʋ, a giri korunu-la kala lɛ ba sɩɩ nyɩgɛ kʋsʋɔrʋsʋŋ a ŋmoo yɛrɛ muno muno. Ŋɩɩ lɛ nɛ aŋ ka Josaaya mɩɩra mʋ Jerusalɛm.

AZAAYA 47:7

Ŋ fa bɩɩna arɩ ŋ jaŋ ŋaa kuoru deeŋ deeŋ nɛ, aŋ vɩa dɩ ŋ kɛŋ wɩalɩŋ chɔgɩsɛ a na ŋɩɩ ba dɩ-dɛrɩŋ sɩ jaŋ nagɛ.

JƐRƖMAAYA 12:4

Ɛɛ nɛ la tinteeŋ chɛ dɩ ʋ hɩla diene magɛ, dɩ yaŋ-la sɩ hɛ ʋ lee-kala hɩl? Nɩalɩŋ sɩ hɛ tintee-la lɛ sɩ bɔmɔ wɩaa nɛ tɩɩ pʋsʋŋ, baga kɩaa arɩ zaaraa kala sʋʋ. Ama nɩalɩŋ sɩ, “Ʋ bɩ wɩalɩŋ la sɩɩ ŋaa ka na.”

JƐRƖMAAYA 5:31

Mɩ wʋlaabʋllaa sɩ nyɩɛ wɩaa arɩ baa bʋl wɩaa Wɩa doluŋ lɛ nɛ. Ka Wɩɩsʋllɩ sɩpaalaaraa ma mɩɩra ŋɩŋaa wɩaa ba tɩtɩaba doluŋ lɛ. Mɩ nɩaa ma cho ŋɩɩ ba sɩɩ ŋaa. Ama wʋbɛɛ nɛ ma jaŋ ŋaa wɩaa deemba dɩdɛrɩŋ?”

JƐRƖMAAYA 51:13

Ma Babɩlɔŋ nɩaa hɔŋ lee-la sɩ kɛŋ fuonuŋ yʋga nɛ, a kɛŋ kɩaa yʋgɛ woruŋ. Ma dɩdɛrɩŋ kɔ nɛ, bʋa-la lɛ sɩ maga dɩ ba kpʋma.

JEMBIEE 1:9

Ʋ disiŋ-la mɛrɛ ʋ lɛ kieli nɛ, ʋ fa bɩ ʋ chie wɩaa bɩɩna. Ʋ sɩ tele ŋɩɩ kperi, ka nʋʋkala tuo dɩ ʋ nyagɛ ʋ bɔyɛ. “Mɩ Tɩɩna, bee na mɩ sɩɩ na hɛɛŋ ŋɩɩ, bɛɛ wɩaa mɩ dʋndɔmɔ yuo diimi nɛ.”

JEMBIEE 4:18

Nɩaa ka densi la nɛ, la bɩra bɩ la womporunuŋ lɛ wuo vɛŋ. La dɩdɛrɩŋ kpaga nɛ, la tapʋlaa dɛrɛ nɛ, la dɛrɩŋ yie nɛ.

ƐZƖKƖƐL 11:13

Mɩ fa ha sɩɩ bʋl wɩaa Wɩa doluŋ lɛ ŋɩɩ, Bɛnaaya nanʋala Pɛlatɩa tele sʋʋ. Ŋɩɩ nɛ mɩ tele kɛŋ mɩ sɩaa chu tinteeŋ, aŋ ŋmoo niiŋ bogi bogi a pɩɛsɛ, “La TƖƖNA Wɩɩjarɩbakɔ, ŋ jaŋ kpʋ Iziral tɩŋŋaa nɩkaanaa kalaa?”

ƐZƖKƖƐL 12:22

“Nuhuobiiŋ, bɛɛ kʋŋ namaga nɛ maa magɛ Iziral tinteeŋ lɛ ŋ-la, ‘Tapʋlaa bala a yʋgɛ nɛ ka wɩalɩŋ kala Wɩa sɩ joŋo dagɛ nɩaa a nagɛ duosoo tʋɔŋ bɩ ŋaa.’

ƐZƖKƖƐL 21:2

“Nuhuobiiŋ, joŋ ŋ sɩaa chaasɛ Jerusalɛm a bʋl wɩaa mɩ doluŋ lɛ a hɛ lee-la ba sɩɩ dɛnnɛmɛ lɛ. Bʋl wɩaa mɩ doluŋ lɛ a hɛ Iziral tinteeŋ lɛ.

ƐZƖKƖƐL 21:25

Iziral kuoro, ŋ ŋaa nɩbɔŋ nɛ a kɛŋ disiniŋ. Tapʋlɩɩ-la ba sɩ jaŋ dɔgʋsʋŋ yie nɛ.

ƐZƖKƖƐL 21:4

Mɩ jaŋ kɛŋ mɩ tokobii-la kpʋ ŋ nɩalɩŋ a chɩŋ wɩɩpɔsʋŋ nadiiŋ a kaa mʋ wɩɩpɔsʋŋ nagʋa.

ƐZƖKƖƐL 21:7

Dɩ ba nɛ pɩɛsɩŋ, ‘Bɛɛ nɛ tɩɩ ŋ huhuuni?’ Bʋla pɩba, ‘Wɩalɩŋ sɩɩ kɔ nɛ tɩɩ. Nʋʋkala tʋɔŋ jaŋ faasa chei, dɩ nʋʋkala nɩsaa ŋaa gbɛlɛɛ, dɩ nʋʋkala nandaasɩŋ yʋɔrɛ, dɩ fawʋllʋŋ jʋʋ nʋʋkala dɩ ba naadʋsʋŋ chichel.’ Wɩɩ-la ka kɔ nɛ, ʋ sɛnɛ jaŋ ŋaa, mɩ-na ma TƖƖNA Wɩɩjarɩbakɔ nɛ bʋla.”

ƐZƖKƖƐL 35:5

Ma joŋ Iziral tɩŋŋaa ba ŋaa ma dʋndɔŋ-bɩnɩa nɛ, ma fa leŋe ba kpʋba nɛ bʋa-la lɛ wʋlɔrʋnʋŋ sɩ jʋʋba, mɩ dʋdɔgɩsɛba a tɩŋ ba wʋbɔŋŋɔɔ wɩaa.

ƐZƖKƖƐL 40:2

A nagɛ duosoo tʋɔŋ, Wɩa jommi kaa mʋ Iziral tinteeŋ a kɛmmɛ mʋ sagɛ peel-leŋii kʋbala nyuŋ. Peel-la wɩɩpɔsʋŋ nadiiŋ dɩɩrɩŋ, dɩɩsɩŋ hɛ nɩmɛ a nagɛ tabal.

ƐZƖKƖƐL 7:1

La TƖƖNA fa bʋl wɩaa pɩmɛ, ʋ sɩ:

ƐZƖKƖƐL 7:3

Lɛɛlɛ, ma cheyiŋ kɔ nɛ, mɩ jaŋ joŋ mɩ baanɩŋ a fɩɩsɛ ma lɛ. Mɩ jaŋ dii ma sarɩya a mʋ tɩgɛ ma wʋŋaalaa lɛ, a joŋ wʋkɩsɩa-la kala ma sɩ ŋaa chɩmɩŋ a tiŋ ma lɛ.

JOWƐL 1:15

Tapʋlɩɩ-la kpaga nɛ. La TƖƖNA tapʋlʋŋ kpaga nɛ, doluŋ kala Tɩɩna jaŋ chei leriŋ tapʋlɩɩ-la.

AMƆS 8:10

Mɩ jaŋ leŋ dɩ ma Wɩɩchʋɔlɛ gbielee kala bɩrɩmɛ yoho. Ma yɩɩlaa ma kala jaŋ bɩrɩmɛ yele. Ma jaŋ laalɛ tʋɔ-chei gɛnnɩŋ aŋ fʋŋ ma nyusuŋ a nagɛ nʋʋ sɩ lʋl ʋ hambolibii-bala ʋ sʋʋ ʋ yiyel. Tapʋlɩɩ-la dɩdɛrɩŋ jaŋ lɔrɛ.”

AMƆS 8:2

La Tɩɩna pɩɛsɛmɛ, “Amɔs, bɛɛ kʋŋ nɛ ŋ na?” Mɩ bʋl, “Mɩ na tɩɩnɛnɛɛ sɩ bɩa nɛ a hɛ sime tʋɔŋ.” Ŋɩɩ nɛ La Tɩɩna bʋla pɩmɛ, “Mɩ nɩaa Iziral tɩŋŋaa bʋa-la yie nɛ, mɩ bɩra bɩ jaŋ joŋo chɛba.

Matiu 24:6

Ma jaŋ nɩɩ arɩ laalɩŋ hɛ daha a hɛ dɩ-bolii. Dɩ ma nɛ kʋ nɩɩ ŋɩɩ, má sɩ́ leŋe dɩ ma bɔyɛ joŋ. Wɩaa deemba kala jaŋ ŋaa bal, ama dʋnɩa dɩdɛrɩŋ ha dee ŋɩɩ.

MOSIS BƖRA WULLI WƖA WOMBIIŊ 32:20

Ŋɩɩ nɛ ʋ bʋl, “Mɩ jaŋ joŋ mɩ harɩŋ a yɩaba aŋ na ba dɩdɛrɩŋ sɩ jaŋ nagɛ ŋɩɩ, bɛɛ wɩaa ba ŋaa nyu-duo tɩmma nɛ, ba bɩ wʋtɩtɩɩ kɛnɛ.

1 Pɩɩta 4:7

Bʋa-la dʋnɩa sɩ jaŋ dɛrɛ kpaga nɛ. Ŋɩɩ wɩaa, má kɛŋ ma tɩtɩa woruŋ a leŋ dɩ ma sɩaa fɩɛlɛ, dɩ ma wuo chʋchʋɔlɛ Wɩa.

Jɔɔŋ Wʋnaalaa 20:8

Ʋ jaŋ kʋ lɩɩ a nyɩsɛ dʋnɩa nɩaa sɩ hɛ tinteeŋ sɛmɛ-na kala lɛ dɩ ba kʋ hɛ dɔŋɔ a yuo laalɩŋ. Gɔg arɩ Magɔg nɩaa nɛ ŋɩɩ. Ba yʋga nɛ woruŋ a nagɛ mʋgʋ-balɩŋ niiŋ hagɩlɩ-bumbugulo.

Jɔɔŋ Wʋnaalaa 7:1

Wɩaa deemba kala harɩŋ, mɩ na Wɩa tɩndaaraa banɛsɛ dɩ ba chɩŋ dʋnɩa laŋgorunuŋ banɛsɛ-la lɛ. Ba fa kɛŋ peliŋ nɛ dɩ ʋ sɩ́ lu hɛ tinteeŋ arɩ mʋgʋ-balɩŋ arɩ tɩɩsɩŋ kala lɛ.