ƐZƖKƖƐL 2:3 - WƖA TENIŊ

³ Ʋ sɩ, “Nuhuobiiŋ, mɩɩ tɩmɩŋ Iziral tɩŋŋaa teeŋ nɛ, ba ŋaa tintee nɩa sɩ vɩa mɩ niiŋ nɛ, ba dɩ ba naabalɩmaba bɩ mɩ niiŋ ka to a kaa kɔ arɩ jɩnɩŋ.

ƐZƖKƖƐL 2:3 ပူးပေါင်းရင်းမြစ်များ

2 KUOROO 17:14

Ama Iziral tɩŋŋaa fa bɩ jegile nɩɩ. Ba nyuŋ fa dolie a nagɛ ba nyɩmmaba-la sɩ bɩ ba TƖƖNA Wɩa wɩaa laa dii nɛ.

2 KUOROO 17:15

Ba vɩa ʋ wombiiŋ arɩ nii-la ʋ fa sɩ bile pɩ ba nyɩmmaba nɛ arɩ ŋɩɩ ʋ fa sɩ kpʋrɩsɛ ba dɩgɩlaa. Ba to vʋɩyaa sɩ bɩ bʋbʋɔ kɛnɛ harɩŋ nɛ, a kʋ ŋaa nɩyaayasɩ. Tinteye-la sɩ golliba wʋŋaalaa nɛ ba chesi. La TƖƖNA fa sɩ dɩ ba sɩ́ ŋɩɩ ŋaa nɛ, ka ba vɩa aŋ ŋaa.

ƐZƖRA 9:7

A chɩŋ la naabalɩmaba bʋa lɛ a kaa kɔ jɩnɩŋ, la wʋcheelee chaasa yʋgɛ nɛ woruŋ. A tɩŋ la wʋbɔŋŋɔɔ wɩaa nɛ tɩɩ ŋ joŋ la dɩ la kuoroo arɩ ŋ Wɩɩsʋllɩ sɩpaalaaraa hɛ tintee-wogusuŋ kuoroo nɩsɩŋ lɛ. Ba kpʋla, a laa la kɩaa, aŋ kɛsɛ la dɔnsʋŋ kaa mʋ tɔ bɩnɩŋ dɩa. La dii hɩɩsɩŋ nɛ woruŋ, arɩ jɩnɩmba la ha sɩɩ dii hɩɩsɩŋ ŋɩɩ.

NƐHƖMAAYA 9:26

Ama ba vɩa ŋ niiŋ nɛ a lɩɩ ŋ harɩŋ, a joŋ harɩŋ yɩa ŋ wombiiŋ ŋ sɩ bile dɩ ba tuto. Ba kpʋ ŋ wʋlaabʋllaa nɛ, nɩalɩŋ sɩ bʋl wɩaa kpʋrɩsɛ ba dɩgɩlaa dɩ ba mɩɩra kʋ toŋ. Ba chaasa tʋʋsɛ ŋ joŋoo nɛ.

WƖA YƖƖLAA 106:28

Ŋɩɩ nɛ ŋ nɩaa ma pɛ kpʋkpaarɛ vene-la ba sɩɩ yɩrɛ Baal sɩ hɛ peel-la ba sɩɩ yɩrɛ Pio lɛ, a didii vʋɩ-kpaarɛ kɩaa.

AZAAYA 30:1

La TƖƖNA sɩ, “Wɩaa jaŋ jʋʋ nɩalɩŋ sɩɩ beŋ Juda tinteeŋ. Ba vɩa mɩ niiŋ nɛ. Ba yie vʋʋrɛ wɩaa ŋɩŋaa, ka mɩ bɩ ba ŋɩɩ daga. Ba dɩ nɩaa pɛ niiŋ nɛ a ŋaa wɩalɩŋ mɩ sɩ bɩ cho. Ba ŋaa wʋbɔŋŋɔɔ a dɩdaŋ dɔŋɔ lɛ nɛ.

JƐRƖMAAYA 1:7

Ama La TƖƖNA bʋla pɩmɛ, “Sɩ́ bʋl, arɩ ŋ ŋaa hambie nɛ. Dɩ mɩ nɛ tɩmɩŋ nʋʋkala teeŋ, ʋ maga dɩ ŋ mʋ nɛ a bʋl wɩɩ-la mɩ sɩ sɩ ŋ bʋl.

JƐRƖMAAYA 3:25

Má leŋ la yaara kɛŋ la hɩɩsɩŋ pɩŋ, a leŋ la hɩɩsɩŋ diila. La ŋaa wʋbɔŋ nɛ La TƖƖNA Wɩa lɛ, la dɩ la naabalɩmaba kala. A chɩŋ la hambiiriŋ lɛ a kaa kɔ jɩnɩŋ, la bɩ La TƖƖNA Wɩa niiŋ to.”

JƐRƖMAAYA 36:2

“Joŋ teniŋ a ŋmʋnsɛ wɩalɩŋ kala mɩ sɩ bʋla tɩgɛ Iziral arɩ Juda lɛ arɩ tinteye-la dɔnsʋŋ, a chɩŋ bʋa-la lɛ mɩ sɩ suomo a bʋl wɩaa pɩpɩŋ, bʋa-la lɛ Josaaya sɩ dii kuoruŋ a kaa kɔ lɛɛlɛ.

JƐRƖMAAYA 44:20

Ŋɩɩ nɛ Jɛrɩmaaya bʋla pɩ nɩalɩŋ kala, baalaa arɩ haala-la kala sɩɩ bʋl wɩaa ʋ teeŋ:

JƐRƖMAAYA 44:21

“Kʋsʋɔrʋsʋ-la ma sɩ nyɩga Juda tasɩŋ arɩ Jerusalɛm womporunuŋ lɛ, ma dɩ ma naabalɩmaba, ma kuoroo, ma tɩntɩnnɩ-hɩasɩŋ arɩ nɩalɩŋ kala sɩ hɛ tintee-la lɛ, ma bɩɩna La TƖƖNA yʋ ba wɩaa nɛ koo?

JƐRƖMAAYA 7:2

“Chɩŋ mɩ-na ma TƖƖNA dɩɩ-balɩŋ boi-baalɩŋ niiŋ aŋ heele bʋl wɩɩŋ deeŋ. Ma-na Juda tɩmma-la kala sɩ to boi-baalaa deemba a kʋ chʋchʋɔlɛ La TƖƖNA, má jegile nɩɩ wɩɩ-la La Tɩɩna sɩ bʋla.

ƐZƖKƖƐL 17:12

“Pɩɛsɛ Iziral nɩaa deemba sɩ vɩa mɩ niiŋ, ‘Ma bɩ wɩaa deemba bʋbʋɔŋ jɩŋ?’ Bʋla pɩba: ‘Babɩlɔŋ kuoro nɛ sii mʋ Jerusalɛm a yuo kɛŋ ʋ kuoro arɩ ʋ nɩhɩasɩŋ a kɛmba mɩɩra mʋ Babɩlɔŋ.

ƐZƖKƖƐL 24:3

Magɛ namaga deeŋ pɩ Jerusalɛm nɩaa deemba sɩ vɩa dagɩŋ: Wɩɩ-la Mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Joŋ pupoiŋ chɔ, a ŋaa lɩɩŋ hɛ.

ƐZƖKƖƐL 40:4

Ŋɩɩ nɛ baal-la bʋla pɩmɛ, “Nuhuobiiŋ, suri ŋ sɩaa, a wuoli ŋ dɩgɩlaa ma a jegile nɩɩ wɩalɩŋ kala mɩ sɩ jaŋ dagɩŋ, ŋɩɩ wɩaa nɛ mɩ kɛnɩŋ kɔ daha. Bʋl wɩalɩŋ kala ŋ sɩ na daha a pɩ Iziral tɩŋŋaa.”

AMƆS 7:15

La Tɩɩna nɛ lɩɩsɛmɛ pie-daalɩŋ lɛ a bʋla pɩmɛ, ‘Mʋ bʋl mɩ wɩaa a pɩ mɩ nɩaa Iziral tɩŋŋaa.’

MALAKAƖ 3:7

Ma naabalɩmaba bʋa lɛ nɛ ma suomo vɩa mɩ niiŋ wɩaa a bɩ wombie-la mɩ sɩ dagɛma ka to. Dɩ ma nɛ mɩɩra kɔ mɩ teeŋ, mɩ ma jaŋ kɔ ma teeŋ. Ama ma yie pɩɛsɛ, ‘Ɛɛ nɛ la jaŋ ŋaa a mɩɩra kɔ ŋ teeŋ?’

NAMBABA 20:10

Ʋ dɩ Arɔŋ yɩrɛ Iziral tɩŋŋaa kala kʋ hɛ dɔŋɔ bʋŋ-la sɩpaaŋ. Ŋɩɩ nɛ Mosis bʋla pɩba, “Má jegile nɩɩ, ma nɩaa deemba sɩ bɩ dagɩŋ ka nɩɩ. Maa chɛ dɩ la leŋ dɩ lɩɩŋ lɩɩ bʋŋ deeŋ lɛ pɩma, dɩ ma nyʋa nɛɛ?”

Tɩntɩŋŋaa 7:51

Ŋɩɩ nɛ Sɩtɩɩvɩŋ bʋl, “Ma nyuŋ dolie kɩŋkɛŋ nɛ. Ma dɩgɩlaa ma kparɩmɛ. Ma tʋɔŋ ma dol arɩ nɩalɩŋ sɩ bɩ Wɩa jɩŋ. Ma ma yie vɩa ma to Wɩa Dɩŋ-zɔmʋŋ lɛ, arɩ ma naabalɩmaba fa sɩ ŋaa ŋɩɩ.

Rom Tɩŋŋaa 10:15

Dɩ Wɩa nɛ bɩ nɩaa tɩma dɩ ba bʋl ʋ wɩaa, ɛɛ nɛ ba jaŋ wuo ŋaa bʋl ʋ wɩaa? Ba fa ŋmʋnsa Wɩa teniŋ tʋɔŋ a bʋl, “Ʋ ŋaa wʋzɔŋ nɛ nɩalɩŋ sɩɩ bʋl Wɩa wʋzɔmɔ-la sɩ kɔ.”

MOSIS BƖRA WULLI WƖA WOMBIIŊ 9:24

Mɩ sɩ jɩmma faafaa kala, ma paala bɩ La TƖƖNA niiŋ wɩaa ka nɩɩ.

MOSIS BƖRA WULLI WƖA WOMBIIŊ 9:27

Liisi ŋ tɩntɩnnaa Abɩraham, Aɩzɩk arɩ Jekɔb wɩaa, aŋ sɩ́ nɩaa deemba nyuduoŋ, ba wʋbɔŋŋɔɔ arɩ ba wʋcheelee wɩaa beŋ.