ƐZƖKƖƐL 10:3 - WƖA TENIŊ

³ Kɩalɩŋ sɩ nagɛ Wɩa tɩndaaraa a kɛŋ kɩŋkɛnsɩŋ fa chɩŋ Wɩa dɩɩ-bal-la wɩɩpɔsʋŋ nadiiŋ dɩɩrɩŋ nɛ ka baal-la jʋʋ. Ŋɩɩ nɛ duoŋ-bɩlɩmbaanɩŋ kʋ tɔ tʋɔŋ kaala-la kala.

ƐZƖKƖƐL 10:3 ပူးပေါင်းရင်းမြစ်များ

WƖAA DƖ-SUOMUŊ 3:24

Ʋ sɩ kiri Adam ta ʋ lɩɩ ŋɩɩ, ʋ leŋ Wɩa tɩndaara sɩ kɛŋ kɩŋkɛnsɩŋ a kori tokobiiŋ sɩɩ chol nyiniŋ a hɛ Ɛdɩŋ wɩɩpɔsʋŋ dɩɩrɩŋ a vivilli, a pɔ nʋʋkala sɩ́ tɩa-la sɩɩ pɩ mɩɩsɩŋ kpagʋ.

MOSIS KƐŊ IZIRAL TƖŊŊAA LƖƖ 25:18

Kɛŋ sɛlɩmɛ sɩ chaasa zɔŋ libi kɩaa balɩa dɩ ba nagɛ Wɩa tɩndaaraa a kɛŋ kɩŋkɛnsɩŋ dɩ ba chɩŋ daga-la nii-tɔlɔ nyuŋ.

ƐZƖKƖƐL 43:4

La TƖƖNA tʋla to boi-baal-la sɩ chaasɛ wɩɩpɔsʋŋ dɩɩrɩŋ a kʋ jʋʋ ʋ dɩɩ-bal-la tʋɔŋ.

ƐZƖKƖƐL 46:1

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ dɩɩ-bal-la tʋɔŋ kaala-la boi-baal-la sɩ chaasɛ wɩɩpɔsʋŋ dɩɩrɩŋ maga ʋ tɔ nɛ tapʋlɩa-la balɩdʋ ma sɩ yie tɩŋ tɩntɩŋŋaa. Ama tapʋl-wiesii-la chɛɛŋ arɩ chɛŋ-falɩŋ gbiele chɛɛŋ, ʋ maga ʋ suri nɛ.

ƐZƖKƖƐL 8:16

Ʋ kɛmmɛ kaa kʋ jʋʋ La TƖƖNA dɩ-bal-la kaala tʋɔŋ, mɩ na baalaa mara arɩ banɔŋ dɩ ba chɩŋ Wɩa dɩɩ-bal-la boi-baalɩŋ lɛ, zawʋra arɩ Wɩɩsʋlʋŋ koru-la pɛgɛ, ba harɩŋ jɩa Wɩa dɩɩ-bal-la ka ba sɩaa chaasɛ wɩɩpɔsʋŋ dɩɩrɩŋ a kpirime chʋchʋɔlɛ wɩɩpɔsʋŋ.

ƐZƖKƖƐL 8:3

Ŋɩɩ nɛ ʋ kɛŋ kʋŋ sɩ nagɛ nɩsɩŋ tɩɛnɛ a kɛŋ mɩ nyu-pʋnaa lɛ a kɛmmɛ joŋ. Wɩɩŋ deeŋ sɩ nagɛ duosoo tʋɔŋ, Wɩa Dɩma jommi kaa jɩl wɩa-nyuŋ a kɛmmɛ mʋ Jerusalɛm. Ʋ sɩ kɛmmɛ mʋ nɩmɛ, ʋ kɛmmɛ mʋ Wɩa dɩɩ-bal-la tʋɔŋ kaala-la sɩ hɛ wɩɩpɔsʋŋ nagʋa boi-baalɩŋ lɛ, lee-la tɔŋ kʋbala fa sɩ chɩna, La TƖƖNA baanɩŋ chaasa sisii ʋ nyuŋ.

ƐZƖKƖƐL 9:3

Ŋɩɩ nɛ Iziral tɩŋŋaa Wɩa tʋla lɩɩ kɩalɩŋ sɩ nagɛ Wɩa tɩndaaraa a kɛŋ kɩŋkɛnsɩŋ lɛ a jɩl wɩa-nyuŋ, lee-la ba fa sɩ chɩna, a mʋ Wɩa dɩɩ-bal-la boiŋ nii-jʋʋlʋŋ. Ŋɩɩ nɛ La TƖƖNA yɩrɛ baal-la sɩ laalɛ gɛrɩpɛ fʋfʋlʋŋ gɛrɩŋ, ka kʋ-la ba sɩ kaa ŋmʋŋmʋnsɛ kɩaa hɛ ʋ sɛmɛ,