MOSIS KƐŊ IZIRAL TƖŊŊAA LƖƖ 8:4 - WƖA TENIŊ

⁴ Sɔrɔ-la jaŋ fɩla jɩla sagɛ ŋ lɛ, ŋ nɩhɩasɩŋ arɩ ŋ nɩaa kala lɛ.’ ”

MOSIS KƐŊ IZIRAL TƖŊŊAA LƖƖ 8:4 ပူးပေါင်းရင်းမြစ်များ

1 KUOROO 13:6

Ŋɩɩ nɛ kuoro bʋla pɩ Wɩa wʋlaabʋllʋ-la, “Mɩɩ sʋlʋŋ, sʋl ŋ Tɩɩna Wɩa pɩmɛ dɩ ʋ leŋ dɩ mɩ nɩsɩ-la fɩɛlɛ.” Wɩa wʋlaabʋllʋ-la sʋl La TƖƖNA pʋ, ʋ leŋ kuoro nɩsɩŋ fɩɛlɛ a nagɛ ŋɩɩ ʋ fa sɩ naga.

WƖA YƖƖLAA 107:40

La Tɩɩna yie joŋ ʋ baanɩŋ a fɩɩsɛ nɩalɩŋ sɩ yuo diiba lɛ, a leŋ ba gɔllɔ baarɛ tintee-hɩlɩŋ lɛ.

MOSIS KƐŊ IZIRAL TƖŊŊAA LƖƖ 10:17

Mɩɩ sʋlma, má joŋ wɩɩŋ deeŋ mɩ sɩ ŋaa chei a chɛmɛ aŋ sʋl ma TƖƖNA Wɩa dɩ ʋ lɩɩsɛmɛ wʋbɔmʋŋ deeŋ sɩɩ cheimi lɛ.”

MOSIS KƐŊ IZIRAL TƖŊŊAA LƖƖ 8:24

La TƖƖNA ŋaa ŋɩɩ ʋ sɩ daga, a leŋ nanchʋɔ-laalɩŋ kʋ su Ijipiti tinteeŋ kala, Ijipiti tinteeŋ kuoro dɩa arɩ ʋ nɩhɩasɩŋ dɩɩsɩŋ, a chei ba tinteeŋ.

MOSIS KƐŊ IZIRAL TƖŊŊAA LƖƖ 8:3

Fuo-la ba sɩɩ yɩrɛ Naayɩl jaŋ su arɩ sɔrɔɔ, dɩ ba lɩɩ nɩmɛ a jʋʋ ŋ dɩa, ŋ dɩpɩnɩŋ, ŋ nɩhɩasɩŋ arɩ ŋ nɩaa kala dɩɩsɩŋ, ma tabʋʋnʋŋ arɩ ma nɔnnʋŋ kala.

MOSIS KƐŊ IZIRAL TƖŊŊAA LƖƖ 8:5

Ŋɩɩ nɛ La TƖƖNA bʋla pɩ Mosis, “Bʋla pɩ Arɔŋ dɩ ʋ kɛŋ dantɩga-la ʋ sɩ koro a kaa zaarɛ fuonuŋ, fuonaasɩŋ arɩ pɩlaa kala sɩ hɛ Ijipiti tinteeŋ lɛ, a leŋ dɩ sɔrɔɔ lɩɩ su Ijipiti tinteeŋ kala.”

MOSIS KƐŊ IZIRAL TƖŊŊAA LƖƖ 9:28

Má sʋl La TƖƖNA pɩla, duoŋ-tabɩaa arɩ duoŋ kpɩa-na-la dɔgɩsɛla yʋgɛ nɛ. Mɩ jaŋ leŋ dɩ ma mʋ, ma bɩra bɩ maga dɩ ma hɛ daha.”

AZAAYA 19:11

Taŋ-la ba sɩɩ yɩrɛ Zʋaŋ tɩntɩnnɩ-hɩasɩŋ ŋaa nɩyaara nɛ. Wʋjɩnna-la ma sɩɩ dagɛ Ijipiti tinteeŋ kuoro ka dagʋ wɩalɩŋ sɩ bɩ bʋbʋɔ kɛnɛ nɛ. Bɛɛ nɛ tɩɩ ba bʋla pɩ Ijipiti tinteeŋ kuoro, “La kɛŋ wʋjɩmɩŋ nɛ woruŋ, la nɛ faa to faafaa kuorusu-la harɩŋ.”

AZAAYA 19:22

La TƖƖNA jaŋ leŋ dɩ wʋbɔŋŋɔɔ jʋʋ Ijipiti tɩŋŋaa, aŋ bɩra lɩɩsɛba. Ba jaŋ mɩɩra kɔ La TƖƖNA teeŋ a sʋlʋ dɩ ʋ jegile nɩɩ ba sʋla aŋ lɩɩsɛba wɩalɩŋ lɛ.

AZAAYA 23:9

La TƖƖNA doluŋ kala Tɩɩna nɛ leŋe ŋɩɩ ŋaa Taaya tabal-la lɛ, dɩ ʋ leŋ dɩ ba babii-ballɩŋ dɛrɛ, a mʋ tɩgɛ wɩalɩŋ ba sɩ ŋaa lɛ, dɩ ba nɩalɩŋ kala ba sɩɩ zil yɩrɩŋ tuu tinteeŋ.

DANƖƐL 4:37

Lɛɛlɛ mɩ-na Nebukadineza ka dɛnnɛ Wɩa sɩ ŋaa kuoro a hɛ ʋ jaŋ lɛ a yɩyɩrɛ ʋ yɩrɩŋ, bɛɛ wɩaa ʋ ŋaa wɩɩkala ʋ bʋa lɛ nɛ, ʋ wʋŋaalaa kɛŋ wʋtɩtɩɩ. Nɩalɩŋ sɩɩ bigisi ba tɩtɩa lɛ, ʋ yie kɛmba muuri nɛ.

NAMBABA 21:7

Nɩalɩŋ sɩ ka kɔ Mosis teeŋ a bʋl, “La ŋaa wʋbɔŋ nɛ la sɩ ŋaa goŋ ŋ dɩ La TƖƖNA nyuŋ. Sʋl La TƖƖNA dɩ ʋ leŋ dɩ dɩma-la lɛl la tʋɔŋ.” Ŋɩɩ nɛ Mosis sʋl La TƖƖNA a pɩba.