MOSIS KƐŊ IZIRAL TƖŊŊAA LƖƖ 7:5 - WƖA TENIŊ

⁵ Ŋɩɩ nɛ Ijipiti tɩŋŋaa jaŋ jɩŋ arɩ mɩ nɛ ŋaa ba TƖƖNA, dɩ mɩ nɛ kɛŋ Iziral tɩŋŋaa lɩɩ ba tinteeŋ lɛ arɩ doluŋ.”

MOSIS KƐŊ IZIRAL TƖŊŊAA LƖƖ 7:5 ပူးပေါင်းရင်းမြစ်များ

WƖA YƖƖLAA 138:7

Wɩaa sɩ jʋʋmɛ, ŋ nɛ pɔ mɩ mɩɩsɩŋ. Mɩ dʋndɔŋŋɔɔ sɩ na baanɩŋ mɩ nyuŋ, ŋ naduo-la nɛ ŋ kaa laamɛ ta ba nɩsɩŋ lɛ.

WƖA YƖƖLAA 9:16

La Tɩɩna wʋtɩtɩɩ lɛ nɛ ŋ jaŋ to a jɩmʋ. Wʋbɔmɔ-la nɩbɔŋŋɔɔ sɩ ŋaa nagɛ bɛrɛ nɛ a gʋra kɛsɛba.

MOSIS KƐŊ IZIRAL TƖŊŊAA LƖƖ 10:2

Ŋɩɩ jaŋ leŋ dɩ ma wuo bʋla pɩ ma biiriŋ arɩ ma nihee ŋɩɩ mɩ sɩ wʋrɩgɛ Ijipiti tɩŋŋaa arɩ wʋmagɩla-la mɩ sɩ ŋaa ba tʋɔŋ, dɩ ma wuo jɩŋ arɩ mɩ nɛ ŋaa ma TƖƖNA.”

MOSIS KƐŊ IZIRAL TƖŊŊAA LƖƖ 10:7

Ijipiti tinteeŋ kuoro tɩntɩnnaa pɩɛsʋ, “Bɛɛ kʋŋ wɩɩ nɛ baala deeŋ chɩchɛ dɩ ʋ hɛ la lɛ ŋ-la? Leŋ dɩ nɩalɩŋ mʋ a zil ba Wɩa, ŋ bɩ na dɩ Ijipiti tinteeŋ ka chɛ dɩ ʋ chei?”

MOSIS KƐŊ IZIRAL TƖŊŊAA LƖƖ 14:18

Dɩ mɩ nɛ yuo diiba, mɩ yɩrɩŋ jaŋ yɩrɛ, dɩ Ijipiti tɩŋŋaa jɩŋ arɩ mɩ nɛ ŋaa ba TƖƖNA.”

MOSIS KƐŊ IZIRAL TƖŊŊAA LƖƖ 14:4

Mɩ jaŋ ŋaa dɩ Ijipiti tinteeŋ kuoro tʋɔŋ pɩrɛ, dɩ ʋ lɩɩ kiri ba harɩŋ. Mɩ yɩrɩŋ jaŋ yɩrɛ dɩ mɩ nɛ yuo dii Ijipiti tinteeŋ kuoro arɩ ʋ laalɩyuoroo kala. Ijipiti tɩŋŋaa jaŋ jɩŋ arɩ mɩ nɛ ŋaa ba TƖƖNA.” Ŋɩɩ nɛ Iziral tɩŋŋaa ŋaa wɩɩ-la La TƖƖNA sɩ bʋla.

MOSIS KƐŊ IZIRAL TƖŊŊAA LƖƖ 18:8

Mosis bʋl wɩalɩŋ kala La TƖƖNA sɩ ŋaa Ijipiti tinteeŋ kuoro arɩ Ijipiti tɩŋŋaa kala lɛ a tɩŋ Iziral tɩŋŋaa wɩaa a pɩ ʋ hɩɩlɩ-baala. Ʋ bɩra dagɛ hɛɛ-la kala ba sɩ na wombiiŋ lɛ arɩ ŋɩɩ La TƖƖNA sɩ laaba ta.

MOSIS KƐŊ IZIRAL TƖŊŊAA LƖƖ 3:20

Mɩ jaŋ joŋ mɩ doluŋ a fʋgɛ Ijipiti tɩŋŋaa, a ŋaa wʋmagɩlaa Ijipiti tinteeŋ lɛ. Ŋɩɩ harɩŋ, ʋ jaŋ leŋ dɩ ma mʋ.

MOSIS KƐŊ IZIRAL TƖŊŊAA LƖƖ 6:1

Ŋɩɩ nɛ La TƖƖNA bʋla pɩ Mosis, “Lɛɛlɛ ŋ jaŋ na wɩɩ-la mɩ sɩ jaŋ ŋaa Ijipiti tinteeŋ kuoro lɛ. Mɩ jaŋ fʋgʋ dɩ ʋ leŋ dɩ mɩ nɩaa mʋ. Mɩ jaŋ fʋgʋ dɩ ʋ kiriba dɩ ba lɩɩ ʋ tinteeŋ lɛ.”

MOSIS KƐŊ IZIRAL TƖŊŊAA LƖƖ 6:6

Ŋɩɩ wɩaa, bʋla pɩ Iziral tɩŋŋaa: ‘Mɩ nɛ ŋaa Wɩa, ma TƖƖNA, mɩ jaŋ lɩɩsɛma hɛɛ-la ma sɩɩ na Ijipiti tɩŋŋaa nɩsɩŋ lɛ. Mɩ jaŋ laama ta arɩ mɩ doluŋ, dɩ ma bɩra sɩ́ yosi ŋaa. Mɩ jaŋ dɔgɩsɛ Ijipiti tɩŋŋaa.

MOSIS KƐŊ IZIRAL TƖŊŊAA LƖƖ 7:17

Wɩɩ-la mɩ-na ma TƖƖNA sɩ bʋla nɛ ŋ-la: Wʋmagɩlɩŋ deeŋ nɛ mɩ jaŋ ŋaa dɩ ŋ jɩŋ arɩ mɩ nɛ nʋʋkala Tɩɩna. Dantɩga deeŋ mɩ sɩ koro mɩ jaŋ joŋo ŋmoo fuo-la ba sɩɩ yɩrɛ Naayɩl lɩɩŋ dɩ ʋ bɩrɩmɛ chalɩŋ.

MOSIS KƐŊ IZIRAL TƖŊŊAA LƖƖ 8:10

Ŋɩɩ nɛ Ijipiti tinteeŋ kuoro bʋl, “Kʋ sʋl Wɩa pɩmɛ chie.” Ŋɩɩ nɛ Mosis bʋl, “Mɩ jaŋ ŋaa ŋɩɩ ŋ sɩ bʋla, dɩ ŋ wuo jɩŋ arɩ Wɩa dɔŋ kala tuo a magɛ La TƖƖNA Wɩa.

MOSIS KƐŊ IZIRAL TƖŊŊAA LƖƖ 8:19

Ŋɩɩ nɛ chichiribe-la bʋla pɩ Ijipiti tinteeŋ kuoro, “Wɩa nɛ dagɛ ʋ doluŋ ŋɩɩ.” Ama Ijipiti tinteeŋ kuoro tʋɔŋ ha pɩrɛ ʋ bɩ jegile nɩɩ ba teeŋ, arɩ La TƖƖNA fa sɩ bʋl ŋɩɩ.

MOSIS KƐŊ IZIRAL TƖŊŊAA LƖƖ 8:22

Ama mɩ bɩ jaŋ leŋ dɩ nanchʋɔsʋŋ hɛ Goseŋ tinteeŋ lɛ, lee-la mɩ nɩaa sɩ hɛ, ŋ-la nɛ jaŋ leŋ dɩ ma jɩŋ arɩ mɩ-na ma TƖƖNA hɛ tinteeŋ deeŋ lɛ nɛ.

ƐZƖKƖƐL 25:17

Mɩ jaŋ joŋ mɩ baanɩŋ tiŋ ba lɛ kɩŋkɛŋ. Baanɩŋ nɛ mɩ jaŋ kaa dɔgɩsɛba. Dɩ mɩ nɛ kɛŋ mɩ baanɩŋ ŋaa wɩaa tiŋ chɩmɩŋ ba lɛ, ŋɩɩ nɛ ba jaŋ jɩŋ arɩ mɩ nɛ ba TƖƖNA.”

ƐZƖKƖƐL 28:22

a bʋl, Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Sɩdɔŋ, mɩ chɩŋ ŋ lɛ nɛ, mɩ jaŋ yuoŋ a laa yɩrɩŋ. Dɩ mɩ nɛ dɔgɩsɛ nɩalɩŋ sɩ hɛ ŋ lɛ, ba jaŋ jɩŋ arɩ mɩ nɛ ma TƖƖNA. Dɩ ŋɩɩ dagɛ arɩ mɩ bɩ disiniŋ kɛnɛ.

ƐZƖKƖƐL 32:15

Dɩ mɩ nɛ chei Ijipiti tinteeŋ a leŋ dɩ ʋ pɩŋ hoi, a kpʋ nʋʋkala sɩ hɛ lee-la, ŋɩɩ nɛ ba jaŋ jɩŋ arɩ mɩ nɛ ba TƖƖNA.

ƐZƖKƖƐL 36:23

Mɩ jaŋ dagɛ ŋɩɩ mɩ yɩrɩ-zɔŋ-la sɩ kɛŋ doluŋ, mɩ yɩrɩ-la ma sɩ cheye tinteyee lɛ. Ŋɩɩ nɛ tinteye-la nɩaa jaŋ jɩŋ arɩ mɩ nɛ ba TƖƖNA. Mɩ-na ma TƖƖNA Wɩɩjarɩbakɔ nɛ bʋla. Mɩ jaŋ to ma lɛ a leŋ dɩ ba jɩŋ arɩ mɩ bɩ disiniŋ kɛnɛ.

ƐZƖKƖƐL 39:22

A chɩŋ tapʋlɩɩ-la a kaa mʋ, Iziral tɩŋŋaa jaŋ jɩŋ arɩ mɩ nɛ ba TƖƖNA Wɩa.

ƐZƖKƖƐL 39:7

Mɩ jaŋ leŋ dɩ mɩ nɩaa Iziral tɩŋŋaa jɩŋ mɩ yɩrɩ-zɔŋ-la. Mɩ bɩra bɩ jaŋ leŋ dɩ ba chei mɩ yɩrɩ-zɔŋ-la. Ŋɩɩ nɛ tinteyee nɩaa jaŋ jɩŋ arɩ mɩ nɛ ba TƖƖNA sɩ ŋaa Iziral tɩŋŋaa Wɩa a bɩ disiniŋ kɛnɛ.