MOSIS KƐŊ IZIRAL TƖŊŊAA LƖƖ 7:4 - WƖA TENIŊ

⁴ A tɩŋ Ijipiti tinteeŋ kuoro sɩ bɩ jaŋ jegile nɩɩ ma teeŋ ŋɩɩ, mɩ jaŋ joŋ doluŋ a kɛŋ mɩ nɩaa Iziral tɩŋŋaa a lɩɩ Ijipiti tinteeŋ lɛ.

MOSIS KƐŊ IZIRAL TƖŊŊAA LƖƖ 7:4 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 10:1

Ŋɩɩ nɛ La TƖƖNA bʋla pɩ Mosis, “Mʋ Ijipiti tinteeŋ kuoro teeŋ, mɩ nɛ ŋaa ʋ dɩ ʋ nɩhɩasɩŋ tʋɔŋ pɩrɛ, dɩ mɩ wuo to ŋɩɩ lɛ a ŋaa wʋmagɩlaa ba tʋɔŋ.

MOSIS KƐŊ IZIRAL TƖŊŊAA LƖƖ 11:9

La TƖƖNA fa bʋla pɩ Mosis, “Ijipiti tinteeŋ kuoro bɩ jaŋ jegili ŋ teeŋ, ŋɩɩ jaŋ leŋ dɩ mɩ ŋaa wʋmagɩlaa yʋgɛ Ijipiti tinteeŋ lɛ.”

MOSIS KƐŊ IZIRAL TƖŊŊAA LƖƖ 12:51

Tapʋlɩɩ-la tɩtɩa nɛ La TƖƖNA kɛŋ Iziral tɩŋŋaa doho doho kala kʋ lɩɩ Ijipiti tinteeŋ lɛ.

MOSIS KƐŊ IZIRAL TƖŊŊAA LƖƖ 13:3

Ŋɩɩ nɛ Mosis bʋla pɩ Iziral tɩŋŋaa, “Má liisi tapʋlʋŋ deeŋ La TƖƖNA sɩ kɛmma lɩɩ Ijipiti tinteeŋ lɛ wɩaa, lee-la ma fa sɩ hɛ a ŋaa yosi. Ʋ chaasa joŋ doluŋ nɛ a kɛmma kʋ lɩɩ. Má sɩ́ kʋŋkala sɩ kɛŋ sɩbʋrʋŋ dii tapʋlɩɩ-la.

MOSIS KƐŊ IZIRAL TƖŊŊAA LƖƖ 13:9

Gbiele deeŋ jaŋ nagɛ magɩl ma nɩsaa lɛ, a nagɛ magɩl ma tilliŋ lɛ dɩ La TƖƖNA niiŋ wɩaa sɩ́ ma niiŋ lɛ lɛl. Ʋ doluŋ nɛ ʋ kaa kɛmma lɩɩ Ijipiti tinteeŋ lɛ.

MOSIS KƐŊ IZIRAL TƖŊŊAA LƖƖ 18:8

Mosis bʋl wɩalɩŋ kala La TƖƖNA sɩ ŋaa Ijipiti tinteeŋ kuoro arɩ Ijipiti tɩŋŋaa kala lɛ a tɩŋ Iziral tɩŋŋaa wɩaa a pɩ ʋ hɩɩlɩ-baala. Ʋ bɩra dagɛ hɛɛ-la kala ba sɩ na wombiiŋ lɛ arɩ ŋɩɩ La TƖƖNA sɩ laaba ta.

MOSIS KƐŊ IZIRAL TƖŊŊAA LƖƖ 3:19

Ama mɩ jɩma arɩ Ijipiti tinteeŋ kuoro bɩ jaŋ sɛɩ, see dɩ doluŋ nɛ diiu.

MOSIS KƐŊ IZIRAL TƖŊŊAA LƖƖ 3:20

Mɩ jaŋ joŋ mɩ doluŋ a fʋgɛ Ijipiti tɩŋŋaa, a ŋaa wʋmagɩlaa Ijipiti tinteeŋ lɛ. Ŋɩɩ harɩŋ, ʋ jaŋ leŋ dɩ ma mʋ.

MOSIS KƐŊ IZIRAL TƖŊŊAA LƖƖ 6:1

Ŋɩɩ nɛ La TƖƖNA bʋla pɩ Mosis, “Lɛɛlɛ ŋ jaŋ na wɩɩ-la mɩ sɩ jaŋ ŋaa Ijipiti tinteeŋ kuoro lɛ. Mɩ jaŋ fʋgʋ dɩ ʋ leŋ dɩ mɩ nɩaa mʋ. Mɩ jaŋ fʋgʋ dɩ ʋ kiriba dɩ ba lɩɩ ʋ tinteeŋ lɛ.”

MOSIS KƐŊ IZIRAL TƖŊŊAA LƖƖ 6:26

Arɔŋ arɩ Mosis deeŋ tɩtɩa nɛ La TƖƖNA bʋla pa, “Má kɛŋ Iziral tɩŋŋaa doho doho kʋ lɩɩ Ijipiti tinteeŋ lɛ.”

MOSIS KƐŊ IZIRAL TƖŊŊAA LƖƖ 6:6

Ŋɩɩ wɩaa, bʋla pɩ Iziral tɩŋŋaa: ‘Mɩ nɛ ŋaa Wɩa, ma TƖƖNA, mɩ jaŋ lɩɩsɛma hɛɛ-la ma sɩɩ na Ijipiti tɩŋŋaa nɩsɩŋ lɛ. Mɩ jaŋ laama ta arɩ mɩ doluŋ, dɩ ma bɩra sɩ́ yosi ŋaa. Mɩ jaŋ dɔgɩsɛ Ijipiti tɩŋŋaa.

MOSIS KƐŊ IZIRAL TƖŊŊAA LƖƖ 7:13

Ijipiti tinteeŋ kuoro tʋɔŋ ha pɩrɛ, ʋ bɩ Mosis arɩ Arɔŋ teeŋ jegile arɩ La TƖƖNA sɩ bʋl ŋɩɩ.

MOSIS KƐŊ IZIRAL TƖŊŊAA LƖƖ 7:16

Dɩ ŋ nɛ chemu, bʋla pʋ, ‘Iziral tɩŋŋaa Wɩa nɛ tɩmmɛ ŋ teeŋ dɩ mɩ bʋla pɩŋ: Leŋ dɩ mɩ nɩaa mʋ a chʋɔlɛmɛ tintee-hɩlɩŋ lɛ. Ama faafaa kala a kaa kɔ bʋa deeŋ lɛ ŋ bɩ jegile nɩɩ.

MOSIS KƐŊ IZIRAL TƖŊŊAA LƖƖ 8:15

Ama Ijipiti tinteeŋ kuoro sɩ na dɩ sɔrɔ-la sʋba ŋɩɩ, ʋ tʋɔŋ bɩra dol. Ʋ bɩ chɛ dɩ ʋ nɩɩ Mosis arɩ Arɔŋ teeŋ arɩ La TƖƖNA fa sɩ bʋl ŋɩɩ.

MOSIS KƐŊ IZIRAL TƖŊŊAA LƖƖ 8:19

Ŋɩɩ nɛ chichiribe-la bʋla pɩ Ijipiti tinteeŋ kuoro, “Wɩa nɛ dagɛ ʋ doluŋ ŋɩɩ.” Ama Ijipiti tinteeŋ kuoro tʋɔŋ ha pɩrɛ ʋ bɩ jegile nɩɩ ba teeŋ, arɩ La TƖƖNA fa sɩ bʋl ŋɩɩ.

MOSIS KƐŊ IZIRAL TƖŊŊAA LƖƖ 9:12

Ama La TƖƖNA leŋ Ijipiti tinteeŋ kuoro tʋɔŋ pɩrɛ, ʋ bɩ jegile nɩɩ Mosis arɩ Arɔŋ teeŋ, arɩ La TƖƖNA fa sɩ bʋl ŋɩɩ.

MOSIS KƐŊ IZIRAL TƖŊŊAA LƖƖ 9:3

mɩ-na ma TƖƖNA jaŋ joŋ nyanyalɩŋ hɛ ma pʋsʋ-la kala ma sɩɩ dɩɛsʋ lɛ: ma janɩŋ, ma kakusuŋ, ma bʋntaŋŋaba, ma nɛsɩŋ, ma piesee arɩ ma bʋʋnaa kala.

NAMAGABA 19:29

Ba gbɛrɛ nɛ dɩ ba dɔgɩsɛ nɩalɩŋ sɩɩ sieri nɩaa lɛ, nɩyaaraa jaŋ laa daaŋ.

AZAAYA 26:9

Mɩ dɩma arɩ mɩ tʋɔŋ kala hɩɛna aa chɛŋ nɛ tɩtaŋɩŋ kala. Dɩ ŋ nɛ dii tinteeŋ nɩaa sarɩya, dʋnɩa nɩaa kala jaŋ chɩchɛ dɩ ba jɩŋ tʋɔpʋla wombiiŋ.

JEMBIEE 3:3

Wʋtɩtɩɩ, ʋ chaasa ŋmoomi nɛ a bɩra ŋmoomi, a ŋmoomi halɩɩ tapʋlɩɩ-la kala.

ƐZƖKƖƐL 14:21

Wɩɩ-la mɩ-na ma TƖƖNA Wɩɩjarɩbakɔ sɩɩ bʋl nɛ ŋ-la: Ʋ jaŋ ŋaa wʋlɔrʋ a pɩ Jerusalɛm nɩaa dɩ mɩ nɛ joŋ wɩaa deemba banɛsɛ dɔgɩsɛba: laalɩŋ, losuŋ, baga kɩaa arɩ nyanyal bɔŋŋɔɔ, dɩ ba kpʋ ʋ nɩaa arɩ ʋ pʋsʋŋ.

ƐZƖKƖƐL 25:11

Mɩ jaŋ dɔgɩsɛ Mʋab tɩŋŋaa. Ŋɩɩ nɛ ba jaŋ jɩŋ arɩ mɩ nɛ ba TƖƖNA.”

ƐZƖKƖƐL 30:14

Mɩ jaŋ leŋ dɩ Ijipiti tinteeŋ wɩɩpɔsʋŋ nadiiŋ dɩɩrɩŋ kala pɩŋ hoi, aŋ joŋ nyiniŋ hɛ tabal-la ba sɩɩ yɩrɛ Zʋaŋ sɩ hɛ wɩɩpɔsʋŋ nagʋa dɩɩrɩŋ, aŋ dɔgɩsɛ tabal-la ba sɩɩ yɩrɛ Tɛbɛs tɩŋŋaa ma woruŋ.

ƐZƖKƖƐL 30:19

Dɩ mɩ nɛ dɔgɩsɛ Ijipiti tɩŋŋaa, ba jaŋ jɩŋ arɩ mɩ nɛ ba TƖƖNA.”

Jɔɔŋ Wʋnaalaa 15:4

La Tɩɩna Wɩa, kʋbɛɛ nɛ bɩ jaŋ fáŋ, aŋ dɛnnɛ ŋ yɩrɩ-balɩŋ? Ŋ dʋndʋŋa nɛ bɩ disiniŋ kɛnɛ. Dʋnɩa nɩaa kala jaŋ kʋ chʋɔlʋŋ, bɛɛ wɩaa ŋ ŋaa tʋɔpʋl wɩaa nʋʋkala na nɛ.”

Jɔɔŋ Wʋnaalaa 16:7

Ŋɩɩ nɛ mɩ nɩɩ nʋʋ yikoro sɩ lɩɩ Wɩɩsʋlʋŋ koru-la nyuŋ. Ʋ sɩ, “Wʋtɩtɩɩ, La Tɩɩna Wɩa doluŋ kala Tɩɩna, wʋtɩtɩɩ nɛ ŋ kaa dii nɩaa sarɩya.”

Jɔɔŋ Wʋnaalaa 19:2

Ʋʋ dii nɩaa sarɩya arɩ wʋtɩtɩɩ nɛ. Ʋ dii hachɔrʋŋ-bal-la sarɩya nɛ, nɩɩ-la sɩ ŋaa wʋlɩɩlɩŋ a chei dʋnɩa kala. Wɩa dɔgɩsʋ nɛ a tɩŋ ʋ sɩ kpʋ ʋ tɩntɩnnaa.”

SƖPAALAARAA 2:15

Bʋa na-kala dɩ Iziral tɩŋŋaa nɛ mʋa dɩ ba yuo laalɩŋ, La TƖƖNA yie leŋ ba yuo diiba nɛ, arɩ ŋɩɩ ʋ fa sɩ ŋmɩɛsa pɩba. Bʋa-la lɛ, ba chaasa hɛ hɛɛŋ tʋɔŋ nɛ woruŋ.