MOSIS KƐŊ IZIRAL TƖŊŊAA LƖƖ 7:3 - WƖA TENIŊ

³ Mɩ saa jaŋ leŋ dɩ Ijipiti tinteeŋ kuoro tʋɔŋ pɩrɛ, dɩ mɩ ŋaa wʋmagɩlaa arɩ wʋkpuŋkperisiŋ Ijipiti tinteeŋ lɛ.

MOSIS KƐŊ IZIRAL TƖŊŊAA LƖƖ 7:3 ပူးပေါင်းရင်းမြစ်များ

NƐHƖMAAYA 9:10

Ŋ ŋaa wʋmagɩlaa arɩ wʋkpuŋkperisiŋ nɛ Ijipiti kuoro, ʋ tɩntɩnnɩ-hɩasɩŋ arɩ ʋ nɩaa kala lɛ, bɛɛ wɩaa ŋ jɩŋ ŋɩɩ Ijipiti tɩŋŋaa sɩ wʋrɩgɛ ba nɛ. Ŋ laa yɩrɩŋ a pɩ ŋ tɩtɩa nɛ a kaa kɔ arɩ jɩnɩŋ kala.

WƖA YƖƖLAA 135:9

Ʋ ŋaa wʋmagɩlaa arɩ wʋkpuŋkperisiŋ nɛ dɩ ʋ dɔgɩsɛ Ijipiti tinteeŋ kuoro arɩ ʋ tɩntɩnnɩ-hɩasɩŋ kala.

WƖA YƖƖLAA 78:12

Wɩa fa ŋaa wʋmagɩlaa ba naabalɩmaba sɩɩŋ lɛ nɛ, Ijipiti tinteeŋ lee-la ba sɩɩ yɩrɛ Zʋaŋ.

MOSIS KƐŊ IZIRAL TƖŊŊAA LƖƖ 11:10

Mosis arɩ Arɔŋ ŋaa wʋmagɩla-la kala nɛ Ijipiti tinteeŋ kuoro sɩpaaŋ, ama La TƖƖNA leŋe Ijipiti tinteeŋ kuoro tʋɔŋ pɩrɛ nɛ, ʋ bɩ leŋe Iziral tɩŋŋaa lɩɩ ʋ tinteeŋ lɛ.

MOSIS KƐŊ IZIRAL TƖŊŊAA LƖƖ 11:9

La TƖƖNA fa bʋla pɩ Mosis, “Ijipiti tinteeŋ kuoro bɩ jaŋ jegili ŋ teeŋ, ŋɩɩ jaŋ leŋ dɩ mɩ ŋaa wʋmagɩlaa yʋgɛ Ijipiti tinteeŋ lɛ.”

MOSIS KƐŊ IZIRAL TƖŊŊAA LƖƖ 14:4

Mɩ jaŋ ŋaa dɩ Ijipiti tinteeŋ kuoro tʋɔŋ pɩrɛ, dɩ ʋ lɩɩ kiri ba harɩŋ. Mɩ yɩrɩŋ jaŋ yɩrɛ dɩ mɩ nɛ yuo dii Ijipiti tinteeŋ kuoro arɩ ʋ laalɩyuoroo kala. Ijipiti tɩŋŋaa jaŋ jɩŋ arɩ mɩ nɛ ŋaa ba TƖƖNA.” Ŋɩɩ nɛ Iziral tɩŋŋaa ŋaa wɩɩ-la La TƖƖNA sɩ bʋla.

MOSIS KƐŊ IZIRAL TƖŊŊAA LƖƖ 3:20

Mɩ jaŋ joŋ mɩ doluŋ a fʋgɛ Ijipiti tɩŋŋaa, a ŋaa wʋmagɩlaa Ijipiti tinteeŋ lɛ. Ŋɩɩ harɩŋ, ʋ jaŋ leŋ dɩ ma mʋ.

MOSIS KƐŊ IZIRAL TƖŊŊAA LƖƖ 4:21

Ŋɩɩ nɛ Wɩa bʋla pɩ Mosis, “Dɩ ŋ nɛ mʋ Ijipiti tinteeŋ, ŋaa wʋmagɩla-la kala mɩ sɩ pɩŋ doluŋ dɩ ŋ ŋaa Ijipiti tinteeŋ kuoro sɩpaaŋ. Ama mɩ jaŋ ŋaa dɩ ʋ tʋɔŋ pɩrɛ, ʋ bɩ jaŋ leŋ dɩ mɩ nɩaa lɩɩ mʋ.

MOSIS KƐŊ IZIRAL TƖŊŊAA LƖƖ 4:29

Ŋɩɩ nɛ Mosis arɩ Arɔŋ mʋ Ijipiti tinteeŋ a yɩrɛ Iziral tɩŋŋaa nɩhɩasɩŋ a hilimi.

MOSIS KƐŊ IZIRAL TƖŊŊAA LƖƖ 4:7

Ŋɩɩ nɛ La TƖƖNA bʋla pʋ, “Joŋ ŋ nɩsɩŋ bɩra hɛ ŋ gɛrɩŋ bʋbʋɔŋ.” Ʋ joŋo hɛ, ʋ kaa lɩɩsɛ dɩ ʋ nagɛ ʋ yaraa sɩ nagɛ ŋɩɩ.

MOSIS KƐŊ IZIRAL TƖŊŊAA LƖƖ 7:13

Ijipiti tinteeŋ kuoro tʋɔŋ ha pɩrɛ, ʋ bɩ Mosis arɩ Arɔŋ teeŋ jegile arɩ La TƖƖNA sɩ bʋl ŋɩɩ.

MOSIS KƐŊ IZIRAL TƖŊŊAA LƖƖ 9:16

ama mɩ lemma nɛ, dɩ mɩ dagɛ mɩ doluŋ dɩ mɩ yɩrɩŋ yɩrɛ dʋnɩa sɛmɛ na-kala.

NAMAGABA 21:1

Kuoro tʋɔbɩɩnaa kala hɛ La Tɩɩna nɩsɩŋ lɛ nɛ. Ʋ yie kɛnʋ dagɛ wombii-la kala ʋ sɩ cho dɩ ʋ to, a nagɛ lɩɩŋ sɩɩ to lɩɩ-libe ŋɩɩ.

AZAAYA 51:9

La TƖƖNA, sii a pɛ la lɛ arɩ ŋ doluŋ a laala ta. Sii ŋaa ŋɩɩ tɩtɩa ŋ fa sɩ ŋaa pɩ la bumbuŋ nɩaa. Ŋ dee fa bɩ mʋga tʋɔŋ peribanyeŋŋu ba sɩɩ yɩrɛ Rahab kaa keri muno muno ŋɩɩ?

MƖKA 7:15

Ŋɩɩ nɛ La TƖƖNA bʋl, “Mɩ jaŋ ŋaa wʋmagɩlaa dagɛma a nagɛ bʋa-la mɩ fa sɩ kɛmma kʋ lɩɩ Ijipiti tinteeŋ lɛ.”

Jɔɔŋ 4:48

Ŋɩɩ nɛ Yesu bʋla pʋ, “See dɩ ma na wʋmagɩlaa arɩ wʋkpuŋkperisiŋ, ma bɩ jaŋ laa dii.”

Tɩntɩŋŋaa 2:22

Ŋɩɩ nɛ Pɩɩta bɩra bʋl, “Iziral tɩmma, má jegile nɩɩ wɩaa deemba mɩ sɩɩ chɛ mɩ bʋla pɩma. Yesu sɩ lɩɩ Nazarɛt nɛ Wɩa lɩɩsa pɩma. Wʋmagɩlaa arɩ wʋkpuŋkperisiŋ Wɩa sɩ to ʋ lɛ ŋaa ma sɩɩŋ lɛ nɛ dagɛ ŋɩɩ. Ma ma jɩma nɛ.

Tɩntɩŋŋaa 7:36

Mosis ŋaa wʋmagɩlaa arɩ wʋkpuŋkperisiŋ Ijipiti tinteeŋ lɛ, aŋ-na kɛsɛ ʋ nɩaa lɩɩ Ijipiti tʋɔŋ. Ʋ fa ŋaa wʋmagɩlaa arɩ wʋkpuŋkperisiŋ nɛ mʋgʋ-bal-la ba sɩɩ yɩrɛ Mʋgʋ-fɩaŋ arɩ tintee-hɩlɩɩ-la lɛ ba sɩ baara jɩsɩŋ mahɩŋ balɩa.

Rom Tɩŋŋaa 15:19

wʋkpuŋkperisi-la arɩ wʋmagɩla-la mɩ sɩ ŋaa Wɩa Dɩŋ-zɔŋ-la doluŋ lɛ. Mɩ chaasa bʋl Kirisito wʋzɔmɔ-la, a suomi Jerusalɛm lɛ a gɔllɛ ŋɩɩ a mʋ yi Iliirikam.

Rom Tɩŋŋaa 9:18

Nɩalɩŋ saa Wɩa sɩ lɩɩsa dɩ ʋ fá ba nenige, ʋʋ fá ba nenige nɛ. Nɩalɩŋ ma ʋ sɩ lɩɩsa dɩ ba kɛŋ nyuduoŋ, ʋ leŋe ba ma kɛŋ nyuduoŋ nɛ.

MOSIS BƖRA WULLI WƖA WOMBIIŊ 4:34

Veŋ bɛɛ nɛ hɛ nɩmɛ a jaŋ wuo mʋ tinteeŋ tʋɔŋ a ŋaa wɩaa magɩsɛba, a ŋaa wʋkpuŋkperisiŋ arɩ wʋmagɩlaa, a yuo laalɩŋ, a dagɛ ʋ doluŋ a ŋaa wɩaa sɩ kɛŋ fawʋllʋŋ a laa ʋ nɩaa tintee-la nɩaa teeŋ? Ŋ-la nɛ ma TƖƖNA Wɩa ŋaa ma sɩɩŋ lɛ aŋ laama kaa kʋ lɩɩ Ijipiti tinteeŋ lɛ.

MOSIS BƖRA WULLI WƖA WOMBIIŊ 7:19

Ma na wʋkpuŋkperisi-la arɩ wʋmagɩla-la arɩ wʋduoru-la La TƖƖNA Wɩa sɩ kɛŋ ʋ doluŋ ŋaa nɛ, aŋ kɛmma kaa kʋ lɩɩ Ijipiti tinteeŋ lɛ. Wɩalɩŋ tɩtɩa nɛ ma TƖƖNA Wɩa jaŋ joŋo ŋaa nɩalɩŋ ma sɩɩ fá lɛ.