MOSIS KƐŊ IZIRAL TƖŊŊAA LƖƖ 6:3 - WƖA TENIŊ

³ Mɩ kɛŋ mɩ tɩtɩa dagɛ Abɩraham, Aɩzɩk arɩ Jekɔb arɩ mɩ nɛ Wɩa doluŋ kala Tɩɩna, ama mɩ bɩ leŋe ba jɩŋ arɩ mɩ yɩrɩŋ nɛ ‘ma TƖƖNA.’

MOSIS KƐŊ IZIRAL TƖŊŊAA LƖƖ 6:3 ပူးပေါင်းရင်းမြစ်များ

WƖAA DƖ-SUOMUŊ 13:18

Ŋɩɩ nɛ Abɩram churi ʋ lɛŋŋɛɛ a kaa mʋ hɔŋ taŋ-la ba sɩɩ yɩrɛ Hɛbʋrɔŋ lɛ a kpagɛ Mamɩrɛ tɩɩ-bala-la. Nɩmɛ nɛ ʋ saa Wɩɩsʋllɩ koruŋ a pɩ La TƖƖNA.

WƖAA DƖ-SUOMUŊ 17:1

Abɩram sɩ ŋaa jɩsɩŋ mahɩŋ banɛsɛ arɩ fii arɩ nibi, La TƖƖNA kɛŋ ʋ tɩtɩa kʋ dagʋ a bʋla pʋ, “Mɩ nɛ ŋaa Wɩa doluŋ kala Tɩɩna, kɛŋ tʋɔpʋla mɩ teeŋ.

WƖAA DƖ-SUOMUŊ 22:14

Abɩraham hɛ lee-la yɩrɩŋ ‘Wɩa nɛ jaŋ chɛ pɩmɛ (Jehova Jire)’. Arɩ jɩnɩŋ kala lee-la yɩrɩŋ nɛ ha ŋɩɩ: “Peel-la nyuŋ Wɩa jaŋ chɛ pɩŋ.”

WƖAA DƖ-SUOMUŊ 28:3

Wɩa doluŋ kala Tɩɩna jaŋ pɛ ŋ lɛ dɩ ŋ doho nɩaa pʋŋ a yʋgɛ.

WƖAA DƖ-SUOMUŊ 35:11

Wɩa bɩra bʋla pʋ, “Mɩ nɛ ŋaa Wɩa doluŋ kala Tɩɩna, kɛŋ doho a pʋŋa yʋgɛ, ŋ jaŋ ŋaa tintee, dɩ tintee daŋ lɩɩ ŋ lɛ, dɩ kuoroo ma lɩɩ ŋ doho nɩaa tʋɔŋ.

WƖAA DƖ-SUOMUŊ 48:3

Ŋɩɩ nɛ Jekɔb bʋla pɩ Josɛf a bʋl, “Wɩɩjarɩbakɔ kɛŋ ʋ tɩtɩa kʋ dagɛmɛ nɛ duosoo tʋɔŋ Bɛtɛl lɛ Kɛnaŋ tinteeŋ a bʋl dɩ ʋ jaŋ pɛ mɩ lɛ.

WƖA YƖƖLAA 68:4

Má yɩɩ yɩɩlaa pɩ Wɩa, má yɩɩ yɩɩlaa a dɛnnʋ. Ʋ sagɛ duoŋ-bɩlɩmbaanaa nyuŋ nɛ. Ʋ yɩrɩŋ nɛ La Tɩɩna, maa jʋɔsɛ ʋ sɩpaaŋ.

WƖA YƖƖLAA 83:18

Leŋ dɩ ba jɩŋ arɩ ŋ dʋndʋŋa nɛ La Tɩɩna Wɩa sɩ kɩɩ kʋŋkala a hɛ nɩmɛ a bibeŋ dʋnɩa kala.

MOSIS KƐŊ IZIRAL TƖŊŊAA LƖƖ 15:3

La TƖƖNA ŋaa bayuoru nɛ, ʋ yɩrɩŋ nɛ La TƖƖNA.

MOSIS KƐŊ IZIRAL TƖŊŊAA LƖƖ 23:21

Má sɛɩ a tuto wɩɩ-la kala ʋ sɩ jaŋ bʋla pɩma. Má pɔ dɩ ma sɩ́ ʋ niiŋ wɩaa vɩa. Dɩ nʋʋkala nɛ vɩa ʋ niiŋ, ʋ bɩ jaŋ joŋo chɛ tɩɩna, bɛɛ wɩaa mɩ yɩrɩŋ nɛ ʋ kaa tɩŋ.

MOSIS KƐŊ IZIRAL TƖŊŊAA LƖƖ 3:14

Ŋɩɩ nɛ Wɩa bʋla pɩ Mosis, “MƖ NƐ ŊAA NƖƖ-LA MƖ SƖ ŊAA. Bʋl ŋ-la pɩ Iziral tɩŋŋaa, MƖ-NA NƖƖ-LA MƖ SƖ ŊAA nɛ tɩmmɛ ma teeŋ.”

AZAAYA 42:8

Mɩ yɩrɩŋ nɛ ma TƖƖNA, mɩ bɩ jaŋ joŋ mɩ tʋla a pɩ kʋŋ dɔŋ kala, koo a joŋ mɩ dɛnnɛ a pɩ tɔŋŋɔɔ.

AZAAYA 44:6

La TƖƖNA doluŋ kala Tɩɩna sɩ ŋaa Iziral tɩŋŋaa kuoro arɩ ba Laataara sɩ, “Mɩ nɛ dɩ-suomuŋ arɩ dɩ-dɛrɩŋ, Wɩa dɔŋ kala tuo a pɛ mɩ lɛ.

JƐRƖMAAYA 16:21

La TƖƖNA bʋl, “Ŋɩɩ-na mɩ jaŋ dagɛba bʋa deeŋ lɛ, mɩ jaŋ dagɛba mɩ doluŋ kala. Ŋɩɩ nɛ ba jaŋ jɩŋ arɩ mɩ nɛ ba TƖƖNA.”

JƐRƖMAAYA 33:2

Wɩɩ-la La TƖƖNA nɛ sɩ ŋaa dʋnɩa, ʋ nɛ sɩ mɛʋ a leŋ ʋ chɩŋ woruŋ, ʋ yɩrɩŋ ŋaa La TƖƖNA sɩ bʋla nɛ ŋ-la:

ƐZƖKƖƐL 20:5

Bʋla pɩba: Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Tapʋlɩɩ-la mɩ sɩ lɩɩsɛ ba-na Iziral tɩŋŋaa, mɩ fa chaasa ŋmɩɛsa pɩ ba-na Jekɔb doho nɩaa nɛ aŋ kɛŋ mɩ tɩtɩa dagɛba Ijipiti tinteeŋ lɛ. Mɩ fa ŋmɩɛsa pɩba a bʋl, ‘Mɩ nɛ ma TƖƖNA Wɩa.’

ƐZƖKƖƐL 37:13

Dɩ mɩ nɛ suri ma vaamaa a kɛmma kʋ lɩɩ, ŋɩɩ nɛ ma-na mɩ nɩaa jaŋ jɩŋ arɩ mɩ nɛ ma TƖƖNA.

ƐZƖKƖƐL 37:6

Mɩ jaŋ joŋ poloo arɩ nampɩlɩŋ mɛrɛ ma lɛ, a joŋ puruŋ tɔ. Mɩ jaŋ joŋ wiese hɛ ma lɛ dɩ ma bɩra kɛŋ mɩɩsɩŋ. Ŋɩɩ nɛ ma jaŋ jɩŋ arɩ mɩ nɛ ma TƖƖNA.”

Jɔɔŋ 8:58

Ŋɩɩ nɛ Yesu bʋla pɩba, “Wʋtɩtɩɩ nɛ mɩ bʋlaa pɩma, ka dɩ ba-na lʋl Abɩraham, mɩ fa hɛ nɩmɛ nɛ.”

Jɔɔŋ Wʋnaalaa 1:4

Mɩ-na Jɔɔŋ nɛ ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Wɩa lahɔrɩmɔ lɛ, ʋ jaŋ leŋ dɩ ma hɔŋ arɩ yarɩfɩɛlaa. Ʋ nɛ ŋaa Nɩɩ-la sɩ hɛ nɩmɛ, Nɩɩ-la fa sɩ hɛ nɩmɛ faafaa kala arɩ Nɩɩ-la sɩ jaŋ kɔ. Wɩaa deemba lɩɩ Wɩa Dɩnsɩŋ balɩpɛ-la sɩ chɩŋ Wɩa kuoru kpasa-la sɩpaaŋ nɛ

RUF 1:20

Nawomi bʋla pɩba, “Má bɩra sɩ́ mɩ Nawomi yɩrʋ, ma yɩyɩrɛmɛ Mara, bɛɛ wɩaa La TƖƖNA doluŋ kala Tɩɩna leŋe mɩ na hɛɛŋ nɛ woruŋ.” (Nawomi bʋbʋɔŋ nɛ kʋzɔmʋŋ, Mara ma bʋbʋɔŋ nɛ kʋhaaŋ.)