MOSIS KƐŊ IZIRAL TƖŊŊAA LƖƖ 5:3 - WƖA TENIŊ

³ Ŋɩɩ nɛ Mosis arɩ Arɔŋ bɩra bʋl, “Hiburu tɩŋŋaa Wɩa nɛ kɛŋ ʋ tɩtɩa dagɛla. Ŋɩɩ wɩaa, leŋ dɩ la vɛŋ wombiiŋ tapʋlaa batori a jʋʋ tintee-hɩlɩŋ tʋɔŋ a kpʋ pʋsʋŋ a ŋaa Wɩɩsʋlʋŋ pɩ La TƖƖNA Wɩa. Dɩ ŋɩɩ dee, ʋ jaŋ joŋ nyanyal bɔŋŋɔɔ hɛ la lɛ koo dɩ ʋ kpʋla.”

MOSIS KƐŊ IZIRAL TƖŊŊAA LƖƖ 5:3 ပူးပေါင်းရင်းမြစ်များ

2 KUOROO 17:25

Nɩalɩŋ sɩ kʋ buumo hɔŋ nɩmɛ, ba fa bɩ La TƖƖNA ka to. Ŋɩɩ nɛ La TƖƖNA leŋ naachigee kʋ kpʋ ba dɔnsʋŋ.

2 IZIRAL TƖŊŊAA NAABARƖŊ 30:8

Má sɩ́ nyuduoŋ kɛŋ a nagɛba. Má joŋ ma tɩtɩa a hɛ La TƖƖNA nɩsɩŋ lɛ. Má kɔ La TƖƖNA dɩɩ-bal-la ʋ sɩ leŋe ʋ bɩ disiniŋ kɛnɛ a kaa mʋ wuu. Má chʋɔlɛ La TƖƖNA ma Wɩa, dɩ baaŋ-la ʋ sɩ faasa na ma nyuŋ fɩɛlɛ.

ƐZƖRA 7:23

Ma maga ma fɩɛlɛ ma sɩaa a chɛ kɩalɩŋ kala Wɩa sɩ hɛ ʋ jaŋ lɛ sɩ daga dɩ ba kaa saa ʋ dɩɩ-bal-la nɛ, dɩ ʋ baanɩŋ sɩ́ mɩ nyuŋ koo nɩalɩŋ sɩ jaŋ to mɩ harɩŋ dii kuoruŋ nyuŋ sii.

MOSIS KƐŊ IZIRAL TƖŊŊAA LƖƖ 3:18

Dɩ ŋ nɛ bʋl ŋ-la, Iziral nɩhɩasɩ-la jaŋ jegile nɩɩ ŋ teeŋ. Ŋ dɩ ba jaŋ mʋ Ijipiti tinteeŋ kuoro teeŋ a bʋla pʋ, ‘La TƖƖNA Iziral tɩŋŋaa Wɩa kɛŋ ʋ tɩtɩa a dagɛla nɛ. Leŋ dɩ la vɛŋ wombiiŋ tapʋlaa batori a jʋʋ tintee-hɩlɩŋ tʋɔŋ a kpʋ pʋsʋŋ a ŋaa Wɩɩsʋlʋŋ pɩ La TƖƖNA Wɩa.’

MOSIS KƐŊ IZIRAL TƖŊŊAA LƖƖ 7:16

Dɩ ŋ nɛ chemu, bʋla pʋ, ‘Iziral tɩŋŋaa Wɩa nɛ tɩmmɛ ŋ teeŋ dɩ mɩ bʋla pɩŋ: Leŋ dɩ mɩ nɩaa mʋ a chʋɔlɛmɛ tintee-hɩlɩŋ lɛ. Ama faafaa kala a kaa kɔ bʋa deeŋ lɛ ŋ bɩ jegile nɩɩ.

MOSIS KƐŊ IZIRAL TƖŊŊAA LƖƖ 8:1

Ŋɩɩ nɛ La TƖƖNA bʋla pɩ Mosis, “Mʋ Ijipiti tinteeŋ kuoro teeŋ a bʋla pʋ, ‘Leŋ dɩ mɩ nɩaa Iziral tɩŋŋaa mʋ a chʋɔlɛmɛ.

MOSIS KƐŊ IZIRAL TƖŊŊAA LƖƖ 8:20

Ŋɩɩ nɛ La TƖƖNA bʋla pɩ Mosis, “Sii mʋ cheŋ Ijipiti tinteeŋ kuoro chʋchʋɔ-fɩɛla, bʋa-la lɛ ʋ sɩ yie mʋmʋ fuo-la leriŋ a bʋla pʋ, ‘Wɩɩ-la La TƖƖNA sɩ bʋla nɛ ŋ-la: Leŋ dɩ mɩ nɩaa mʋ a wuo dɛnnɛmɛ.

MOSIS KƐŊ IZIRAL TƖŊŊAA LƖƖ 8:27

Ʋ maga la vɛŋ tapʋlaa batori wombiiŋ nɛ a jʋʋ tintee-hɩlɩŋ tʋɔŋ, a mʋ kpʋ pʋsʋŋ a ŋaa Wɩɩsʋlʋŋ a pɩ La TƖƖNA Wɩa arɩ ʋ sɩ dagɛla ŋɩɩ.”

ƐZƖKƖƐL 6:11

La TƖƖNA Wɩɩjarɩbakɔ bɩra sɩ, “Porisi ŋ nɩsaa, a yagɛ ŋ naasɩŋ, aŋ yel ‘Ou’ a tɩŋ wʋbɔmɔ-la arɩ wʋkɩsɩa-la Iziral tɩŋŋaa sɩ ŋaa wɩaa. Ba dɔnsʋŋ jaŋ sʋʋ laalɩŋ lɛ, ka dɩ losuŋ arɩ nyanyal bɔŋŋɔɔ ma kpʋ ba dɔnsʋŋ.

LEVI DOHO NƖAA 26:25

Mɩ jaŋ leŋ dɩ laalɩŋ kʋ gɩrɛma a tɩŋ ma sɩ chei nii-la sɩ hɛ mɩ dɩ ma pɛgɛ. Dɩ ma nɛ fá jʋʋ ma tabalaa dɩ ma laa ma mɩɩsɩŋ, mɩ jaŋ joŋ nyanyal bɔŋŋɔɔ hɛ ma lɛ dɩ ma dʋndɔŋŋɔɔ yuo diima.

MOSIS BƖRA WULLI WƖA WOMBIIŊ 28:21

La TƖƖNA jaŋ joŋ nyanyal bɔŋŋɔɔ a hɛ ma lɛ dɩ ma kala sʋʋ dɛrɛ tintee-la ma sɩɩ jʋʋ dɩ ma tɩɩ lɛ.