MOSIS KƐŊ IZIRAL TƖŊŊAA LƖƖ 5:2 - WƖA TENIŊ

² Ŋɩɩ nɛ Ijipiti tinteeŋ kuoro pɩɛsɛ, “Kʋbɛɛ nɛ ŋaa ma TƖƖNA, aa chɛ dɩ mɩ sɛɩ ʋ niiŋ, a leŋ dɩ ma mʋ? Mɩ bɩ ma TƖƖNA jɩŋ, mɩ bɩ jaŋ leŋ dɩ Iziral tɩŋŋaa mʋ.”

MOSIS KƐŊ IZIRAL TƖŊŊAA LƖƖ 5:2 ပူးပေါင်းရင်းမြစ်များ

2 KUOROO 18:35

Vesiŋ deemba kala tʋɔŋ, ba kʋbɛɛ nɛ wuo laa ʋ tinteeŋ mɩ nɩsɩŋ lɛ? Ɛɛ nɛ saa ma TƖƖNA jaŋ wuo ŋaa a laa Jerusalɛm ta mɩ nɩsɩŋ lɛ?”

2 IZIRAL TƖŊŊAA NAABARƖŊ 32:14

Tinteyee deemba mɩ nyɩmma sɩ cheye, ba kʋbɛɛ vesiŋ nɛ wuo laa ʋ nɩaa ta mɩ nɩsɩŋ lɛ? Ɛɛ nɛ saa ma-na bɩɩnɛ arɩ ma Wɩa jaŋ wuo laama ta mɩ nɩsɩŋ lɛ?

2 IZIRAL TƖŊŊAA NAABARƖŊ 32:15

Má sɩ́ leŋe dɩ Hezikaaya nyɩsɛma koo a kɛmma yeŋŋi. Má sɩ́ ʋ laa dii, tintee kala vene ha bɩ wuo laa ʋ nɩaa ta mɩ nɩsɩŋ lɛ koo Asiiria kuoroo kʋŋkala nɩsɩŋ lɛ. Ɛɛ nɛ saa ma-na Wɩa jaŋ wuo laama ta mɩ nɩsɩŋ lɛ.”

2 IZIRAL TƖŊŊAA NAABARƖŊ 32:19

Laalɩyuori-hɩasɩ-la fa bʋl wɩaa tɩgɛ Jerusalɛm nɩaa Wɩa lɛ nɛ a nagɛ ba sɩ bʋl ŋɩɩ a tɩgɛ tinteyee dɔnsʋŋ vesiŋ lɛ, a nagɛ ʋ ma ŋaa vene nɛ nuhuobiine mɛ.

NƐHƖMAAYA 9:10

Ŋ ŋaa wʋmagɩlaa arɩ wʋkpuŋkperisiŋ nɛ Ijipiti kuoro, ʋ tɩntɩnnɩ-hɩasɩŋ arɩ ʋ nɩaa kala lɛ, bɛɛ wɩaa ŋ jɩŋ ŋɩɩ Ijipiti tɩŋŋaa sɩ wʋrɩgɛ ba nɛ. Ŋ laa yɩrɩŋ a pɩ ŋ tɩtɩa nɛ a kaa kɔ arɩ jɩnɩŋ kala.

JOB 15:25

bɛɛ wɩaa ʋ pagɩsɛ Wɩa nɛ. Ʋ dagɛ ʋ tɩtɩa ŋɩɩ sɩ bɩ maga La TƖƖNA doluŋ kala Tɩɩna teeŋ nɛ,

JOB 15:26

a vɩa dɩ ʋ laa cheeriŋ, aŋ je vaasɩŋ mʋmʋ Wɩa lɛ arɩ ʋ hɔɔtaalɩ barɩmɩŋ ʋ sɩ kaa kɛrɛɛ laa bayuori hɛŋŋɛɛ.

JOB 21:15

aŋ pɩɛsɛ, ‘Kʋbɛɛ nɛ Wɩa, doluŋ kala Tɩɩna a maga dɩ la tou? Dɩ la nɩɩ chʋɔlʋ, wʋbɛɛ nɛ la jaŋ na ʋ teeŋ?’

WƖA YƖƖLAA 10:4

Nɩbɔŋŋɔɔ ka dagɛ ba tɩtɩa kɩŋkɛŋ nɛ a vɩa Wɩa, ba bɩ ʋ wɩaa ka liisi.

WƖA YƖƖLAA 12:4

Ba sɩ, “La nɛ tɩɩ la niiree, la jaŋ wuo bʋl wɩɩkala la sɩ cho. Nʋʋkala bɩ jaŋ wuo pɔ dɩ la sɩ́ wɩaa bʋl.”

WƖA YƖƖLAA 12:5

La Tɩɩna sɩ, “Mɩ jaŋ kɔ lɛɛlɛ a tɩŋ ba sɩɩ dɔgɩsɛ nɩalɩŋ sɩ bɩ ba tɩtɩa lɛ wuo pɛ arɩ summoo ba yiyel. Mɩ jaŋ laaba ta nɩalɩŋ sɩɩ dɔgɩsɛba nɩsɩŋ lɛ.”

WƖA YƖƖLAA 14:1

Nɩyaaraa nɛ yie bʋl ba tʋɔŋ lɛ, “Wɩa tuo.” Ba ŋaa nɩa sɩ cheye nɛ, ba wʋŋaalaa lɔrɔ, ba kʋŋkala bɩ wʋzɔŋ ka ŋaa.

MOSIS KƐŊ IZIRAL TƖŊŊAA LƖƖ 3:19

Ama mɩ jɩma arɩ Ijipiti tinteeŋ kuoro bɩ jaŋ sɛɩ, see dɩ doluŋ nɛ diiu.

MOSIS KƐŊ IZIRAL TƖŊŊAA LƖƖ 7:17

Wɩɩ-la mɩ-na ma TƖƖNA sɩ bʋla nɛ ŋ-la: Wʋmagɩlɩŋ deeŋ nɛ mɩ jaŋ ŋaa dɩ ŋ jɩŋ arɩ mɩ nɛ nʋʋkala Tɩɩna. Dantɩga deeŋ mɩ sɩ koro mɩ jaŋ joŋo ŋmoo fuo-la ba sɩɩ yɩrɛ Naayɩl lɩɩŋ dɩ ʋ bɩrɩmɛ chalɩŋ.

NAMAGABA 30:9

Dɩ ŋɩɩ dee, ka dɩ mɩ kɛŋ kɩaa yʋgɛ, mɩ jaŋ wuo vɩaŋ aŋ pɩɛsɛ, ‘Kʋbɛɛ nɛ ŋaa La Tɩɩna?’ Koo mɩ jaŋ ŋaa summu a gaa, a chei ŋ-na mɩ Wɩa yɩrɩŋ.”

JƐRƖMAAYA 42:13

Ama dɩ ma nɛ sɩ, ‘La bɩ jaŋ hɔŋ tinteeŋ deeŋ lɛ,’ a bɩ ma TƖƖNA Wɩa niiŋ to,

JƐRƖMAAYA 48:26

Má leŋ dɩ ʋ bugi, bɛɛ wɩaa ʋ dagɛ ʋ tɩtɩa nɛ mɩ-na ma TƖƖNA teeŋ. Má leŋ dɩ Mʋab bilimi kɩalɩŋ ʋ sɩ tʋɔsa tʋɔŋ. Má leŋ dɩ ʋ bɩrɩmɛ kʋŋ dɩ nɩaa sisieri ʋ lɛ.

DANƖƐL 3:15

Lɛɛlɛ dɩ ma nɛ nɩa dɩ ba ŋmʋʋ nyile, ŋmʋlʋŋ, a du cheŋ, kɔnɛ arɩ gɔgʋ kɩaa, dɩ ma nɛ jaŋ tuu kpirimi a chʋɔlɛ kʋ-la mɩ sɩ leŋe ba kɛŋ sɛlɩmɛ ŋaa bil, ʋ chaasa ŋaa wʋzɔŋ nɛ. Ama dɩ ma nɛ vɩa dɩ ma chʋɔlʋ, ba jaŋ guu jomma yuo hɛ nyiŋ-balɩŋ tʋɔŋ. Ka dɩ mɩ na vene-la sɩ jaŋ wuo laama ta mɩ nɩsɩŋ lɛ.”

Jɔɔŋ 16:3

Ba jaŋ ŋaa wɩaa deemba kala a tɩŋ ba sɩ́ bɩ mɩ Nyɩmma jɩŋ, a bɩ mɩ ma jɩŋ.

Rom Tɩŋŋaa 1:28

Nɩaa deemba bɩ chɛ dɩ ba jɩŋ Wɩa. Ŋɩɩ nɛ tɩɩ Wɩa lemba ta ba tuto ba tʋɔbɩɩŋ bɔmɔ-la harɩŋ a ŋɩŋaa wɩalɩŋ sɩ bɩ maga dɩ baa ŋaa.

2 Tɛsalonaaka Nɩaa 1:8

Ʋ sɩ jaŋ kɔ, ʋ jaŋ nagɛ nyiŋgeliŋ a dɔgɩsɛ nɩalɩŋ sɩ bɩ Wɩa jɩŋ arɩ nɩalɩŋ sɩ bɩ La Tɩɩna Yesu wʋzɔmɔ-la ka to.

SƖPAALAARAA 2:10

Doho deeŋ nɩaa kala sɩ kʋ sʋʋ dɛrɛ, do-falɩɩ ma bɩra sii, a bɩ La TƖƖNA jɩŋ, a bɩ wɩalɩŋ ʋ sɩ ŋaa pɩ Iziral tɩŋŋaa ma jɩŋ.

1 SAMƲƐL 2:12

Eli hambolibiisiŋ fa ŋaa bii-bɔmɔ nɛ, ba bɩ La TƖƖNA ka fá.

1 SAMƲƐL 25:10

Ŋɩɩ nɛ Nabal pɩɛsɛ Devit tɩntɩnna-la, “Kʋbɛɛ nɛ Devit? Kʋbɛɛ nɛ Jesi nanʋala deeŋ? Tapʋlaa deemba tɩntɩnnaa yʋga nɛ a lɩɩ fa kɩkagɛ ba nɩhɩasɩŋ lɛ.