MOSIS KƐŊ IZIRAL TƖŊŊAA LƖƖ 38:1 - WƖA TENIŊ

¹ Ŋɩɩ nɛ ba kɛŋ sɔjaamɩŋ daaŋ a ŋaa kʋnyɩgaa Wɩɩsʋlʋŋ koruŋ. Ʋ kɛŋ gʋnaa banɛsɛ, ba kala magɛ dɔŋɔ. Ʋ duomuŋ ŋaa naakieliŋ bʋlɩa arɩ kpaa magɛ dɔŋɔ, ʋ jalɩŋ ma magɛ ŋɩɩ tɩtɩa. Ka ʋ leŋiŋ ŋaa naakieli-bala arɩ kpaa magɛ dɔŋɔ.

MOSIS KƐŊ IZIRAL TƖŊŊAA LƖƖ 38:1 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 1:5

Ama kɔlɩɩŋ koru-la Uri nanʋala Bɛzalɛl fa sɩ ŋaa hɛ Gibioŋ lɛ nɛ a chɩŋ La TƖƖNA dɩ-zɔŋ-la sɩpaaŋ. Bɛzalɛl fa ŋaa Huu nihiŋ nɛ. Gibioŋ lɛ nɛ Solomoŋ arɩ nɩalɩŋ chʋɔlɛ La TƖƖNA.

2 IZIRAL TƖŊŊAA NAABARƖŊ 4:1

Kuoro Solomoŋ leŋe ba kɛŋ kɔlɩɩŋ nɛ ŋaa Wɩɩsʋllɩ koruŋ, ʋ duomuŋ ŋaa naakieliŋ fii, ʋ jalɩŋ ma ŋaa naakieliŋ fii, ka ʋ leŋiŋ ma ŋaa naakieliŋ bʋnɔŋ arɩ kpaa magɛ dɔŋɔ.

MOSIS KƐŊ IZIRAL TƖŊŊAA LƖƖ 25:5

pie-bel tenniŋ ba sɩ hɛ biriŋ ʋ fɩɛsɛ, lɩɩ-nɛŋ tenniŋ arɩ sɔjaamɩŋ daaŋ,

MOSIS KƐŊ IZIRAL TƖŊŊAA LƖƖ 30:17

Ŋɩɩ nɛ La TƖƖNA bʋla pɩ Mosis,

MOSIS KƐŊ IZIRAL TƖŊŊAA LƖƖ 31:9

a ŋaa koru-la lɛ ba sɩ jaŋ nyɩnyɩgɛ kʋnyɩgaa Wɩɩsʋlʋŋ arɩ ʋ nyuŋ tɩntɩnnɩ kɩaa, a pɛ taasɩ-gbaŋ-bal-la arɩ kʋ-la nyuŋ ʋ sɩ jaŋ chɩŋ.

MOSIS KƐŊ IZIRAL TƖŊŊAA LƖƖ 38:2

Ba kɛŋ daa-la tɩtɩa nɛ a ŋaa nyilliŋ banɛsɛ a hɛ koru-la gʋnaa lɛ, a joŋ kɔlɩɩŋ taara tɔ ba kala.

MOSIS KƐŊ IZIRAL TƖŊŊAA LƖƖ 40:29

Ʋ bɩra joŋ kʋnyɩgaa Wɩɩsʋlʋŋ koruŋ a bile kpagɛ lɛbɩ-la lɛ La TƖƖNA sɩ yie kɔ Iziral tɩŋŋaa teeŋ boiŋ niiŋ, a sʋl kʋnyɩgaa Wɩɩsʋlʋŋ arɩ mɩaa Wɩɩsʋlʋŋ ʋ nyuŋ, arɩ La TƖƖNA sɩ dagʋ ŋɩɩ.

MOSIS KƐŊ IZIRAL TƖŊŊAA LƖƖ 40:6

Joŋ kʋnyɩgaa Wɩɩsʋllɩ koruŋ a bile kpagɛ mɩ dɩ-zɔŋ-la boiŋ niiŋ.

Jɔɔŋ 6:37

Nʋʋkala mɩ Nyɩmma sɩ joŋo pɩmɛ, ʋ jaŋ kɔ mɩ teeŋ. Nɩaa deemba kala sɩ kɔ mɩ teeŋ, mɩ bɩ jaŋ kɔ dɩ mɩ kiriba ta,

Rom Tɩŋŋaa 12:1

Ŋɩɩ wɩaa, mɩ naambiiriŋ, a tɩŋ Wɩa sɩ faasa fá la nenige wɩaa, mɩɩ sʋlma dɩ ma joŋ ma mɩɩsɩŋ kala a pɩ Wɩa, arɩ ba fa sɩ yie kpʋ pʋsʋŋ a ŋaa Wɩɩsʋlʋŋ pɩ Wɩa ŋɩɩ. Ma sɩ joŋ ma tɩtɩa a pɩ Wɩa ŋɩɩ, ma bɩra sɩ́ disiniŋ kɛŋ, dɩ Wɩa wuo laama. Wɩɩ-chʋɔlʋŋ wombiiŋ tɩtɩa nɛ ŋɩɩ.

Hiburu TƖŊŊAA 13:10

La kɛŋ Wɩɩsʋllɩ koruŋ nɛ, Wɩa dɩ-zɔŋ-la tʋɔŋ, nɩalɩŋ sɩɩ tɩŋ koru-la nyuŋ bɩ wombiiŋ kɛnɛ dɩ ba dii kʋdiile-la sɩ daŋ koru-la nyuŋ.

Hiburu TƖŊŊAA 13:8

Yesu Kirisito sɩ nagɛ ŋɩɩ, ʋ bɩ jaŋ kɔ dɩ ʋ bɩrɩma. Faafaa ʋ sɩ nagɛ ŋɩɩ, ŋɩɩ nɛ ʋ haa nagɛ arɩ jɩnɩŋ kala. Ʋ jaŋ nagɛ ŋɩɩ a kaa mʋ wuu.

Hiburu TƖŊŊAA 3:1

Ŋɩɩ wɩaa mɩ naambiiriŋ sɩ bɩ disiniŋ kɛnɛ Wɩa sɩpaaŋ, Wɩa nɛ yɩrɛla dɩ la kɔ ʋ teeŋ. Ʋ saa maga dɩ ma joŋ Yesu wɩaa hɛ ma nyuŋ lɛ. Ʋ nɛ ŋaa Wɩa nanzɔɔ a ŋaa Wɩɩsʋllɩ sɩpaalaaraa kʋhɩaŋ ma, wombii-la la sɩɩ to lɛ.

Hiburu TƖŊŊAA 9:14

Dɩ wɩaa deemba nɛ wuo pɩɩsɛ nɩaa disiniŋ ta, ŋɩɩ-na Kirisito chalɩŋ ma jaŋ wuo paala pɩɩsɛ nɩaa disiniŋ ta a kɩɩ bʋʋnaa koo nɛsɩŋ chalɩŋ. Kirisito fa bɩ disiŋ kala kɛnɛ. Wɩa Dɩŋ-zɔmʋŋ doluŋ lɛ, ʋ joŋ ʋ tɩtɩa pɩ Wɩa, a sʋʋ a tɩŋ la wɩaa. Ʋ jaŋ wuo leŋ dɩ ma tʋɔbɩɩnaa chesi dɩ má sɩ́ wʋbɔŋ bɩɩnʋ, ka dɩ ma wuo tɩma pɩpɩ Wɩa sɩ weye.

1 Pɩɩta 2:5

Ma ma nagɛ tabɩɩ-la sɩ kɛŋ mɩɩsɩŋ nɛ. Ŋɩɩ wɩaa, má leŋ dɩ Wɩa kɛmma saa ʋ dɩa, a leŋ dɩ ma ŋaa nɩa sɩ́ bɩ disiniŋ kɛnɛ a laa nɩaa nyuŋ a tɩma pʋpʋ, a nagɛ Wɩɩsʋllɩ sɩpaalaaraa. Wɩa chɛ dɩ ma to Yesu Kirisito lɛ nɛ a ŋaa Wɩɩsʋlɩɩ-la sɩ maga a pʋ.

Jɔɔŋ Wʋnaalaa 21:16

Tabal-la sɛsɩŋ kala magɛ dɔŋɔ nɛ. Ŋɩɩ nɛ ʋ magɩsɛ taŋ-la arɩ sɛlɩmɛ daa-la dɩ ʋ ŋaa meel-daasɩŋ bʋɩ arɩ zɔɔ-banɔŋ. Ʋ duomuŋ arɩ ʋ jalɩŋ arɩ ʋ leŋiŋ kala magɛ dɔŋɔ nɛ.