MOSIS KƐŊ IZIRAL TƖŊŊAA LƖƖ 3:1 - WƖA TENIŊ

¹ Ŋɩɩ nɛ Mosis dɩdaa ʋ hɩɩlɩ-baala Jeturo pʋsʋŋ. Jeturo nɛ ŋaa Wɩɩsʋllɩ sɩpaalaara Midiaŋ lɛ. Mosis daa pʋsʋ-la a mʋ kieli tintee-hɩlɩɩ-la a mʋ yi Wɩa peel-la ba sɩɩ yɩrɛ Sɩnaɩ.

MOSIS KƐŊ IZIRAL TƖŊŊAA LƖƖ 3:1 ပူးပေါင်းရင်းမြစ်များ

1 KUOROO 19:8

Ŋɩɩ nɛ ʋ bɩra sii a dii kɩalɩŋ aŋ nyʋa lɩɩŋ. Ʋ sɩ dii kʋdiile-la dɛrɛ, ʋ kɛŋ doluŋ. Ʋ vɛŋ wɩɩhɛyɛ arɩ tɩtaŋɩŋ kala tapʋlaa mahɩŋ balɩa a mʋ yi Wɩa peel-la ba sɩɩ yɩrɛ Hɔrɛb.

MOSIS KƐŊ IZIRAL TƖŊŊAA LƖƖ 17:6

Mɩ jaŋ gbɛrɩŋ peel-la ba sɩɩ yɩrɛ Sɩnaɩ bʋŋ-la bʋbʋɔŋ. Dɩ ŋ nɛ ŋmoo bʋŋ-la arɩ ŋ dantɩga-la, lɩɩŋ jaŋ kʋ lɩɩ dɩ nɩalɩŋ nyʋa.” Ŋɩɩ nɛ Mosis ŋaa ŋɩɩ Iziral tɩŋŋaa kʋhɩasɩŋ sɩpaaŋ.

NAMBABA 10:29

Mosis ba-jene nɛ fa Rʋɛl. Rʋɛl ŋaa Midiaŋ tɩɩna nɛ. Ʋ nanʋala nɛ Hobab. Ŋɩɩ nɛ Mosis bʋla pɩ Hobab, “La kɛŋ la tɩtɩa nɛ dɩ la mʋ tintee-la La TƖƖNA sɩ sɩ ʋ jaŋ joŋo pɩla. Kɔ dɩ la mʋ, la jaŋ kɛnɩŋ woruŋ. La TƖƖNA hɛ niiŋ nɛ arɩ ʋ jaŋ ŋaa wʋzɔŋŋɔɔ pɩ la Iziral tɩŋŋaa.”

MALAKAƖ 4:4

Má pʋpɔ ma sɩ́ wombie-la arɩ niiri-la mɩ tɩntɩnna Mosis sɩ dagɛma yʋ. Ba nɛ mɩ joŋo dagʋ peel-la ba sɩɩ yɩrɛ Sɩnaɩ nyuŋ ŋɩɩ, dɩ ʋ joŋo dagɛ Iziral tɩŋŋaa kala dɩ ba tuto.

SƖPAALAARAA 4:11

Bʋa deeŋ lɛ dɩ Hɛba, Keni tɩɩna kʋbala sɩ ŋaa Hobab doho nʋʋ, a ŋaa Mosis ma bajene, lɩɩsɛ ʋ tɩtɩa Keni tɩŋŋaa tʋɔŋ a mʋ hɛ ʋ lɛbɩŋ a hɔŋ tɩɩ-bal kʋbala bʋbʋɔŋ, Zaananim lɛ a kpagɛ Kɛdɛs.

MOSIS KƐŊ IZIRAL TƖŊŊAA LƖƖ 19:11

Má ŋaa siri dɛrɛ chɛ-tori chɛɛŋ, bɛɛ wɩaa chɛɛ-la, mɩ jaŋ kʋ tuu Sɩnaɩ peel-la nyuŋ dɩ nɩalɩŋ kala namɛ.

Luuk 2:8

Bʋa-la lɛ pie-daaraa nɛ fa hɛ tintee-la sɛmɛ dɔŋɔ a hɛ yaŋ tʋɔŋ a chʋa nɩmɛ tɩtaŋɩŋ aa beŋ ba piesee.

WƖA YƖƖLAA 106:19

Sɩnaɩ lɛ nɛ ba kɛŋ sɛlɩmɛ kɩaa libi kʋŋ ʋ nagɛ nɛ-bel-pɔrʋŋ, a kpaarɛ tɔŋ-la ba sɩ kɛŋ sɛlɩmɛ ŋaa.

MOSIS BƖRA WULLI WƖA WOMBIIŊ 4:10

Má liisi tapʋlɩɩ-la ma sɩ chɩŋ ma TƖƖNA Wɩa sɩpaaŋ Sɩnaɩ peel-la lɛ, bʋa-la ʋ sɩ leŋe mɩ yɩrɛma kʋ hilimi ʋ sɩpaaŋ, dɩ ma nɩɩ wɩalɩŋ ʋ sɩ jaŋ bʋl, a jɩŋ ŋɩɩ ma sɩ jaŋ zizilu ma mɩɩsɩŋ kala lɛ, aŋ joŋ wɩalɩŋ dagɛ ma biiriŋ ma.

MOSIS BƖRA WULLI WƖA WOMBIIŊ 1:6

La fa sɩ hɛ peel-la ba sɩɩ yɩrɛ Sɩnaɩ lɛ, La TƖƖNA Wɩa bʋla pɩla, “Má hɔŋ daha dieni nɛ.

MOSIS KƐŊ IZIRAL TƖŊŊAA LƖƖ 24:13

Ŋɩɩ nɛ Mosis arɩ Josua ŋaa siri dɩ ba jɩl Wɩa peel-la nyuŋ. Josua fa ŋaa nɩɩ-la sɩ pɛ ʋ lɛ ba tɩtɩŋ nɛ.

MOSIS KƐŊ IZIRAL TƖŊŊAA LƖƖ 19:3

Ŋɩɩ nɛ Mosis jɩl peel-la nyuŋ dɩ ʋ cheŋ Wɩa. La TƖƖNA yɩrʋ peel-la nyuŋ a bʋl, “Ŋ-la nɛ ŋ jaŋ bʋla pɩ Iziral tɩŋŋaa Jekɔb doho nɩaa:

MOSIS KƐŊ IZIRAL TƖŊŊAA LƖƖ 3:5

Ŋɩɩ nɛ Wɩa bʋla pʋ, “Chɩna magɛ ŋɩɩ, pʋpɔ ŋ bɩra sɩ́ sʋrɩsa kʋ kpagɛ. Chaarɛ ŋ nɛntɛŋŋɛɛ, bɛɛ wɩaa tintee-la lɛ ŋ sɩ chɩna ŋaa Wɩa lee nɛ.”

MOSIS KƐŊ IZIRAL TƖŊŊAA LƖƖ 2:16

Midiaŋ tinteeŋ lɛ, nɩɩ-la sɩ ŋaa Wɩɩsʋllɩ sɩpaalaara hɛ nɩmɛ, dɩ ʋ kɛŋ toloo balɩpɛ. Tolie-la kɔ dɩ ba ŋaa lɩɩŋ hɛ ba nyɩmma pʋsʋŋ lɩɩ-nyʋarɩ-kʋa lɛ a pɩ ba nyɩmma pʋsʋŋ.

AMƆS 1:1

Wɩalɩŋ Amɔs sɩ na arɩ duosoo tʋɔŋ a bʋla tɩgɛ Iziral lɛ nɛ ŋ-la. Amɔs fa ŋaa taŋ-la ba sɩɩ yɩrɛ Tɛkʋa pie-daaraa dɔŋɔ nɛ. Bʋa-la lɛ dɩ baal kʋbala baa yɩrɛ Uzia nɛ ŋaa Juda tinteeŋ kuoro, ka Jerobuam nanʋala Jehuas ma ŋaa Iziral tinteeŋ kuoro. Ʋ sɩ bʋl wɩalɩŋ, jɩsɩŋ balɩa nɛ bala ka tinteeŋ-na zigili.

MOSIS KƐŊ IZIRAL TƖŊŊAA LƖƖ 4:27

Ŋɩɩ nɛ La TƖƖNA bʋla pɩ Arɔŋ, “Jʋʋ tintee-hɩlɩŋ tʋɔŋ a cheŋ Mosis.” Ŋɩɩ nɛ ʋ mʋ chemu Wɩa peeliŋ nyuŋ a guoru.

MOSIS KƐŊ IZIRAL TƖŊŊAA LƖƖ 2:21

Ŋɩɩ nɛ ba yɩrɛ Mosis ʋ kɔ. Ʋ sɛɩ arɩ ʋ dɩ Jeturo jaŋ hɔŋ. Ŋɩɩ nɛ Jeturo joŋ ʋ tolo Zipora a pɩ Mosis ʋ jaa.

MOSIS KƐŊ IZIRAL TƖŊŊAA LƖƖ 2:18

Tolie-la sɩ mɩɩra mʋ ba nyɩmma Rɛwɛl teeŋ, ŋɩɩ nɛ ʋ pɩɛsɛba, “Bɛɛ nɛ tɩɩ jɩnɩŋ ma kɔ lɩma ŋ-la?” (Rɛwɛl yɩrɩŋ dɔŋɔ nɛ Jeturo.)

Tɩntɩŋŋaa 7:30

Ʋ fa sɩ hɔŋ nɩmɛ jɩsɩŋ mahɩŋ balɩa. Ŋɩɩ nɛ Wɩa tɩndaarʋ kʋbala kɛŋ ʋ tɩtɩa kʋ dagʋ tintee-hɩlɩŋ lɛ a kpagɛ peel kʋbala baa yɩrɛ Sɩnaɩ. Ʋ fa kɛŋ ʋ tɩtɩa dagʋ tɩɩ-pugubie sɩɩ dii nyiniŋ tʋɔŋ nɛ.

MOSIS KƐŊ IZIRAL TƖŊŊAA LƖƖ 3:12

Ŋɩɩ nɛ Wɩa bʋl, “Mɩ jaŋ chɩŋ ŋ harɩŋ. Dɩ ŋ nɛ kɛŋ Iziral tɩmma-la kaa kɔ peeliŋ deeŋ nyuŋ dɩ ba chʋɔlɛmɛ daha, ŋɩɩ nɛ jaŋ dagɛ arɩ mɩ-na Wɩa nɛ tɩmɩŋ.”

MOSIS KƐŊ IZIRAL TƖŊŊAA LƖƖ 4:18

Ŋɩɩ nɛ Mosis mɩɩra mʋ ʋ hɩɩlɩ-baala Jeturo teeŋ a bʋla pʋ, “Mɩɩ sʋlʋŋ, leŋ dɩ mɩ mɩɩra mʋ Ijipiti tinteeŋ a na mɩ naambiiriŋ Iziral tɩŋŋaa ha hɛ ba mɩɩsɩŋ lɛ nɛɛ.” Ŋɩɩ nɛ Jeturo bʋl, “Ŋ jaŋ mʋ woruŋ.”

MOSIS KƐŊ IZIRAL TƖŊŊAA LƖƖ 18:12

Ŋɩɩ nɛ Mosis hɩɩlɩ-baala Jeturo kɛŋ kʋnyɩgaa Wɩɩsʋlʋŋ arɩ Wɩɩsʋllɩ kɩaa dɔnsʋŋ kɔ dɩ ʋ pɩ Wɩa. Arɔŋ arɩ Iziral tɩŋŋaa kʋhɩasɩŋ kala kɔ Mosis hɩɩlɩ-baala teeŋ, ba kala dii kɩaa Wɩa sɩpaaŋ.

MOSIS KƐŊ IZIRAL TƖŊŊAA LƖƖ 19:2

Ba sɩ lɩɩ Refidim lɛ, ʋ harɩŋ lɛ nɛ ba kʋ jʋʋ Sɩnaɩ tintee-hɩlɩɩ-la, a ŋmoo buguŋ Sɩnaɩ peel-la bʋbʋɔŋ.

MOSIS KƐŊ IZIRAL TƖŊŊAA LƖƖ 33:6

Ŋɩɩ nɛ Iziral tɩŋŋaa wuri ba kpɩɛraa kala ta peel-la ba sɩɩ yɩrɛ Sɩnaɩ bʋbʋɔŋ.

MOSIS BƖRA WULLI WƖA WOMBIIŊ 1:2

Tapʋlaa fii arɩ kʋbala nɛ ŋ jaŋ joŋ a lɩɩ peel-la ba sɩɩ yɩrɛ Sɩnaɩ a mʋ taŋ-la ba sɩɩ yɩrɛ Kadɛs Banɩa, dɩ ŋ nɛ to peel-la ba sɩɩ yɩrɛ Ɛdɔm wombiiŋ.

NAMBABA 10:33

Ŋɩɩ nɛ ba sii La TƖƖNA peel-la nyuŋ, a joŋ Wɩa niiriŋ daga-la, daga-la laa ba sɩpaaŋ ba vɛŋ tapʋlaa batori dɩ ʋ dagɛba lee-la ba sɩ jaŋ hɔnɔ wiesi.

1 SAMƲƐL 16:11

Ŋɩɩ nɛ Samʋɛl pɩɛsɛ Jesi, “Ŋ hambolibiisiŋ kala nɛ ŋɩɩ?” Jesi bʋl, “Ba tʋɔŋ kʋbie ha hɛ nɩmɛ, ama ʋ mʋ pie-daalɩŋ.” Samʋɛl bʋl, “Tɩŋ dɩ ba mʋ kɛnʋ kɔ, la bɩ jaŋ hɔŋ see dɩ ʋ kɔ.”

1 KUOROO 19:19

Ŋɩɩ nɛ Ɩlaaja lɩɩ nɩmɛ a mʋ na Safat nanʋala Elaasa, dɩ ba kɛŋ nɛ-pɛrɛ bʋbʋɔ-bugoo fii arɩ balɩa a pɩpɛrɛ. Elaasa nɛ fa ŋaa fii arɩ balɩa tɩɩna a tuto ba harɩŋ. Ɩlaaja mʋ ʋ teeŋ a wuri ʋ gɛrɩ-balɩŋ a joŋo daŋ ʋ lɛ.