4 Kɛŋ kɔlɩɩŋ libi kʋŋ sɩ kɛŋ bʋɔsʋŋ a nagɛ nanchɛbɩrɩ kʋa, arɩ nenii-pɩraa banɛsɛ a hɛ ʋ gʋna-la banɛsɛ lɛ.
Kɛŋ sɛlɩmɛ libi nenii-pɩraa banɛsɛ, a joŋo hɛ naasɩŋ banɛsɛ-la sɩ hɛ ʋ bʋbʋɔŋ lɛ. Balɩa jaŋ hɛ sɛmɛ dɔŋɔ, dɩ balɩa ma hɛ sɛmɛ dɔŋɔ.
Kɛŋ kɔlɩɩŋ ŋaa koru-la nyuŋ tɩntɩnnɩ kɩaa deemba: tʋɔrʋŋ pupoiŋ, safʋlba, kʋmɩsɩrɩ gbansɩŋ, lɛsɩ-la ba sɩ kaa lɩɩsɛ nammɩa arɩ nʋʋ-hallɩŋ.
Joŋ kɔlɩɩŋ kʋ-la sɩ kɛŋ bʋɔsʋŋ a nagɛ nanchɛbɩrɩ kʋa a tagɩlɛ koru-la tʋɔŋ, dɩ ʋ jɩla yi ʋ tʋtʋɔbaanɩŋ.
kʋnyɩgaa Wɩɩsʋlʋŋ koruŋ arɩ kʋ-la ba sɩ kɛŋ kɔlɩɩŋ ŋaa ʋ kɛŋ bʋɔsʋŋ a nagɛ nanchɛbɩrɩ kʋa a tagɩlɛ ʋ tʋɔŋ, ʋ daaterigeba arɩ ʋ nyuŋ tɩntɩnnɩ kɩaa, kɔlɩɩŋ taasɩ-gbaŋ-bal-la arɩ kʋ-la nyuŋ ʋ sɩ chɩna,
Ŋɩɩ nɛ ba kɛŋ kɔlɩɩ-la a libi lɛbɩ-la lɛ La TƖƖNA sɩ yie kɔ Iziral tɩŋŋaa teeŋ boiŋ niiŋ hɔ-taalɩsɩŋ, aŋ kɛŋ ʋ tɩtɩa libi Wɩɩsʋllɩ koru-la arɩ ʋ tʋɔŋ hɔ-taala-la sɩ kɛŋ bʋɔsʋŋ a nagɛ nanchɛbɩrɩ kʋa arɩ koru-la nyuŋ tɩntɩnnɩ kɩaa.