MOSIS KƐŊ IZIRAL TƖŊŊAA LƖƖ 13:3 - WƖA TENIŊ

³ Ŋɩɩ nɛ Mosis bʋla pɩ Iziral tɩŋŋaa, “Má liisi tapʋlʋŋ deeŋ La TƖƖNA sɩ kɛmma lɩɩ Ijipiti tinteeŋ lɛ wɩaa, lee-la ma fa sɩ hɛ a ŋaa yosi. Ʋ chaasa joŋ doluŋ nɛ a kɛmma kʋ lɩɩ. Má sɩ́ kʋŋkala sɩ kɛŋ sɩbʋrʋŋ dii tapʋlɩɩ-la.

MOSIS KƐŊ IZIRAL TƖŊŊAA LƖƖ 13:3 ပူးပေါင်းရင်းမြစ်များ

WƖAA DƖ-SUOMUŊ 15:16

Ama, ŋ doho nɩaa nihi-lɩɛrɛ naansɩɩŋ bʋnɛsɛ ha jaŋ mɩɩra kɔ daha, dɩ Amɔrɩ tɩŋŋaa wʋbɔŋŋɔɔ ŋaanɩŋ ha bɩ dɛrɛ.”

1 IZIRAL TƖŊŊAA NAABARƖŊ 16:12

Má liisi wʋkpuŋkperisi-la arɩ wʋduoru-la ʋ sɩ ŋaa arɩ ŋɩɩ ʋ sɩ dii sarɩya ʋ bʋa lɛ,

NƐHƖMAAYA 1:10

Ba ŋaa ŋ tɩntɩnnaa arɩ ŋ nɩaa nɛ. Ba nɛ ŋ kɛŋ ŋ dol-balɩŋ arɩ ŋ naduo-la laa ta ŋɩɩ.

NƐHƖMAAYA 9:10

Ŋ ŋaa wʋmagɩlaa arɩ wʋkpuŋkperisiŋ nɛ Ijipiti kuoro, ʋ tɩntɩnnɩ-hɩasɩŋ arɩ ʋ nɩaa kala lɛ, bɛɛ wɩaa ŋ jɩŋ ŋɩɩ Ijipiti tɩŋŋaa sɩ wʋrɩgɛ ba nɛ. Ŋ laa yɩrɩŋ a pɩ ŋ tɩtɩa nɛ a kaa kɔ arɩ jɩnɩŋ kala.

WƖA YƖƖLAA 105:5

Má liisi wʋkpuŋkperisi-la arɩ wʋduoru-la ʋ sɩ ŋaa arɩ ŋɩɩ ʋ sɩ dii sarɩya ʋ bʋa lɛ,

WƖA YƖƖLAA 114:1

Bʋa-la lɛ Wɩa sɩ kɛŋ Iziral tɩŋŋaa, Jekɔb doho nɩaa kʋ lɩɩ Ijipiti tinteeŋ lɛ, nɩalɩŋ sɩɩ bʋl yikori-wogo tʋɔŋ,

WƖA YƖƖLAA 136:11

Ʋ nɛ kɛŋ Iziral tɩŋŋaa kaa lɩɩ Ijipiti tinteeŋ lɛ. Ʋ chonuŋ bɩ dɛrɛ.

WƖA YƖƖLAA 136:12

Ʋ naduo-la nɛ ʋ kaa laaba ta. Ʋ chonuŋ bɩ dɛrɛ.

WƖA YƖƖLAA 89:14

Tʋɔpʋla arɩ tɛŋɛ nɛ ŋaa ŋ kuoruŋ gentine, ŋ chono-la sɩ bɩ dɛrɛ arɩ wʋtɩtɩɩ ma nɛ laa ŋ sɩpaaŋ.

MOSIS KƐŊ IZIRAL TƖŊŊAA LƖƖ 12:15

Ma jaŋ dii boroboro-la sɩ bɩ sɩbʋrʋŋ kɛnɛ tapʋlaa balɩpɛ. Tapʋl-bumbuŋ, má paa sɩ-bʋrʋ-la kala sɩ hɛ ma dɩɩsɩŋ lɛ lɩɩ ta. A lɩɩ tapʋl-bumbuŋ a kaa mʋ tapʋl-pɛɩ chɛɛŋ, dɩ nʋʋkala nɛ dii kʋdiilii sɩ kɛŋ sɩbʋrʋŋ, má lɩɩsʋ ta Iziral tɩŋŋaa tʋɔŋ.

MOSIS KƐŊ IZIRAL TƖŊŊAA LƖƖ 12:17

Ʋ maga dɩ maa gbieli boroboro-la sɩ bɩ sɩbʋrʋŋ kɛnɛ gbiele nɛ, bɛɛ wɩaa tapʋlɩɩ-la nɛ mɩ kɛŋ ma doho nɩaa kala kʋ lɩɩ Ijipiti tinteeŋ lɛ. Ma dɩ ma doho nɩaa kala sɩ jaŋ to ma harɩŋ kɔ jaŋ gbigbieli tapʋlʋŋ deeŋ chɛɛŋ a kaa mʋ wuu.

MOSIS KƐŊ IZIRAL TƖŊŊAA LƖƖ 12:19

Tapʋlaa balɩpɛ-la pɛgɛ, nʋʋkala bɩ maga dɩ ʋ leŋ dɩ sɩbʋrʋŋ hɛ ʋ dɩa lɛ. Dɩ nʋʋkala nɛ dii kʋŋ sɩ kɛŋ sɩbʋrʋŋ, má lɩɩsʋ ta Iziral tɩŋŋaa tʋɔŋ, dɩ tɩɩna ŋaa Iziral tɩɩna koo nɩwogo.

MOSIS KƐŊ IZIRAL TƖŊŊAA LƖƖ 12:2

“Chɛnɛ deeŋ nɛ jaŋ ŋaa ma jɩna tʋɔŋ chɛŋ-bumbuŋ.

MOSIS KƐŊ IZIRAL TƖŊŊAA LƖƖ 12:41

Jɩsɩŋ zɔɔ-banɛsɛ arɩ mara arɩ fii deeŋ dɩdɛrɩŋ nɛ La TƖƖNA kɛŋ Iziral tɩŋŋaa doho nɩaa kala kʋ lɩɩ Ijipiti tinteeŋ lɛ.

MOSIS KƐŊ IZIRAL TƖŊŊAA LƖƖ 12:42

Tɩtaŋ-la La TƖƖNA sɩ kɛŋ Iziral tɩŋŋaa lɩɩ Ijipiti tinteeŋ lɛ, ʋ maga dɩ ʋ ŋaa tapʋlɩɩ nɛ dɩ Iziral tɩŋŋaa hɔŋ a sɩ́ doŋ pɩŋ a liliisi ŋɩɩ La TƖƖNA sɩ pɔba. Iziral tɩŋŋaa doho nɩaa maga dɩ baa ŋaa wɩɩŋ deeŋ nɛ a kaa mʋ wuu.

MOSIS KƐŊ IZIRAL TƖŊŊAA LƖƖ 12:8

Tɩtaŋ-la tɩtɩa, má wasɛ nammɩa-la arɩ pɩpaa-haarɩŋ, a kɛŋ boroboro-la sɩ bɩ sɩbʋrʋŋ kɛnɛ a dii.

MOSIS KƐŊ IZIRAL TƖŊŊAA LƖƖ 13:14

Maachie dɩ ŋ bie nɛ pɩɛsɩŋ a chɩchɛ dɩ ʋ jɩŋ wɩɩ-la ŋ sɩɩ ŋaa bʋbʋɔŋ, bʋla pʋ, ‘La TƖƖNA kɛŋ ʋ doluŋ nɛ a kɛnla lɩɩ Ijipiti tinteeŋ lɛ, lee-la la fa sɩ hɛ a ŋaa yosi.

MOSIS KƐŊ IZIRAL TƖŊŊAA LƖƖ 13:9

Gbiele deeŋ jaŋ nagɛ magɩl ma nɩsaa lɛ, a nagɛ magɩl ma tilliŋ lɛ dɩ La TƖƖNA niiŋ wɩaa sɩ́ ma niiŋ lɛ lɛl. Ʋ doluŋ nɛ ʋ kaa kɛmma lɩɩ Ijipiti tinteeŋ lɛ.

MOSIS KƐŊ IZIRAL TƖŊŊAA LƖƖ 20:2

“Mɩ-na nɛ ma TƖƖNA Wɩa. Mɩ nɛ kɛmma kaa kʋ lɩɩ Ijipiti tinteeŋ lɛ, lee-la ma fa sɩ hɛ a ŋaa yosi.

MOSIS KƐŊ IZIRAL TƖŊŊAA LƖƖ 20:8

Máa liisi chɛ-wiesii-la wɩaa dɩ ʋ ŋaa tapʋl-zɔŋ a pɩ mɩ-na ma TƖƖNA.

MOSIS KƐŊ IZIRAL TƖŊŊAA LƖƖ 23:15

Chɛnɛ-la ba sɩɩ yɩrɛ Abib tʋɔŋ, chɛnɛ-la lɛ mɩ sɩ kɛmma lɩɩ Ijipiti tinteeŋ lɛ, má gbieli gbiele-la ba sɩ yie gbieli a dii boroboro-la sɩ bɩ sɩbʋrʋŋ kɛnɛ. Tapʋlaa balɩpɛ ma jaŋ dii boroboro-la sɩ bɩ sɩbʋrʋŋ kɛnɛ arɩ mɩ sɩ dagɛma ŋɩɩ. Nʋʋkala pɔ dɩ ʋ sɩ́ mɩ sɩpaaŋ kɔ arɩ na-hɩllɩŋ.

MOSIS KƐŊ IZIRAL TƖŊŊAA LƖƖ 3:20

Mɩ jaŋ joŋ mɩ doluŋ a fʋgɛ Ijipiti tɩŋŋaa, a ŋaa wʋmagɩlaa Ijipiti tinteeŋ lɛ. Ŋɩɩ harɩŋ, ʋ jaŋ leŋ dɩ ma mʋ.

MOSIS KƐŊ IZIRAL TƖŊŊAA LƖƖ 34:18

Má gbigbieli gbiele-la ma sɩ yie dii boroboro sɩ bɩ sɩbʋrʋŋ kɛnɛ. Tapʋlaa balɩpɛ ma jaŋ dii boroboro sɩ bɩ sɩbʋrʋŋ kɛnɛ arɩ mɩ sɩ dagɩŋ ŋɩɩ. Ma ŋɩŋaa wɩɩŋ deeŋ chɛnɛ-la ba sɩɩ yɩrɛ Abib tʋɔŋ, bɛɛ wɩaa ʋ tʋɔŋ nɛ ma lɩɩ Ijipiti tinteeŋ lɛ.

MOSIS KƐŊ IZIRAL TƖŊŊAA LƖƖ 6:1

Ŋɩɩ nɛ La TƖƖNA bʋla pɩ Mosis, “Lɛɛlɛ ŋ jaŋ na wɩɩ-la mɩ sɩ jaŋ ŋaa Ijipiti tinteeŋ kuoro lɛ. Mɩ jaŋ fʋgʋ dɩ ʋ leŋ dɩ mɩ nɩaa mʋ. Mɩ jaŋ fʋgʋ dɩ ʋ kiriba dɩ ba lɩɩ ʋ tinteeŋ lɛ.”

MOSIS KƐŊ IZIRAL TƖŊŊAA LƖƖ 6:6

Ŋɩɩ wɩaa, bʋla pɩ Iziral tɩŋŋaa: ‘Mɩ nɛ ŋaa Wɩa, ma TƖƖNA, mɩ jaŋ lɩɩsɛma hɛɛ-la ma sɩɩ na Ijipiti tɩŋŋaa nɩsɩŋ lɛ. Mɩ jaŋ laama ta arɩ mɩ doluŋ, dɩ ma bɩra sɩ́ yosi ŋaa. Mɩ jaŋ dɔgɩsɛ Ijipiti tɩŋŋaa.

MOSIS KƐŊ IZIRAL TƖŊŊAA LƖƖ 6:7

Mɩ jaŋ jomma dɩ ma ŋaa mɩ nɩaa, ka dɩ mɩ ŋaa ma Wɩa. Ŋɩɩ nɛ ma jaŋ jɩŋ arɩ mɩ nɛ ma Wɩa, ma TƖƖNA, Wɩa-la sɩ laama ta hɛɛ-la ma fa sɩɩ na Ijipiti tɩŋŋaa nɩsɩŋ lɛ.

MOSIS KƐŊ IZIRAL TƖŊŊAA LƖƖ 7:4

A tɩŋ Ijipiti tinteeŋ kuoro sɩ bɩ jaŋ jegile nɩɩ ma teeŋ ŋɩɩ, mɩ jaŋ joŋ doluŋ a kɛŋ mɩ nɩaa Iziral tɩŋŋaa a lɩɩ Ijipiti tinteeŋ lɛ.

JƐRƖMAAYA 34:13

“Wɩɩ-la mɩ-na ma TƖƖNA, Iziral tɩŋŋaa Wɩa sɩ bʋla nɛ ŋ-la: Mɩ fa bil niiŋ nɛ mɩ dɩ ma naabalɩmaba pɛgɛ, bʋa-la lɛ mɩ sɩ kɛmba kaa kʋ lɩɩ Ijipiti tinteeŋ lɛ, lee-la ba fa sɩ ŋaa yosi. Mɩ fa bʋla pɩba:

DANƖƐL 9:15

La TƖƖNA Wɩa, ŋ nɛ kɛŋ ŋ naduo-la a kɛŋ ŋ nɩaa kaa lɩɩ Ijipiti tinteeŋ lɛ a laa yɩrɩŋ pɩ ŋ tɩtɩa a kaa kɔ arɩ jɩnɩŋ. La ŋaa wʋbɔŋ nɛ, la cheye nɛ.

Matiu 10:12

Dɩ ma nɛ mʋ jʋʋ dɩa kala, má laa sɩpaaŋ chʋɔlɛ dɩa-la nɩaa a bʋl, ‘Dɩa deeŋ nɩaa jaŋ hɔŋ arɩ yarɩfɩɛlaa.’

Luuk 22:19

Ŋɩɩ nɛ Yesu bɩra joŋ boroboro a lɔllɛ Wɩa aŋ kaa chɔgɛ chɔgɛ, a joŋo pɩba aŋ bʋl, “Mɩ yaraa nɛ ŋɩɩ, mɩ joŋo pɩ Wɩa a tɩŋ ma wɩaa, má laa dii. Maa ŋaa ŋɩɩ a liliisi mɩ wɩaa.”

1 Kɔrɩntɩ Nɩaa 11:24

a lɔllɛ Wɩa, aŋ kaa chɔgɛ aŋ bʋl, “Mɩ yaraa nɛ ŋ-la mɩ joŋo pɩma, má laa dii. Má ŋaa ŋɩɩ a liliisi mɩ wɩaa.”

1 Kɔrɩntɩ Nɩaa 5:8

Ŋɩɩ wɩaa, má leŋ dɩ la gbieli la dɩɩsɩŋ kiele bal gbiele-la. Má leŋ dɩ la joŋ boroboro bɩnɩɩ-la sɩ kɛŋ sɩbʋrʋŋ ta. Sɩ-bʋrʋ-la nagɛ wʋbɔmʋŋ arɩ tʋɔbɔmʋŋ nɛ. Má leŋ dɩ la gbieli arɩ boroboro-la sɩ bɩ sɩbʋrʋŋ kɛnɛ. Boroboro deeŋ nagɛ wʋtɩtɩɩ arɩ tʋɔ-bala nɛ.

Ɛfɛsɩs Nɩaa 1:19

Mɩ bɩraa sʋlʋ dɩ ʋ wuo leŋ dɩ ma jɩŋ ŋɩɩ ʋ dol-bal-la sɩ bɩ magɩa kɛnɛ nɩalɩŋ sɩ laa ʋ wɩaa dii teeŋ. Ʋ yie to ʋ dol-bal-la lɛ nɛ a tɩŋ ʋ tɩntɩŋŋaa.

MOSIS BƖRA WULLI WƖA WOMBIIŊ 13:10

Má yagʋ kpʋ arɩ tabɩaa, bɛɛ wɩaa ʋʋ walɩmɛ dɩ ma vɩa ma TƖƖNA Wɩa niiŋ nɛ, ʋ nɛ kɛmma lɩɩ Ijipiti tinteeŋ lɛ, lee-la ma fa sɩ hɛ a ŋaa yosi.

MOSIS BƖRA WULLI WƖA WOMBIIŊ 13:11

Dɩ ma nɛ kpʋ nɩɩ-la dɩ Iziral tɩŋŋaa kala nɩɩ, fawʋllʋŋ jaŋ kɛmba. Ba kʋŋkala maachie bɩra bɩ jaŋ ŋaa wʋbɔŋ-la doho.

MOSIS BƖRA WULLI WƖA WOMBIIŊ 13:5

Wɩa wʋlaabʋllʋ-la koo nɩɩ-la sɩɩ dagɛ duosoo bʋbʋɔŋ maga dɩ ma kpʋʋ, bɛɛ wɩaa wɩalɩŋ ʋ sɩ bʋla lɩɩ wɩalɩŋ ma TƖƖNA Wɩa sɩ daga harɩŋ nɛ. Ʋ nɛ kɛmma kʋ lɩɩ Ijipiti tinteeŋ lɛ, a laama ta lee-la ma fa sɩ hɛ a ŋaa yosi. Nɩdoho deeŋ ka walɩmɛ dɩ ʋ lɩɩsɛma wombii-la ma TƖƖNA Wɩa sɩ dagɛma lɛ nɛ. Má kpʋ nɩɩ-la a giri wʋbɔŋ-la ta ma tʋɔŋ.

MOSIS BƖRA WULLI WƖA WOMBIIŊ 13:6

Dɩ ŋ naambie tɩtɩa koo ŋ bie koo ŋ tolo koo ŋ hachooluŋ koo ŋ nandɔŋ-fɩɛmɩŋ nɛ lʋara nyɩsɩŋ a bʋl, “Leŋ dɩ la mʋ a to vesiŋ a pɛ La Tɩɩna lɛ,” vesi-la ma dɩ ma nyɩmmaba kʋŋkala ha sɩ bɩ to aŋ ka,

MOSIS BƖRA WULLI WƖA WOMBIIŊ 15:15

Ma jɩŋ arɩ ma ma fa ŋaa yosi nɛ Ijipiti tinteeŋ lɛ, ma TƖƖNA Wɩa laama ta, ŋɩɩ nɛ tɩɩ mɩ joŋ wɩɩŋ deeŋ aa dagɛma jɩnɩŋ.

MOSIS BƖRA WULLI WƖA WOMBIIŊ 16:1

Chɛnɛ-la ba sɩɩ yɩrɛ Abib tʋɔŋ, má gbieli ma TƖƖNA Wɩa dɩɩsɩŋ kiele bal gbiele, bɛɛ wɩaa chɛnɛ-la tʋɔŋ tɩtaŋɩŋ nɛ ʋ kɛmma kaa kʋ lɩɩ Ijipiti tinteeŋ lɛ.

MOSIS BƖRA WULLI WƖA WOMBIIŊ 16:12

Má jɩŋ arɩ ma fa ŋaa yosi nɛ Ijipiti tinteeŋ lɛ, ŋɩɩ wɩaa má fɩɛlɛ ma sɩaa a to wɩaa deemba mɩ sɩɩ dagɛma.

MOSIS BƖRA WULLI WƖA WOMBIIŊ 16:3

Dɩ ma nɩɩ dii gbiele-la kʋdiilee, má sɩ́ boroboro-la sɩ kɛŋ sɩbʋrʋŋ dii. Má dii boroboro-la sɩ bɩ sɩbʋrʋŋ kɛnɛ ŋɩɩ tapʋlaa balɩpɛ, dɩ ʋ liliisima hɛɛ-la ma sɩ na bʋa-la lɛ ma sɩɩ chɛ lɩma lɩma dɩ ma lɩɩ Ijipiti tinteeŋ lɛ.

MOSIS BƖRA WULLI WƖA WOMBIIŊ 24:18

Má liise yi arɩ ma fa ŋaa yosi nɛ Ijipiti tinteeŋ lɛ, ma TƖƖNA Wɩa laama ta, a kɛmma lɩɩ nɩmɛ. Ŋɩɩ nɛ tɩɩ mɩ sɩ ma to wɩɩŋ deeŋ ŋɩɩ.

MOSIS BƖRA WULLI WƖA WOMBIIŊ 24:22

Má liise yi arɩ ma fa ŋaa yosi nɛ Ijipiti lɛ. Ŋɩɩ nɛ tɩɩ mɩ sɩ ma to wɩɩŋ deeŋ ŋɩɩ.

MOSIS BƖRA WULLI WƖA WOMBIIŊ 26:8

Ŋɩɩ nɛ La TƖƖNA kɛŋ ʋ doluŋ a ŋaa wʋmagɩlaa arɩ wʋkpuŋkperisiŋ arɩ wɩalɩŋ sɩ kɛŋ fawʋllʋŋ a kɛnla kaa lɩɩ Ijipiti tinteeŋ lɛ.

MOSIS BƖRA WULLI WƖA WOMBIIŊ 4:34

Veŋ bɛɛ nɛ hɛ nɩmɛ a jaŋ wuo mʋ tinteeŋ tʋɔŋ a ŋaa wɩaa magɩsɛba, a ŋaa wʋkpuŋkperisiŋ arɩ wʋmagɩlaa, a yuo laalɩŋ, a dagɛ ʋ doluŋ a ŋaa wɩaa sɩ kɛŋ fawʋllʋŋ a laa ʋ nɩaa tintee-la nɩaa teeŋ? Ŋ-la nɛ ma TƖƖNA Wɩa ŋaa ma sɩɩŋ lɛ aŋ laama kaa kʋ lɩɩ Ijipiti tinteeŋ lɛ.

MOSIS BƖRA WULLI WƖA WOMBIIŊ 5:15

Má jɩŋ arɩ ma fa ŋaa yosi nɛ Ijipiti tinteeŋ lɛ, mɩ-na ma TƖƖNA Wɩa kɛŋ mɩ doluŋ a kɛmma kaa kʋ lɩɩ. Ŋɩɩ nɛ tɩɩ mɩ-na ma TƖƖNA bʋla pɩma arɩ ma tuto mɩ chɛ-wiesii-la woruŋ ŋɩɩ.

MOSIS BƖRA WULLI WƖA WOMBIIŊ 5:6

Mɩ nɛ ŋaa ma TƖƖNA Wɩa, mɩ nɛ kɛmma kaa kʋ lɩɩ Ijipiti tinteeŋ lɛ, lee-la ma fa sɩ hɛ a ŋaa yosi.

MOSIS BƖRA WULLI WƖA WOMBIIŊ 6:12

má sɩ́ ma TƖƖNA wɩaa yʋ. Ʋ nɛ kɛmma kaa kʋ lɩɩ Ijipiti tinteeŋ lɛ, lee-la ma fa sɩ hɛ a ŋaa yosi.

MOSIS BƖRA WULLI WƖA WOMBIIŊ 6:21

Má bʋla pɩba, “La fa ŋaa yosi nɛ Ijipiti tinteeŋ kuoro nɩsɩŋ lɛ, ŋɩɩ nɛ La TƖƖNA joŋ doluŋ a yuo laala.

MOSIS BƖRA WULLI WƖA WOMBIIŊ 7:8

Ama La TƖƖNA paala choma nɛ a bɩ chɛ dɩ nii-la ʋ sɩ hɛ pɩ ma naabalɩmaba kʋ ŋaa pɛɩ. Ŋɩɩ nɛ tɩɩ ʋ yuo laama arɩ ʋ doluŋ Ijipiti tinteeŋ kuoro nɩsɩŋ lɛ, a kɛmma kaa kʋ lɩɩ Ijipiti tinteeŋ lɛ, lee-la ma fa sɩ hɛ a ŋaa yosi.

MOSIS BƖRA WULLI WƖA WOMBIIŊ 8:14

ma pʋpɔ má sɩ́ ma tɩtɩa dagʋ a yʋ ma TƖƖNA Wɩa wɩaa. Ʋ nɛ kɛmma kaa kʋ lɩɩ Ijipiti tinteeŋ lɛ, lee-la ma fa sɩ hɛ, a ŋaa yosi.

MOSIS BƖRA WULLI WƖA WOMBIIŊ 9:12

Ŋɩɩ nɛ La TƖƖNA bʋla pɩmɛ, “Lɩɩ peel-la nyuŋ a tuu lɩma, bɛɛ wɩaa nɩalɩŋ ŋ sɩ kaa lɩɩ Ijipiti tinteeŋ lɛ yeŋŋe nɛ a ŋaa wʋbɔŋ. Ba vɩa wɩalɩŋ mɩ sɩ dagɛba nɛ, aŋ libi vene a pɩ ba tɩtɩa.”

JOSUA 24:17

La TƖƖNA Wɩa tɩtɩa nɛ kɛŋ la arɩ la naabalɩmaba lɩɩ Ijipiti tinteeŋ lɛ, tintee-la lɛ la fa sɩ hɛ a ŋaa yosi. Ʋ ŋaa wʋmagɩlaa la sɩɩŋ lɛ nɛ, a pɔla wombii-la kala lɛ la sɩ vɛnɛ arɩ tinteye-la tʋɔŋ la sɩ to lɩɩ.

SƖPAALAARAA 2:12

Ba vɩa La TƖƖNA nɛ, ba naabalɩmaba Wɩa sɩ kɛmba kaa kʋ lɩɩ Ijipiti tinteeŋ lɛ, aŋ kpʋkpaarɛ nɩalɩŋ sɩ golliba vesiŋ. Ba ŋaa La TƖƖNA baanɩŋ sii nɛ,

SƖPAALAARAA 6:8

ʋ tɩŋ ʋ wʋlaabʋlla. Ʋ kʋ bʋla pɩba, “Wɩɩ-la La TƖƖNA Iziral Wɩa sɩ bʋla nɛ ŋ-la: ‘Mɩ nɛ kɛmma lɩɩ Ijipiti tinteeŋ lɛ, lee-la ma fa sɩ hɛ a ŋaa yosi.