MOSIS KƐŊ IZIRAL TƖŊŊAA LƖƖ 13:2 - WƖA TENIŊ

² “Dɩ Iziral tɩɩna kala nɛ lʋl ʋ hambolibii bumbuŋ, ʋ joŋo pɩmɛ, dɩ pʋna ma nɛ lʋl ʋ bii-bumbuŋ dɩ ʋ ŋaa bele, mɩ nɛ tɩɩʋ.”

MOSIS KƐŊ IZIRAL TƖŊŊAA LƖƖ 13:2 ပူးပေါင်းရင်းမြစ်များ

NƐHƖMAAYA 10:36

La jaŋ kɛŋ la hambolibii bumbumba a kɔ Wɩa dɩɩ-balɩŋ Wɩɩsʋllɩ sɩpaalaaraa sɩɩ tɩŋ nɩmɛ teeŋ a joŋo hɛ Wɩa nɩsɩŋ lɛ, la jaŋ kɛŋ la nɛsɩŋ, piesee arɩ bʋʋnaa ma bii-bumbumba kɔ nɩmɛ a joŋo pɩ Wɩa, arɩ ba sɩ ŋmʋnsɛ ŋɩɩ hɛ Wɩa wombiee tʋɔŋ.

NƐHƖMAAYA 10:37

La ha bɩra jaŋ kɛŋ la mɩɩ-falaa, la tɩɩ-nɛŋ bumbumba, girep nɛnɛɛ sɩ-falɩŋ arɩ la olif nʋʋ-bumbuŋ kaa kɔ Wɩa dɩɩ-balɩŋ a joŋo pɩ Wɩɩsʋllɩ sɩpaalaaraa. La jaŋ kɛŋ la kʋdiilee kpaa leree fii a joŋ kʋbala kaa kʋ pɩ Levi doho nɩaa, bɛɛ wɩaa ba nɩɩ laa kpaalɩŋ fii tʋɔŋ kʋbala deeŋ tasɩ-la kala lɛ la sɩɩ tɩŋ.

MOSIS KƐŊ IZIRAL TƖŊŊAA LƖƖ 13:1

Ŋɩɩ nɛ La TƖƖNA bʋla pɩ Mosis,

MOSIS KƐŊ IZIRAL TƖŊŊAA LƖƖ 22:28

Má pɔ dɩ ma sɩ́ wʋbɔŋŋɔɔ bʋl a mʋ tɩgɛ mɩ-na Wɩa lɛ a sɩ́ kalɩba hɛ ma kuoroo lɛ.

MOSIS KƐŊ IZIRAL TƖŊŊAA LƖƖ 23:19

Má kɛŋ ma kʋdii falaa ma sɩ ŋaa kʋzɔŋŋɔɔ kaa kɔ mɩ-na ma TƖƖNA Wɩa dɩa a zilmi. Ma pɔ má sɩ́ bʋ-bie koo pie-bie joŋo hɛ ʋ naaŋ yɩlɩŋ lɛ a chɔ.

MOSIS KƐŊ IZIRAL TƖŊŊAA LƖƖ 4:22

Dɩ ŋ nɛ mʋa, bʋla pɩ Ijipiti tinteeŋ kuoro arɩ La TƖƖNA Wɩa sɩ, ‘Iziral tɩŋŋaa nagɛ mɩ hambolibii bumbuŋ nɛ.

ƐZƖKƖƐL 16:20

Ŋ joŋ ŋ hambolibiisi-la arɩ hantolibiisi-la ŋ sɩ lʋla pɩmɛ a kpaarɛ tɔŋŋɔɔ nɛ. Hachɔrʋŋ wɩalɩŋ ŋ sɩ ŋaa bɩ magaa?

ƐZƖKƖƐL 16:21

Ŋ kɛsɛ mɩ biiriŋ nɛ a kaa kpaarɛ tɔŋŋɔɔ.

LEVI DOHO NƖAA 27:26

Nʋʋkala bɩ jaŋ wuo joŋ piese koo bʋʋŋ koo nɛŋ sɩ lʋl ʋ bii-bumbuŋ hɛ mɩ-na ma TƖƖNA nɩsɩŋ lɛ, bɛɛ wɩaa ma paala jɩŋ arɩ ba-na ŋaa mɩ kɩaa nɛ.

NAMBABA 18:15

Nuhuobiinee arɩ pʋsʋŋ kala bii-bumbumba-la ba sɩ joŋo pɩ mɩ-na ma TƖƖNA, ma nɛ tɩɩba, ama má leŋ dɩ ba time laa hambolibii bumbumba arɩ pʋsʋ-la sɩ kɛŋ disiniŋ bii-bumbumba sɩ ŋaa belliŋ.

NAMBABA 3:12

“Mɩ lɩɩsɛ Levi doho nɩaa nɛ Iziral tɩŋŋaa tʋɔŋ dɩ ba nɛ chɩŋ Iziral tɩŋŋaa haal na-kala hambolibii bumbuŋ nyuŋ. Mɩ nɛ tɩɩ Levi doho nɩaa,

NAMBABA 3:13

bɛɛ wɩaa hambolibii bumbumba kala ŋaa mɩ kɩaa nɛ. Bʋa-la lɛ mɩ sɩ kpʋ Ijipiti tɩŋŋaa hambolibii bumbumba, mɩ lɩɩsɛ Iziral tɩŋŋaa hambolibii bumbumba nɛ dɩ ba ŋaa mɩ kɩaa, nuhuobiinee arɩ pʋsʋŋ kala. Mɩ nɛ ma TƖƖNA.”

MOSIS BƖRA WULLI WƖA WOMBIIŊ 15:19

Má joŋ ma pʋsʋŋ bii-bumbumba sɩ ŋaa belliŋ a pɩ ma TƖƖNA Wɩa. Ma pɔ má sɩ́ ma nɛsɩŋ bii-bumbumba-la kaa tɩŋ tɩntɩŋŋaa, a pʋpɔ má sɩ́ ma piesee ma bii-bumbumba pʋnaa kɛ.

Hiburu TƖŊŊAA 12:23

lee-la nɛ nɩalɩŋ Wɩa sɩ laa sɩpaaŋ laa ta hɛ, nɩalɩŋ yɩraa ʋ sɩ ŋmʋnsa bil ʋ jaŋ lɛ. Ma kɔ Wɩa teeŋ nɛ, nɩɩ-la sɩ jaŋ dii nʋʋkala sarɩya. Ma kɔ Wɩa nɩalɩŋ sɩ sʋba teeŋ nɛ, nɩalɩŋ ʋ sɩ leŋe ba ŋaa tʋɔpʋl tɩŋŋaa ʋ sɩpaaŋ.