MOSIS KƐŊ IZIRAL TƖŊŊAA LƖƖ 12:3 - WƖA TENIŊ

³ Bʋla pɩ Iziral tɩŋŋaa kala, chɛnɛ deeŋ tapʋlaa fii chɛɛŋ, dɩa tɩɩna-kala jaŋ kpʋ pie-bie a pɩ ʋ dɩa nɩaa.

MOSIS KƐŊ IZIRAL TƖŊŊAA LƖƖ 12:3 ပူးပေါင်းရင်းမြစ်များ

1 Kɔrɩntɩ Nɩaa 5:7

Má joŋ sɩ-bʋrʋ-bɩnɩɩ-la sɩ ŋaa wʋbɔŋ a ta. Dɩ ma nɛ ŋaa ŋɩɩ, ma jaŋ wuo ŋaa tʋɔpʋl tɩmma, a wuo nagɛ boroboro muŋ-falɩɩ-la ba ha sɩ bɩ sɩbʋrʋŋ hɛ. Ma saa jɩma arɩ ma bɩ wʋbɔŋ kɛnɛ. La kɛŋ la tɩtɩa hɛ dɔŋɔ dɩ la gbieli dɩɩsɩŋ kiele bal gbiele-la nɛ. Kirisito nɛ ŋaa Pie-bie-la ba sɩ kpʋa dɩ la kaa dii la dɩɩsɩŋ kiele bal gbiele-la.

Jɔɔŋ 1:29

Ʋ taŋ sɩ pʋla, Jɔɔŋ na Yesu dɩ ʋ tʋʋlʋ kʋkɔ. Ʋ bʋl, “Má bee na, Wɩa Pie-bie-la nɛ ŋɩɩ. Ʋ nɛ laa dʋnɩa wʋbɔŋŋɔɔ ta.

LEVI DOHO NƖAA 5:6

A tɩŋ ʋ sɩ ŋaa wɩɩ-la chei, ʋ maga dɩ ʋ lɩɩsɛ pie-nɩɩŋ koo bʋ-nɩɩŋ a kaa kʋ ŋaa wʋbɔŋŋɔɔ Wɩɩsʋlʋŋ pɩ mɩ-na ma TƖƖNA, dɩ Wɩɩsʋllɩ sɩpaalaara pɩɩsɛ ʋ wʋbɔmʋŋ ta.

LEVI DOHO NƖAA 1:2

“Bʋla pɩ Iziral tɩŋŋaa: ‘Dɩ ma kʋŋkala nɩɩ chɛ dɩ ʋ kɛŋ pʋna kʋ ŋaa Wɩɩsʋlʋŋ pɩmɛ, ʋ jaŋ wuo lɩɩsɛ nɛŋ koo piese koo bʋʋŋ.

Jɔɔŋ 12:12

Taŋ sɩ pʋla, nɩ-daŋ-la sɩ kɔ dɩɩsɩŋ kiele bal gbiele-la nɩɩ arɩ Yesu ka kɔ Jerusalɛm nɛ.

Jɔɔŋ 1:36

a na Yesu dɩ ʋʋ bal. Jɔɔŋ sɩ naʋ dɩ ʋʋ bal, ŋɩɩ nɛ ʋ bʋl, “Má bee na, Wɩa Pie-bie-la nɛ ŋ-la.”

2 IZIRAL TƖŊŊAA NAABARƖŊ 35:7

Kuoro Josaaya fa lɩɩsɛ ʋ tɩtɩa piesee arɩ bʋʋnaa bʋɩ mara arɩ fii nɛ, a pɛ nɛ-belliŋ ma bʋɩ batori lɛ a pɩ nɩalɩŋ kala dɩ ba kaa ŋaa dɩɩsɩŋ kiele bal gbiele-la Wɩɩsʋlʋŋ.

NAMBABA 15:11

Ŋɩɩ nɛ maga dɩ ma ŋaa nɛ-bel-pɔrʋŋ lɛ, koo pie-bie, koo pie-bele koo bʋ-bie lɛ.

MOSIS KƐŊ IZIRAL TƖŊŊAA LƖƖ 12:6

Dɩ ma nɛ lɩɩsɛ pʋsʋ-la, má beŋ ba nyuŋ a mʋ yi chɛŋ-bumbuŋ-la tapʋlaa fii arɩ banɛsɛ chɛɛŋ, dɩ Iziral tɩɩna-kala kpʋ ʋ pʋna wɩɩ-mul-jʋʋlʋŋ lɛ.

MOSIS KƐŊ IZIRAL TƖŊŊAA LƖƖ 6:6

Ŋɩɩ wɩaa, bʋla pɩ Iziral tɩŋŋaa: ‘Mɩ nɛ ŋaa Wɩa, ma TƖƖNA, mɩ jaŋ lɩɩsɛma hɛɛ-la ma sɩɩ na Ijipiti tɩŋŋaa nɩsɩŋ lɛ. Mɩ jaŋ laama ta arɩ mɩ doluŋ, dɩ ma bɩra sɩ́ yosi ŋaa. Mɩ jaŋ dɔgɩsɛ Ijipiti tɩŋŋaa.

MOSIS KƐŊ IZIRAL TƖŊŊAA LƖƖ 4:30

Arɔŋ bʋl wɩalɩŋ kala Wɩa sɩ bʋla pɩ Mosis a pɩba, ŋɩɩ nɛ Mosis ŋaa wʋmagɩla-la Wɩa sɩ dagʋ nɩalɩŋ sɩpaaŋ.

WƖAA DƖ-SUOMUŊ 22:8

Ŋɩɩ nɛ Abɩraham bʋl, “Mɩ bii, Wɩa tɩtɩa nɛ jaŋ pɩla piesu-la la sɩ jaŋ kpʋ a nyɩga pʋ.” Ŋɩɩ nɛ ba to dɔŋɔ a mʋmʋ lee-la.

WƖAA DƖ-SUOMUŊ 4:4

Abɛl ma kɛŋ ʋ piesee dɔŋɔ sɩ lʋl pie-kee bumbuŋ a kpʋ a joŋ nammɩa-la lere-la sɩ zɔmɔ a ŋaa Wɩɩsʋlʋŋ. La TƖƖNA tʋɔŋ tɔrɛ Abɛl Wɩɩsʋlɩɩ-la nyuŋ,

Jɔɔŋ Wʋnaalaa 13:8

Nɩɩ-la kala yɩrɩŋ sɩ tuo mɩɩsɩŋ teŋ-la lɛ a lɩɩ dʋnɩa dɩ-suomuŋ, jaŋ dɛnnɛ baga kʋ-la. Pie-bie-la ba sɩ kpʋa nɛ tɩɩ teŋ-la.

1 SAMƲƐL 7:9

Ŋɩɩ nɛ Samʋɛl kɛŋ pie-bie ha sɩɩ wasɛ yɩlɩŋ a kpʋ a nyɩgɛ ʋ kala a ŋaa kʋnyɩgaa Wɩɩsʋlʋŋ pɩ La TƖƖNA, aŋ bunso pɩ La TƖƖNA a tɩŋ Iziral tɩŋŋaa wɩaa. Ŋɩɩ nɛ La TƖƖNA nɩɩ ʋ bunso.

JOSUA 7:14

Bʋla pɩba, chʋchʋɔŋ ba jaŋ kʋ lɩɩ doho doho. Doho-la kala mɩ-na ma TƖƖNA sɩ jaŋ lɩɩsɛ, jaŋ kʋ lɩɩ nyɩŋ-nɩa nyɩŋ-nɩa. Nyɩŋ-nɩalɩŋ mɩ-na ma TƖƖNA sɩ jaŋ lɩɩsɛ jaŋ kʋ lɩɩ dɩa dɩa. Dɩa-la ma kala mɩ-na ma TƖƖNA sɩ jaŋ lɩɩsɛ, jaŋ kʋ lɩɩ kʋŋ kʋŋ.

MOSIS KƐŊ IZIRAL TƖŊŊAA LƖƖ 20:19

aŋ bʋla pɩ Mosis, “Ŋ tɩtɩa bʋl wɩaa pɩpɩla, la jaŋ jegile nɩɩ. Sɩ́ leŋe dɩ Wɩa nɛ bʋla pɩla, dɩ ŋɩɩ dee, la jaŋ sʋʋ.”

MOSIS KƐŊ IZIRAL TƖŊŊAA LƖƖ 14:15

Ŋɩɩ nɛ La TƖƖNA bʋla pɩ Mosis, “Bɛɛ nɛ tɩɩ ŋ bunso pɩpɩmɛ? Bʋla pɩ Iziral tɩŋŋaa dɩ ba vɩvɛŋ, ba sɩ́ chɩŋ.

Jɔɔŋ 12:1

Lɛɛlɛ ʋ ka tapʋlaa balɩdʋ nɛ, ka dɩ Juu tɩŋŋaa dɩɩsɩŋ kiele bal gbiele-la-na yi. Ŋɩɩ nɛ Yesu sii mʋ Bɛtanɩ, lee-la Lazarɔs sɩ hɛ, baal-la ʋ fa sɩ chɩsa sʋʋŋ lɛ.

MOSIS KƐŊ IZIRAL TƖŊŊAA LƖƖ 12:2

“Chɛnɛ deeŋ nɛ jaŋ ŋaa ma jɩna tʋɔŋ chɛŋ-bumbuŋ.

MOSIS KƐŊ IZIRAL TƖŊŊAA LƖƖ 12:4

Dɩ dɩa-la nɩaa nɛ bɩ yʋgɛ a bɩ pie-pilimiŋ wuo chaŋ, ʋ maga dɩ ba pɛ dɩa-la sɩ kpagɛba nɩaa lɛ dɩ ba kala kpʋ pie-bala a chaŋ.

MOSIS KƐŊ IZIRAL TƖŊŊAA LƖƖ 12:21

Ŋɩɩ nɛ Mosis yɩrɛ Iziral tɩŋŋaa kʋhɩasɩŋ hɛ dɔŋɔ a bʋla pɩba, “Má kʋŋkala mʋ lɩma a lɩɩsɛ pie-bel pɔrʋŋ a pɩ ma dɩa nɩaa dɩ ba kpʋ La TƖƖNA dɩɩsɩŋ kiele bal pʋna.

ƐZƖKƖƐL 40:1

La sɩ hɛ yoŋ-baga lɛ jɩsɩŋ mara arɩ banɔŋ chɛŋ bumbuŋ tapʋl fii chɛɛŋ, dɩ ba sɩ yuo dii Jerusalɛm ma ʋ jɩsɩŋ fii arɩ banɛsɛ tʋɔŋ nɛ ŋɩɩ. Tapʋlɩɩ-la la TƖƖNA doluŋ kʋ jʋʋmɛ a jommi kaa mʋ Iziral tinteeŋ.