MOSIS KƐŊ IZIRAL TƖŊŊAA LƖƖ 10:3 - WƖA TENIŊ

³ Ŋɩɩ nɛ Mosis arɩ Arɔŋ mʋ Ijipiti tinteeŋ kuoro teeŋ, a bʋla pʋ, “La TƖƖNA, Iziral tɩŋŋaa Wɩa sɩ, ‘Ɛɛ nɛ ŋ chɛ dɩ ŋ vɩa mɩ niiŋ diene magɛ? Leŋ dɩ mɩ nɩaa mʋ a chʋɔlɛmɛ.

MOSIS KƐŊ IZIRAL TƖŊŊAA LƖƖ 10:3 ပူးပေါင်းရင်းမြစ်များ

1 KUOROO 18:21

Ɩlaaja mʋ chɩŋ nɩalɩŋ sɩpaaŋ aŋ bʋl, “Ɛɛ nɛ maa chɛ dɩ ma diene magɛ aŋ joŋ wɩaa deemba balɩa kʋ-la sɩ maga dɩ ma to? Dɩ La TƖƖNA nɛ ŋaa Wɩa, má tou, ama dɩ Baal ma nɛ ŋaa Wɩa, má tou.” Ama nɩalɩŋ bɩ wɩɩkala bʋla.

1 KUOROO 21:29

“Ŋ na ŋɩɩ Ahab sɩ kɛŋ ʋ tɩtɩa muuri mɩ sɩpaaŋ? A tɩŋ ŋɩɩ wɩaa, mɩ bɩ jaŋ ŋaa wʋlɔrʋ-la ʋ mɩɩsɩŋ lɛ, ama mɩ jaŋ ŋaa wʋlɔrʋ-la ʋ dɩa lɛ bʋa-la lɛ ʋ nanʋala sɩ jaŋ dii kuoruŋ.”

2 KUOROO 22:19

A tɩŋ ŋ tʋɔŋ sɩ cheye ŋ kɛŋ ŋ tɩtɩa muuri mɩ-na ma TƖƖNA sɩpaaŋ, ŋ sɩ nɩa arɩ mɩ jaŋ chei Jerusalɛm arɩ ʋ nɩaa, ka dɩ lee-la pɩŋ jikpeeŋ, ŋ kɛŋ ŋ gɛnnɩŋ kɩɛsɛ a yel mɩ sɩpaaŋ, ŋɩɩ wɩaa mɩ jegile nɩɩ ŋ sʋla nɛ. Mɩ-na ma TƖƖNA nɛ bʋla.

2 IZIRAL TƖŊŊAA NAABARƖŊ 33:12

Ʋ sɩ hɛ nɩmɛ a nɩna hɛɛŋ, ʋ leŋ ʋ sɩaa tuu tinteeŋ ʋ nyɩmmaba Wɩa teeŋ, aŋ sʋl ʋ TƖƖNA Wɩa dɩ ʋ pɛ ʋ lɛ.

2 IZIRAL TƖŊŊAA NAABARƖŊ 33:19

Ʋ sɩ sʋl Wɩa arɩ ŋɩɩ Wɩa sɩ laa ʋ sʋla, ʋ sɩ vɩa Wɩa aŋ ŋaa wʋbɔmɔ-la kala aŋ bɩrɩma lɩɩ ba lɛ, ʋ sɩ ŋaa veŋ-kpaarɛ lere-la, a joŋ Asɩra daasɩŋ pɛ, tɔmɔ-la ʋ sɩ kpaara lɛ, ba kala nɛ ba ŋmʋnsa hɛ Wɩa wʋlaabʋllaa tenniŋ tʋɔŋ.

2 IZIRAL TƖŊŊAA NAABARƖŊ 34:27

A tɩŋ ŋ tʋɔŋ sɩ cheye ŋ kɛŋ ŋ tɩtɩa muuri mɩ sɩpaaŋ, ŋ sɩ nɩɩ wɩalɩŋ mɩ sɩ bʋla arɩ mɩ jaŋ chei Jerusalɛm arɩ ʋ nɩaa, ŋ tɩŋ ŋɩɩ wɩaa a kɛŋ ŋ gɛnnɩŋ kɩɛsɛ a yel mɩ sɩpaaŋ, mɩ jegile nɩɩ ŋ sʋla nɛ. Mɩ-na ma TƖƖNA nɛ bʋla.

2 IZIRAL TƖŊŊAA NAABARƖŊ 7:14

dɩ mɩ nɩaa nɛ jaŋ kɛŋ ba tɩtɩa muuri a sʋla chɩchɛmɛ, aŋ bɩrɩma lɩɩ ba wʋbɔŋŋɔɔ lɛ, mɩ hɛ mɩ jaŋ lɛ nɛ, mɩ jaŋ nɩɩ ba sʋla a joŋ ba wʋbɔŋŋɔɔ chɛba aŋ leŋ dɩ ba tinteeŋ fɩɛlɛ.

JOB 42:6

Ŋɩɩ wɩaa, hɩɩsɩŋ kɛmmɛ nɛ a tɩŋ wɩalɩŋ kala mɩ sɩ bʋla wɩaa. Mɩ ŋaa tʋɔrʋŋ bʋgɛ a hɔŋ hagɩla lɛ aa dagɛ arɩ mɩ bɩrɩmɛ mɩ niiŋ nɛ.”

MOSIS KƐŊ IZIRAL TƖŊŊAA LƖƖ 10:4

Dɩ ŋ nɛ vɩa dɩ ŋ leŋ dɩ ba mʋ, mɩ chie jaŋ leŋ dɩ hɔbɔ lɩɩ su ma tinteeŋ kala.

MOSIS KƐŊ IZIRAL TƖŊŊAA LƖƖ 16:28

Ŋɩɩ nɛ La TƖƖNA pɩɛsɛ Mosis, “Ɛɛ nɛ maa chɛ dɩ ma diene magɛ aŋ-na to wombie-la mɩ sɩ bile pɩma arɩ wɩalɩŋ mɩ sɩ dagɛma dɩ ma to?

MOSIS KƐŊ IZIRAL TƖŊŊAA LƖƖ 4:23

Mɩ bʋla pɩŋ arɩ ŋ leŋ dɩ mɩ nanʋala mʋ a na wombiiŋ chʋɔlɛmɛ, ama ŋ vɩa nɛ, ŋɩɩ wɩaa mɩ jaŋ kpʋ ŋ hambolibii bumbuŋ.’ ”

MOSIS KƐŊ IZIRAL TƖŊŊAA LƖƖ 5:1

Ŋɩɩ harɩŋ Mosis arɩ Arɔŋ mʋ Ijipiti tinteeŋ kuoro teeŋ a bʋla pʋ, “Wɩɩ-la La TƖƖNA Iziral tɩŋŋaa Wɩa sɩ bʋla nɛ ŋ-la, ‘Pɩ mɩ nɩaa wombiiŋ dɩ ba mʋ a gbiele pɩmɛ tintee-hɩlɩŋ lɛ.’ ”

MOSIS KƐŊ IZIRAL TƖŊŊAA LƖƖ 9:17

Ŋ ha kɛŋ ŋ tʋɔŋ nɛ a bɩ chɛ dɩ ŋ leŋ dɩ mɩ nɩaa mʋ,

NAMAGABA 1:22

“Nɩyaaraa, ɛɛ nɛ maa chɛ dɩ ma yaara diene magɛ? Ɛɛ nɛ maa chɛ dɩ ma sieri wʋjɩmɩŋ lɛ a diene magɛ? Ɛɛ nɛ maa chɛ dɩ ma bɛrɛ wʋjɩmɩŋ a diene magɛ?

NAMAGABA 1:24

Ama mɩ sɩ yɩrɛma ma vɩa wɩaa, mɩ kɛŋ mɩ nɩsɩŋ yɩa, ka ma kʋŋkala bɩ kɛnɛ.

NAMAGABA 18:12

Babii-ballɩŋ yie leŋ ʋ tɩɩna tel nɛ, ama dɩ nʋʋ nɛ kɛŋ ʋ tɩtɩa muuri, ba jaŋ zilu.

AZAAYA 1:5

Bɛɛ nɛ tɩɩ ma vɩvɩa ʋ niiŋ deeŋ deeŋ a chɩchɛ dɩ ʋ faasa dɔgɩsɛma? Iziral tɩmma, ma nyuŋ kala nɛ cheye, ma tʋɔbɩɩnaa ma kala vʋgʋmɛ.

AZAAYA 2:11

Tapʋlɩɩ dɔŋ jaŋ kɔ, nuhuobiine dagɛ ŋ-tɩtɩɩ arɩ ʋ babii-ballɩŋ kala jaŋ dɛrɛ. La TƖƖNA yɩrɩŋ dʋndʋŋa nɛ jaŋ yɩyɩrɛ tapʋlɩɩ-la.

JƐRƖMAAYA 13:10

Nɩbɔŋŋɔɔ deemba sɩ vɩa dɩ ba jegile nɩɩ mɩ wɩaa, nɩalɩŋ sɩɩ to ba nyuduoŋ harɩŋ, a kire tuto vʋɩyaa harɩŋ a tɩma pɩpɩba a kpʋkpaarɛba jaŋ nagɛ tɩŋgɛnnɛ deeŋ. Ba jaŋ chei a chaasa ŋaa nɩpɛɩba.

JƐRƖMAAYA 13:18

La TƖƖNA bʋla pɩmɛ, “Bʋla pɩ kuoru-balɩŋ arɩ ha-kuoro, má tuu ma kuoru kpasɩnɩŋ nyuŋ, ma kuori-nyunchu zɔmɔ-la jaŋ suri ma nyusuŋ lɛ a tuu tel.”

JƐRƖMAAYA 50:29

Má yɩrɛ to-yuoroo hɛ Babɩlɔŋ lɛ, nɩalɩŋ kala sɩɩ yuo tosuŋ. Má ŋmoo buguŋ a gollu. Má sɩ́ leŋe dɩ nʋʋkala fori. Má joŋ ʋ wʋŋaalaa chɩmɩŋ tiŋ ʋ lɛ. Má joŋ ŋɩɩ ʋ sɩ ŋaa nɩaa lɛ a ŋaa ʋ ma lɛ. Ʋ chei mɩ-na ma TƖƖNA yɩrɩŋ nɛ, Iziral tɩŋŋaa Wɩa sɩ bɩ disiniŋ kɛnɛ.

ƐZƖKƖƐL 5:6

Ama a tɩŋ ʋ bɔnsʋŋ wɩaa, ʋ vɩa mɩ wombie-la mɩ sɩ bile dɩ ba tuto arɩ wɩalɩŋ mɩ sɩ daga nɛ, a kɩɩ tinteye-la nɩaa sɩ gollu. Ʋ vɩa mɩ wombie-la mɩ sɩ bile nɛ, a bɩ wɩalɩŋ mɩ sɩ daga maa to.

DANƖƐL 5:22

Ama ŋ-na Bɛlɩsaza sɩ ŋaa ʋ nanʋala, ŋ jɩŋ wɩaa deemba kala nɛ aŋ bɩ ŋ tɩtɩa kaa muuri.

NAMBABA 14:27

“Ɛɛ nɛ nɩbɔŋŋɔɔ deemba jaŋ gʋrɩmɛ mɩ teeŋ a diene magɛ? Mɩ nɩɩ wɩalɩŋ kala Iziral tɩmma-la sɩ gʋrʋma mɩ teeŋ nɛ.”

Rom Tɩŋŋaa 2:4

Wɩa sɩ kɛŋ zile kɩŋkɛŋ a kɛŋ kenyiri ŋɩɩ, a nyalɩma pɩma maa ŋaa wɩaa, ma bene arɩ ʋ bɩ kʋŋ ŋaa? Ma bɩ jɩŋ arɩ Wɩa sɩ kɛŋ zile ŋɩɩ, ʋʋ chɛ dɩ ma bɩrɩma lɩɩ ma wʋbɔŋŋɔɔ lɛ nɛɛ?

Hiburu TƖŊŊAA 12:25

Má jegile nɩɩ wɩalɩŋ Yesu sɩɩ bʋl. Má sɩ́ ba vɩa arɩ Iziral tɩŋŋaa sɩ vɩa wɩalɩŋ Mosis fa sɩ bʋla pɩba, Wɩa dɔgɩsɛba ŋɩɩ. Ŋɩɩ wɩaa, dɩ la nɛ vɩa wɩalɩŋ Yesu Kirisito sɩ bʋla, Wɩa jaŋ dɔgɩsɛla a kɩɩ ŋɩɩ ʋ sɩ dɔgɩsɛ Iziral tɩŋŋaa.

Jeems 4:10

Má kɛŋ ma tɩtɩa muuri Wɩa sɩpaaŋ. Dɩ ma nɛ ŋaa ŋɩɩ, ʋ jaŋ kɛmma je.

1 Pɩɩta 5:6

Ŋɩɩ wɩaa, má kɛŋ ma tɩtɩa muuri Wɩa teeŋ. Ʋ nɛ kɛŋ doluŋ aa bemma. Dɩ bʋa-la ʋ sɩɩ chɛ nɛ yie, ʋ jaŋ leŋ dɩ ma ŋaa nɩbalaa.