ƐSƖTA 9:3 - WƖA TENIŊ

³ Kuoro tinteeŋ sɩpaalaaraa, ʋ kuoru-biisiŋ arɩ ʋ tɩntɩnnɩ-hɩasɩŋ kala sii chɩŋ Juu tɩŋŋaa harɩŋ, bɛɛ wɩaa ba faa fa Modikaaya nɛ.

ƐSƖTA 9:3 ပူးပေါင်းရင်းမြစ်များ

ƐZƖRA 2:2

Ba sɩpaalaaraa nɛ fa ŋaa: Zerubabɛl, Jesua, Nɛhɩmaaya, Sɛraaya, Relaaya, Modikaaya, Bɩlɩsaŋ, Mɩsɩpaa, Bɩgɩvaɩ, Rehum arɩ Baana. Iziral tɩmma-la sɩ lɩɩ yoŋ-baga a kɔ arɩ ba doho nɩaa niiŋ nɛ ŋ-la:

ƐZƖRA 8:36

Ŋɩɩ nɛ ba joŋ teŋ-la ma kuoro sɩ ŋmʋnsa a pɩ Yufireti wɩɩjʋʋlʋŋ dɩɩrɩŋ tinteeŋ nɩhɩasɩŋ arɩ ʋ tɩntɩnnɩ-hɩasɩŋ. Ŋɩɩ nɛ ba pɛ Iziral tɩmma-la lɛ arɩ kɩalɩŋ ba sɩ jaŋ kaa tɩŋ Wɩa dɩɩ-bal-la tɩntɩŋŋaa.

ƐSƖTA 3:12

Chɛŋ-bumbuŋ-la ba sɩɩ yɩrɛ Nɩsaŋ tapʋlaa fii arɩ batori chɛɛŋ, Hamaŋ yɩrɛ nɩalɩŋ sɩɩ ŋmʋnsɛ kuoro teniŋ, dɩ ba kɛŋ ba tinteeŋ yikoro na-kala a ŋmʋnsɛ tenniŋ a pɩ ba tinteeŋ sɩpaalaaraa arɩ ʋ tɩntɩnnɩ-hɩasɩŋ. Ŋɩɩ nɛ ba ŋmʋnsɛ tenni-la kuoro yɩrɩŋ lɛ a kɛŋ nenii-pɩrɩ-la kuoro sɩ kaa magɩlɛ ʋ tenniŋ a magɩlɛ.

ƐSƖTA 8:17

Tintee-na kala arɩ taŋ na-kala lɛ tɩndaara-la sɩ kɛŋ nii-la kuoro sɩ bile teniŋ a mʋ karɩma pɩba, Juu tɩmma-la sɩ hɛ nɩmɛ tʋɔŋ yie tɔrɛ nɛ, tapʋlɩɩ-la ŋaa tapʋl-zɔŋ ba gbigbieli. Nɩwogusuŋ dɔnsʋŋ yʋgɛ a joŋ ba tɩtɩa arɩ ba ma ŋaa Juu tɩmma, bɛɛ wɩaa fawʋllʋŋ kɛmba nɛ a tɩŋ Juu tɩmma-la wɩaa.

ƐSƖTA 8:5

Ŋɩɩ nɛ aŋ bʋl, “Kuoro dɩ ŋ tʋɔŋ nɛ jaŋ tɔrɛ, dɩ ŋ nɛ chaasa chomi, mɩɩ sʋlʋŋ ŋmʋnsɛ tenniŋ a tɩa dɩ ba kaa gɔllɛ kpaa ŋ tinteeŋ nɩaa kala a giri wʋbɔŋ-la Hamɛdata nanʋala Hamaŋ, Agag tɩɩna-la sɩ ŋmʋnsɛ pɩ ŋ tinteeŋ nɩaa dɩ ba kpʋ Juu tɩmma-la kala sɩ hɛ ŋ tinteeŋ lɛ ta.

ƐSƖTA 8:9

Chɛŋ tori-la ba sɩɩ yɩrɛ Sɩvaŋ ʋ tapʋlaa mara arɩ batori chɛɛŋ ba yɩrɛ nɩalɩŋ sɩɩ ŋmʋnsɛ kuoro tenniŋ kala hɛ dɔŋɔ. Ba to Modikaaya niiŋ lɛ a ŋmʋnsɛ wɩalɩŋ kala ʋ sɩ daga a pɩ Juu tɩŋŋaa, kuoru-biisiŋ, kuoro tinteeŋ nɩhɩasɩŋ arɩ ʋ tɩntɩnnɩ hɩasɩ-la kala sɩ hɛ ʋ tinteeŋ tasɩ-la zɔlɔ arɩ mara arɩ balɩpɛ lɛ, a chɩŋ taŋ-la ba sɩɩ yɩrɛ Indɩa lɛ a kaa mʋ yi taŋ-la ba sɩɩ yɩrɛ Kus. Taŋ-la kala nɩaa sɩɩ bʋl yikoro-la nɛ ba kaa ŋmʋnsɛ teniŋ pɩba.

DANƖƐL 3:2

Ʋ yɩrɛ ʋ tɩntɩnnɩ-hɩasɩŋ kala, nɩalɩŋ sɩɩ beŋ ʋ tinteeŋ ba sɩ kaa kpaa leree, nɩalɩŋ sɩɩ tɩgɛba lɛ, nɩalɩŋ sɩɩ beŋ ba jaŋ tɩntɩŋŋaa wɩaa, nɩalɩŋ sɩɩ chagɩlɛ kuoro, nɩalɩŋ sɩɩ bil ba moribiee, nɩalɩŋ sɩɩ dii ba sarɩya, sarɩya diiri-hɩasɩŋ arɩ ba tinteeŋ sɛsɩŋ dɔnsʋŋ tɩntɩnnɩ-hɩasɩŋ, dɩ ba kɔ kʋ-la ʋ sɩ ŋaa bil gbiele.