ƐSƖTA 9:2 - WƖA TENIŊ

² Kuoro Zɛzɛs tinteeŋ tasɩ-la kala lɛ, Juu tɩŋŋaa hilimi a ŋaa siri dɩ ba yuo ba dʋndɔŋŋɔɔ. Fawʋllʋŋ kɛŋ nɩwogusu-la ba kʋŋkala bɩ wuo lɩɩ cheŋ Juu tɩmma-la.

ƐSƖTA 9:2 ပူးပေါင်းရင်းမြစ်များ

WƖAA DƖ-SUOMUŊ 35:5

Ba sɩ sie a mʋmʋ, Wɩa leŋ fawʋllʋŋ jʋʋ tasɩ-la kala fa sɩ golli lee-la chu nɩaa, ba kʋŋkala bɩ ba harɩŋ kire.

ƐSƖTA 8:11

Tenni-la lɛ Kuoro pɩ wombiiŋ nɛ dɩ Juu tɩŋŋaa sɩ hɛ ʋ tinteeŋ tasɩ-la kala lɛ wuo kʋ hɛ dɔŋɔ lɛ a pɔ ba tɩtɩa. Dɩ nʋʋ koo dɩ taŋ nɩaa nɛ sii kɔ dɩ ba kpʋ ba dɩ ba haalaa arɩ ba biiriŋ, dɩ ba wuo kpʋ ba dʋndɔmɔ-la kala aŋ paa ba dʋa.

ƐSƖTA 8:17

Tintee-na kala arɩ taŋ na-kala lɛ tɩndaara-la sɩ kɛŋ nii-la kuoro sɩ bile teniŋ a mʋ karɩma pɩba, Juu tɩmma-la sɩ hɛ nɩmɛ tʋɔŋ yie tɔrɛ nɛ, tapʋlɩɩ-la ŋaa tapʋl-zɔŋ ba gbigbieli. Nɩwogusuŋ dɔnsʋŋ yʋgɛ a joŋ ba tɩtɩa arɩ ba ma ŋaa Juu tɩmma, bɛɛ wɩaa fawʋllʋŋ kɛmba nɛ a tɩŋ Juu tɩmma-la wɩaa.

ƐSƖTA 9:10

Hamɛdata nanʋala Hamaŋ Juu tɩŋŋaa dʋndɔŋ-la fa kɛŋ biiriŋ fii nɛ, ba kpʋ ba ma kala. Ama ba fa bɩ nɩalɩŋ dʋa paa.

WƖA YƖƖLAA 71:13

Leŋ dɩ nɩalɩŋ sɩɩ cheimi dii hɩɩsɩŋ a sʋʋ. Leŋ dɩ hɩɩsɩŋ dii nɩalɩŋ ma kala sɩɩ chɛ dɩ ba ŋaamɛ wʋbɔŋ.

WƖA YƖƖLAA 71:24

Tapʋlɩɩ-la kala mɩ jaŋ bʋl tʋɔpʋl wɩalɩŋ ŋ sɩ ŋaa a pɩ nɩaa. Ŋ leŋe nɩalɩŋ sɩɩ chɛ dɩ ba ŋaa wʋbɔŋŋɔɔ mɩ lɛ dii hɩɩsɩŋ nɛ, ba wɩaa vʋgʋmɛ.

MOSIS KƐŊ IZIRAL TƖŊŊAA LƖƖ 23:27

Mɩ jaŋ leŋ dɩ fawʋllʋŋ kɛŋ tinteye-la nɩaa ma sɩ jaŋ mʋ cheŋ. Mɩ jaŋ leŋ dɩ ba wɩaa vʋgʋmɛ, dɩ ma dʋndɔŋŋɔɔ kala fá lɛl.

AZAAYA 8:9

Ma tintee wogusu-la kala, má leŋ dɩ ma bɔɩsɩŋ jujoŋ. Má jegile nɩɩ, ma nyɩgɩla nɛ a kɛŋ ma tɩtɩa kɔ dɩ ma yuola, ama fawʋllʋŋ jaŋ kɛmma.

MOSIS BƖRA WULLI WƖA WOMBIIŊ 2:30

Ama Amɔrɩ tɩŋŋaa kuoro Sɩhɔŋ-na bɩ la wombiiŋ pa dɩ la to ba tinteeŋ a bal. Ma TƖƖNA Wɩa fa leŋe ʋ tʋɔŋ pɩrɛ nɛ, ʋ bɩ ʋ niiŋ sɛyɛ. Ŋɩɩ leŋ ʋ joŋu hɛ la nɩsɩŋ lɛ, la yuo diiu a hɔŋ ʋ tinteeŋ lɛ arɩ jɩnɩŋ kala.

JOSUA 11:20

La TƖƖNA nɛ fa ŋaa tasɩ-la kɛŋ nyuduoŋ a yuyuo Iziral tɩŋŋaa ŋɩɩ, dɩ ʋ to ŋɩɩ lɛ a chaasa cheiba, a kpʋ ba kala aŋ sɩ́ ba nenige fá, arɩ La TƖƖNA fa sɩ bʋl ŋɩɩ pɩ Mosis.

JOSUA 2:9

a bʋla pɩba, “Mɩ jɩma arɩ La TƖƖNA joŋ tinteeŋ deeŋ a pɩma nɛ, ma wɩaa paala leŋ fawʋllʋŋ chaasa jʋʋla nɛ. Nʋʋkala sɩ hɛ tinteeŋ deeŋ lɛ kpaŋa nɛ a tɩŋ ma wɩaa.