ƐSƖTA 7:8 - WƖA TENIŊ

⁸ Kuoro sɩ mɩɩra lɩɩ lɩga-la lɛ a kʋ jʋʋ dɩa-la lɛ ba fa sɩ hɔnɔ dii kɩaa, dɩ Hamaŋ tuu kpirimi Ɛsɩta sɩpaaŋ a sʋsʋlʋ dɩ ʋ fá ʋ nenige. Ŋɩɩ nɛ kuoro kpɩa a bʋl, “Baala deeŋ paala chɩchɛ dɩ ʋ gurigi mɩ habidiire nɛ mɩ kuoru dɩa lɛ koo?” Kuoro sɩ bʋl wɩɩŋ deeŋ dɩdɛrɛ, dɩ ʋ tɩntɩnnaa guu tɔ Hamaŋ sɩaa.

ƐSƖTA 7:8 ပူးပေါင်းရင်းမြစ်များ

ƐSƖTA 1:5

Gbiele-la harɩŋ, kuoro Zɛzɛs bɩra leŋ ba ŋaa kʋdiilee ʋ yɩrɛ Susa tabal-la nɩaa kala, nɩbalaa arɩ nɩbiisiŋ kala. Ba kʋ gbieli ʋ kuoru dɩɩ-zɔŋ-la lɩga tʋɔŋ tapʋlaa balɩpɛ.

ƐSƖTA 1:6

Ba kpɩɛrɛ lee-la kala a kɛŋ ŋmɛŋ-vachalɩŋ a vɔɔ patɩɩsaŋ diibelimbine arɩ patɩɩsaŋ pʋllʋŋ kaala-la harɩŋ a mɛrɛ ba sɩ kɛŋ hɔpʋla ŋaa nenii-pɩraa a joŋo hɛ sɛlɩmɛ ba sɩ kaa ŋaa jebiee lɛ. Ka tinteeŋ kala ŋaa tabɩɩ mʋmʋlaa sɩ kɛŋ kpɩɛrɛ dosunuŋ. Sɛlɩmɛ arɩ hɔpʋla ba sɩ kaa ŋaa kpasɩnɩŋ chɩŋ nɩmɛ.

ƐSƖTA 6:12

Hamaŋ sɩ ŋaa ŋɩɩ dɛrɛ, Modikaaya mɩɩra mʋ hɔŋ kuoro-dɩa boiŋ niiŋ, ka hɩɩsɩŋ kɛŋ Hamaŋ ʋ kɛŋ nyuŋ gʋrɛ a fá mʋ dɩa.

ƐSƖTA 7:10

Lɩma lɩma dɩ ba kɛŋ Hamaŋ a lieŋu jebii-la ʋ sɩ saa dɩ ʋ lieŋi Modikaaya lɛ, ka kuoro baanɩŋ na fɩɛlɛ.”

JOB 9:24

Dɩ ba nɛ joŋ tinteeŋ hɛ nɩbɔŋŋɔɔ nɩsɩŋ lɛ, Wɩa yie leŋ sarɩya diiree nyʋlɩmɛ nɛ, a bɩ wʋtɩtɩɩ ka na. Dɩ Wɩa dee bɩ ŋɩɩ ŋaa, kʋbɛɛ nɛ ŋaa?

AZAAYA 22:17

Bee-na La TƖƖNA kɛŋ ʋ tɩtɩa hɛ dɔŋɔ nɛ dɩ ʋ chigiŋ a joŋo yuo ta, ŋ-na babiibal.

AZAAYA 49:23

Kuoroo jaŋ ŋaa nyɩmmaba ŋ teeŋ, dɩ kuori-haalaa ma nagɛ ŋ naamba a bibeniŋ. Ba jaŋ kpirimi ŋ sɩpaaŋ a ziliŋ. Ŋɩɩ lɛ nɛ ŋ jaŋ jɩŋ arɩ mɩ nɛ ŋ Tɩɩna. Nɩalɩŋ sɩ joŋ ba yɩɛlaa hɛ mɩ lɛ bɩ jaŋ dii hɩɩsɩŋ.”

AMƆS 3:12

Ŋ-la nɛ La Tɩɩna bɩra bʋl: “Ŋ jɩŋ pie-daara sɩ lorigo laa piese naasɩŋ haŋgbelee balɩa koo dɩgɩlɩŋ naachigiŋ niiŋ lɛ ŋɩɩ, ŋɩɩ tɩtɩa nɛ ba jaŋ lorigo laa Iziral tɩŋŋaa, nɩalɩŋ sɩ hɛ Samarɩa lɛ a hɔŋ kɩaa tɩŋŋaa kʋpɩnaa niipinee lɛ arɩ kumpuŋŋuba nyuŋ.”

Maak 14:65

Dɔnsʋŋ ma sii a tʋ nantʋɔrʋŋ a hɛ ʋ sɩaa lɛ aŋ vɔɔ ʋ sɩaa tɔ a ŋmobu aŋ bʋla pʋ dɩ ʋ dagɛ nɩɩ-la sɩ ŋmobu. Ŋɩɩ nɛ ka ba kɛnʋ kaa mʋ pɩ laalɩyuoroo. Ba laaʋ a ŋmobu.