ƐSƖTA 7:10 - WƖA TENIŊ

¹⁰ Lɩma lɩma dɩ ba kɛŋ Hamaŋ a lieŋu jebii-la ʋ sɩ saa dɩ ʋ lieŋi Modikaaya lɛ, ka kuoro baanɩŋ na fɩɛlɛ.”

ƐSƖTA 7:10 ပူးပေါင်းရင်းမြစ်များ

WƖAA DƖ-SUOMUŊ 40:22

ama ʋ leŋ ba lieŋi ʋ boroboro wasɩrʋ-hɩaŋ-la, arɩ Josɛf fa sɩ bʋl ŋɩɩ pʋ.

ƐSƖTA 2:1

Ʋ ŋɩɩ harɩŋ nɛ bʋa kʋbala lɛ kuoro Zɛzɛs baanɩŋ fɩɛlɛ, ka ʋ ha kɛŋ wɩɩ-la ʋ habidiire Vasiti sɩ ŋaa arɩ nii-la ʋ-na kuoro sɩ bile a tɩgɛ ʋ lɛ wɩaa bɩbɩɩnɛ.

ƐSƖTA 5:14

Ŋɩɩ nɛ ʋ haala Zɛrɛsɩ arɩ ʋ nandɔsʋ-la kala bʋla pʋ, “Leŋ dɩ ba saa kɛrɛ dɩ ʋ leŋiŋ ŋaa na-kieliŋ mahɩŋ batori arɩ fii arɩ banɔŋ, aŋ bʋla pɩ kuoro dɩ ʋ leŋ dɩ ba chie lieŋi Modikaaya jebii-la lɛ chʋchʋɔŋ. Ka ŋ dɩ kuoro mʋ Ɛsɩta kʋdiile-la dɩ-diiliŋ.” Hamaŋ na wɩɩ-la dɩ ʋ zɔmɔ, ʋ leŋ ba saa jebii-la.

ƐSƖTA 7:7

Ŋɩɩ nɛ kuoro na baanɩŋ a guu sii, aŋ leŋ ʋ tɩɩnɛnɛɛ sɩŋ-la ʋ fa sɩɩ nyʋa ta aŋ mʋ jʋʋ lɩga-la ba sɩ lɩga golli ʋ kuori dɩa. Ŋɩɩ lɛ nɛ Hamaŋ jɩŋ arɩ kuoro jaŋ ŋaaʋ wʋbɔŋ. Hamaŋ mɩɩra ka harɩŋ a sʋsʋl kuoro habidiire Ɛsɩta dɩ ʋ laa ʋ mɩɩsɩŋ pʋ.

ƐSƖTA 7:8

Kuoro sɩ mɩɩra lɩɩ lɩga-la lɛ a kʋ jʋʋ dɩa-la lɛ ba fa sɩ hɔnɔ dii kɩaa, dɩ Hamaŋ tuu kpirimi Ɛsɩta sɩpaaŋ a sʋsʋlʋ dɩ ʋ fá ʋ nenige. Ŋɩɩ nɛ kuoro kpɩa a bʋl, “Baala deeŋ paala chɩchɛ dɩ ʋ gurigi mɩ habidiire nɛ mɩ kuoru dɩa lɛ koo?” Kuoro sɩ bʋl wɩɩŋ deeŋ dɩdɛrɛ, dɩ ʋ tɩntɩnnaa guu tɔ Hamaŋ sɩaa.

ƐSƖTA 8:7

Ŋɩɩ nɛ kuoro Zɛzɛs mɩɩra bʋla pɩ Ɛsɩta arɩ Modikaaya Juu tɩɩna-la, “Mɩ paala leŋ ba lieŋi Hamaŋ nɛ ka mɩ laa ʋ dʋa pɩ Ɛsɩta, a tɩŋ wʋbɔŋ-la ʋ sɩ bɩɩna a tɩgɛ Juu tɩŋŋaa kala wɩaa.

ƐSƖTA 9:14

Ŋɩɩ nɛ kuoro pa wombiiŋ ba ŋaa wɩɩ-la Ɛsɩta sɩɩ chɛ a paa Hamaŋ biiri-la fii kʋsʋʋnʋŋ sagɛ Susa lɛ.

ƐSƖTA 9:25

Ama Ɛsɩta sɩ sii mʋ kuoro Zɛzɛs teeŋ a sʋlʋ dɩ ʋ laa ʋ dɩ ʋ nɩaa ta, kuoro ŋmʋnsɛ teniŋ a pa wombiiŋ dɩ ba leŋ dɩ wʋbɔŋ-la Hamaŋ fa sɩ bɩɩna dɩ ʋ ŋaa Juu tɩŋŋaa lɛ, mɩɩra nyʋa Hemaŋ tɩtɩa nyuŋ lɛ, dɩ ba kɛsɛ ʋ dɩ ʋ biiriŋ fii a lieŋi ba jebii-la ʋ sɩ saa lɛ.

JOB 18:8

Ʋ naasɩŋ nɛ lɛrʋ mʋ hɛ joŋ lɛ. Ʋ gɔllɔ baarɛ nɛ, a mʋ jʋʋ bɛrɛ.

JOB 20:8

Ʋ jaŋ lɛl dɩ ba chɛʋ ka a nagɛ nɩa sɩ duosi duosoo aŋ sii yʋ, ʋ jaŋ nyɩɩgɛ a nagɛ wɩaa nʋʋ sɩ na duosoo tʋɔŋ tɩtaŋɩŋ, ka ba lɛl.

WƖA YƖƖLAA 37:15

Ama ba tɩtɩa tokobie-la nɛ jaŋ gʋra kpʋba, ka dɩ ba tosuŋ ma bori.

WƖA YƖƖLAA 7:16

Wɩalɩŋ ba sɩ hɛ yie gʋra nyʋa ba nyuŋ lɛ. Ba tɩtɩa wʋbɔŋŋɔɔ nɛ gʋra yɛrɛ ba nyuŋ.

WƖA YƖƖLAA 94:23

Ʋ jaŋ joŋ ba wʋbɔŋŋɔɔ a gʋra dɔgɩsɛba, a cheiba a tɩŋ ba wʋbɔmɔ-la wɩaa. La Tɩɩna Wɩa jaŋ cheiba.

NAMAGABA 11:27

Nɩɩ-la sɩɩ chɛ woruŋ jaŋ na woruŋ, ama nɩɩ-la sɩɩ chɛ bɔŋ bɔŋ yie na bɔŋ bɔŋ nɛ.

NAMAGABA 11:8

Wɩa yie laa tʋɔpʋl tɩŋŋaa ta nɛ dɩ wɩaa nɛ jʋʋba, aŋ leŋ wɩalɩŋ mɩɩra mʋ jʋʋ nɩbɔŋŋɔɔ.

NAMAGABA 26:27

Nɩɩ-la kala sɩ lu buotuoŋ bil ʋ dɔŋɔ lɛ, ʋ jaŋ gʋra tuu bʋa-la. Dɩ nʋʋ nɩɩ bilimi tabɩɩŋ dɩ ʋ nyagɛ ʋ dɔŋɔ, tabɩɩ-la jaŋ mɩɩra kʋ nyagʋ.

JƐRƖMAAYA 34:17

Ŋɩɩ wɩaa, wɩɩ-la mɩ-na ma TƖƖNA sɩ bʋla nɛ ŋ-la: Ma bɩ mɩ niiŋ to, ma bɩ ma dɔnsʋŋ tɩŋŋaa sɩ ŋaa ma yosuŋ joŋo ta. Ŋɩɩ wɩaa mɩ-na jaŋ jomma ta: Mɩ jaŋ leŋ dɩ laalɩŋ, losuŋ arɩ nyanyal-bɔmʋŋ kpʋma. Mɩ jaŋ leŋ dɩ ma nagɛ kʋŋ sɩɩ sʋɔrʋ kuori-gentisiŋ kala sɩ hɛ dʋnɩa lɛ teeŋ.

ƐZƖKƖƐL 5:13

Ŋɩɩ nɛ mɩ baanɩŋ jaŋ fɩɛlɛ, baaŋ-la mɩ sɩ faasa na ŋ nyuŋ ka dɩ mɩ yaraa pɛ dɔŋɔ lɛ. Dɩ mɩ nɛ ŋaa wɩaa deemba kala ŋ lɛ, ŋɩɩ nɛ ŋ jaŋ jɩŋ arɩ mɩ-na ŋ TƖƖNA yaraa nɛ biere, mɩ bʋl wɩaa deemba.

DANƖƐL 6:24

Kuoro ŋaa ba kɛsɛ nɩalɩŋ sɩ nyɩɛ wɩaa pɩ Danɩɛl, a kɛsɛ ba haalaa arɩ ba biiriŋ kala kɔ a jomba yuo hɛ naachigee dɩ-jʋʋlɩɩ-la lɛ. Ba paala bɩ tinteeŋ tele, ka naachige-la fɩla jɩlba a kɛmba pʋɔsɛ a chamba, a yɛrɛ ba haŋgbelee kala.

DANƖƐL 6:25

Ŋɩɩ nɛ kuoro Daarus ŋmʋnsɛ teniŋ a pɩ nɩaa kala, tinteyee nɩaa arɩ yikoro na-kala nɩaa sɩ hɛ dʋnɩa lɛ a bʋl ŋ-la: Wɩa jaŋ leŋ dɩ ma na ma wʋchɛɛlɛɛ kala.

ZƐKARƖYA 6:8

Ŋɩɩ nɛ Wɩa tɩndaarʋ-la yɩrɛmɛ a bʋl, “Bee na, janɩ-la sɩɩ mʋ wɩɩpɔsʋŋ nagʋa dɩɩrɩŋ tinteeŋ leŋe mɩ Dɩma na wiesee nɛ wɩɩpɔsʋŋ nagʋa tintee-la lɛ.”

SƖPAALAARAA 15:7

Samɩsɩŋ bʋla pɩba, “Má sɩ folo ŋaa wɩɩŋ deeŋ mɩ lɛ, mɩ bɩ jaŋ lemma da, mɩ jaŋ joŋ mɩ baanɩŋ a fɩɩsɛ ma lɛ.”