ƐSƖTA 6:1 - WƖA TENIŊ

¹ Tapʋlɩɩ-la tɩtaŋɩŋ kuoro walɩmɛ doŋ pɩnɩŋ lɔl aŋ leŋ ba joŋ teŋ-la lɛ ba sɩ ŋmʋnsɛ wɩalɩŋ kala ʋ sɩ dii kuoruŋ a ŋaa a hɛ, a kaa kʋ lɩɩ karɩma pʋ.

ƐSƖTA 6:1 ပူးပေါင်းရင်းမြစ်များ

WƖAA DƖ-SUOMUŊ 22:14

Abɩraham hɛ lee-la yɩrɩŋ ‘Wɩa nɛ jaŋ chɛ pɩmɛ (Jehova Jire)’. Arɩ jɩnɩŋ kala lee-la yɩrɩŋ nɛ ha ŋɩɩ: “Peel-la nyuŋ Wɩa jaŋ chɛ pɩŋ.”

ƐSƖTA 10:2

Wʋduoru-la arɩ wʋbala-la kala kuoro Zɛzɛs sɩ ŋaa, ba kala nɛ ba ŋmʋnsa hɛ Midia arɩ Pɛsɩa tinteeŋ kuoroo wʋŋaalaa teniŋ tʋɔŋ. Ba ŋmʋnsɛ ŋɩɩ ʋ sɩ zil Modikaaya ma hɛ teŋ-la tʋɔŋ nɛ.

ƐSƖTA 2:21

Bʋa-la lɛ Modikaaya sɩ hɔŋ kuoro boi-baalɩŋ niiŋ ŋɩɩ, kuoro tɩntɩnna kʋbala ba balɩa sɩɩ pɔ kuoro dɩɩsɩŋ, ba yɩraa nɛ Bɩgɩtana arɩ Teres na baanɩŋ kuoro Zɛzɛs nyuŋ a vʋʋrɛ dɩ ba kpʋ.

ƐSƖTA 2:22

Ŋɩɩ nɛ Modikaaya nɩɩ wɩɩ-la a bʋla pɩ Ɛsɩta kuoro habidiire. Ʋ ma bʋl wɩɩ-la Modikaaya sɩ nɩa a pɩ kuoro.

ƐSƖTA 2:23

Kuoro Zɛzɛs to wɩɩ-la naasɩŋ a na dɩ ʋ ŋaa wʋtɩtɩɩ, ʋ ŋaa ba lieŋi ʋ tɩntɩnna-la balɩa. Ka ʋ leŋ ba ŋmʋnsɛ wɩɩ-la kala hɛ ba wʋŋaalaa teniŋ tʋɔŋ ʋ sɩɩŋ lɛ.

ƐSƖTA 5:8

Dɩ ŋ nɛ sɛnɛ chomi a cho dɩ ŋ ŋaa wɩɩ-la mɩ sɩɩ chɛ, ŋɩɩ na ŋ dɩ Hamaŋ chie bɩra kɔ daha a dii kʋdiilee, bʋa-la lɛ nɛ mɩ jaŋ dagɛ kʋla mɩ sɩɩ chɛ.

AZAAYA 41:17

Lɩɩ-nyʋasʋŋ kɛŋ summoo arɩ nɩalɩŋ sɩ bɩ ba tɩtɩa lɛ wuo pɛ nɛ ba chɩchɛ lɩɩŋ aŋ bɩ na, ba yikorusuŋ hɩl. Ama mɩ-na ma TƖƖNA sɩ ŋaa Iziral tɩŋŋaa Wɩa jaŋ pɛ ba lɛ, mɩ bɩ jaŋ vɩaba ta.

DANƖƐL 2:1

Nebukadineza sɩ dii kuoruŋ ʋ jɩ-lɩa lɛ, ʋ duosi duosoo, ba chaasa walɩmʋ woruŋ, ʋ bɩ doŋ wuo pɩŋ.

DANƖƐL 6:18

Ŋɩɩ nɛ kuoro mɩɩra mʋ dɩa. Tɩtaŋ-la kala ʋ bɩ kɩaa die a bɩ leŋe nʋʋ kʋ gbieli ʋ sɩpaaŋ. Ʋ bɩ doŋ ma wuo pɩŋ.

MALAKAƖ 3:16

Ŋɩɩ nɛ nɩalɩŋ kala sɩɩ fá La TƖƖNA bʋl wɩaa dɔŋɔba teeŋ, La TƖƖNA jegile nɩɩ, aŋ leŋ ba ŋmʋnsɛ nɩalɩŋ kala sɩɩ fáʋ a zizilu yɩraa hɛ teniŋ tʋɔŋ dɩ ʋ liliisi ba wɩaa.

Rom Tɩŋŋaa 11:33

Wɩa sɩɩ fá la nenige ŋɩɩ arɩ ŋɩɩ ʋ sɩ kɛŋ wʋjɩmɩŋ arɩ ŋɩɩ ʋ sɩ jɩŋ wɩaa bʋbʋɔŋ, ʋ bɩ magɩa kɛnɛ. Kʋbɛɛ nɛ jɩŋ ŋɩɩ Wɩa sɩɩ ŋaa wɩaa? Nʋʋkala bɩ Wɩa wʋŋaalaa jɩŋ.