ƐSƖTA 5:6 - WƖA TENIŊ

⁶ Ba sɩ hɔnɔ nyʋnyʋa tɩɩ-nɛnɛ sɩnɩŋ, kuoro bɩra pɩɛsɛ Ɛsɩta, “Bɛɛ nɛ ŋ chɛ dɩ mɩ ŋaa pɩŋ? Dɩ ŋ nɛ paalaa chɛ dɩ mɩ kɛŋ mɩ tinteeŋ a kpaa leree balɩa, dɩ ŋ kɛŋ dɔŋɔ ma, mɩ jaŋ ŋaa ŋɩɩ.”

ƐSƖTA 5:6 ပူးပေါင်းရင်းမြစ်များ

NƐHƖMAAYA 2:4

Ŋɩɩ nɛ kuoro pɩɛsɛmɛ, “Bɛɛ kʋŋ nɛ saa ŋ chɩchɛ?” Ŋɩɩ nɛ mɩ sʋl Wɩa sɩ hɛ ʋ jaŋ lɛ dɩ ʋ pɛ mɩ lɛ,

ƐSƖTA 5:3

Ŋɩɩ nɛ kuoro pɩɛsɛ, “Mɩ habidiire Ɛsɩta, bɛɛ nɛ ŋ chɩchɛ daha? Bʋl, dɩ ʋ nɛ maga dɩ mɩ kɛŋ mɩ tinteeŋ kala kpaa leree balɩa dɩ ŋ kɛŋ dɔŋɔ ma, mɩ jaŋ ŋaa ŋɩɩ pɩŋ.”

ƐSƖTA 5:7

Ŋɩɩ nɛ Ɛsɩta bʋl, wɩɩ-la mɩ sɩ chɛ nɛ ŋ-la:

ƐSƖTA 7:2

ba sɩ hɔnɔ a nyʋnyʋa kʋnyʋalaa lɩamɩŋ lɛ nɛ kuoro bɩra pɩɛsɛ, “Ɛsɩta, bɛɛ nɛ ŋ chɩchɛ? Bʋl mɩ jaŋ ŋaa pɩŋ. Dɩ ʋ nɛ paala magɛ dɩ mɩ kɛŋ mɩ tinteeŋ kaa kpaa leree balɩa, dɩ ŋ joŋ dɔŋɔ ma, mɩ jaŋ ŋaa ŋɩɩ pɩŋ.”

ƐSƖTA 9:12

Ŋɩɩ nɛ kuoro bʋla pɩ ʋ habidiire Ɛsɩta, “Susa dʋndʋŋa lɛ Juu tɩŋŋaa kpʋ nɩaa zɔɔ-banɔŋ nɛ, a pɛ Hamaŋ biiriŋ fii lɛ. Dɩ nɩaa nɛ magɛ ŋ-la dɩ ba kpʋ daha dʋndʋŋa, nɩaa magɛ ɛɛ nɛ ba jaŋ kpʋ mɩ tinteeŋ kala lɛ? Wɩɩ dɔŋ nɛ bɩra hɛ nɩmɛ ŋ chɛ dɩ mɩ ŋaa? Bʋl, mɩ jaŋ ŋaa.”

Maak 6:23

Ʋ paala ŋmɩɛsɛ nɛ a bʋl, “Kʋ-la na-kala ŋ sɩɩ chɛ, pɩɛsɛmɛ, mɩ jaŋ pɩŋ. Dɩ ŋ nɩɩ chɛ mɩ tinteeŋ kpaa magɛ dɔŋɔ ma, mɩ jaŋ pɩŋ.”