ƐSƖTA 5:1 - WƖA TENIŊ

¹ Tapʋl-tori chɛɛŋ, Ɛsɩta sii laalɛ ʋ kuoru-gɛnnɩŋ a mʋ jʋʋ kuoro zawʋra, ʋ jʋa dɩ kuoro hɔŋ ʋ kuoru kpasa nyuŋ a chaasɛ boiŋ niiŋ.

ƐSƖTA 5:1 ပူးပေါင်းရင်းမြစ်များ

ƐSƖTA 1:11

dɩ ba kɛŋ ʋ habidiire Vasiti kɔ ʋ teeŋ. Kuoro faa chɛ dɩ Vasiti laalɛ ʋ gɛrɩ-zɔŋŋɔɔ nɛ, a chu ʋ kuoru nyunchuulo, a kʋ lɩɩ dɩ kuoro nɩhɩasɩŋ arɩ ʋ nɩaa kala na ŋɩɩ ʋ sɩ zɔmɔ.

ƐSƖTA 2:5

Bʋa deeŋ lɛ, dɩ Juu tɩŋŋaa baal kʋbala hɛ Susa lɛ baa yɩrɛ Modikaaya. Ʋ ŋaa Bɛnjamɩŋ doho nʋʋ nɛ, ʋ nyɩmma nɛ Jaa, ʋ naabalɩma ma nɛ Sɩmɛɩ, Kɩs nanʋala.

ƐSƖTA 4:11

wɩɩ nɛ ba bʋla bil a mʋ tɩgɛ dɩ nʋʋ nɩɩ chɛ dɩ ʋ na Kuoro lɛ, ʋ nɩhɩasɩŋ arɩ ʋ nɩaa kala jɩŋ wɩɩŋ deeŋ lɛ. Dɩ nʋʋ nɛ jʋa dɩ ʋ na kuoro ka kuoro bɩ tɩɩna yɩra, ba jaŋ kpʋ. Wɩɩ-la sɩ jaŋ laa tɩɩna ta nɛ dɩ kuoro nɛ kɛŋ ʋ sɛlɩmɛ dantɩga a liesi tɩɩna. Mɩ ma tapʋlaa Mara arɩ fii nɛ ŋ-la kuoro ha sɩ bɩ mɩ yɩra.”

ƐSƖTA 4:16

“Kɛŋ Juu tɩmma-la kala sɩ hɛ Susa tinteeŋ lɛ hɛ dɔŋɔ a bʋla pɩba dɩ ba vɔɔ niiŋ wɩɩhɛyɛ arɩ tɩtaŋɩŋ kala tapʋlaa batori a sʋl Wɩa pɩmɛ. Mɩ dɩ mɩ ketiee ma jaŋ ŋaa ŋɩɩ tɩtɩa. Ʋ ŋɩɩ harɩŋ mɩ jaŋ jʋʋ kuoro teeŋ, dɩ ʋ nɛ paala magɛ dɩ mɩ sʋʋ ma, mɩ jaŋ sʋʋ.”

ƐSƖTA 4:17

Ŋɩɩ nɛ Modikaaya ŋaa wɩalɩŋ kala Ɛsɩta sɩ dagʋ.

ƐSƖTA 6:4

Ŋɩɩ nɛ kuoro pɩɛsɛ, “Mɩ tɩntɩnnɩ hɩa bɛɛ ba nɛ hɛ daha.” Bʋa la lɛ dɩ Hamaŋ kʋ jʋʋ dɩ ʋ bʋla pɩ kuoro dɩ ʋ leŋ ba kɛŋ Modikaaya ka mʋ lieŋi jebii-duduoŋ-la lɛ ʋ sɩ saa.

ƐSƖTA 8:15

Ŋɩɩ nɛ Modikaaya lɩɩ kuoro teeŋ a laalɛ kuoru-gɛrɩŋ sɩ nagɛ diibelimbine a tagɩsɛ kʋpulluŋ, a chu kuoru nyunchuulo ba sɩ kɛŋ sɛlɩmɛ ŋaa, a ha bɩra laalɛ gɛrɩŋ dɔŋɔ ma sɩ ŋaa gɛrɩpɛ vachalɩŋ gɛrɩ-fʋfʋlʋŋ a daŋ. Ka Susa nɩaa tʋɔŋ kala tɔrɛ ba jʋjʋɔsɛ.

Matiu 10:16

Ŋɩɩ nɛ Yesu bɩra bʋl, “Má jegile nɩɩ, ma nagɛ piesee nɛ, mɩɩ tɩmma dɩ ma mʋ guoli guŋgurusuŋ tʋɔŋ. Má saa kɛŋ wʋjɩmɩŋ a nagɛ dɩŋŋaa sɩ kɛŋ wʋjɩmɩŋ ŋɩɩ, aŋ leŋ dɩ ma sɩaa fɩɛlɛ a nagɛ kokosuŋ sɩaa sɩ fɩɛla ŋɩɩ.

Matiu 11:8

Bɛɛ nɛ saa ma lɩɩ dɩ ma na? Ma lɩa dɩ ma na nʋʋ sɩ laalɛ gɛrɩ-zɔŋŋɔɔ nɛɛ? Aɩ. Bee na nɩalɩŋ sɩ yie laalɛ gɛnnɩŋ deemba, ba yie jʋʋ kuori dɩɩsɩŋ nɛ aa nɩɩ sɩma.

Matiu 27:64

Ŋɩɩ wɩaa leŋ dɩ nɩaa mʋ a pɔ ʋ vaaŋ-la woruŋ dɩ tapʋlaa batori-la yi, dɩ ʋ harɩ-tooroo sɩ́ wuo mʋ a gaa kuusi aŋ bʋla pɩ nɩaa arɩ ʋ sii sʋʋŋ lɛ nɛ. Dɩ ba nɛ ŋaa wɩɩŋ deeŋ, ʋ nɛ jaŋ paala kɩɩ wɩalɩŋ kala ʋ sɩ nyɩa.”

Luuk 22:30

Mɩ dɩ ma kala jaŋ dii kʋdiilee Wɩa kuorii-la tʋɔŋ. Ma jaŋ hɔŋ kuoru kpasɩnɩŋ nyuŋ a dii Iziral doho doho fii arɩ balɩa-la sarɩya.”

Jɔɔŋ Wʋnaalaa 3:21

Nɩɩ-la sɩ wuo yuo dii Sɩtaanɩ, mɩ jaŋ pʋ wombiiŋ dɩ ʋ pɛ hɔŋ mɩ kuoru kpasa nyuŋ arɩ mɩ ma sɩ yuo dii Sɩtaanɩ aŋ pɛ hɔŋ mɩ Nyɩmma kuoru kpasa nyuŋ ŋɩɩ.