ƐSƖTA 4:14 - WƖA TENIŊ

¹⁴ Dɩ ŋ nɛ bɩ sii bʋla laala ta lɛlɛ, Wɩa jaŋ wuo to wombiiŋ a laala ta, ama ŋ dɩ ŋ nyɩmma dɩa nɩaa jaŋ sʋʋ. Ŋ bɩ pɔ wɩɩŋ deeŋ wɩaa nɛ tɩɩ ŋ ŋaa kuoro habidiire dɩ ŋ laa ŋ nɩaa ta.”

ƐSƖTA 4:14 ပူးပေါင်းရင်းမြစ်များ

WƖAA DƖ-SUOMUŊ 22:14

Abɩraham hɛ lee-la yɩrɩŋ ‘Wɩa nɛ jaŋ chɛ pɩmɛ (Jehova Jire)’. Arɩ jɩnɩŋ kala lee-la yɩrɩŋ nɛ ha ŋɩɩ: “Peel-la nyuŋ Wɩa jaŋ chɛ pɩŋ.”

2 KUOROO 13:5

La TƖƖNA pɩ Iziral tɩŋŋaa Laataara. Ʋ laaba ta Siiria kuoro nɩsɩŋ lɛ. Iziral tɩŋŋaa lɛɛlɛ hɔŋ arɩ fɩɛlɩŋ arɩ ba fa sɩ hɔŋ ŋɩɩ.

2 KUOROO 19:3

Ba mʋ bʋla pʋ, “Wɩɩ-la Hezikaaya sɩ bʋla nɛ ŋ-la: ‘Jɩnɩŋ la tʋɔŋ kala nɛ cheye, hɛɛŋ jʋʋla nɛ, hɩɩsɩŋ ma diila. La nagɛ haala sɩɩ chɛ ʋ lʋl nɛ aŋ bɩ doluŋ kɛnɛ dɩ ʋ lʋl.

ƐZƖRA 9:9

La fa ŋaa yosi ma nɛ, ama ŋ-na la Wɩa bɩ la vɩa ta la yoŋ-baga-la lɛ. Ŋ dagɛ ŋ zile pɩla nɛ a leŋ Pɛsɩa tinteeŋ kuoro cho la wɩaa, a leŋ la kɛŋ mɩɩsɩŋ dɩ la wasa saa ŋ dɩa-la a bɩrɩmɛ lere-la kala sɩ cheye, ŋ leŋe la Juda arɩ Jerusalɛm nɩaa hɔŋ nɛ wɩɩ bɩ la walɩmɛ.

NƐHƖMAAYA 6:11

Ama mɩ bʋla pʋ, “Bɛɛ nɛ tɩɩ mɩ-na baala sɩ magɛ ŋ-la jaŋ fá fɩfaa? Bɛɛ nɛ tɩɩ mɩ jaŋ jʋʋ faa Wɩa dɩɩ-balɩŋ lɛ dɩ mɩ laa mɩ mɩɩsɩŋ? Mɩ bɩ mʋ.”

ƐSƖTA 2:15

Bʋa-la sɩ yie dɩ Ɛsɩta (Modikaaya nyɩŋ-bie ba sɩɩ yɩrɛ Abɩhɛɛl tolo-la ʋ sɩ dɩɛsa a nagɛ ʋ tɩtɩa tol-lʋlʋŋ) jʋʋ kuoro dɩa, ʋ bɩ kʋlaalɩɩ kala dɔŋ wɩaa pɩɛsa, see kuoro bafere-la ba sɩɩ yɩrɛ Hagaɩ nɩɩ-la sɩɩ beŋ haalaa dɩa sɩ dagʋ kɩalɩŋ ʋ laalɛ. Nʋʋkala sɩ na Ɛsɩta, ʋ tʋɔŋ tɔrɛ ʋ nyuŋ nɛ.

ƐSƖTA 2:17

Kuoro Zɛzɛs sɩ na Ɛsɩta, ʋ chou a kɩɩ hatolie-la kala ha sɩ bɩ baalaa jɩŋ. Ʋ sɩ chou a kɩɩ hatolie-la kala ŋɩɩ, ʋ joŋ kuoru nyunchuulo, a chuu ʋ laa Vasiti nyuŋ a ŋaa ʋ habidiire.

ƐSƖTA 2:7

Modikaaya fa kɛŋ naambii nɛ baa yɩrɛ Hadasa, ʋ nyɩmma arɩ ʋ naaŋ sʋba nɛ aŋ ka Modikaaya dɩɛsʋ. Hadasa yɩrɩŋ dɔŋɔ nɛ Ɛsɩta ʋ zɔmɔ nɛ woruŋ. Ʋ dɩɛsʋ a nagɛ ʋ tɩtɩa tol-lʋlʋŋ nɛ.

ƐSƖTA 4:13

Modikaaya bɩra tɩŋ ʋ mʋ bʋla pɩ Ɛsɩta, “Sɩ́ bɩɩna bʋl ŋ sɩ hɛ kuoro dɩa lɛ wɩaa dɩ ba nɩɩ kpʋ Juu tɩŋŋaa ŋ jaŋ fori.

ƐSƖTA 4:15

Ŋɩɩ nɛ Ɛsɩta tɩŋ tɩndaarɩŋ pɩ Modikaaya a bʋl,

JOB 9:18

Ʋ bɩ jaŋ leŋ dɩ mɩ na wiese mʋa ma, ama ʋ jaŋ leŋ dɩ mɩ hɛɛŋ faasa yʋgɛ.

TƖƖCHA 3:7

Bʋa-la lɛ nɩaa sɩ jaŋ kɛŋ kʋa kɩɛsɛ arɩ bʋa-la lɛ ba sɩ jaŋ yɛrɛ. Bʋa-la lɛ nɩaa sɩ jaŋ tɔrɛ ba niiŋ arɩ bʋa-la lɛ ba sɩ jaŋ bʋl wɩaa.

AZAAYA 49:23

Kuoroo jaŋ ŋaa nyɩmmaba ŋ teeŋ, dɩ kuori-haalaa ma nagɛ ŋ naamba a bibeniŋ. Ba jaŋ kpirimi ŋ sɩpaaŋ a ziliŋ. Ŋɩɩ lɛ nɛ ŋ jaŋ jɩŋ arɩ mɩ nɛ ŋ Tɩɩna. Nɩalɩŋ sɩ joŋ ba yɩɛlaa hɛ mɩ lɛ bɩ jaŋ dii hɩɩsɩŋ.”

AZAAYA 54:17

Dɩ nʋʋ nɛ joŋ laalɩyuori kʋŋkala a yuoŋ ma, ʋ bɩ ŋ lɛɛ dii. Nɩalɩŋ kala sɩɩ bʋl ŋ teeŋ, ŋ jaŋ wuoba. Wɩɩ-la mɩ-na ma TƖƖNA sɩ joŋo pɩ mɩ tɩntɩnnaa nɛ ŋɩɩ, ba kaa yuo didii laalɩŋ.”

JƐRƖMAAYA 30:11

Mɩ hɛ ma teeŋ nɛ, mɩ jaŋ laama ta. Mɩ-na ma TƖƖNA nɛ bʋla. Mɩ jaŋ chei tinteye-la kala lɛ mɩ sɩ kɛmma pɩsa hɛ, ama mɩ bɩ jaŋ chei ma-na gbelem gbelem. Mɩ jaŋ kɛmma tʋra kɩɩ arɩ wʋtɩtɩɩ. Mɩ bɩ jaŋ leŋ dɩ ma mʋ pɛɩ, mɩ jaŋ dɔgɩsɛma mʋa.”

JƐRƖMAAYA 46:28

Mɩ tɩntɩnna Jekɔb, sɩ́ fawʋllʋŋ fá bɛɛ wɩaa mɩ hɛ ŋ teeŋ nɛ, mɩ-na ma TƖƖNA nɛ bʋla. Mɩ jaŋ chei tinteye-la kala mɩ sɩ kɛmma pɩsa hɛ gbelem gbelem, ama, mɩ bɩ jaŋ chei ma kala gbelem gbelem. Mɩ jaŋ lɛrɛ ma dɩgɩlɩŋ arɩ wʋtɩtɩɩ. Mɩ bɩ jaŋ lemma ta pɛɩ.”

LEVI DOHO NƖAA 26:42

mɩ jaŋ liisi nii-la sɩ hɛ mɩ dɩ Jekɔb arɩ Aɩzɩk arɩ Abɩraham pɛgɛ a mʋ tɩgɛ tintee-la mɩ sɩ sɩ mɩ jaŋ joŋo pɩba lɛ.

Matiu 16:18

Ŋɩɩ wɩaa Pɩɩta, mɩ bʋlaa pɩŋ arɩ ŋ nagɛ bʋŋ nɛ. Bʋŋ-la nyuŋ nɛ mɩ jaŋ saa nɩalɩŋ sɩ laa mɩ wɩaa dii dɩa. Sʋʋŋ ma bɩ jaŋ wuo yigi dɩa-la lo.

Matiu 24:22

Dɩ Wɩa nɛ bɩ tapʋlɩa-la kere ta, nɩbala ma bɩ jaŋ ka. Ama nɩalɩŋ Wɩa sɩ lɩɩsa dɩ baa tou, ba wɩaa nɛ tɩɩ ʋ jaŋ keri tapʋlɩa-la ta.

MOSIS BƖRA WULLI WƖA WOMBIIŊ 32:36

La TƖƖNA jaŋ laa ʋ nɩaa ta, aŋ fá ʋ tɩntɩnnaa nenige, dɩ ʋ nɛ na dɩ ba doluŋ kala dɛrɛ, nɩalɩŋ sɩ ŋaa yosuŋ arɩ nɩalɩŋ sɩ tɩɩ ba tɩtɩa.

SƖPAALAARAA 15:6

Fɩlɩsɩtɩa tɩmma-la pɩɛsɛ, “Kʋbɛɛ nɛ ŋaa wɩɩŋ deeŋ?” Ba bʋla pɩba, “Samɩsɩŋ nɛ ŋaa ŋɩɩ, a tɩŋ ʋ hɩɩlɩ-baala Tɩmɩna tɩɩna-la sɩ joŋ ʋ haala pɩ ʋ nandɔŋɔ.” Ŋɩɩ nɛ Fɩlɩsɩtɩa tɩŋŋaa sii mʋ nyɩgɛ haal-la ʋ sʋʋ aŋ nyɩgɛ ʋ nyɩmma arɩ ʋ dɩa nɩaa kala.

1 SAMƲƐL 12:22

A tɩŋ La TƖƖNA yɩrɩ-balɩŋ wɩaa, ʋ bɩ jaŋ kɔ dɩ ʋ vɩa ʋ nɩaa ta, ʋ tʋɔtɔrʋŋ lɛ nɛ ʋ lɩɩsɛma ma ŋaa ʋ nɩaa.

1 SAMƲƐL 17:29

Ŋɩɩ nɛ Devit pɩɛsɛ, “Bɛɛ nɛ mɩ ŋaa? Ʋ bɩ maga dɩ mɩ bʋl wɩaa?”