ƐSƖTA 4:1 - WƖA TENIŊ

¹ Modikaaya sɩ nɩɩ teŋ-la ba sɩ ŋmʋnsa wɩaa, ʋ kɛŋ ʋ gɛnnɩŋ kɩɛsɛ aŋ ŋaa tʋɔrʋŋ bʋgɛ, a laalɛ tʋɔ-chei gɛrɩŋ a faasaa ŋmoo niiŋ.

ƐSƖTA 4:1 ပူးပေါင်းရင်းမြစ်များ

WƖAA DƖ-SUOMUŊ 27:34

Ɛsɔ sɩ nɩɩ wɩɩ-la ʋ nyɩmma sɩ bʋla, ʋ chiesi a yel woruŋ, aŋ bʋla pɩ ʋ nyɩmma, “Sʋl Wɩa pɩmɛ ma, mɩ nyɩmma.”

WƖAA DƖ-SUOMUŊ 37:34

Ŋɩɩ nɛ Jekɔb kɛŋ ʋ gɛrɩŋ kɩɛsɛ a tɩŋ ʋ tʋɔŋ sɩ cheye aŋ paa tʋɔ-chei gɛnnɩŋ laalɛ aŋ yel ʋ nanʋala wɩaa tapʋl-daŋ.

2 SAMƲƐL 1:11

Devit arɩ nɩalɩŋ kala sɩ hɛ ʋ teeŋ a nɩɩ wɩalɩŋ baal-la sɩ bʋla, ba tʋɔŋ faasa chei, ba kɛŋ ba gɛnnɩŋ kɩɛsɛ.

2 SAMƲƐL 13:19

Tama ŋaa tʋɔrʋŋ a bʋgɛ ʋ nyuŋ, aŋ kɛŋ gɛrɩ-la ʋ fa sɩ laala a kɩɛsɛ, aŋ paa nɩsaa chʋŋ nyuŋ lɛ aŋ faasa yele viviiri.

ƐSƖTA 4:2

Ʋ ŋaa ŋɩɩ a wuo mʋ kuoro dɩa boi-baalɩŋ dʋndʋŋa nɛ, bɛɛ wɩaa ba bɩ jaŋ sɛɩ dɩ nʋʋkala sɩ laalɛ tʋɔ-chei-gɛrɩŋ jʋʋ kuoro kaala.

ƐSƖTA 4:3

Lee-la na-kala kuoro tɩndaarɩ-la sɩ yie ba karɩmɛ, Juu tɩmma-la sɩ hɛ nɩmɛ kala tʋɔŋ yie chei nɛ ba yiyel a bɩ kɩaa ka dii. Ba jesiŋ kala laalɛ tʋɔ-chei gɛnnɩŋ aŋ bʋgɛ tʋɔrʋŋ.

JOB 1:20

Job sɩ nɩɩ wɩaa deemba kala, ʋ sii kɛŋ ʋ gɛnnɩŋ kɩɛsɛ aŋ fʋŋ ʋ nyuŋ aa dagɛ tʋɔ-cheeŋ. Ŋɩɩ nɛ ʋ tuu tele chu tinteeŋ a chʋɔlɛ Wɩa

JOB 2:8

Ŋɩɩ nɛ Job joŋ kanchele a hɔŋ tʋɔrʋŋ tʋɔŋ aŋ kaa pɩpaasɛ ʋ yaraa.

JOB 42:6

Ŋɩɩ wɩaa, hɩɩsɩŋ kɛmmɛ nɛ a tɩŋ wɩalɩŋ kala mɩ sɩ bʋla wɩaa. Mɩ ŋaa tʋɔrʋŋ bʋgɛ a hɔŋ hagɩla lɛ aa dagɛ arɩ mɩ bɩrɩmɛ mɩ niiŋ nɛ.”

AZAAYA 15:4

Tasɩ-la ba sɩɩ yɩrɛ Hɛsɩbɔŋ arɩ Eliali nɩaa ma faasaa yel nɛ. Ba nii-ŋmobo mʋ yiyi taŋ-la ba sɩɩ yɩrɛ Jahas. Mʋab laalɩyuoroo ŋmoo niiŋ nɛ aŋ chichel, ba nandaasɩŋ yʋɔra nɛ.

AZAAYA 22:4

Ŋɩɩ nɛ mɩ bʋl, “Má mʋ aŋ lemmi, dɩ mɩ chaasa yel. Má sɩ́ mɩ bɔyɛ nyagʋ a mʋ tɩgɛ mɩ nɩalɩŋ ba sɩ kpʋa wɩaa.”

AZAAYA 37:1

Kuoro Hezikaaya sɩ nɩɩ wɩalɩŋ, ʋ kɛŋ ʋ gɛnnɩŋ kɩɛsɛ aa dagɛ tʋɔ-cheeŋ, aŋ paa tʋɔ-chei gɛnnɩŋ laalɛ a mʋ jʋʋ La TƖƖNA dɩɩ-bal-la sɩ hɛ Jerusalɛm lɛ.

AZAAYA 37:2

Ŋɩɩ nɛ ʋ tɩŋ Ɛlɩakɩm sɩ ŋaa kuoru dɩa tɩntɩnnɩ-hɩaŋ arɩ Sɛbɩna, nɩɩ-la sɩɩ ŋmʋnsɛ ba tenniŋ arɩ Wɩɩsʋllɩ sɩpaalaaraa ba laalɛ tʋɔ-chei gɛnnɩŋ a mʋ Amos nanʋala Azaaya sɩ ŋaa Wɩa wʋlaabʋllʋ teeŋ.

AZAAYA 58:5

Dɩ ma nɛ vɔɔ niiŋ, ma yie nagɛ maa dɔgɩsɛ ma tɩtɩa nɛ, a gʋrɛ nyusuŋ a nagɛ ŋɩɩ kʋlʋmaŋ arɩ fuolo-ŋmʋlba, a laalɛ ma tʋɔ-chei gɛnnɩŋ a ŋaa tʋɔrʋŋ bʋgɛ. Ŋɩɩ nɛ baa yɩrɛ niiŋ-vɔbʋŋ? Ma bɩɩna ŋɩɩ jaŋ tɔrɛ mɩ-na ma TƖƖNA tʋɔŋ?

ƐZƖKƖƐL 21:11

Ba joŋ tokobiiŋ pa ba chɛsɛ nɛ ʋ tʋtʋl, ʋ hɛ nɩkpʋʋra nɩsɩŋ lɛ. Ba taa nɛ a chɛsɛ ʋ tʋtʋl, a joŋo hɛ nɩkpʋʋra nɩsɩŋ lɛ.

ƐZƖKƖƐL 21:6

Ŋɩɩ wɩaa nuhuobiiŋ, huuni! Huuni ba sɩpaaŋ a nagɛ hɛɛŋ sɩ jʋʋ nʋʋ, ʋ tʋɔŋ faasa chei.

DANƖƐL 9:3

Ŋɩɩ nɛ mɩ chʋɔlɛ La TƖƖNA Wɩa a sʋlʋ, a vɔɔ niiŋ a laalɛ tʋɔ-chei gɛnnɩŋ a ŋaa tʋɔrʋŋ bʋgɛ.

MƖKA 1:8

Mɩ-na Mɩka jaŋ tɩŋ wɩɩŋ deeŋ wɩaa a yel a ŋmoo niiŋ, mɩ jaŋ kɛŋ naabirimee arɩ yarɩ-biree a gɔllɛ. Mɩ jaŋ gɔllɔ yel a nagɛ jolo, a huuni a nagɛ hajaaŋkuŋkuŋ,

ZEFANAAYA 1:14

La TƖƖNA tapʋl-bal-la kpaga nɛ, ʋ kpaga nɛ a kʋkɔ lɩma lɩma. Má jegile nɩɩ, La TƖƖNA tapʋlɩɩ-la nɩaa jaŋ ŋmoo niiŋ bagɛ-bagɛ, laalɩyuori wajɩa ma jaŋ paala ŋmoo niiŋ.

Matiu 11:21

“Ma Kɔrazɩŋ tɩŋŋaa, ma jaŋ na hɛɛŋ. Bɛtɩsaada tɩŋŋaa, ma ma jaŋ na hɛɛŋ. Wʋmagɩla-la mɩ sɩ ŋaa ma teeŋ, dɩ mɩ nɛ fa ŋaaba Taaya arɩ Sɩdɔŋ nɩaa teeŋ, wɩa magɛ ŋ-la ba fa hɔnɔ tɛllɛ naasɩŋ a ŋaa tʋɔrʋŋ bʋgɛ ba tɩtɩa, a dɩdagɛ arɩ ba bɩrɩma lɩɩ ba wʋbɔŋŋɔɔ lɛ nɛ.

Tɩntɩŋŋaa 14:14

Banabas arɩ Pɔɔl sɩ nɩɩ wɩɩ-la ba sɩɩ chɛ ba ŋaa, ba kɛŋ ba gɛnnɩŋ kɩɛsɛ, aa dagɛ arɩ ba bɩ sɛyɛ, aŋ fá jʋʋ nɩalɩŋ tʋɔŋ a faasa bʋl,

JOSUA 7:6

Ŋɩɩ nɛ Josua arɩ Iziral tɩŋŋaa nɩhɩasɩŋ kɛŋ ba gɛnnɩŋ kɩɛsɛ a ŋaa hagɩla bʋgɛ ba nyusuŋ ba tʋɔŋ sɩ cheye, aŋ tuu tele chu La TƖƖNA niiriŋ daga-la sɩpaaŋ a pɩŋ nɩmɛ ŋɩɩ halɩɩ Wɩa tuu jʋʋ.

Jɔɔŋ Wʋnaalaa 11:3

Mɩ-na Wɩa jaŋ pɩ mɩ pɛ-naaraa balɩa-la doluŋ dɩ ba wuo bʋl mɩ wɩaa, tapʋlaa bʋɩ arɩ zɔɔ-balɩa arɩ mahɩŋ batori, aŋ baagɛ tʋɔ-chei gɛrɩ-bɔsʋnʋŋ.”