ƐSƖTA 3:8 - WƖA TENIŊ

⁸ Ŋɩɩ nɛ Hamaŋ sii mʋ kuoro Zɛzɛs teeŋ a bʋla pʋ, “Nɩa kʋbala ba nɛ gɔllɔ hɔŋ ŋ tinteeŋ kala lɛ, ŋ nɩaa tʋɔŋ. Ba naabarɩŋ arɩ ŋ nɩaa naabarɩŋ bɩ dɔŋɔ naga. Ba-na bɩ ŋ niiŋ wɩaa kaa tɩtɩŋ. Kuoro, ŋ bɩ maga dɩ ŋ leŋ dɩ ba hɔŋ ŋ nɩaa tʋɔŋ.

ƐSƖTA 3:8 ပူးပေါင်းရင်းမြစ်များ

ƐZƖRA 4:6

Bʋa-la lɛ Zɛzɛs sɩ buumo dii kuoruŋ, nɩalɩŋ sɩ hɔnɔ golliba bʋl wɩaa a joŋ cheeriŋ pɩpɩ Juda arɩ Jerusalɛm nɩaa.

NƐHƖMAAYA 1:8

La TƖƖNA, liisi wɩalɩŋ ŋ sɩ bʋla pɩ ŋ tɩntɩnna Mosis a bʋl: ‘Dɩ ma Iziral tɩŋŋaa nɛ bɩ wʋtɩtɩɩ kɛnɛ mɩ teeŋ, mɩ jaŋ kɛmma pɩsa hɛ tintee-wogusuŋ lɛ.

ƐSƖTA 3:9

Kuoro dɩ ŋ tʋɔŋ nɛ jaŋ tɔrɛ, pɩ wombiiŋ dɩ ba kpʋ nɩalɩŋ. Dɩ ŋ nɛ ŋaa ŋɩɩ, mɩ jaŋ wuo na warɩpʋla bʋɩ-fii a hɛ ŋ kuoru dɩa moribiee lɛ dɩ ba kaa wasɛ la tinteeŋ.”

ƐSƖTA 4:1

Modikaaya sɩ nɩɩ teŋ-la ba sɩ ŋmʋnsa wɩaa, ʋ kɛŋ ʋ gɛnnɩŋ kɩɛsɛ aŋ ŋaa tʋɔrʋŋ bʋgɛ, a laalɛ tʋɔ-chei gɛrɩŋ a faasaa ŋmoo niiŋ.

JƐRƖMAAYA 33:24

“Ŋ bɩ nɩa arɩ nɩaa ka bʋl arɩ mɩ vɩa kuori gentisiŋ deemba balɩa mɩ sɩ lɩɩsa ta nɛɛ? Ŋɩɩ wɩaa ba sɩɩŋ bɩ mɩ nɩaa ka su, a bɩra bɩ bene arɩ ba ŋaa tintee ma.

JƐRƖMAAYA 50:17

Iziral tɩŋŋaa nagɛ naachigiŋ sɩ kiri piesee ba pɩsɛ nɛ. Nɩɩ-la sɩ laa sɩpaaŋ yuo diiba nɛ ŋaa Asiiria kuoro. Nɩɩ-la ma sɩ to harɩŋ yɛrɛ ʋ haŋgbelee nɛ Babɩlɔŋ kuoro Nebukadineza.”

ƐZƖKƖƐL 11:16

Ŋɩɩ wɩaa, bʋla pɩ nɩalɩŋ sɩ hɛ yoŋ-baga lɛ, ‘Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ nɛ fa leŋe ba mʋ tintee-wogusuŋ a kɛmba pɩsa hɛ tinteyee sɩ bolie lɛ, ama mɩ hɛ ba teeŋ nɛ a pɔba tinteye-la kala lɛ ba sɩ mʋa.’

ƐZƖKƖƐL 6:8

Ama, mɩ jaŋ leŋ ma dɔnsʋŋ, laalɩŋ bɩ jaŋ kpʋma, aŋ kɛmma pɩsa hɛ tintee-wogusuŋ dɔnsʋŋ lɛ.

DANƖƐL 3:8

Bʋa deeŋ lɛ nɛ Babɩlɔŋ nɩaa dɔnsʋŋ kʋ lɩɩ a bʋl wɩaa lɩɩ Juu tɩŋŋaa harɩŋ.

DANƖƐL 6:13

Ŋɩɩ nɛ ba bʋla pɩ kuoro, “Danɩɛl, Juda nɩalɩŋ ba sɩ yuo kɛsɛ dɔŋɔ vɩa ŋ-na kuoro niiŋ nɛ, a bɩ boŋ-la ŋ sɩ tɔ a leŋ ba ŋmʋnsa bil kaa tɩtɩŋ. Ʋ ha yie chʋɔlɛ Wɩa naansɩɩŋ butori nɛ tapʋlɩɩ kala.”

DANƖƐL 6:14

Kuoro sɩ nɩɩ wɩɩŋ deeŋ, ʋ tʋɔŋ faasa chei, ʋ kɛŋ ʋ tʋɔŋ dɩ ʋ laa Danɩɛl ta. Ʋ chɛ wombiiŋ ʋ sɩ jaŋ to laa Danɩɛl ta halɩɩ, wɩa tuu jʋʋ.

LEVI DOHO NƖAA 26:33

Mɩ jaŋ leŋ dɩ laalɩŋ kirima dɩ ma fá a pɩsa jʋʋ tintee-wogusuŋ, ka ma tinteeŋ arɩ ma tasɩŋ pɩŋ jikpeeŋ.

ZƐKARƖYA 7:14

Mɩ leŋe pel-duo nɛ kɛmba pɩsa hɛ tinteyee lɛ, ba ŋaa nʋhʋɔra. Tintee-la fa pɩŋ hoi nɛ, nʋʋkala bɩ nɩmɛ ka mʋ koo a lɩɩ nɩmɛ kʋkɔ. Wɩalɩŋ ba sɩ ŋaa a leŋ tintee-zɔŋ-la pɩŋ hoi nɛ ŋɩɩ.”

NAMBABA 23:9

Mɩ chɩŋ bʋŋ nyuŋ nɛ aŋ na nɩalɩŋ, a bɩra chɩŋ dundolo ma nyuŋ aŋ bibemba. Ba ŋaa nɩaa sɩ chɩŋ ba dʋndʋŋ nɛ, ba bɩ tinteye-la dɔnsʋŋ naga.

Jɔɔŋ 7:35

Ŋɩɩ nɛ Juu tɩmma-la pɩpɩɛsɛ dɔŋɔ, “Nɩɩ nɛ ʋʋ chɛ dɩ ʋ mʋ la bɩ jaŋ wuo naʋ? Ʋʋ chɛ ʋ mʋ Giriik tinteeŋ, lee-la Juu tɩŋŋaa sɩ pɩsa hɛ nɛ, a dɩdagɛbaa?

Tɩntɩŋŋaa 24:5

La na dɩ baala deeŋ ŋaa wʋhɛɛrʋ nɛ. Juu tɩŋŋaa sɩ hɛ dʋnɩa sɛmɛ-na kala lɛ, ʋ yie mʋ lee-la a ŋaa taawɛɩ. Ʋ nɛ ŋaa Nazarɛt nɩaa Wɩɩ-chʋɔlaa kʋhɩaŋ ma.

Tɩntɩŋŋaa 28:22

Ama la jɩma arɩ lee-na kala nɩaa yie bʋbʋl wʋbɔŋŋɔɔ a mʋ tɩgɛ Wɩɩchʋɔlɛ wombii-la ŋ sɩɩ to lɛ nɛ. Ŋɩɩ nɛ tɩɩ la chɩchɛ dɩ la nɩɩ wɩalɩŋ ŋ sɩ laa dii.”

MOSIS BƖRA WULLI WƖA WOMBIIŊ 30:3

ma TƖƖNA Wɩa jaŋ fá ma nenige a lɩɩsɛma tinteye-la lɛ ʋ sɩ ŋmooma pɩsa hɛ a kɛmma kʋ hɛ dɔŋɔ aŋ leŋ dɩ ma bɩra dʋa.

MOSIS BƖRA WULLI WƖA WOMBIIŊ 32:26

Mɩ fa sɩ mɩ jaŋ kɛmba pɩsɛ aŋ leŋ dɩ ba yɩrɩŋ lɛl dʋnɩa lɛ.

MOSIS BƖRA WULLI WƖA WOMBIIŊ 4:27

La TƖƖNA jaŋ ŋmooma pɩsa hɛ tintee-wogusuŋ lɛ. Tintee-wogusu-la lɛ, ma jesiŋ kala jaŋ sʋʋ aŋ ka nɩaa baŋmɛnɛ.

Jeems 1:1

Mɩ-na Jeems sɩ ŋaa Wɩa arɩ La Tɩɩna Yesu Kirisito tɩntɩnna, mɩɩ chʋɔlɛ ma Juu tɩŋŋaa kala sɩ laa Yesu wɩaa dii a pɩsa hɛ nɩalɩŋ sɩ bɩ Juu tɩŋŋaa ŋaa tʋɔŋ.

1 Pɩɩta 1:1

Mɩ-na Pɩɩta sɩ ŋaa Yesu Kirisito nanzɔɔ, mɩ nɛ ŋmʋnsɛ teniŋ deeŋ a pɩpɩ ma nɩalɩŋ kala sɩ laa Yesu wɩaa dii aŋ tɩŋ hɛɛŋ wɩaa a pɩsɛ a hɛ Pɔntɔs lɛ, Galiisia, Kapadoosia, Esia, arɩ Bitiinia tinteeŋ kala lɛ.